Արթուր Վաղարշյան

Աչքաչափով է գործել. ՍԴ դատավորի թեկնածուն կրկնեց իշխանության մասին հայտնած իր դիրքորոշումը

175
(Թարմացված է 16:24 14.09.2020)
Արթուր Վաղարշյանը մանրամասն պատմեց, թե ինչն է պատճառ հանդիսացել, որ ներկայիս իշխանության մասին «աչքաչափով են գործում» արտահայտություն է արել։

ԵՐԵՎԱՆ, 14 սեպտեմբերի — Sputnik. ՀՀ նախագահ Արմեն Սարգսյանի կողմից ՍԴ դատավորի թեկնածու առաջադրված Արթուր Վաղարշյանը ևս մեկ անգամ կրկնեց` ներկայիս իշխանությունը ԵՊՀ–ին առնչվող ինչ–ինչ հարցերում աչքաչափով է գործել։ Վաղարշյանը նման կարծիք հայտնեց այսօր ԱԺ–ում` պատասխանելով «Իմ քայլը» խմբակցության պատգամավոր Սուրեն Գրիգորյանը հարցին։

Նշենք, որ Սուրեն Գրիգորյանը հիշեցրել էր, որ 2019-ի փետրվարին ԵՊՀ հոգաբարձուների խորհրդի նիստի ժամանակ Վաղարշյանը (նա ԵՊՀ հոգաբարձուների խորհրդի անդամ է) հայտարարել էր, թե մեր իշխանությունները գործում են աչքաչափով, նրանց համար կարևորը քաղաքական նպատակն է։ Գրիգորյանը հետաքրքրվեց` մինչև հիմա այդպե՞ս է մտածում, և եթե այդպես է մտածում, ինչպե՞ս է ակնկալում ստանալ իշխանության քվեն։

«Այս հարցի առնչությամբ մանրամասներ կասեմ. երբ հոգաբարձուների խորհրդի նոր կազմը ձևավորվեց, 2019-ի սկզբին խորհրդի նախագահը (2019-ի հունվարի 22-ին նախագահ ընտրվեց Գևորգ Մուրադյան` խմբ.) ինձ կանչեց ու ասաց, որ պետք է Արամ Սիմոնյանին հեռացնենք։ Նա ինձ ասել էր, որ եթե Սիմոնյանը հեռանա, միլիոնավոր փողեր են գալու Հայաստան»,–պատմեց Վաղարշյանը` հավելելով, որ իրեն առաջարկել են անվստահություն հայտնել Սիմոնյանի նկատմամբ։

Ջուլֆալակյանին չենք պարտադրել. Լիլիթ Մակունց

Վաղարշյանը, սակայն, չի համաձայնվել, քանի որ կարծում է` Սիմոնյանը ճանապարհ էր անցել, և մի քանի ամսից արդեն իսկ լրանում էր նրա պաշտոնավարման ժամկետը։ Բացի այդ, Վաղարշյանն առաջարկել է երկու նոր պրոռեկտոր նշանակեն, որոնց հսկողության ներքո Սիմոնյանը կշարունակի աշխատել, կամ էլ ասեն` կա արդյո՞ք ռեկտորի նոր թեկնածու։ Երկու դեպքում էլ Վաղարշյանը բացասական պատասխան է ստացել։

«Ես հիմա էլ գտնում եմ, որ երկու տարի է անցել ու համալսարանը տեղում դոփում է։ Մինչև ո՞ւր ենք գնալու այսպես։ Կադրերի արտահոսք է լինում բուհից։ Հիմա դուք ասեք` ես ճի՞շտ էի, որ սա աչքաչափով գործընթաց էր, կամ, եթե դա աչքաչափով առաջնորդվել չէր` ի՞նչ էր»,–ասաց  Վաղարշյանը։

Ինչ է լինում, երբ ՍԴ դատավորի բոլոր թեկնածուներն անցնում են ԱԺ–ի «մաղով»

Հիշեցնենք, որ  ՀՀ կառավարությունը ՍԴ դատավորի թեկնածու է առաջադրել Էդգար Շաթիրյանին, ՀՀ նախագահը՝ Արթուր Վաղարշյանին, իսկ Դատավորների ընդհանուր ժողովը՝ Երվանդ Խունդկարյանին: Վաղարշյանը նախորդ տարի նույնպես նախագահի կողմից առաջադրվել էր որպես ՍԴ դատարանի թեկնածու, սակայն խորհրդարանը մերժել էր նրա թեկնածությունը։

«Լուսավոր Հայաստան» և «Բարգավաճ Հայաստան» խմբակցությունները հայտարարել են, որ չեն մասնակցելու ՍԴ դատավորի ընտրության քվեարկությանը։

Բոլոր թեկնածուներին պետք է ընտրի Ազգային ժողովը՝ պատգամավորների 3/5-րդի ձայներով:

175
թեգերը:
Երևանի պետական համալսարան (ԵՊՀ), Արթուր Վաղարշյան, Սահմանադրական դատարան, Սահմանադրական փոփոխությունների նախագիծ, ԱԺ
Ըստ թեմայի
«Լուսավոր Հայաստանը» նույնպես չի մասնակցի ՍԴ դատավորի ընտրությանը. Սիմոնյանն ասաց` ինչու
Ինչպես է եղել, որ Սարգսյանը ՍԴ դատավորի պաշտոնում կրկին առաջադրել է նախկինում «մերժվածին»
«Մի քանի հատոր են կազմում Գագիկ Խաչատրյանի հիվանդությունները». դատական նիստը հետաձգվեց
Տիգրան Ուլիխանյան

«Իմ քայլի» պատգամավորը վայր է դնում մանդատը. նա հրաժարականի դիմում է ներկայացրել

510
(Թարմացված է 21:32 29.09.2020)
Եթե մեկ շաբաթվա ընթացքում պատգամավորը գրավոր դիմումով հետ է վերցնում հրաժարականի մասին դիմումը, ապա Ազգային ժողովի նախագահն այդ մասին հանդես է գալիս հայտարարությամբ։

ԵՐԵՎԱՆ, 29 սեպտեմբերի– Sputnik. ՀՀ ԱԺ «Իմ քայլը» խմբակցության պատգամավոր Տիգրան Ուլիխանյանը պատգամավորական մանդատը վայր է դնում։ Տեղեկությունը հայտնում է Ազգային ժողովի մամուլի ծառայությունը։

«Ազգային ժողովի կանոնակարգ» սահմանադրական օրենքի 155-րդ հոդվածի 2-րդ մասի համաձայն` եթե հրաժարականի հրապարակումից հետո՝ մեկ շաբաթվա ընթացքում, պատգամավորը գրավոր դիմումով հետ է վերցնում հրաժարականի մասին իր դիմումը, ապա Ազգային ժողովի նախագահն այդ մասին հանդես է գալիս հայտարարությամբ, եթե հետ չի վերցնում հրաժարականի մասին իր դիմումը, ապա նրա լիազորությունների դադարման մասին կազմվում է արձանագրություն, որն ստորագրում և հրապարակում է Ազգային ժողովի նախագահը: Արձանագրության հրապարակման պահից հրաժարականը համարվում է ընդունված»,-ասված է ՀՀ ԱԺ նախագահ Արարատ Միրզոյանի հայտարարության մեջ:

Նշենք, որ Տիգրան Ուլիխանյանը հրաժարականի դիմում է ներկայացրել այսօր:

Ավելի վաղ հայտնել էինք, որ Ուլիխանյանը հաստատել էր Պետական վերահսկողական ծառայության պետի ժամանակավոր պաշտոնակատար նշանակվելու լուրը։

«Արայի՛կ, արժե արձակուրդ վերցնել». Սմբատ Գոգյանը պաշտոնից ազատվելուց հետո գրառում է արել

Հիշեցնենք, որ նա մասնագիտությամբ տնտեսագետ-կառավարիչ է։ 2015 թվականից «Քաղաքացիական պայմանագիր» կուսակցության հիմնադիր անդամ է:

2018 թվականի մայիսից մինչև 2019 թվականի հունվար եղել է ՀՀ պետական վերահսկողական ծառայության պետի տեղակալը: 2018 թվականի դեկտեմբերի 9-ին ընտրվել է Ազգային ժողովի պատգամավոր «Իմ քայլը» կուսակցությունների դաշինքի համապետական ընտրական ցուցակով:

Հետախուզման մեջ գտնվող ՀՀ նախկին բարձրաստիճան պաշտոնյաները ցանկանում են մեկնել Արցախ

510
թեգերը:
Տիգրան Ուլիխանյան, Պատգամավոր, Հայաստան
Ըստ թեմայի
«Լո՞ւրջ եք ասում». ԿԳՄՍ նախարարը պատասխանում է իր հրաժարականը պահանջողների հարցերին
Գրիշա Թամրազյանի դեմ քրգործ է պատրաստվո՞ւմ. փոխնախարարի հրաժարականի հետքերով
Ջոզեֆ Բայդեն

Թուրքիան ու այլ երկրներ չպետք է միջամտեն Հայաստանի և Ադրբեջանի հակամարտությանը. Բայդեն

147
(Թարմացված է 20:59 29.09.2020)
ԱՄՆ պետդեպատամենտն ավելի վաղ կոչ էր արել հակամարտության կողմերին անհապաղ դադարեցնել կրակն ու վերադառնալ բանակցությունների սեղանին։

ԵՐԵՎԱՆ, 29 սեպտեմբերի - Sputnik. ԱՄՆ-ը պետք է պահանջի, որ Թուրքիան ու այլ երկրներ չմիջամտեն Հայաստանի և Ադրբեջանի հակամարտությանը, հայտարարել է ԱՄՆ նախագահի թեկնածու Ջոզեֆ Բայդենը։

«Լեռնային Ղարաբաղի ու նրա շրջակայքում տուժածների թվի արագ աճի պայմաններում Թրամփի վարչակազմը պետք է կոչ անի Հայաստանի ու Ադրբեջանի ղեկավարներին՝ անմիջապես ապառազմականացնել իրավիճակը։ Պետք է նաեւ պահանջի, որ այլ երկրներ, ինչպիսին Թուրքիան է, դուրս մնան այդ առճակատումից»,- գրել է Բայդենն իր Twitter-ի միկրոբլոգում։

​Հիշեցնենք, որ ԱՄՆ պետդեպատամենտն ավելի վաղ կոչ էր արել հակամարտության կողմերին անհապաղ դադարեցնել կրակն ու վերադառնալ բանակցությունների սեղանին՝ կարծիք հայտնելով, որ «արտաքին կողմերի» մասնակցությունը միայն կավելացնի լարվածությունը։​

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Վերջին տեղեկություններով` հակառակորդի կրակոցների հետևանքով զոհվել են 80 զինծառայողներ և 3 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդի կորուստներն անհամեմատ մեծ են։

ԱԳՆ-ն հերքում է. Հայաստանն Ադրբեջանի Դաշքեսանի շրջանը չի հրթիռակոծել

Ըստ այս պահին հայտնի տեղեկությունների` Ադրբեջանը զրկվել է նաև 52 ԱԹՍ–ից, 6 ուղղաթիռից, 92 զրահատեխնիկայից, 1 ինքնաթիռից և 82 ավտոտրանսպորտից։ Արցախում և Հայաստանում ռազմական դրություն և համատարած զորահավաք է հայտարարվել։

Ադրբեջանի ԶՈւ–ի թիրախ դարձած Մարտունին «Գրադից» հետո. լուսանկարներ, տեսանյութ

Սեպտեմբերի 29–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել է Վարդենիսի տարածաշրջանը։ Վարդենիսում թշնամու ԱԹՍ հարվածից քաղաքացիական ավտոբուս է այրվել և մեկ խաղաղ բնակիչ զոհվել։

147
թեգերը:
Թուրքիա, Ղարաբաղյան հակամարտություն, հայ-ադրբեջանական, Ջո Բայդեն, ԱՄՆ
թեմա:
Ադրբեջանական ագրեսիա Արցախում. 2020
Ըստ թեմայի
Սիրիայում ապացույցներ ունեն, որ Թուրքիան գրոհայիններ է ուղարկել Ադրբեջան
Թուրքիան բացառապես ուժի լեզուն է հասկանում. ինչ սպասել ՄԱԿ-ի ԱԽ քննարկումներից
Զգուշացրեք Թուրքիային` դադարեցնի զենք և մարտիկներ ուղարկել Բաքու. Քարդաշյանի կոչը ԱՄՆ–ին
Վրաց-թուրքական սահման

Սամցխե Ջավախքի հայերը փակել են Թուրքիայի հետ սահմանը. ո՞րն է նրանց պահանջը

29
(Թարմացված է 03:01 30.09.2020)
Այս պահին ցուցարարները հեռացել են: Նրանք մտադիր են հայ-վրացական սահմանի բացման հարցը լուծել այլ ճանապարհով։

ԵՐԵՎԱՆ, 30 սեպտեմբերի Sputnik. Սամցխե Ջավախքի տարածաշրջանից հարյուրավոր հայեր ի նշան բողոքի մի քանի ժամով փակել են վրաց-թուրքական սահմանը։ Այս մասին Sputnik Արմենիայի թղթակցի հետ զրույցում ասել է Վրաստանի խորհրդարանի նախկին պատգամավոր Սամվել Պետրոսյանը։

Ցուցարարները Վրաստանի իշխանություններից պահանջել են բացել հայ-վրացական սահմանը ՝ հումանիտար բեռը Ղարաբաղ հասցնելու համար և թույլատրել կամավորների մեկնումը Արցախ։ Բացի այդ, ցուցարարները կասկածներ են հայտնել, որ Թուրքիան Վրաստանի տարածքով ռազմական բեռ է հասցնում Ադրբեջան։

Նշենք, որ նոր տիպի SARS-CoV-2 կորոնավիրուսային համաճարակի բռնկման պահից երկու երկրների միջև սահմանը փակ է։ Բացառություն են կազմում բեռնափոխադրումները։

«Սա մեզ համար առանձնակի ցավոտ է». Վրաստանի պատրիարք Իլյա II–ը դիմել է Երևանին և Բաքվին

Պետրոսյանը նշել է, որ ցուցարարները հասկացել են՝ արմատական (ռադիկալ) միջոցներով հարցը չի կարող լուծվել, և որոշել են չվնասել հայ-վրացական հարաբերությունները:

Ավելի վաղ Վրաստանի պաշտպանության և ազգային անվտանգության խորհրդարանական հանձնաժողովի նախագահ Իրակլի Սեսիաշվիլին հայտարարել էր, որ Վրաստանի տարածքը չի կարող օգտագործվել որևէ երկրի ռազմական շահերից ելնելով, և, որ դրանով է պայմանավորված Վրաստանի տարածքով ռազմական բեռների տարանցման արգելքը:

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Վերջին տեղեկություններով` հակառակորդի կրակոցների հետևանքով զոհվել են 80 զինծառայողներ և 3 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդի կորուստներն անհամեմատ մեծ են։

Սեպտեմբերի 29–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել է Վարդենիսի տարածաշրջանը։ Վարդենիսում թշնամու ԱԹՍ հարվածից քաղաքացիական ավտոբուս է այրվել և մեկ խաղաղ բնակիչ զոհվել։

Պաստառներ ձկնկիթի փոխարեն․ հայերի հանրահավաքն ու Փարիզում Ադրբեջանի դեսպանատան արձագանքը

 

29
թեգերը:
Բողոքի ակցիա, Սահման, Վրաստանի Հանրապետություն, Ադրբեջան, Պատերազմ, Արցախ
Ըստ թեմայի
Հայ զինծառայողները մի քանի վայրկյանում երկու ԱԹՍ են խոցում. տեսանյութ
Ադրբեջանը 790 զոհ ունի, որից 180-ը` Քարվաճառի ուղղությամբ. Արծրուն Հովհաննիսյան
Հայկական զինուժը խոցել է հակառակորդի զինամթերքով բեռնված մեքենաների շարասյունը. տեսանյութ
Որտե՞ղ են տեղավորվել Արցախից տարհանված մարդիկ. ԱՀ պետնախարարը մանրամասներ է հայտնում