Նիկոլ Փաշինյանն ու Արայիկ Հարությունյանը

13 կուսակցություն կոչով դիմել են Հայաստանի ու Արցախի իշխանություններին

392
(Թարմացված է 15:47 22.10.2020)
Հայտարարությունը, որի տակ ի թիվս մի շարք քաղաքական ուժերի` ստորագրել են նաև ՀՀԿ–ն, ԲՀԿ–ն, «Լուսավոր Հայաստանն» ու «Ժառանգությունը», բաց է միանալու համար։

ԵՐԵՎԱՆ, 29 սեպտեմբերի – Sputnik. 13 քաղաքական ուժեր համարում են, որ Ադրբեջանի սանձազերծած պատերազմը մեկ անգամ ևս շեշտել է Հայաստանի և Արցախի Հանրապետությունների միջև ռազմավարական դաշինք կնքելու անհրաժեշտությունը։ Նրանք կոչով դիմել են Հայաստանի և Արցախի իշխանություններին։

«Մենք՝ ներքոստորագրյալ կուսակցություններս, կոչ ենք անում Հայաստանի Հանրապետության և Արցախի Հանրապետության իշխանություններին՝ անհապաղ քայլեր ձեռնարկել երկու հանրապետությունների միջև ռազմավարական համապարփակ համագործակցության պայմանագիր կնքելու ուղղությամբ»,– նշված է հայտարարության մեջ։

Հայտարարությունը ստորագրել են «Ազատություն», «Ազգային օրակարգ», «Ազգային ինքնորոշում միավորում», «Բարգավաճ Հայաստան», «Երկիր ծիրանի», «Ժառանգություն», «Լուսավոր Հայաստան», կուսակցությունները, ՀՅԴ–ն, Հայաստանի դեմոկրատական կուսակցությունը, ՀՀԿ–ն, Հայաստանի Քրիստոնեա-Դեմոկրատական միությունը, «Հանուն սոցիալական արդարության» և «Մեկ Հայաստան» կուսակցությունները։ 

Նրանք նշել են, որ պայմանագիրը կնքելու համար պետք է հիմք ընդունել Հայաստանի անկախության մասին 1990 թ. օգոստոսի 23-ի, ԼՂՀ հռչակման մասին 1991 թ. սեպտեմբերի 2-ի հռչակագրերը և արձանագրել Արցախի ինքնիշխանության հռչակման ու դրան հաջորդած գործընթացի օրինականությունն ու համապատասխանությունը միջազգային և ներպետական իրավական կառուցակարգերին։

Հայտարարությունը բաց է միանալու համար:

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Վերջին տեղեկություններով` հակառակորդի կրակոցների հետևանքով զոհվել են 83 զինծառայողներ և 3 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդի կորուստներն անհամեմատ մեծ են։

ԱԳՆ-ն հերքում է. Հայաստանն Ադրբեջանի Դաշքեսանի շրջանը չի հրթիռակոծել

Ըստ այս պահին հայտնի տեղեկությունների` Ադրբեջանը զրկվել է նաև 52 ԱԹՍ–ից, 6 ուղղաթիռից, 80 զրահատեխնիկայից, 1 ինքնաթիռից և 82 ավտոտրանսպորտից։ Արցախում և Հայաստանում ռազմական դրություն և համատարած զորահավաք է հայտարարվել։

Ադրբեջանի ԶՈւ–ի թիրախ դարձած Մարտունին «Գրադից» հետո. լուսանկարներ, տեսանյութ

Նշենք, որ Ադրբեջանը կրակոցներ է արձակում նաև Գեղարքունիքի ուղղությամբ։

392
թեգերը:
կուսակցություն, Արցախ, Հայաստան
թեմա:
Ադրբեջանական ագրեսիան Արցախում - 2020 (2211)
Ըստ թեմայի
Մերոնք վիրտուոզ են. հայկական կողմը ադրբեջանական տանկ է ոչնչացրել ականանետով
Սամվել Կարապետյանը դիմել է ՌԴ հայկական ու ադրբեջանական համայնքների ներկայացուցիչներին
Պետք է չեզոքացնել թուրք-ադրբեջանական մտադրությունները. ՀԱՊԿ-ում ՀՀ ներկայացուցիչ
ԵԱՀԿ–ն հատուկ նիստ է հրավիրել Ղարաբաղյան հակամարտության թեմայով
Հաղթում ենք. Բագրատ սրբազանը զրուցում է «զոհված» հրամանատար Լեռնիկ Բաբայանի հետ. տեսանյութ
ԱՄՆ պետդեպ

Այվազյանը և Բիգանը քննարկել են ԱՄՆ կողմից Արցախին հումանիտար օգնության տրամադրման հարցը

40
(Թարմացված է 20:52 24.11.2020)
Բիգանը ողջունել է Այվազյանի նշանակումը արտաքին գործերի նախարարի պաշտոնում և հույս հայտնել, որ հայ–ամերիկյան սերտ համագործակցությունը կշարունակվի։

ԵՐԵՎԱՆ, 24 նոյեմբերի - Sputnik. Հայաստանի արտգործնախարար Արա Այվազյանը և ԱՄՆ պետքարտուղարի առաջին տեղակալ Սթիվեն Բիգանը քննարկել են իրավիճակը Լեռնային Ղարաբաղում, տեղեկացնում է ԱՄՆ Պետդեպարտամենտի պաշտոնական կայքը։

Կողմերը քննարկել են ԱՄՆ կողմից Լեռնային Ղարաբաղին մարդասիրական օգնություն ցուցաբերելու հարցը, ինչպես նաև բանակցային ջանքերը՝ ղարաբաղյան հակամարտության խաղաղ կարգավորման հասնելու ուղղությամբ:

Բիգանը ողջունել է Այվազյանի նշանակումը արտաքին գործերի նախարարի պաշտոնում և հույս հայտնել, որ կշարունակվի հայ–ամերիկյան սերտ համագործակցությունը։

Հիշեցնենք, որ Արա Այվազյանը ԱԳ նախարար է նշանակվել 2020-ի նոյեմբերի 18-ին` փոխարինելով Զոհրաբ Մնացականյանին։

Ֆրանսիան մեծ ջանքեր է գործադրել ԼՂ հրադադարին հասնելու համար. Լը Դրիան

Նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն ընդունեցին ռազմական գործողությունների դադարեցման վերաբերյալ։

Դրան հետևեցին ԵԱՀԿ Մինսկի խմբի մյուս համանախագահներ (բացի ՌԴ-ից) ԱՄՆ-ի ու Ֆրանսիայի հայտարարություններն այն մասին, որ ստորագրված եռակողմ հայտարարությունը լրացուցիչ պարզաբանումների կարիք ունի։

40
Ըստ թեմայի
Ինչու չի կարելի Ղարաբաղը թողնել ԱՄՆ-ին, Բրիտանիային ու Թուրքիային. Մուխինի տեսակետը
Մի շարք հարցեր մնացել են չլուծված. ԱՄՆ-ն և Ֆրանսիան՝ ԼՂ հակամարտության մասին
ԱՄՆ–ն 5 միլիոն դոլար օգնություն կտրամադրի Հայաստանին ու Ադրբեջանին
Գագիկ Ծառուկյանը դուրս է գալիս դատարանի շենքից

ԱԺ խորհուրդը կդիմի ՍԴ` Գագիկ Ծառուկյանին մանդատից զրկելու հարցով

274
(Թարմացված է 20:08 24.11.2020)
10 կողմ, 4 դեմ ձայնով ԱԺ խորհուրդը կողմ է քվեարկել Գագիկ Ծառուկյանին մանդատից զրկելու հարցին։ Վերջնական եզրակացությունը պետք է տա Սահմանադրական դատարանը։

ԵՐԵՎԱՆ, 24 նոյեմբերի - Sputnik. 10 կողմ, 4 դեմ ձայնով Ազգային ժողովի խորհուրդը կողմ է քվեարկել «Բարգավաճ Հայաստան» խմբակցության ղեկավար Գագիկ Ծառուկյանի պատգամավորական լիազորությունները դադարեցնելու հարցով Սահմանադրական դատարան դիմելու որոշմանը։ Այս մասին լրագրողների հետ զրույցում ասել է ԲՀԿ պատգամավոր Վահե Էնֆիաջյանը։

«Նիստին ներկա են եղել 10 պատգամավորներ «Իմ քայլից» և մենք չորսով` ԲՀԿ–ից։ Բնականաբար, մենք չորսս էլ դեմ ենք քվեարկել», – ասել է Էնֆիաջյանը։

ԲՀԿ պատգամավոր Միքայել Մելքումյանը նշել է, որ խորհրդի որոշումը ոչ մարդկային, ոչ իրավական առումով հասկանալի չէ։

«Այդպես էլ պարոն Ծառուկայնի` բիզնեսով զբաղվելու որևէ ապացույց չներկայացվեց։ Կա ընդամենը մեկ վկայություն, որ նա մասնակցել է «Մուլտի Գրուպի» մի ժողովի։ Բայց թե ինչ դերով է մասնակցել, ինչ է քննարկել` ոչ մի տեղեկություն չկա», – ասել է Մելքումյանը։

ՀՊՏՀ ուսխորհրդի նախագահները, Ծառուկյանի փեսաները... ովքեր են մտել վարչապետի ընդունարան

Ծառուկյանի լիազորությունների մասին վերջնական եզրակացությունը պետք է տա Սահմանադրական դատարանը։

Հիշեցնենք, որ Ծառուկյանին մանդատից զրկելու որոշման հիմքում Կոռուպցիայի կանխարգելման հանձնաժողովի 2020 թվականի հոկտեմբերի 26-ի «Ազգային ժողովի պագտգամավորի կողմից անհամատեղելիության պահանջների խախտման» եզրակացությունն է և ՀՀ Սահմանադրության 95-րդ հոդվածն է, որի համաձայն` պատգամավորը չի կարող զբաղեցնել իր կարգավիճակով չպայմանավորված պաշտոն պետական կամ տեղական ինքնակառավարման այլ մարմիններում, առևտրային կազմակերպություններում, զբաղվել ձեռնարկատիրական գործունեությամբ, կատարել վճարովի այլ աշխատանք` բացի գիտական, կրթական և ստեղծագործական աշխատանքից։

Այս հիմքերով Կոռուպցիայի կանխարգելման հանձնաժողովն 2020 թվականի հուլիսի 6-ին որոշում էր կայացրել պատգամավորական լիազորությունների անհամատեղելիության պահանջների առերևույթ խախտման վերաբերյալ վարույթ հարուցելու մասին և այդ որոշումն ուղարկել Գագիկ Ծառուկյանին։

Հիշեցնենք, որ հունիսի 16-ին խորհրդարանը զրկեց Ծառուկյանին պատգամավորական անձեռնմխելիությունից՝ հարկերից խուսափելու ու ընտրակաշառք բաժանելու մեջ կասկածվելու պատճառով։ 

Նա կալանավորվեց սեպտեմբերի 25-ին ու անազատության մեջ մնաց մինչև հոկտեմբերի վերջ։

Գագիկ Ծառուկյանը ձերբակալվել էր նաև նոյեմբերի 11-ին՝ օրենքով սահմանված կարգի խախտմամբ հավաք կազմակերպելու և անցկացնելու մեղադրանքով։ Նա ազատ էր արձակվել ԱԱԾ-ի նոյեմբերի 13-ի կեսգիշերին։

274
թեգերը:
ԱԺ, մանդատ, Գագիկ Ծառուկյան
Ըստ թեմայի
«Վայ, ես ձեր ցավը տանեմ». Գագիկ Ծառուկյանն ազատ արձակվեց
Գագիկ Ծառուկյանն ու Արթուր Վանեցյանը Հատուկ քննչական ծառայությունում են
«Անընդհատ քննում են». Ծառուկյանին նորից ԱԱԾ են կանչել
Արցախ

Ինչու է Արևմուտքը դժգոհ ղարաբաղյան կարգավորումից

0
(Թարմացված է 00:31 25.11.2020)
ՌԻԱ Նովոստիի սյունակագիր Իրինա Ալկսնիսը վերլուծում է, թե ինչպե՞ս են փոխվել ԵԱՀԿ Մինսկի խմբի համանախագահների դերերն Արցախում պատերազմից հետո։

Ֆրանսիայի արտգործնախարարը մանրամասներ է ներկայացրել մարդասիրական առաքելության մասին, որը Ֆրանսիան կազմակերպել է Արցախի բնակիչներին օգնելու համար։ Խոսքը տարարածաշրջան բժիշկներ և բժշկական-վիրաբուժական սարքավորումներ ուղարկելու մասին է։

ԱՄՆ-ը, իր հերթին, սահմանափակվել է հինգ միլիոն դոլար հատկացնելով Կարմիր Խաչի միջազգային կոմիտեին և ոչ պետական այլ կազմակերպություններին, որոնք օգնություն են ցուցաբերում հակամարտության վերջին սրման արդյունքում տուժած մարդկանց։

Փարիզի և Վաշինգտոնի կողմից ղարաբաղյան այս կարգավորման վերաբերյալ ոգևորության ակնհայտ բացակայությունն ինչպես հռետորաբանության, այնպես էլ գործողությունների առումով, հաստատում է, որ Սերգեյ Լավրովը ճիշտ էր, երբ ասում էր, որ նրանք «խոցված ինքնասիրությունն» են ցուցադրում։

Նույն բանի մասին է խոսել նաև Ադրբեջանի նախագահ Իլհամ Ալիևը՝ հեգնանքով նկատելով, որ ԱՄՆ-ը և Ֆրանսիան «թեև ուշացումով, բայց այնուամենայնիվ հայտնեցին իրենց դրական վերաբերմունքը ձեռք բերված համաձայնության հանդեպ»։

Եվ, համաձայն ձևավորված ավանդույթի, բառերի ընտրության հարցում ձևականություններից զերծ մնաց Անկարան։ Թուրքիայի նախագահի մամուլի քարտուղարը հայտարարեց, որ Արևմուտքը՝ ի դեմս ՆԱՏՕ-ի և Եվրամիության, 30 տարի շարունակ անընդունակ է եղել Ղարաբաղյան հակամարտության վերաբերյալ «հստակ և իրատեսական առաջարկներ» առաջ քաշել, մինչդեռ Ռուսաստանն ու Թուրքիան կարողացան հասնել փոխհամաձայնության։

Անմիջապես սկսեցին գրել, որ Լեռնային Ղարաբաղի հարցով պայմանավորվածությունները ցավոտ պարտություն դարձան Արևմուտքի, հատկապես ԱՄՆ-ի և Ֆրանսիայի համար, որոնք Ռուսաստանի հետ միասին այդ հակամարտության կարգավորման խաղաղ ուղիներ որոնող ԵԱՀԿ Մինսկի խմբի համանախագահ են։

Եթե հավատանք The National Interest-ի լրագրողներին, Արևմուտքն այս անգամ բաց է թողնել բառացիորեն ամեն ինչ։ Արևմուտքի համար անսպասելի էին թե՛ մարտական գործողությունների վերսկսումը, թե՛ ստորագրված համաձայնությունը, որի համաձայն տարածաշրջան են մտել ռուս խաղաղապահները։

Պարբերականը տեղի ունեցածի մեղքը բարդում է ամերիկյան հետախուզության վրա, որը, նրա տեղեկություններով, չի կարողացել անգամ տեղեկություններ ստանալ Պուտինի և Էրդողանի բանակցությունների մասին, որի արդյունքում ԱՄՆ-ի դիրքերը տարածաշրջանում նկատելիորեն թուլացել են։

Սակայն իրականում իրավիճակը շատ ավելի բարդ է, քանի որ «հետախուզությունը վատ է աշխատել» դիրքորոշումը թույլ է տալիս թաքցնել այս ամբողջ պատմության մեջ ԱՄՆ-ի շատ ավելի մասշտաբային ձախողումը։

Ռուսաստանը Կարմիր խաչին 2 մլն եվրո է փոխանցել` Արցախում կատարվելիք գործողությունների համար

Ղարաբաղյան կարգավորումը, չնայած հակամարտության հարաբերականորեն լոկալ բնույթին, նշանավորում է գլոբալ քաղաքական համակարգի փոփոխությունների սկզբունքորեն նոր փուլը։ Սա առաջին անգամն էր, որ Միացյալ Նահանգներն ու Եվրոպան միանգամից բոլոր մասնակից կողմերի համար անպետք ու անցանկալի գործընկերներ դարձան։

Վերջին երեք տասնամյակների ընթացքում արևմտյան հեգեմոնիայի կարևորագույն գիծը նրա ամենահասությունն ու ամենուր պահանջված լինելն էր։ Ցանկացած իրավիճակում, ցանկացած հակամարտությունում (ամենատարբեր երկրներում նույնիսկ` ներքաղաքական) միշտ գտնվել են ուժեր, որոնք հղում են արել Արևմուտքին, դիմել են դրա աջակցությանը,  օգնություն փափագել և հաճախ այս կամ այն ձևով ստացել այդ օգնությունը։

Որպես տվյալ մոտեցման ցայտուն օրինակ կարելի է հիշել 2014 թվականի գարնանը Ղրիմում տեղի ունեցած դրվագը, երբ ուկրաինացի զինվորականները «Ամերիկան մեզ հետ է» գոչյուններով փորձեցին «գրոհել» ռուսական ռազմական օբյեկտի վրա։ Դա իհարկե ծիծաղելի է թվում, բայց միևնույն ժամանակ շատ հստակ արտոցոլում է զգալի թվով մարդկանց մտածելակերպը, այդ թվում` բարձրաստիճան, ամբողջ աշխարհով` Բելառուսից մինչև Վենեսուելա, Սիրիայից մինչև Հոնկոնգ։

Ավելին, նման իրավիճակը նպատակաուղղված աջակցվում է Արևմուտքի կողմից, որը բնականաբար, փորձում է վերջին ատյանի ճշմարտությունը դառնալ և տիրապետել աշխարհի ցանկացած խնդրի և հակամարտության վրա վետո դնելու իրավունքին։ Դա նրա աշխարհաքաղաքական գերակայության ամենագլխավոր բաղկացուցիչներից մեկն է։

Արցախյան հակամարտության ներկայիս փուլը բացառիկ էր նրանով, որ Արևմուտքը բացառվեց միանգամից բոլոր մասնակից կողմերի կողմից։  Դա էլ ավելի է հստակեցնում, որ բանակցային գործընթացը հեշտ չէր, ինչը արտացոլվում էր նաև ներգրավված պետությունների պաշտոնական հաղորդագրություններում, որոնք տեղ–տեղ բավական կտրուկ էին։

Սակայն համաշխարհային ավանդույթի համաձայն` սեփական դիրքերն ամրապնդելու համար ԱՄՆ–ին և Եվրոպային ներքաշելու փոխարեն, բոլորը համերաշխորեն հակված էին այն համոզմունքին «որ խնդիրն ինքներս մեր մեջ կկարգավորենք»։

Եվ իսկապես կարգավորեցին` պոստֆակտում Արևմուտքին մնացյալ աշխարհի հետ կանգնեցնելով ձեռք բերված և արդեն նույնիսկ գործարկման մեջ դրված պայմանավորվածությունների փաստի առաջ։

Ռուսաստանի և Իրանի արտգործնախարարները քննարկել են Լեռնային Ղարաբաղի հարցը

Այդպիսով, շատ մեծ հարված էր հասցվել ԱՄՆ–ի ազդեցության և համաշխարհային համակարգում հատուկ կարգավիճակին հավակնելուն։  Իսկ ինչպես ցույց է տալիս պրակտիկան, առաջին, առավել ևս հաջողված փորձից հետո, անկասկած, կհետևեն մյուսները:

Որևէ զարմանալի բան չկա, որ ամերիկացիները նախընտրում են տեղի ունեցածը բարդել սեփական հետախուզության պատահական ձախողման վրա։ Դա ավելի հեշտ է և հարմար, քան գիտակցելը կամ առավել ևս հանրայնորեն խոստովանելը, որ իրականում ԼՂ կարգավորումը հերթական տեկտոնական տեղաշարժն է համաշխարհային քաղաքական համակարգում, որը ԱՄՆ–ին ու Արևմուտքին աստիճանաբար զրկում է բացառիկ կարգավիճակ ունենալուց։

0
թեգերը:
Ռուսաստան, ԱՄՆ, Արևմուտք, Արցախյան պատերազմ, Արցախ, Ղարաբաղյան հակամարտություն, Լեռնային Ղարաբաղ
Ըստ թեմայի
Քարվաճառի վերջին հայկական օրը. կադրեր` լքված հայոց միջնաբերդից
Պուտինն ու Էրդողանը կրկին քննարկել են ԼՂ-ի հայտարարության կատարման ընթացքը
«Այստեղ ենք եղել մինչև վերջ». հայ զինվորները հեռանում են Քարվաճառից. տեսանյութ