Արսեն Ջուլֆալակյան

Ջուլֆալակյանը դեռ ժամանակ ունի մտափոխվելու. Միրզոյանը հայտարարություն է արել

60
(Թարմացված է 15:06 10.09.2020)
ՀՀ ԱԺ նախագահ Արարատ Միրզոյանը անդրադարձել է իմքայլական պատգամավոր Արսեն Ջուլֆալակյանի հրաժարականի դիմումին:

ԵՐԵՎԱՆ, 10 սեպտեմբերի - Sputnik. ՀՀ ԱԺ նախագահ Արարատ Միրզոյանը ԱԺ «Իմ քայլը» խմբակցության պատգամավոր Արսեն Ջուլֆալակյանի հրաժարականի դիմումի մասին հայտարարություն է տարածել՝ հղում անելով «Ազգային ժողովի կանոնակարգ» սահմանադրական օրենքի 155-րդ հոդվածի 1-ին և 2-րդ մասերին:

Նա նշել է, որ ԱԺ կանոնակարգ» օրենքի 155-րդ հոդվածի 1-ին մասի համաձայն՝ Հայաստանի Հանրապետության Ազգային ժողովի պատգամավոր Արսեն Ջուլֆալակյանը սեպտեմբերի 9-ին հրաժարականի դիմում է ներկայացրել:

«Ազգային ժողովի կանոնակարգ» սահմանադրական օրենքի 155-րդ հոդվածի 2-րդ մասի համաձայն` եթե հրաժարականի հրապարակումից հետո՝ մեկ շաբաթվա ընթացքում, պատգամավորը գրավոր դիմումով հետ է վերցնում հրաժարականի մասին իր դիմումը, ապա Ազգային ժողովի նախագահն այդ մասին հանդես է գալիս հայտարարությամբ, եթե հետ չի վերցնում հրաժարականի մասին իր դիմումը, ապա նրա լիազորությունների դադարման մասին կազմվում է արձանագրություն, որն ստորագրում եւ հրապարակում է Ազգային ժողովի նախագահը: Արձանագրության հրապարակման պահից հրաժարականը համարվում է ընդունված»,- նշված է ՀՀ ԱԺ նախագահի հայտարարության մեջ:

Հնարավոր չէ նորմալ պայմաններ ապահովել մարզումների համար. Ջուլֆալակյանը՝ օլիմպիադայի մասին

Հիշեցնենք՝ երեկ՝ սեպտեմբերի 9-ին, ՀՀ ԱԺ «Իմ քայլը» խմբակցության պատգամավոր, ըմբշամարտի Եվրոպայի և աշխարհի չեմպիոն, օլիմպիական խաղերի արծաթե մեդալակիր Արսեն Ջուլֆալակյանը Facebook-ի իր էջում հայտնել էր, որ դիմել է ՀՀ ԱԺ նախագահ Արարատ Միրզոյանին` պատգամավորական մանդատը վայր դնելու կապակցությամբ։

Նրա խոսքով՝ իր հրաժարականի պատճառը ԿԳՄՍ նախարար Արայիկ Հարությունյանի հետ ունեցած սկզբունքային անհամաձայնություններն են նրա ենթակայության տակ գտնվող ոլորտների ներկա կառավարման մոտեցումների վերաբերյալ:

Ըստ Ջուլֆալակյանի՝ հետհեղափոխական Հայաստանում ամենից շատ հենց այս գերատեսչության ձախողումների մասին է խոսվել, ուստի ինքը հարկ չի համարում առավել մանրամասնել։

Ջուլֆալակյանն ԱԺ պատգամավոր է ընտրվել 2018–ին։

60
թեգերը:
Հայաստան, Կրթության, գիտության, մշակույթի և սպորտի նախարարություն (ԿԳՄՍ), Արայիկ Հարությունյան, Հրաժարական, մանդատ, Պատգամավոր, «Իմ քայլը» խմբակցություն, Արարատ Միրզոյան, Արսեն Ջուլֆալակյան
Ըստ թեմայի
Դպրոցում դիմակ դնելը պարտադի՞ր է․ պարզաբանում է ԿԳՄՍ փոխնախարարը
Ոսկեդարի և միջնադարյան հայ գրականությունը ներառված է ծրագրում. պարզաբանում է ԿԳՄՍ–ն
«Պատուհանը փակում էին, երդիկից էինք մտնում». ԿԳՄՍ նախարարը պնդում է՝ իրազեկումը պատշաճ էր
ՄԻՊ–ը հարցադրումներ է ուղարկել ԿԳՄՍՆ դպրոցներում աշակերտների դիմակ դնելու առնչությամբ
Նիկոլ Փաշինյան

Թուրքիան սպառնալիք է Հայաստանի և տարածաշրջանի համար. Փաշինյանի ելույթը ՄԱԿ-ում

55
(Թարմացված է 21:36 25.09.2020)
Թուրքիան իր քաղաքականությունը կառուցում է Հայոց ցեղասպանության արդարացման և այդ հանցագործության անպատժելիության վրա:

ԵՐԵՎԱՆ, 25 սեպտեմբերի - Sputnik. Ադրբեջանին իր միակողմանի աջակցությամբ և այնտեղ ռազմական ներկայության ընդլայնմամբ՝ Թուրքիան վիժեցնում է տարածաշրջանում խաղաղություն և կայունություն հաստատելու ջանքերը։ Նման հայտարարություն արեց այսօր ՀՀ վարչապետ Նիկոլ Փաշինյանը ՄԱԿ-ի Գլխավոր ասամբլեայի 75-րդ նստաշրջանի ընդհանուր քննարկումների ժամանակ։

Նրա խոսքով՝հուլիսին՝ հայ-ադրբեջանական լարված հակամարտության օրերին միջազգային հանրության հիմնական կոչերը վերաբերում էին հրադադարի ռեժիմի պահպանմանը, երկխոսությանը և կողմերի զսպմանը: Մինչդեռ Թուրքիան ջանք ու եռանդ չխնայեց լարվածությունը մեծացնելու համար, այդ թվում՝ Հարավային Կովկասում, Միջերկրածովյան Արևելքում, Հյուսիսային Աֆրիկայում և Մերձավոր Արևելքում։

«Թուրքիան ուղղակիորեն սպառնում է Հայաստանին և ցուցադրաբար մարտաշունչ կեցվածք դրսևորում՝ Հայաստանի և Լեռնային Ղարաբաղի անմիջական հարևանությամբ Ադրբեջանի հետ անցկացնելով սադրիչ բնույթի համատեղ զորավարժություններ»,- ասաց Փաշինյանը՝ ընդգծելով, որ Թուրքիան իր քաղաքականությունը կառուցում է մեր տարածաշրջանում ազգակցական ավանդույթների, հակամարտությունների շահագործման, Հայոց ցեղասպանության արդարացման և այդ հանցագործության անպատժելիության վրա:

Ինչպե՞ս հակազդել թուրք-ադրբեջանական տեղեկատվական մանիպուլյացիաներին. մասնագիտական կարծիք

«Թուրքիան անվտանգության սպառնալիք է Հայաստանի և տարածաշրջանի համար»,- հայտարարեց ՀՀ վարչապետը։

Իր ելույթում Նիկոլ Փաշինյանն ընդգծեց, որ Հայաստանը շարունակելու է ակտիվորեն ներգրավվել տարածաշրջանային և միջազգային ջանքերում՝ խաղաղությունն ու անվտանգությունը երկխոսության և համագործակցության միջոցով պահպանելու համար:

55
թեգերը:
Հայաստան, Ադրբեջան, Միավորված ազգերի կազմակերպություն (ՄԱԿ), Նիկոլ Փաշինյան
Ըստ թեմայի
Ինչպես շփվել արաբական երկրների հետ թուրք-ադրբեջանական տանդեմին ճիշտ դիմակայելու համար
Ի՞նչն է մտահոգիչ թուրք-ադրբեջանական զորավարժություններում. ՀՀ ՊՆ մեկնաբանությունը
Ի՞նչ էին անում ապրիլյանի օրերին թուրք և իսրայելցի ռազմական մասնագետները Ադրբեջանում
Հայ խաղաղապահներն Աֆղանստանում

Հայ խաղաղապահները վերադարձան Աֆղանստանից

20
(Թարմացված է 21:01 25.09.2020)
2010թ.-ից հայ խաղաղապահները ծառայություն են իրականացրել Աֆղանստանի մայրաքաղաք Քաբուլում, ինչպես նաև Կունդուզ և Մազարի Շարիֆ քաղաքներում տեղակայված ռազմական զինավաններում:

ԵՐԵՎԱՆ, 25 սեպտեմբերի - Sputnik. Հայրենիք է վերադարձել Աֆղանստանում միջազգային անվտանգության աջակցության ուժերի կազմում խաղաղարար առաքելություն իրականացրած հայ զինծառայողների հերթական զորախումբը: Լուրը հայտնում է ՀՀ պաշտպանության նախարարության մամուլի ծառայությունը։

«Փոխգնդապետ Թադևոսյանի ղեկավարությամբ առաքելություն իրականացրած խաղաղապահները ցուցաբերել են բարձր պատրաստվածություն և կարգապահություն, արժանացել հրամանատարության խրախուսանքին»,- նշված է հաղորդագրության մեջ։

Նշենք, որ օգոստոսի 15-ին հայտնել էինք այն մասին, որ խաղաղապահ ուժերի բրիգադի հերթական զորախումբն Աֆղանստան է մեկնել։
Հիշեցնենք, որ անցած տարվա նոյեմբերին Աֆղանստան էր մեկնել ՀՀ պաշտպանության նախարար Դավիթ Տոնոյանը։

ՀՀ ԶՈւ–ն միջազգային խաղաղապահ առաքելությամբ հանդես է գալիս դեռևս 2004թ. փետրվարից, երբ հայ խաղաղապահների 34 հոգանոց զորախումբը մեկնեց Կոսովո` հունական ստորաբաժանման կազմում խաղաղապահ առաքելություն իրականացնելու:

Բեյրութում գտնվող հայ խաղաղապահները պայթյունի վայրից հեռու են. Նաղդալյան

Սկսած 2010 թվականի փետրվարից` ՀՀ ԶՈւ խաղաղապահ ստորաբաժանումը (մեկ դասակ) ընդգրկվել է Գերմանիայի Դաշնային Հանրապետության հրամանատարության տակ գտնվող ՄԱԱՈՒ (Աֆղանստանում միջազգային անվտանգության աջակցման ուժեր) (ISAF) հյուսիսային հրամանատարության կազմում և մասնակցել է Կունդուզ քաղաքի օդանավակայանի անվտանգության ապահովմանը:

2010թ.-ից առ այսօր հայ խաղաղապահները ծառայություն են իրականացրել Աֆղանստանի մայրաքաղաք Քաբուլում, Կունդուզում, ինչպես նաև Մազարի Շարիֆ քաղաքներում տեղակայված ռազմական զինավաններում:

20
թեգերը:
ՀՀ Պաշտպանության նախարարություն (ՊՆ), Զինվոր, Աֆղանստան, խաղաղապահ
Ըստ թեմայի
ԳՇ պետն այցելել է մարտական դիրքեր և ցուցումներ տվել
Տարբեր երկրներում ծառայող հայ խաղաղապահների մեջ կորոնավիրուսով վարակվածներ չկան
Նոր սերնդի խաղաղապահները, կամ ինչու Հայաստանը դարձավ հնդկական առաքելության կարևոր երկիրը
Երևանում ԱՄՆ դեսպանատուն. արխիվային լուսանկար

Արցախ չգնալ, խուսափել հայ-ադրբեջանական սահման այցելելուց. կոչ ԱՄՆ քաղաքացիներին

72
(Թարմացված է 00:46 26.09.2020)
ԱՄՆ քաղաքացիներին Հայաստանում և Ադրբեջանում գործող դեսպանությունները հորդորում են ցուցաբերել զգուշություն` կապված հայ-ադրբեջանական սահմանին լարվածության աճի և վերջերս տեղի ունեցած բռնությունների հետ:

ԵՐԵՎԱՆ, 26 սեպտեմբերի - Sputnik. Հայաստանում և Ադրբեջանում Միացյալ Նահանգների դեսպանությունները կոչ են անում ԱՄՆ քաղաքացիներին խուսափել հայ-ադրբեջանական սահման այցելելուց։

Երևանում ԱՄՆ դեսպանությունն իր կայքում հրապարակված զգուշացման մեջ կոչ է անում պահպանել զգոնություն պահպանել և ցուցաբերել զգուշություն` կապված հայ-ադրբեջանական սահմանին լարվածության աճի և վերջերս տեղի ունեցած բռնությունների հետ:

ՀՀ-ում ԱՄՆ դեսպանատունը ԱՄՆ քաղաքացիներին կոչ է անում խուսափել այցելություններից շփման գծի և սահմանի մոտակայքով, այդ թվում Դիլիջան ազգային պարկից հյուսիս գտնվող M4 և M16 մայրուղիներով և մինչև Վրաստանի սահման գնալուց:

Դեսպանությունը կոչ է անում նաև չայցելել Լեռնային Ղարաբաղ։

Երևանում ԱՄՆ դեսպանությունն իր երկրի քաղաքացիներին հետևյալ ցուցումներն է տալիս`

  • Հետևեք տեղական լրատվամիջոցների թարմացումներին 
  • Խուսափեք մարդկանց բազմությունից 
  • Խուսափեք ցույցերից 
  • Տեղեկացրեք ձեր անվտանգության մասին ընկերներին և ընտանիքին 
  • Տեղեկացված եղեք ձեր շրջակայքի մասին:

Իսկ Ադրբեջանում ԱՄՆ դեսպանատունը ԱՄՆ քաղաքացիներին հորդորում է խուսափել Թովուզի և Ղազախի շրջաններ այցելություններից:

Հայաստանը սահմանին զորքեր չի կուտակում. ՊՆ–ն պատասխանում է ադրբեջանական ապատեղեկատվությանը

72
թեգերը:
Սահման, Ադրբեջան, Արցախ, դեսպանատուն, ԱՄՆ
Ըստ թեմայի
Ադրբեջանը պետք է հրաժարվի ռազմական շանտաժի քաղաքականությունից. Արցախի ԱԳՆ-ն՝ Ալիևին
Բլե՞ֆ, թե՞ պատերազմի նախապատրաստություն. Ադրբեջանում զորահավաքներ են
Ադրբեջանի գործելաոճն անարգանք է ՍԾՏՀ կազմակերպության հանդեպ. ԱԳ նախարար