Նիկոլ Փաշինյան ու Վլադիմիր Պուտին. արխիվային լուսանկար

Փաշինյանը բացահայտել է, թե ինչ է խոսել Պուտինի հետ՝ հակամարտության օրերին

1173
(Թարմացված է 23:39 07.10.2020)
РБК – ին տված հարցազրույցում ՀՀ վարչապետ Նիկոլ Փաշինյանը վերահաստատել է, որ Ռուսատանի հետ Հայաստանն ունի դաշնակցային հարաբերություններ, որոնք ամրագրված են նաև անվտանգության ոլորտին առնչվող կոնկրետ պայմանագրերով։

ԵՐԵՎԱՆ, 7 հոկտեմբերի - Sputnik. РБК – ին տված հարցազրույցում ՀՀ վարչապետ Նիկոլ Փաշինյանը ներկայացրել է, թե ինչի մասին են խոսել ՌԴ նախագահ Վլադիմիր Պուտինի հետ հակամարտության ընթացքում ունեցած հեռախոսազրույցներւմ։

«Քննարկվում է ամեն ինչ։ Բայց գլխավոր թեման, որը քննարկվում է, իրավիճակն է մեր տարածաշրջանում և հատկապես ահաբեկիչների ներկայությունը Հարավային Կովկասում։ Որովհետև, գիտեք, եթե ուղղակի կռվում են Ղարաբաղն ու Ադրբեջանը կամ Հայաստանն ու Ադրբեջանը, դա մի իրավիճակ է։ Իսկ եթե ռազմական գործողությունների մեջ ներգրավված են ահաբեկիչներ կոնկրետ ահաբեկչական խմբավորումներից (ի դեպ, երեկ ռուսաստանցի պաշտոնյաները հիշատակել են կոնկրետ ահաբեկչական կազմակերպություններ, որոնց անդամները կռվում են հակամարտության գոտում), արդեն բոլորովին այլ իրավիճակ է, դա արդեն ոչ միայն Ղարաբաղի, այլև մեր տարածաշրջանում անվտանգության հարցն է ավելի լայն իմաստով՝ Ռուսաստանի և Իրանի անվտանգության»,– ասել է Փաշինյանը։

Նրա մեկնաբանմամբ, դա վկայում է, որ ահաբեկիչներն ընդլայնում են իրենց տարածման շրջանը, և Թուրքիայի ու Ադրբեջանի օգնությամբ նորանոր տարածքներում են հայտնվում, որտեղ կարող են դրսևորվել։

Մերկելը խոսել է Փաշինյանի հետ, աջակցել Պուտինի, Մակրոնի և Թրամփի համատեղ հայտարարությանը

«Մենք տեղեկություն ունենք, որ այդ ահաբեկիչներն արդեն իրենց կարգերն են հաստատում ադրբեջանական որոշ գյուղերում։ Եվ դա հարց է առաջացնում, թե որքանով են Ադրբեջանի պաշտոնական իշխանությունները վերահսկում իրավիճակը սեփական երկրում։ Որովհետև եթե ինչ-որ տեղ ցանկացած նորմալ երկրում գործում են ահաբեկիչներ, նորմալ իշխանությունը պետք է աշխատի նրանց ոչնչացնելու ուղղությամբ, այլ ոչ թե նրանց հնարավորություն տա ոչ միայն անխոչընդոտ գործելու, այլև սեփական կարգերը հաստատելու»,– ասել էթ ՀՀ վարչապետը։

Փաշինյանը նաև շեշտել է, որ Ռուսաստանը Հայաստանի ռազմավարական դաշնակիցն է, որի հետ կան անվտանգության ոլորտին առնչվող կոնկրետ պայմանավորվածություններ, օրինակ`ընդհանուր հակաօդային պաշտպանության։

Փաշինյանը հերթական հեռախոսազրույցն է ունեցել Պուտինի հետ

«Եթե ՀՕՊ-ի գծով սպառնալիք լինի Հայաստանի տարածքի համար, այդ դեպքում մեր համատեղ ուժերը պետք է գործի դրվեն։ Եվ դա նախատեսված է մեր պայմանագրերով, կանոնադրություններով և այլ փաստաթղթերով»,– նշել է Փաշինյանը։

ՀՀ վարչապետը հայտնել է, որ ՌԴ նախագահի հետ վերջին զրույցներում քննարկվել են նաև այդ թեմաները, բայց քանի որ դրանք նախատեսված են միջպետական պայմանագրերով, ըստ Փաշինյանի` «ամեն անգամ հաստատելու կարիք չկա»։

Հարցին` արդյո՞ք Հայաստանն ակնկալում է ռազմական տեխնիկայի նոր մատակարարում Ռուսաստանից, Նիկոլ Փաշինյանը պատախանել է, որ երկու երկրների դաշնակցային հարաբերությունների անքակտելի բաղադրիչը նաև ռազմատեխնիկական համագործակցությունն է:

Իսկ թե որքանով այդ համագործակցությունը կարող է կապ ունենալ այսօր ընթացող հակամարտության հետ, ՀՀ վարչապետը չի մեկնաբանել` ասելով. «Ես չեմ կարող հրապարակավ քննարկել։ Հատկապես այս իրավիճակում»։

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Կարելի է ենթադրել, որ Փաշինյանը հակված է հնարավորինս շուտ վերսկսել խաղաղության գործընթացը

Հոկտեմբերի 7-ի ժամը 16։00-ի դրությամբ` հակառակորդի կրակոցների հետևանքով զոհվել են 324 զինծառայողներ և 19 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 3754 զոհ ունի, ավելի քան 5000 վիրավոր։ 

Ըստ վերջին տվյալների՝ Ադրբեջանի զինված ուժերը կորցրել են 17 ինքնաթիռ, 18 ուղղաթիռ, 128 անօդաչու սարք, 3 ՏՈՍ-1 «Սոլնցեպեկ», 4 «Սմերչ» համազարկային կրակի ռեակտիվ համակարգ, 416 տանկ և ՀՄՄ:

Առաջնագծում գտնվող տղաներն անում են անհնարինը. տեսանյութ

1173
թեգերը:
Ղարաբաղյան հակամարտություն, Արցախ, Վլադիմիր Պուտին, Նիկոլ Փաշինյան
Ըստ թեմայի
Պուտինին զեկուցել են Ղարաբաղի թեմայով իրեն ուղղված կոչերի մասին
«Ծանր սրտով եմ գրում». Հենրիխ Մխիթարյանը բաց նամակ է հղել Պուտինին, Թրամփին ու Մակրոնին
Ղարաբաղը և Հայաստանը պատրաստ են զիջումների այնքանով, որքանով Ադրբեջանն է պատրաստ. Փաշինյան
Դավիթ Տոնոյանն ու Ժոնաթան Լաքոտը քննարկել են ռազմագոտում տիրող իրավիճակը

Դավիթ Տոնոյանն ու Ժոնաթան Լաքոտը քննարկել են ռազմագոտում տիրող իրավիճակը

52
Հայկական զինուժն ունի բավարար հնարավորություններ իր առջև դրված խնդիրները վստահորեն կատարելու համար։

ԵՐԵՎԱՆ, 30 հոկտեմբերի - Sputnik. ՀՀ պաշտպանության նախարար Դավիթ Տոնոյանն ընդունել է ՀՀ-ում Ֆրանսիայի արտակարգ և լիազոր դեսպան Ժոնաթան Լաքոտին: Տեղեկությունը հայտնում է ՀՀ ՊՆ մամուլի ծառայությունը։

«Հանդիպման ընթացքում քննարկվել է ռազմական գործողությունների գոտում տիրող իրավիճակը: Պաշտպանության նախարարը ներկայացրել է օտարերկրյա զինծառայողների և վարձկանների ներգրավվածության փաստեր, հակառակորդի կողմից խաղաղ բնակավայրերի թիրախավորման հետևանքները»,- նշված է հաղորդագրության մեջ։

Նախարար Տոնոյանը շեշտել է՝ հայկական ուժերն ունեն իրենց առջև դրված խնդիրները վստահորեն կատարելու բավարար հնարավորություններ։ Ինչ վերաբերում է հրադադարի պահպանմանը՝ նախարարը նշել է, որ դա հնարավոր է ապահովել միայն միջազգային վերիֆիկացիոն միջոցների կիրառման դեպքում:

Դեսպանը Լաքոտը նույնպես ընդգծել է հրադադարի վերաբերյալ ձեռքբերված պայմանավորվածությունների պահպանման անհրաժեշտությունը։ Նա նաև շեշտել է բանակցությունների միջոցով խնդրի կարգավորմանը հասնելու կարևորությունը։

Տոնոյանն այցելել է ադրբեջանական ստորաբաժանումը ոչնչացրած զինծառայողներին

Ավելի վաղ Դավիթ Տոնոյանն ընդունել էր ՀՀ-ում ԱՄՆ արտակարգ և լիազոր դեսպան Լին Թրեյսիին։

​Հիշեցնենք` Հայաստանի և Ադրբեջանի արտգործնախարարներ Զոհրաբ Մնացականյանն ու Ջեյհուն Բայրամովը հոկտեմբերի 9–ին Մոսկվա էին մեկնել` խորհրդատվություններ անցկացնելու։ ՌԴ արտգործնախարար Սերգեյ Լավրովի հետ համատեղ հանդիպումը տևեց գրեթե 11 ժամ և ավարտվեց համաձայնագրի ընդունմամբ, որը հակամարտության կարգավորման չորս կետ է պարունակում։

Մասնավորապես, կողմերը պայմանավորվեցին, որ հոկտեմբերի 10-ին, ժամը 12։00-ից սկսած հումանիտար նպատակներով հրադադար կհաստատվի ռազմագերիներին, այլ պահվող անձանց և զոհվածների մարմինները փոխանակելու համար՝ Միջազգային Կարմիր խաչի չափանիշներին համապատասխան։ Հրադադարի վերաբերյալ պայմանավորվածությունից հետո Ադրբեջանը շարունակեց հրետակոծել Արցախը։

Հոկտեմբերի 17-ին ՀՀ արտգործնախարարությունը հայտնեց, որ Հայաստանի Հանրապետությունը և Ադրբեջանի Հանրապետությունը երկրորդ պայմանավորվածությունն են ձեռք բերել. որոշվել է հոկտեմբերի 18-ին, տեղական ժամանակով ժամը 00:00-ից հաստատել մարդասիրական զինադադար։

Արցախի ՊԲ–ն, սակայն, հոկտեմբերի 18-ի առավոտյան տեղեկացրեց, որ 07:20-ի սահմաններում հրետանային ակտիվ կրակից հետո ադրբեջանական զինուժը հարավային ուղղությամբ անցել է հարձակման: Երկուստեք եղել են զոհեր ու վիրավորներ: 

Հոկտեմբերի 26-ին ՀՀ ԱԳՆ–ն հայտարարեց, որ Հայաստանի և Ադրբեջանի արտգործնախարարները հումանիտար հրադադարի հաստատման երրորդ ժամկետի մասին են պայմանավորվել, որը պետք է ուժի մեջ մտներ 2020թ. հոկտեմբերի 26-ին, տեղական ժամանակով 08:00-ին։ Սակայն Ադրբեջանը խախտեց նաև երրորդ պայմանավորվածությունը։

52
թեգերը:
Արցախյան պատերազմ, Ժոնաթան Լաքոտ, Դավիթ Տոնոյան
թեմա:
Ադրբեջանական ագրեսիան Արցախում - 2020
Ըստ թեմայի
Թեհրանը պատրաստ է հակամարտության կարգավորման գործում միջնորդ լինել․ ՌԴ-ում Իրանի դեսպան
Ռոհանիի հատուկ դեսպանը մանրամասներ է ներկայացրել ղարաբաղյան կարգավորման իրանական ծրագրից
Հայաստանի ՄԻՊ-ը ԵՄ դեսպանին է ներկայացրել փաստեր Ադրբեջանի վայրագությունների մասին
ՌԴ-ում Հայաստանի դեսպանատուն

ՌԴ-ում Հայաստանի դեսպանությունը հորդորում է չտրվել սադրանքներին

292
(Թարմացված է 20:17 30.10.2020)
Մասնավոր անձինք և առանձին խմբեր Մոսկվայում բողոքի ակցիաներ կազմակերպելու կոչեր են անում։

ԵՐԵՎԱՆ, 30 հոկտեմբերի - Sputnik. Ռուսաստանում Հայաստանի դեսպանություն հորդորում է ռուսաստանաբնակ հայերին չտրվել սադրանքներին և պահպանել այն երկրի օրենսդրությունը, որտեղ գտնվում են։ Դեսպանությունը Facebook-ի պաշտոնական էջում նշվում է, որ վերջին օրերին սոցիալական ցանցերում մի շարք անձինք և առանձին խմբեր Մոսկվայում տարբեր ակցիաների դուրս գալու կոչեր են տարածում։

«Գիտակցելով ձեզանից յուրաքանչյուրի խորը մտահոգությունը և չափազանց ուշադիր վերաբերվելով իրավիճակին՝ խնդրում ենք ձեզ ձեռնպահ մնալ նման նախաձեռնություններին մասնակցելուց և սոցիալական ցանցերում կոչերի տարածումից, չտրվել հնարավոր սադրանքներին և, ինչպես և նախկինում, պահպանել ՌԴ օրենսդրությունը»,- նշված է հաղորդագրության մեջ։

Դեսպանությունը խնդրում է ՌԴ-ում գտնվող հայերին մշտական կապ պահպանել դիվանագիտական ներկայացուցչության հետ:

Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Միջադեպ Ֆրանսիայում. թուրքերը մուրճով հարվածել են բողոքի ակցիա անող հայերից մեկի գլխին

Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։ 

Պատերազմի սկզբից ի վեր աշխարհի տարբեր երկրներում հայերն ու նրանց համակիր տեղաբնակները բազմաթիվ ցույցեր են կազմակերպել՝ դատապարտելով թուրք-ադրբեջանական ագրեսիան Արցախի դեմ։

Մի քանի երկրներում՝ մասնավորապես Ֆրանսիայում ու Իսրայելում, հարձակումներ են գրանցվել խաղաղ ցուցարարների վրա։ 

292
թեգերը:
դեսպանատուն, Ռուսաստան, Արցախյան պատերազմ
Ըստ թեմայի
«Տեսնում են հայերի հանդեպ կատարվող ոճրագործությունները, բայց լռում են». բողոքի ակցիա
Հայերն ապրել են ու կապրեն Արցախում ընդմիշտ. բողոքի ակցիա` Շվեդիայում
Մոսկվայից Երևան 7 չարտերային չվերթ կիրականացվի. դեսպանատուն

«Իմ էրեխեքը խաղաղություն կբերեն». արցախցի կինը զույգ տղաներ է լույս աշխարհ բերել Երևանում

0
(Թարմացված է 23:11 30.10.2020)
26-ամյա Մարիաննա Թևոսյանը երրորդ անգամ է ծննդաբերում։ Մայրն ու փոքրիկներն իրենց լավ են զգում։

Երկնագույն փուչիկներ` «Տղա է» գրությամբ, ծաղիկներով կանայք, որոնք Երևանի Մոր և մանկան առողջության պահպանման գիտահետազոտական կենտրոնում սպասում են երկվորյակների հետ հանդիպմանը․ այս իրանցման «հեղինակները» երկու նորածին արցախցիներն են։

Տղաները լույս աշխարհ են եկել հոկտեմբերի 27-ին կեսարյան հատման ճանապարհով։ 26-ամյա մոր՝ Արցախի Մարտակերտի շրջանի Արջաձոր գյուղի բնակիչ Մարիաննա Թևոսյանի համար սա երրորդ հղիությունն էր։ Նա նաև 6 տարեկան որդի ու 5 տարեկան դուստր ունի։

«Մեկի անունը Դենի է, մյուսինը` Դանիել։ Պապայի խնդրանք է»,– Sputnik Արմենիայի հետ զրույցում ասում է Մարիաննան ու հերթով գրկում նորածիններին։

Տղաները հյուրերի մոտ իրենց «լավ են պահում»․ գրեթե չեն լացում ու արագ քնում են։ Մարիաննան խոստովանում է` սկզբում մտավախություն ուներ, որ չի կարողանա տարբերել փոքրիկներին, բայց մոր սիրտը երբեք չի սխալվում...

–Դենին կարծես թե ավելի ակտիվ է, - ասում եմ ես։ Մարիաննան հաստատում է` ճիշտ եմ նկատել։

Երիտասարդ մայրը պատմում է, որ ընտանիքի հայրը պատերազմի առաջին իսկ օրվանից առաջնագիծ է մեկնել, բայց ուրախալի լուրը կարողացել է հայտնել նրան։ Մարիաննայի խոսքով՝ երբ մարտական գործողությունները սկսվեցին, նրանք մտածում էին, որ ամեն ինչ 2016 թվականի քառօրյա ապրիլյան պատերազմի պես կլինի։ Սակայն հոկտեմբերի 1-ին պարզ դարձավ, որ էսկալացիան մեկ–երկու օրում չի ավարտվի, նրանք որոշեցին ժամանակավորապես տեղափոխվել Հայաստան։ Կինն ու երեխաները ապաստանեցին ազգականների տանը՝ Այգեշատ գյուղում։

Բազմազավակ մայրը վստահ է, որ նորածիններն Արցախին խաղաղություն կբերեն։

«Շատ ենք ուզում վերադառնալ տուն՝ Արցախ։ Ես միշտ ասում էի` իմ էրեխեքը կծնվեն ու Արցախին խաղաղություն կբերեն։ Մինչև հիմա էլ այդ հույսով եմ», - արցունքն աչքերին խոստովանում է Մարիաննան։

Փոքրիկների տատը՝ Լաուրա Մարկոսյանը, ասում է, որ երկվորյակների պապը ղարաբաղյան առաջին պատերազմի ժամանակ է մահացել՝ 1992 թվականի հոկտեմբերի վերջին։ Այն ժամանակ տղաների ապագա հայրը յոթ տարեկան է եղել։

«Փոքրիկները պապը մահացավ հոկտեմբերի վերջին, նրանք ծնվեցին հոկտեմբերի վերջին», - նշում է Մարկոսյանն ու ավելացնում` դրա մեջ խորհրդանշական բան կա։

Մոր և մանկան առողջության պահպանման գիտահետազոտական կենտրոնի փոխտնօրեն Արմեն Գասպարյանն էլ Sputnik Արմենիայի հետ զրույցում ասում է, որ Մարիաննան հղիության 35-րդ շաբաթում է առաջին անգամ իրենց մոտ եկել։

«Մենք անցկացրինք անհրաժեշտ բոլոր հետազոտությունները։ Քանի որ տղաները պետք է մինչև 39-րդ շաբաթը ծնվեին, 37-րդ շաբաթվա ընթացքում նրան պառկեցրինք մեզ մոտ, կեսարյան հատում արեցինք», - նշում է նա։

Գասպարյանի խոսքով՝ մոր և երեխաների վիճակը լավ է։

Սեպտեմբերի 27-ին սկսված պատերազմից ի վեր նրանց հիվանդանոցում արդեն 16 արցախցի է ծնվել։

0