Ադրբեջանի Միլի Մեջլիսը

Դիվանագիտական սկանդալ․ Բաքվում խմբագրել են Արցախի վերաբերյալ հաղորդագրությունը

720
(Թարմացված է 23:55 23.09.2020)
Միլի Մեջլսի կայքում հրապարակված մամուլի հաղորդագրության հեղինակները հիմնովին փոխել են հայտարարության տեքստը` դրանից հանելով արտահայտություններ, որոնք դիվանագիտական սկանդալի պատճառ են դարձել։

ԵՐԵՎԱՆ, 23 սեպտեմբերի – Sputnik. ՌԴ ԱԳՆ պաշտոնական ներկայացուցիչ Մարիա Զախարովայի այն հայտարարությունից հետո, որ նախարար Սերգեյ Լավրովի խոսքերը սխալ են մեկնաբանվել, Ադրբեջանի խորհրդարանի մամուլի ծառայությունը փոխել է հաղորդագրության տեքստը։

Пресс-релиз парламента Азербайджана в первоначальной версии
Ադրբեջանի խորհրդարանի մամուլի հաղորդագրության սկզբնական տարբերակը
Пресс-релиз парламента Азербайджана после брифинга Марии Захаровой
Մամուլի հաղորդագրության խմբագրված տարբերակը՝ Մարիա Զախարովայի ճեպազրույցից հետո

Սեպտեմբերի 23-ին Միլի Մեջլիսի նախագահ Սահիբա Գաֆարովայի գլխավորած խորհրդարանական պատվիրակությունը հանդիպում ունեցավ ՌԴ արտգործնախարար Սերգեյ Լավրովի հետ։ Հանդիպման արդյունքում Ադրբեջանի խորհրդարանի կայքում տեղեկություն հայտնվեց, թե իբր ՌԴ արտգործնախարարը հայտարարել է, որ «ՀՀ վարչապետ Նիկոլ Փաշինյանի խոսքերը` կապված ԼՂՀ–ի հետ, խոչընդոտում են հակամարտության կարգավորման գործընթացը»։

Մամուլի հաղորդագրության մեջ նաև այսպիսի մի արտահայտություն կար, որը վերագրվել էր Լավրովին. «Սա պաշտոնական Մոսկվայի դիրքորոշումն է։ Ռուսական կողմը կարգավորման գործընթացում հանդես է գալիս 5 «օկուպացված» շրջանները վերադարձնելու, տարածքում խաղաղապահներին տեղակայելու և տրանսպորտային հաղորդակցման համակարգը վերականգնելու օգտին»։

Պատասխանելով Sputnik–ի հարցին՝ Զախարովան ընդգծել էր, որ Ռուսաստանի դիրքորոշումն այդ հարցի առնչությամբ քաջ հայտնի է։ Նա խնդրել էր այսուհետ կողմնորոշվել հենց այդ դիրքորոշմամբ, այլ ոչ թե «տարատեսակ մեկնաբանություններով, որոնք արվում են ոչ ռուսական կողմից»։

Ինչ վերաբերում է ԼՂՀ հակամարտության կարգավորմանը, ապա այսօր ադրբեջանական կողմի հետ Լավրովի հանդիպման ընթացքում, ըստ նրա, քննարկվել են հակամարտության կարգավորման` նախկինում հնչած հիմնական սկզբունքները, «որոնք ենթադրում են ԼՂՀ կարգավիճակի հարցի լուծում, ինչպես նաև դրա շուրջ գտնվող տարածքների ազատում»։

Եվ ահա դիվանագիտական սկանդալից հետո Ադրբեջանի խորհրդարանի կայքում հրապարակված հաղորդագրության տեքստը խմբագրվել է, մեջբերումը գլխիվայր փոփոխվել, իսկ Նիկոլ Փաշինյանի մասին հիշատակումը, «օկուպացված 5 տարածքների վերադարձի» և «խաղաղապահների տեղակայման» մասին խոսքերն անհետացել ։

«Սերգեյ Լավրովը ԼՂՀ հակամարտության առնչությամբ հայտարարել էր, որ Ռուսաստանը որպես ԵԱՀԿ ՄԽ համանախագահ աջակցում է խնդրի լուծմանն ու ջանք չի խնայում այս ոլորտում։ Ռուսաստանը սատարում է Ադրբեջանի տարածքային ամբողջականությանը»,– նշված է փոփոխված տարբերակում։

Բացի այդ, այս մեջբերումից առաջ երկու նախադասություն է հայտնվել Գաֆարովային վերագրվող, որոնք չկային նախորդ տարբերակում։ Ահա դրանք. «Ցանկացած դեպքում Ադրբեջանը կազատի իր հողերը բռնազավթումից։ Ադրբեջանցի ժողովուրդը երբեք թույլ չի տա իր տարածքում երկրորդ հայկական պետություն ստեղծել»։

Ավելի վաղ ՀՀ ԱԳՆ–ից Sputnik Արմենիային հայտնել էին, որ ադրբեջանական հաղորդագրությունները տեղեկատվության հուսալի աղբյուր չեն։

720
թեգերը:
Նիկոլ Փաշինյան, Արտաքին գործերի նախարարություն (ԱԳՆ), Ղարաբաղյան հակամարտություն, Մարիա Զախարովա, Սերգեյ Լավրով, Ադրբեջան, Հայաստան
Ըստ թեմայի
Ադրբեջանական կողմի գործողությունները սահմանին մեծացնում են լարվածությունը. Ստեփանյան
Տեղեկություններ կան, որ օտարերկրյա ահաբեկիչ զինյալներ են տեղափոխվել Ադրբեջան. Մնացականյան
Ադրբեջանական ԶԼՄ–ները փորձել են Շահումյանի հայկական եկեղեցին ներկայացնել որպես ալբանական
Նախապայման դնում է Ադրբեջանը. Փաշինյանն արձագանքել է համանախագահների առաջարկին
ԱԳ նախարար Զոհրաբ Մնացականյանի, Արցախի ԱԳ նախարար Մասիս Մայիլյանի, Հայաստանի և Արցախի մարդու իրավունքների պաշտպաններ Արման Թաթոյանի և Արտակ Բեգլարյանի հանդիպումը Հայաստանում հավատարմագրված դիվանագիտական ներկայացուցչությունների ղեկավարների և միջազգային կառույցների ներկայացուցիչների հետ

Ադրբեջանն արգելված զինատեսակներ է օգտագործում. ԱԳՆ-ում հանդիպում է կայացել դեսպանների հետ

116
(Թարմացված է 01:18 20.10.2020)
Հանգամանալից ներկայացվել է իրադրությունը Լեռնային Ղարաբաղի համակարտության գոտում և Արցախի դեմ Ադրբեջանի կողմից սանձազերծված լայնամասշտաբ ագրեսիայի հումանիտար հետևանքները:

ԵՐԵՎԱՆ, 20 հոկտեմբերի - Sputnik. ՀՀ Արտաքին գործերի նախարարությունում այսօր Հայաստանի և Արցախի արտգործնախարարներ Զոհրաբ Մնացականյանը և Մասիս Մայիլյանը, Հայաստանի և Արցախի մարդու իրավունքների պաշտպաններ Արման Թաթոյանը և Արտակ Բեգլարյանը հանդիպել են Հայաստանում հավատարմագրված դիվանագիտական ներկայացուցչությունների ղեկավարների ու միջազգային կառույցների ներկայացուցիչների հետ։ Տեղեկությունը հայտնում է ՀՀ ԱԳՆ մամուլի ծառայությունը։

Հանդիպման նպատակն էր հանգամանալից ներկայացնել Լեռնային Ղարաբաղի համակարտության գոտում իրադրությունը և Արցախի դեմ Ադրբեջանի կողմից սանձազերծված լայնամասշտաբ ագրեսիայի հումանիտար հետևանքները:

Արցախի մարդու իրավունքների պաշտպան Արտակ Բեգլարյանը հանդիպման մասնակիցներին ներկայացրել է Արցախի խաղաղ բնակչությանը և քաղաքացիական ենթակառուցվածքներին պատճառված վնասները։

Արտակ Բեգլարյանը նշել է, որ հակառակորդը նպատակ ունի ահաբեկման և ֆիզիկական բնաջնջման ենթարկել խաղաղ բնակչությանը՝ այդ կերպ անտեսելով խաղաղ բնակչության պաշտպանությանը միտված միջազգային իրավունքի բոլոր հիմնարար նորմերը։

Պաշտպանը ներկաներին իրազեկել է նաև Ադրբեջանի կողմից հայ ռազմագերիների և քաղաքացիական բնակչության նկատմամբ ծայրահեղ դաժանությամբ աչքի ընկնող վերաբերմունքի, սպանությունների ու և դիակապտության դեպքերի մասին, որոնք համատարած դրական արձագանք են ստանում ադրբեջանական հասարակության շրջանում։

Встреча глав МИД и омбудсменов Армении и Карабаха с прeдставителями диппредставительств аккредитованных в Армении стран и международных организаций (19 октября 2020). Еревaн
Արման Թաթոյան

ՀՀ մարդու իրավունքների պաշտպան Արման Թաթոյանն անդրադարձել է իրենց մասնագիտական գործունեությունն իրականացնող լրագրողների թիրախավորմանը, որը կրում է միտումնավոր և հետևողական բնույթ։

Լրատվամիջոցների ներկայացուցիչների գործառույթներին խոչընդոտելը նպատակ ունի լռեցնել Արցախում պատերազմի արդար լուսաբանումը։ Արման Թաթոյանն այս գործելաոճը որակել է որպես հանցանք խոսքի ազատության դեմ և միջազգային իրավունքի կոպիտ խախտում:

ԱՀ արտգործնախարար Մասիս Մայիլյանն իր խոսքում ներկայացրել է Արցախի կառավարության կողմից ձեռնարկվող քայլերը՝ ուղղված քաղաքացիական բնակչության վրա ռազմական ագրեսիայի հետևանքները մեղմելուն, մասնավորապես խաղաղ բնակչության պաշտպանության, ժամանակավոր տեղահանվածներին ապաստան տրամադրելու և առաջին անհրաժեշտության կարիքները հոգալու հետ կապված: Նա ընդգծել է, որ Արցախում ստեղծված իրավիճակը հաղթահարելու համար անհրաժեշտ է միջազգային հանրության և մասնավորապես՝ մարդասիրական մասնագիտացված կառույցների ուղղակի ներգրավվումը:

Встреча глав МИД и омбудсменов Армении и Карабаха с прeдставителями диппредставительств аккредитованных в Армении стран и международных организаций (19 октября 2020). Еревaн
Արցախի ԱԳ նախարար Մասիս Մայիլյանն ու Արցախի մարդու իրավունքների պաշտպան Արտակ Բեգլարյանը

Մասիս Մայիլյանը շեշտել է, որ Արցախի ժողովրդի դեմ Ադրբեջանի և Թուրքիայի կողմից գերժամանակակից զինատեսակների օգտագործմամբ և օտարերկրյա զինյալ ահաբեկիչների մասնակցությամբ իրականացվող ռազմական ագրեսիան, որը զուգակցվում է միջազգային իրավունքի և մարտական գործողություններ վարելու ընդունված նորմերի կոպտագույն խախտումներով, Արցախի խաղաղ բնակչության ֆիզիկական անվտանգությանն ուղղված լրջագույն սպառնալիք է, ինչին հակազդելու համար միակ գործուն միջոց կարող է լինել Արցախի ինքնորոշման իրավունքի իրացման՝ անկախության ճանաչումը միջազգային հանրության կողմից:    

Ամփոփելով հանդիպումը՝ նախարար Մնացականյանը նշել է, որ նախապես ծրագրավորված այս ագրեսիան տասնամյակների ընթացքում Ադրբեջանի կողմից իրականացվող՝ Արցախի ժողովրդին մեկուսացնելու և իր պատմական հայրենիքում բնաջնջելու քաղաքականության շարունակական դրսևորումն է:

ՀՀ-ն բոլոր անհրաժեշտ քայլերը կձեռնարկի Ադրբեջանի մտադրությունը մերժելու համար. ԱԳՆ

Նա հավելել է, որ ադրբեջանական ագրեսիան այսպիսի ծավալներ չէր ընդունի, եթե հակամարտությանն անմիջականորեն չներգրավվեր Թուրքիան իր քաղաքական և ռազմատեխնիկական ներուժով՝ այդ թվում օտարերկրյա զինյալ ահաբեկիչներին հակամարտության գոտում տեղակայման տեսքով, ինչը ոչ միայն Արցախի, այլև ողջ տարածաշրջանի խաղաղ բնակչության կյանքին և կենսագործունեությանը սպառնացող լրջագույն վտանգ է:

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Встреча глав МИД и омбудсменов Армении и Карабаха с прeдставителями диппредставительств аккредитованных в Армении стран и международных организаций (19 октября 2020). Еревaн
Զոհրաբ Մնացականյան

Հոկտեմբերի 18-ի ժամը 19:00-ի դրությամբ` հակառակորդի կրակոցների հետևանքով զոհվել են 729 զինծառայողներ և 37 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6259 զոհ ունի և բազմաթիվ վիրավորներ։ 

Ըստ վերջին տվյալների՝ Ադրբեջանի զինված ուժերը կորցրել են 22 ինքնաթիռ, 16 ուղղաթիռ, 195 անօդաչու սարք, 4 ՏՈՍ-1 «Սոլնցեպեկ» համազարկային կրակի ռեակտիվ համակարգ, 566 տանկ և ՀՄՄ:

Ղազանչեցոցը 2 անգամ վերականգնած ճարտարապետը վստահեցնում է` եկեղեցին ավերված երկար չի մնա 

Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։ 

«Թող իմանան` մենք ողջ ենք, լավ ենք». առաջնագծի տղաների` ժպիտ պարգևող լուսանկարները


116
թեգերը:
Դեսպան, ՀՀ ՄԻՊ, Արտաքին գործերի նախարարություն (ԱԳՆ), Արցախյան պատերազմ
թեմա:
Ադրբեջանական ագրեսիան Արցախում - 2020
Ըստ թեմայի
Ադրբեջանցիները մտադիր էին սպանել Սուրբ Ղազանչեցոցում ապաստանած կանանց ու երեխաներին. ՄԻՊ
Ադրբեջանական ԶՈՒ-ն Արցախում ավելի քան 120 բնակավայր է թիրախավորել. Արցախի ՄԻՊ
Ադրբեջանական ԱԹՍ-ի հարվածը թիրախային էր. ՄԻՊ-ը երեխայի վիրավորվելու մանրամասներն է հայտնել
Մայք Պոմպեո

ԱՄՆ պետքարտուղարն առանձին հանդիպումներ կունենա ՀՀ և Ադրբեջանի արտգործնախարարների հետ

120
(Թարմացված է 22:07 19.10.2020)
Ադրբեջանի դեսպան Էլին Սուլեյմանովը չի բացառել Վաշինգտոնում Հայաստանի և Ադրբեջանի արտաքին գործերի նախարարների հանդիպման հնարավորությունը:

ԵՐԵՎԱՆ, 19 հոկտեմբերի - Sputnik. ԱՄՆ պետքարտուղար Մայք Պոմպեոն հոկտեմբերի 23-ին Վաշինգտոնում առանձին հանդիպումներ կունենա Հայաստանի և Ադրբեջանի արտաքին գործերի նախարարների հետ։ Այս մասին գրում է Politico կայքը:

ԱԳՆ-ից Սպուտնիկ Արմենիային տեղեկացրեցին, որ հանդիպումը տեղի կունենա հոկտեմբերի 23-ին՝ Վաշինգտոնում։

ԱՄՆ պետքարտուղարի հետ առաջինը կհանդիպի Ադրբեջանի արտաքին գործերի նախարար Ջեյհուն Բայրամովը։ Այնուհետև Պոմպեոն կհանդիպի Հայաստանի արտաքին գործերի նախարար Զոհրաբ Մնացականյանի հետ:

Politico-ի տեղեկություններով`ԱՄՆ-ում Ադրբեջանի դեսպան Էլին Սուլեյմանովը չի բացառել Վաշինգտոնում Հայաստանի և Ադրբեջանի արտաքին գործերի նախարարների հանդիպման հնարավորությունը:

Այսօր ՀՀ վարչապետ Նիկոլ Փաշինյանն իր հերթին ռուսաստանյան TACC լրատվական գործակալության հետ զրույցում հայտարարել է, որ պատրաստ է մեկնել Մոսկվա՝ հանդիպելու Ադրբեջանի նախագահ Իլհամ Ալիևի հետ` Լեռնային Ղարաբաղի շուրջ բանակցություններ վարելու համար:

Լրագրողի հարցին, թե ինչպիսին կարող է լինել Ղարաբաղյան հակամարտության վերջնական կարգավորումը, և պատրաստ է արդյոք Երևանը զիջումների գնալ հանուն խաղաղության, Փաշինյանը պատասխանել է` Հայաստանը պատրաստ է փոխզիջման, իսկ դրա նախադրյալը Լեռնային Ղարաբաղի կարգավիճակի հարցի լուծումն է։

Մենք դեմ ենք, որ հակամարտությունը միջազգային բնույթ ստանա. Մայք Պոմպեո

Ալիևն իր հերթին հայտարարել է, որ Ադրբեջանը պատրաստ է դադարեցնել ռազմական գործողությունները, եթե «Հայաստանը կառուցողական դիրք ընդունի բանակցային պրոցեսում»։

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 18-ի ժամը 19:00-ի դրությամբ` հակառակորդի կրակոցների հետևանքով զոհվել են 729 զինծառայողներ և 37 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6259 զոհ ունի և բազմաթիվ վիրավորներ։ 

Ըստ վերջին տվյալների՝ Ադրբեջանի զինված ուժերը կորցրել են 22 ինքնաթիռ, 16 ուղղաթիռ, 195 անօդաչու սարք, 4 ՏՈՍ-1 «Սոլնցեպեկ» համազարկային կրակի ռեակտիվ համակարգ, 566 տանկ և ՀՄՄ:

Ղազանչեցոցը 2 անգամ վերականգնած ճարտարապետը վստահեցնում է` եկեղեցին ավերված երկար չի մնա 

Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։ 

«Թող իմանան` մենք ողջ ենք, լավ ենք». առաջնագծի տղաների` ժպիտ պարգևող լուսանկարները


120
թեգերը:
ԱՄՆ, Ադրբեջան, Հայաստան, Արցախյան պատերազմ
թեմա:
Ադրբեջանական ագրեսիան Արցախում - 2020
Ըստ թեմայի
Աշխատանքներ են տարվում Զոհրաբ Մնացականյանի` ԱՄՆ այց կազմակերպելու ուղղությամբ
ԱՄՆ Ներկայացուցիչների պալատում Թուրքիային ՆԱՏՕ-ից հեռացնելու բանաձև է ներկայացվել
Պոմպեոն և Չավուշօղլուն խոսել են Հայոց ցեղասպանության բանաձևից ու Սիրիայից
Հրետանի

Հերոս հրետանավորները. նրանք անում են ավելին, քան հնարավոր է պատկերացնել

0
(Թարմացված է 10:23 20.10.2020)
Շարքային զինծառայողներից մինչև փորձառու զինվորականներ. այս պատերազմում աներևակայելի հերոսությունների մասին պատմություններն անվերջ են։

ԵՐԵՎԱՆ, 20 հոկտեմբերի - Sputnik. Այս պատերազմում հրետանավորներն իրականացնում են այնպիսի գործողություններ, որոնք նախատեսված չեն եղել անգամ զորատեսակի պատրաստության ծրագրերով: Արցախի պաշտպանության բանակի մամուլի ծառայությունը նշում է՝ այս պատերազմի արդյունքների վերլուծությունների մեջ առանձնահատուկ բարձր գնահատականներ են տրվելու հենց հրետանավորների գրագետ գործողություններին:

«Նորօրյա հերոսներ» շարքում այս անգամ ՊԲ-ն ներկայացնում է հերոս հրետանավորներից մի քանիսին։

Դիվիզիոնի հրամանատար, փոխգնդապետ Արսեն Հակոբյանն իր ենթակաների հետ, ի թիվս բազմաթիվ այլ հաջողված գործողությունների, հոկտեմբերի 7-ին խոցել են թշնամու 1 Տ-90 տանկ: Արսեն Հակոբյանը ներկայացված է «Մարտական ծառայություն» մեդալի: «Տրոպա» և այլ հատուկ միջոցներ օգտագործելով` մարտական դիրքը գրավել փորձող թշնամական ուժերին հաջողությամբ դիմագրավելու և համառ գործողությունների շնորհիվ կասեցնելու համար նույն կարգի մեդալի է ներկայացվել շարքային Վաչագան Մովսիսյանը։

«Հակառակորդի դիրքեր գրավելու, թշնամական մեծ քանակությամբ կենդանի ուժ, զենք-զինամթերք ու սպառազինություն ոչնչացնելու համար «Մարտական ծառայություն» մեդալներով կպարգևատրվեն սերժանտ Տիգրան Գրիգորյանը, սերժանտ-պայմանագրային Սևակ Աթայանը, կրտսեր սերժանտներ Գևորգ Աթանեսյանը, Սևադա Սիրունյանն ու Դավիթ Ասոյանը, շարքային-պայմանագրային Տիգրան Բաղդասարյանը, ավագ լեյտենանտ Գևորգ Աթանեսյանը, պայմանագրային զինծառայող Սևադա Հովսեփյանը, շարքայիններ Ռազմիկ Մադաթյանը, Կառլեն Առաքելյանը, Ռուբեն Գևորգյանը, Նարեկ Ավետիսյանը, Սամվել Բաբայանը, կապիտաններ Սերոբ Մելքոնյանն ու Ալեքսանդր Ավագիմյանը, ավագ լեյտենանտ Զոհրաբ Գաբրիելյանը»,- տեղեկացնում են ՊԲ-ից:

Պատերազմի աստծո երդվյալները` հրետանավորները, անչափելի մեծ կորուստներ են պատճառում թշնամուն

Նշենք, որ երեկ՝ հոկտեմբերի 19-ին, հայկական Զինված ուժերը տոնում էր Հրթիռահրետանային զորքերի օրը։

0
թեգերը:
հերոս, Ղարաբաղյան հակամարտություն, Լեռնային Ղարաբաղ, Արցախ, պարգևատրում, մեդալ, հրետանի
թեմա:
Ադրբեջանական ագրեսիան Արցախում - 2020
Ըստ թեմայի
Քննարկվում են հրադադարի պահպանման վերահսկողության մեխանիզմները. ՄԱԿ-ում ՌԴ ներկայացուցիչ
Առանձին հատվածներում շարունակվել են հրետանային մենամարտերը. ինչպես է անցել գիշերը սահմանին
Հայկական զինուժը թուրքական ԱԹՍ է խոցել. տեսանյութ