Դմիտրի Մեդվեդև

Ղարաբաղյան հակամարտությունը ռազմական լուծում չունի. Դմիտրի Մեդվեդև

178
(Թարմացված է 14:43 28.09.2020)
ՌԴ անվտանգության խորհրդի նախագահի տեղակալը նշել է բոլոր հնարավորությունների` ԵԱՀԿ ՄԽ–ի և Ռուսաստանի հետ երկկողմ ձևաչափի, օգտագործման անհրաժեշտությունը։

ԵՐԵՎԱՆ, 28 սեպտեմբերի – Sputnik. Ռուսաստանի անվտանգության խորհրդի նախագահի տեղակալ Դմիտրի Մեդվեդևը համոզված է, որ ղարաբաղյան խնդիրը ուժային լուծում չունի։ Այս մասին ՌԴ անվտանգության խորհրդի նախագահի տեղակալը գրել է «ВКонтакте» սոցցանցի իր էջում։

Մեդվեդևի խոսքով` կարգավորումը հնարավոր է բացառապես քաղաքական և դիվանագիտական ճանապարհով։

 «ԼՂՀ հակամարտության գոտում լարվածության նոր փուլը հերթական անգամ հանգեցրեց արյունահեղության և մարդկային զոհերի։ ԼՂՀ խնդիրը չի կարելի լուծել ուժային ճանապարհով։ Կարգավորումը պետք է իրականացվի բացառապես քաղաքական և դիվանագիտական միջոցներով», – գրել է Մեդվեդևը։

ՌԴ անվտանգության խորհրդի նախագահի տեղակալը նշել է բոլոր հնարավորությունների` ԵԱՀԿ ՄԽ–ի և Ռուսաստանի հետ երկկողմ ձևաչափի, օգտագործման անհրաժեշտությունը ԼՂՀ–ում ճգնաժամը հաղթահարելու համար։

Առաջնագծում թշնամին ոչ մի հաջողություն չունի. Վահրամ Պողոսյան

 «Անհրաժեշտ է օգտագործել բոլոր հնարավորությունները՝ ճգնաժամի հաղթահարման լուծումներ գտնելու համար՝  և՛ ԵԱՀԿ ՄԽ–ի շրջանակում համանախագահության մեխանիզմը, և՛  երկկողմ ձևաչափը` հաշվի առնելով, որ Հայաստանն ու Ադրբեջանը մեր հարևաններն ու մոտ գործընկերներն են», – գրել է Մեդվեդևը։

Հիշեցնենք, որ սեպտեմբերի 27–ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով:

Ըստ վերջին տեղեկությունների` ադրբեջանական զինուժը կորցրել է 5 ուղղաթիռ, 27 անօդաչու թռչող սարք, 33 տանկ և ՀՄՄ, 2 ինժեներական զրահատեխնիկա։

Պաշտպանության բանակն ադրբեջանական հերթական զինտեխնիկան է խոցել. տեսանյութ

Հակառակորդի կրակոցների հետևանքով քաղաքացիական բնակչությունից Մարտունիում մեկ կին և մեկ երեխա են զոհվել, զոհվել են նաև 31 զինծառայող։ Հայկական կողմը 100–ից ավելի վիրավոր ունի։ Հակառակորդի կորուստներն անհամեմատ մեծ են։ Արցախում և Հայաստանում ռազմական դրություն և համատարած զորահավաք է հայտարարվել։

 

178
թեգերը:
հայ-ադրբեջանական, Արցախ, Դմիտրի Մեդվեդև
թեմա:
Ադրբեջանական ագրեսիան Արցախում - 2020 (2214)
Ըստ թեմայի
ՌԴ–ում ՀՀ դեսպանը հայտարարել է, որ Արցախի դեմ կռվում են ահաբեկիչ–վարձկաններ Սիրիայից
Ազատ գյուղում տեղահանում չկա, Սոթք–Քարվաճառը կարող են հատել միայն ռազմական միավորները
Ադրբեջանի և Թուրքիայի գործողությունները պետք է միջազգային գնահատականի արժանանան. ՀՀ ԱԺ
Արա Այվազյան

Իսկ ինչո՞ւ մեր հայտարարությունները չեք կարդում. ԱԳ նախարարը նեղսրտեց լրագրողի հարցից

77
(Թարմացված է 18:11 04.12.2020)
Լրագրողները համառորեն հարցեր էին տալիս տարբեր թեմաներով, իսկ նախարարն էլ համառորեն և համբերատար լռում էր։

ԵՐԵՎԱՆ, 4 դեկտեմբերի - Sputnik. Այսօր արտաքին գործերի նախարար Արա Այվազյանը լրագրողների հետ ճեպազրույցում հրաժարվեց պատասխանել լրագրողների հարցերին, փոխարենը՝ կարդաց իր գրած հայտարարությունը։ Դրանից հետո շտապեց հեռանալ գործընկերների հետ։

Լրագրողների համառ փորձերն ու ԱԳ նախարարի «հետապնդումն» արդյունք չունեցան։ Նախարարը փակեց աշխատասենյակի դուռը՝ լրագրողների տարբեր թեմաներով հարցերն անպատասխան թողնելով։ Միայն խոստացավ, որ բոլոր հարցերի պատասխանները կստանան իրենց աշխատանքի արդյունքում։

Որոշ ժամանակ անց ԱԳ նախարարը գործընկերների հետ դուրս եկավ աշխատասենյակից և քայլերն ուղղեց դեպի վերելակ։ Լրագրողներից շատերը, սակայն, չէին շտապել հեռանալ և շարունակեցին «հետապնդում-հարցախույզը»։ Լրագրողները համառորեն հարցեր էին տալիս, իսկ նախարար Այվազյանն էլ համառորեն լռում էր։ Նրա լռությունը խախտեց միայն լրագրողի հարցն այն մասին, թե Ալիևը հայտարարում է Բերձորը Բաքվի վերահսկողությանը հանձնելու մասին, թեպետ եռակողմ հայտարարության մեջ նման կետ չկա։

«Իսկ դուք ինչու՞ ուշադիր չեք կարդում մեր հայտարարություններն ու հղում չեք անում մեր հայտարարություններին»,- նշեց նախարարը։ Ավելին չասաց. ու վերելակի դռները փակվեցին։

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն ընդունեցին ռազմական գործողությունների դադարեցման վերաբերյալ։

Եռակողմ հայտարարության մեջ մասնավորապես նշվում է, որ մինչև նոյեմբերի 15-ը Ադրբեջանին է վերադարձնում Քելբաջարը (ավելի ուշ այդ ժամկետը 10 օրով երկարաձգվեց-խմբ.), մինչև նոյեմբերի 20-ը՝ Աղդամի շրջանը, մինչև դեկտեմբերի 1-ը՝ Լաչինի շրջանը` թողնելով միջանցք 5 կմ լայնությամբ, որը ապահովելու է Հայաստանի կապը, սակայն չի շոշափելու Շուշին։ 

Հայաստանն ապահովում է տրանսպորտային կապ Ադրբեջանի արևմտյան շրջանների և Նախիջևանի Ինքնավար Հանրապետության միջև։ 

Ինչ տվեց Արցախի վերաբերյալ եռակողմ հայտարարությունը․ քարտեզ

Նշենք, որ Թուրքիայի աջակցությամբ Ադրբեջանի սանձազերծած պատերազմի ընթացքում, ըստ վերջին տվյալների, հայկական կողմից զոհվել են 1746 զինծառայողներ։ Քաղաքացիական անձանց շրջանում կա 50 զոհ ու 148 վիրավոր։

77
թեգերը:
Լրագրող, ասուլիս, Արա Այվազյան
Ըստ թեմայի
Արա Այվազյանը ՀԱՊԿ նիստում խոսել է Ադրբեջանում օտարերկրյա զինյալների ներկայությունից
Արա Այվազյանը ելույթ կունենա ԵԱՀԿ Արտաքին գործերի նախարարների խորհրդի 27–րդ նիստին
Անհիմն են Ադրբեջանի այն պնդումները, որ հակամարտությունը հանգուցալուծված է. Արա Այվազյան
Նախագահներ Արմեն Սարգսյան ու Էմանուել Մակրոն

Նախագահ Արմեն Սարգսյանը ցավակցական հեռագիր է հղել Էմանուել Մակրոնին

201
(Թարմացված է 16:03 04.12.2020)
Նախագահ Սարգսյանը ընդգծել է, որ Վալերի Ժիսկար դ՛Էստենն իր ուրույն ներդրումն է ունեցել Ֆրանսիայի պետականության, ժողովրդավարության հարցում։

ԵՐԵՎԱՆ, 4 դեկտեմբերի - Sputnik. Հայաստանի Հանրապետության նախագահ Արմեն Սարգսյանը ցավակցական հեռագիր է հղել Ֆրանսիայի Հանրապետության նախագահ Էմանուել Մակրոնին՝ Ֆրանսիայի նախկին նախագահ, Նանսենի մրցանակի դափնեկիր Վալերի Ժիսկար դ՛Էստենի մահվան կապակցությամբ:

«Նախագահ Սարգսյանը հայ ժողովրդի և անձամբ իր անունից ցավակցություն ու զորակցություն է հայտնել նախագահ Մակրոնին և Ֆրանսիայի բարեկամ ժողովրդին»,–նշված է հաղորդագրության մեջ:

Նախագահ Սարգսյանը մասնավորապես ընդգծել է, որ Վալերի Ժիսկար դ՛Էստենն իր ուրույն ներդրումն է ունեցել Ֆրանսիայի պետականության, ժողովրդավարության, ներքին և արտաքին քաղաքականության ամրապնդման գործում՝ ջանք ու եռանդ չխնայելով երկրի առաջընթացն ու բարգավաճումը խթանելու համար:

Հիշեցնենք, որ Ֆրանսիայի նախկին նախագահ Վալերի Ժիսկար դ՛Էսթենը (1974-1981) մահացել է 94 տարեկանում՝ կորոնավիրուսից։

201
թեգերը:
ցավակցություն, Էմանուել Մակրոն, Արմեն Սարգսյան
Ըստ թեմայի
Մակրոնը ՀՀ ներկայացուցչության հետ կքննարկի հայտարարությունը. Լաքոտը` հադրութցիներին
Էմանուել Մակրոնը պատրաստ է նպաստել ղարաբաղյան խնդրի արդար ու երկարաժամկետ կարգավորմանը
Մշակութային ժառանգությունը պետք է պահպանվի. Մակրոնը խոսել է Փաշինյանի և Ալիևի հետ
Արմեն Սարգսյան

Արմեն Սարգսյանը հետ է կանչել ՀՀ դեսպաններից մեկին

0
Հայաստանի նախագահը հրամանագիրը ստորագրել է` հիմք ընդունելով Նիկոլ Փաշինյանի առաջարկությունը։ Դիվանագիտական այս առաքելությունը դեսպանը սկսել էր երկու տարի առաջ։

ԵՐԵՎԱՆ, 4 դեկտեմբերի - Sputnik. ՀՀ նախագահ Արմեն Սարգսյանի հրամանագրով Ղազախստանի և Ղրղզստանի հանրապետություններում Հայաստանի դեսպան Գագիկ Ղալաչյանը հետ է կանչվել պաշտոնից։ Հրամանագիրը հրապարակվել է նախագահի պաշտոնական կայքում։

«Հիմք ընդունելով վարչապետի առաջարկությունը` համաձայն Սահմանադրության 132-րդ հոդվածի 1-ին մասի 2-րդ կետի Գագիկ Ղալաչյանին հետ կանչել Ղազախստանի Հանրապետությունում և Ղրղզստանի Հանրապետությունում Հայաստանի Հանրապետության արտակարգ և լիազոր դեսպանի պաշտոնից»,- նշված է հրամանագրում։

Նշենք, որ Գագիկ Ղալաչյանը 2018թ-ից Ղազախստանի Հանրապետությունում ՀՀ արտակարգ և լիազոր դեսպանն էր, իսկ  2019թ. հունիսի 7-ից՝ համատեղությամբ նաև Ղրղզստանի Հանրապետությունում։

 

 

 

0
թեգերը:
Դեսպան, Ղազախստան, Արմեն Սարգսյան, Հայաստան