Էդուարդ Շարմազանով

Հունաստանում պետք է հասկանան, որ Արցախում պատերազմում են պանթուրքիզմի դեմ․ Շարմազանով

185
(Թարմացված է 12:45 16.10.2020)
Հունաստանում ու Կիպրոսում ավելի շատ գիտակցեցին սպառնալիքը, որը բխում է Թուրքիայի նեոօսմանիզմից։ Այժմ պետք է ամրապնդել համագործակցությունը, բայց կարևորը՝ ոչ միայն խոսքով։

ԵՐԵՎԱՆ, 16 հոկտեմբերի — Sputnik. Հայաստանի, Հունաստանի ու Կիպրոսի կապերը պետք է անընդհատ ամրապնդել։ Sputnik Արմենիայի հետ զրույցում նման կարծիք հայտնեց ՀՀԿ մամուլի խոսնակ, ԱԺ նախկին փոխնախագահ Էդուարդ Շարմազանովը՝ մեկնաբանելով Հունաստանի արտգործնախարար Նիկոս Դենդիասի այցը Երևան։

Երեկ հայտնի դարձավ, որ Հունաստանի արտգործնախարար Նիկոս Դենդիասն այսօր` հոկտեմբերի 16-ին, աշխատանքային այցով Հայաստան է ժամանելու։ Նույն օրը նա հանդիպելու է ՀՀ արտգործնախարար Զոհրաբ Մնացականյանի հետ, որից հետո նախարարները հանդես են գալու համատեղ ասուլիսով։ Այցի շրջանակում Հունաստանի արտաքին գործերի նախարարին կընդունեն ՀՀ վարչապետ Նիկոլ Փաշինյանը և ՀՀ նախագահ Արմեն Սարգսյանը:

Մեկնաբանելով հույն նախարարի այցը՝ Շարմազանովը նշեց, որ Հայաստանը, Հունաստանն ու Կիպրոսը տուժել են Թուրքիայից ու այժմ այդ պետությունից եկող սպառնալիքի տակ են։ Պետք է հասկանալ, որ պանթուրքիզմը պատմության դասագրքերում չի մնացել։ Նա ավելացրեց, որ դա նախագահ Ռեջեփ Թայիփ Էրդողանի ղեկավարության տակ գտնվող նեոօսմանյան Թուրքիայի կենդանի գաղափարն է։

«Թուրքիան իր պետությունը ստեղծել է հունական հողերի վրա, ու հիմա սպառնում է Հունաստանի անվտանգությանը։ Որպես նախկին խորհրդարանական ու հիմա ընդդիմադիր գործիչ` շատ կարևոր եմ համարում մեր կապերի ամրապնդումը։ Էրդողանի գաղափարախոսությունը վտանգավոր է նաև քրիստոնեական քաղաքակրթության համար, որտեղ մեր երեք երկրները և ինչու ոչ, Արցախի Հանրապետությունը, առանցքային նշանակություն ունեն», - ասաց Շարմազանովը։

Շարմազանովն ավելացրեց՝ շատ կարևոր է, որ Հունաստանում ու Կիպրոսում հասկանան` Արցախում ընթացող պատերազմը հենց նրա համար է, որ պանթուրքիզմը չշարունակվի։

2015 թվականին, երբ Շարմազանովը ՀՀ ԱԺ փոխնախագահն էր, նա այդ մասին հայտարարություն էր արել Հունաստանի խորհրդարանում, իսկ 2018 թվականի հոկտեմբերին՝ Անթալիայում, Եվրասիայի երկրների խորհրդարանների ղեկավարների նիստում նա բարձրացրել էր Օսմանյան կայսրությունում հայերի, հույների ու ասորիների ցեղասպանության հարցը։

Այն ժամանակ Շարմազանովը ցուցադրաբար լքել էր դահլիճը, երբ Թուրքիայի խորհրդարանի նախագահը ( նա էր վարում նիստը) ձայն էր տվել այսպես կոչված Հյուսիսային Կիպրոսի Թուրքական հանրապետության ներկայացուցչին։

«Մենք՝ իշխանությունն ու ընդդիմությունը, պետք է անենք ամեն բան, որ մեր կապերը չսահմանափակվեն միայն հայտարարություններով», - ընդգծեց Շարմազանովը։

Հունաստանի ու Կիպրոսի խորհրդարանների բազում պատգամավորներ, նաև Եվրախորհրդարանի հույն պատգամավորները հակաթուրքական հայտարարություններ են անում։ Շարմազանովն ընդգծեց, որ նրանց հետ ճիշտ համագործակցության դեպքում կարելի է մեծ արդյունքների հասնել, մանավանդ հիմա նրանք ավելի լավ են գիտակցել Թուրքիայի սպառնալիքը։

Նշենք՝ Շարմազանովը հունական ծագում ունի, ավանդաբար աշխատել է հայ-հունական կապերի ամրապնդման վրա ու անձամբ ծանոթ է Հունաստանի ու Կիպրոսի նախկին և ներկա ղեկավարների հետ։

Հիշեցնենք՝ Թուրքիան ոչ միայն սատարում է Ադրբեջանի ագրեսիան Արցախի դեմ, այլև շարունակում է սադրիչ գործողություններ անել Միջերկրական ծովում Հունաստանի ու Կիպրոսի ջրային հատվածներում։

185
թեգերը:
Էդուարդ Շարմազանով, Արցախ, Հունաստան, Թուրքիա
Ըստ թեմայի
ՄԻԵԴ-ը մերժել է Թուրքիայի դիմումը. Անկարայի հիմնավորումներն անհիմն են
Թուրքիան արգելել է իր օդային տարածքով դեպի Հայաստան անգամ հումանիտար բեռների փոխադրումը
Թուրքիան Արցախում սրում է իրավիճակը, ինչը չափազանց վտանգավոր է հենց Ալիևի համար. Սիվկով
Премьер-министр Армении Никол Пашинян и президент Азербайджана Ильхам Алиев на заседании Совета глав государств СНГ (11 октября 2019). Ашхабад

Ալիևը չի բացառել Փաշինյանի հետ հանդիպելու տարբերակը

529
(Թարմացված է 16:59 22.10.2020)
Ադրբեջանի նախագահն ասել է, որ ՌԴ նախագահ Վլադիմիր Պուտինից հրավեր դեռ չի ստացել։

ԵՐԵՎԱՆ, 22 հոկտեմբերի - Sputnik. Ադրբեջանի նախագահ Իլհամ Ալիևը ճապոնական «Nikkei» թերթին տված հարցազրույցի ժամանակ ասել է, որ չի բացառում Հայաստանի վարչապետ Նիկոլ Փաշինյանի հետ Ռուսաստանում հանդիպելու հնարավորությունը:

Միաժամանակ նա նշել է, որ Մոսկվա այցելելու հրավեր դեռ չի ստացել ՌԴ նախագահ Վլադիմիր Պուտինից։

«Ես նախագահ Պուտինի հրավերով բազմաթիվ անգամ եմ այցելել Մոսկվա։ Նույնիսկ տարին մի քանի անգամ: Այնպես որ այդ բարձր մակարդակի շփումները սովորական երևույթ են գործընկեր երկրների և հարևանների միջև։ Նախագահ Պուտինն էլ է բազմաթիվ անգամ այցելել Ադրբեջան», - ավելացրել է Ալիևը։

Խոսելով եռակողմ հանդիպման մասին՝ նա ասել է, որ շատ բան կախված է օրակարգից։ Ալիևը կրկնել է իր թեզը՝ Թուրքիան պետք է ներգրավվի ղարաբաղյան կարգավորման մեջ։

Ալիևը դեմ չէ, որ Ղարաբաղում դիտորդներ և խաղաղապահներ լինեն, բայց Բաքուն իր պայմաններն է ներկայացնելու։

Հիշեցնենք` Հայաստանի և Ադրբեջանի արտգործնախարարներ Զոհրաբ Մնացականյանն ու Ջեյհուն Բայրամովը հոկտեմբերի 9–ին Մոսկվա էին մեկնել` խորհրդատվություններ անցկացնելու։ ՌԴ արտգործնախարար Սերգեյ Լավրովի հետ համատեղ հանդիպումը տևեց գրեթե 11 ժամ և ավարտվեց համաձայնագրի ընդունմամբ, որը հակամարտության կարգավորման չորս կետ է պարունակում։

Կողմերը պայմանավորվել էին, որ հոկտեմբերի 10-ին, ժամը 12։00-ից սկսած հումանիտար նպատակներով հրադադար կհաստատվի ռազմագերիներին, այլ պահվող անձանց և զոհվածների մարմինները փոխանակելու համար՝ Միջազգային Կարմիր խաչի չափանիշներին համապատասխան։ Հրադադարի վերաբերյալ պայմանավորվածությունից հետո Ադրբեջանը շարունակեց հրետակոծել Արցախը։

Հոկտեմբերի 17-ին ՀՀ արտգործնախարարությունը հայտնեց, որ Հայաստանի Հանրապետությունը և Ադրբեջանի Հանրապետությունը երկրորդ պայմանավորվածությունն են ձեռք բերել. որոշվել է հոկտեմբերի 18-ին, տեղական ժամանակով ժամը 00:00-ից հաստատել մարդասիրական զինադադար։

Արցախի ՊԲ–ն, սակայն, հոկտեմբերի 18-ի առավոտյան տեղեկացրեց, որ 07:20-ի սահմաններում հրետանային ակտիվ կրակից հետո ադրբեջանական զինուժը հարավային ուղղությամբ անցել է հարձակման: Երկուստեք եղել են զոհեր ու վիրավորներ: 

Ադրբեջանը մինչև այսօր էլ խախտում է հրադադարի վերաբերյալ պայմանավորվածությունները։

Հոկտեմբերի 19-ին պարզ դարձավ, որ Նիկոլ Փաշինյանն ու Իլհամ Ալիևը պատրաստ են հանդիպել Մոսկվայում։ Նրանք այդ մասին ասել էին ՏԱՍՍ–ին տված հարցազրույցում։

529
թեգերը:
Նիկոլ Փաշինյան, Իլհամ Ալիև, Ադրբեջան
Ըստ թեմայի
Փաշինյանն ու Ալիևը պատրաստ են հանդիպել
ԱՄՆ պետքարտուղարն առանձին հանդիպումներ կունենա ՀՀ և Ադրբեջանի արտգործնախարարների հետ
Արցախի ձգձգվող պատերազմը. Թուրքիան կշարունակի՞ Ադրբեջանի դաշնակիցը մնալ
ՌԴ ԱԳՆ-ն ողջունում է Փաշինյանի ու Ալիևի` Մոսկվայում հանդիպելու պատրաստակամությունը
Փաշինյանի խոսնակը մեկնաբանել է ՀՀ վարչապետի` խաղաղ կարգավորման վերաբերյալ դիտարկումը
Զոհրաբ Մնացականյան

Զոհրաբ Մնացականյանը մեկնում է ԱՄՆ

188
(Թարմացված է 08:28 22.10.2020)
Նախարարը կհանդիպի ԱՄՆ պետքարտուղար Մայք Պոմպեոյի ու մի շարք այլ բարձրաստիճան պաշտոնյաների հետ։

ԵՐԵՎԱՆ, 22 հոկտեմբերի - Sputnik. Հոկտեմբերի 22-ին ԱԳ նախարար Զոհրաբ Մնացականյանն աշխատանքային այցով մեկնելու է Ամերիկայի Միացյալ Նահանգներ, տեղեկացնում են ՀՀ ԱԳՆ-ից:

Այցի ընթացքում նախատեսված են նախարարի հանդիպումները ԱՄՆ պետքարտուղար Մայք Պոմպեոյի, ԱՄՆ մի շարք բարձրաստիճան պաշտոնյաների հետ:

Հիշեցնենք, որ նախատեսված է նաեւ ԱՄՆ պետքարտուղարի հանդիպումը Ադրբեջանի արտաքին գործերի նախարար Ջեյհուն Բայրամովի հետ։ 

Politico-ի տեղեկություններով`ԱՄՆ-ում Ադրբեջանի դեսպան Էլին Սուլեյմանովը չի բացառել Վաշինգտոնում Հայաստանի և Ադրբեջանի արտաքին գործերի նախարարների հանդիպման հնարավորությունը:

Հավելենք, որ հոկտեմբերի 21-ին Զոհրաբ Մնացականյանը Մոսկվայում հանդիպել էր ՌԴ արտգործնախարար Սերգեյ Լավրովի հետ։ Ըստ ՌԴ արտգործնախարարության հաղորդագրության՝ քննարկվել են անհետաձգելի հարցեր` կապված Լեռնային Ղարաբաղի հակամարտության գոտում կրակի դադարեցման շուրջ նախկինում ձեռք բերված պայմանավորվածությունների իրականացման և հակամարտության կայուն կարգավորման համար պայմաններ ստեղծելու հետ։

Հայաստանի և Ադրբեջանի արտգործնախարարներ Զոհրաբ Մնացականյանն ու Ջեյհուն Բայրամովը հոկտեմբերի 9–ին Մոսկվա էին մեկնել` խորհրդատվություններ անցկացնելու։ ՌԴ արտգործնախարար Սերգեյ Լավրովի հետ համատեղ հանդիպումը տևեց գրեթե 11 ժամ և ավարտվեց համաձայնագրի ընդունմամբ։

188
թեգերը:
Արցախյան պատերազմ, ԱՄՆ, Մայք Պոմպեո, Զոհրաբ Մնացականյան
Ըստ թեմայի
Ղարաբաղյան հակամարտությունը ռազմական լուծում չունի. Իրանի ԱԳՆ-ի հայտարարությունը
ՌԴ ԱԳՆ-ն ողջունում է Փաշինյանի ու Ալիևի` Մոսկվայում հանդիպելու պատրաստակամությունը
ՀՀ ԱԳՆ–ն հերքում է Ադրբեջանի հերթական մանիպուլյատիվ հայտարարությունը
Արտյոմ Տոնոյան

Ադրբեջանի ընդդիմությունն օգտագործելու է պատերազմն Ալիևին իշխանազրկելու համար. Տոնոյան

0
Իրանագետ Արտյոմ Տոնոյանը Sputnik Արմենիայի եթերում անդրադարձել է այն հարցին, թե ինչու Ադրբեջանը ռազմի դաշտից չի հավաքում իր զինվորների դիերը և ինչի կարող է հանգեցնել տեղեկատվական աղբյուրների արգելափակումը Ադրբեջանում։
Տոնոյան. Ադրբեջանի ընդդիմությունն օգտագործելու է պատերազմն Ալիևին իշխանազրկելու համար

Իրանագետ Արտյոմ Տոնոյանի դիտարկմամբ` ադրբեջանական բանակի զոհերի թվաքանակը թաքցնելն Ադրբեջանի համար նորություն չէ։ Այդպես էր և 2016-ի ապրիլին, երբ կրկին պաշտոնապես չհայտարարվեց զոհվածների ու վիրավորների քանակը, ուստի սա տեղավորվում է ալիևյան քարոզչամեքենայի գործողությունների, գործելաոճի տրամաբանության մեջ։

«Այս պատերազմի պարագայում ակնհայտ է, որ կորուստների ահռելի թիվը կարող է մեծացնել խուճապային տրամադրությունները։ Բաքուն ամենասկզբում որդեգրել էր բլիցկրիգի մարտավարությունը` մտածելով, որ ի զորու կլինի կարճ ժամանակմիջոցում լուծել իր խնդիրը, բայց այս պահին առերեսվում է հակառակ իրականության հետ։ Որքան երկարում են ռազմական գործողությունները ճակատում և տեղեկատվական վակուումն Ադրբեջանում, այդքան էլ մեծանում են խուճապն ու դժգոհությունը, իսկ զոհերի ու վիրավորների իրական թվաքանակը թաքցնելն արժանանում է հարաճուն քննադատության»,– նշում է իրանագետը։

Անդրադառնալով այն հարցին, թե ինչու Ադրբեջանը ռազմի դաշտից չի հավաքում իր զինվորների դիերը, Արտյոմ Տոնոյանն ընդգծում է, որ սպանվող զինվորն Ալիևի համար որևէ արժեք չունի, դրա համար նա հասարակության առջև բարոյական պատասխանատվություն չի կրում։

Ալիևը հայտարարել է հայկական «Յարս» հրթիռների ոչնչացման մասին. Երևանում զարմացած են

Մյուս հանգամանքն այն է, որ դիակների հավաքման ընթացքում կարող են ի հայտ գալ Ալիևի համար ոչ նպաստավոր բացահայտումներ, այսինքն` սպանվածների մեջ կարող են լինել թուրքական բանակի զինովրներ և վարձկան ահաբեկիչներ։

«Այսպես թե այնպես, Ադրբեջանի ընդդիմությունն օգտագործելու է պատերազմն իր խնդիրները լուծելու, այսինքն` Ալիևին իշխանությունից զրկելու համար, որովհետև տիրող իրավիճակի պայմաններում ընդդիմության գործիքակազմն ավելի է ընդլայնվում։ Ընդդիմադիրներն ամենօրյա եթերից իշխանությանը հրահրում են և պահանջում գնալ մինչև վերջ ու չեն սահմանափակվում միայն Արցախի տարածքով, այլ խոսում են Ադրբեջանը Մեղրիով Նախիջևանին կապելու, Երևանը գրավելու մաքսիմալիստական ծրագրերի մասին, մյուս կողմից` նույն ընդդիմադիրներն ասում են, որ կանգ առնելու դեպքում Ալիևը կդավաճանի ժողովրդին ու կթքի զոհերի դիակների վրա»,– նշում է իրանագետը։

Նրա գնահատմամբ` Ադրբեջանի ղեկավարն առաանձնապես բարվոք վիճակում չէ, որովհետև իր նախատեսած կանգառը չի ներդաշնակել այն կանգառի հետ, որն իրենից պահանջելու է հասարակությունը, այսինքն` Ալիևն արդեն իսկ հայտնվել է ծուղակում։

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 22-ի ժամը 21:45-ի դրությամբ` հակառակորդի կրակոցների հետևանքով զոհվել են 900 զինծառայողներ և 37 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6459 զոհ ունի և բազմաթիվ վիրավորներ։ 

Ըստ վերջին տվյալների՝ Ադրբեջանի զինված ուժերը կորցրել են 23 ինքնաթիռ, 16 ուղղաթիռ, 202 անօդաչու սարք, 4 ՏՈՍ-1 «Սոլնցեպեկ» համազարկային կրակի ռեակտիվ համակարգ, 580 տանկ և ՀՄՄ:

Այս տղերքն Արցախի հյուսիսային դիրքերն են պաշտպանում. հանգստի հազվադեպ րոպեները

Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։ 

Պատերազմ Արցախում` առանց սեփական զինվորների. ո՞րն է Էրդողանի գերնպատակը

0
թեգերը:
Պատերազմ, ընդդիմություն, Իլհամ Ալիև, Արտյոմ Տոնոյան
թեմա:
Ադրբեջանական ագրեսիան Արցախում - 2020
Ըստ թեմայի
Թուրքիան Արցախում սրում է իրավիճակը, ինչը չափազանց վտանգավոր է հենց Ալիևի համար. Սիվկով
Ալիևի հերթական սենսացիոն հայտարարությունը` Հայաստանն ինքն է իր եկեղեցին հրթիռակոծել
Սամվել Կարապետյանը պատասխանել է Ալիևի մեղադրանքներին
Նիկոլ Փաշինյան–Իլհամ Ալիև հանդիպման օրակարգում մեկ խնդիր է դրված. Շավարշ Քոչարյան