Անդրանիկ Քոչարյան

«Եկել է մի փուլ, երբ դիրքերում զինվորները կրակելու հնարավորություն չեն ունեցել». Քոչարյան

213
(Թարմացված է 12:47 09.09.2020)
Մինչև սեպտեմբերի վերջ ԱԺ քննիչ հանձնաժողովն իր ամփոփիչ զեկույցը կներկայացնի հանրությանը։ Մինչ այդ հանձնաժողովի նախագահը մեկնաբանել է լուրերը, թե 2016թ–ի քառօրյա պատերազմի օրերին տանկերում վառելիքի փոխարեն ջուր է եղել, Յուրի Խաչատուրովն էլ բիլիարդ խաղալիս է եղել։

ԵՐԵՎԱՆ, 9 սեպտեմբերի — Sputnik. 2016 թվականի Ապրիլյան պատերազմի հանգամանքներն ուսումնասիրող ԱԺ քննիչ հանձնաժողովն իր ամփոփիչ զեկույցը կավարտի մինչև սեպտեմբեր ամսվա ավարտը։ Տեղեկությունն այսօր լրագրողներին հայտնեց հանձնաժողովի նախագահ Անդրանիկ Քոչարյանը։

«Այս ամսվա ընթացքում զեկույցը, որը շատ ծավալուն է, ներկայացվելու է ԱԺ նախագահին` դրա ճակատագիրը որոշելու համար։ Զեկույցն ունենալու է գաղտնի, խիստ գաղտնի, հույժ գաղտնի, բաց դրույթներ, որոնք, ըստ Պետական գաղտնիքի մասին օրենքի հնարավորություն կտրվի թե՛ հասարակությանը, թե՛ ԱԺ պատգամավորներին, թե՛ անվտանգության մարմինների հիմնական պատասխանատուներին, ծանոթանալ զեկույցին»,– ասաց նա։

Քոչարյանը, սակայն, ընդգծեց, որ անկախ գաղտնիության մակարդակից, ինքն ամեն ինչ անելու է, որպեսզի Ապրիլյան պատերազմում զոհվածների հարազատները հնարավորություն ունենան ծանոթանալու զեկույցի ամբողջական տարբերակին։

Մինչ այս, Անդրանիկ Քոչարյանը լրագրողների հարցերին ի պատասխան, հերքեց մամուլում հայտնված տեղեկությունները, թե հանձնաժողովի աշխատանքի արդյունքում հերքվել են տեղեկություններն այն մասին, որ  2016թ–ի քառօրյա պատերազմի օրերին տանկերում վառելիքի փոխարեն ջուր է եղել, Գլխավոր շտաբի այն ժամանակվա պետ Յուրի Խաչատուրովը բիլիարդ խաղալիս է եղել։

«Որպես նախարար` ես հաղթելու կողմնակից եմ». Դավիթ Տոնոյանը` Ապրիլյան պատերազմի մասին

«Մեր արձանագրություններում այդպիսի բաներ չեն կարող արձանագրված լինել։ Հանձնաժողովի նիստերից հետո Կարեն Կարապետյանին, Լևոն Մնացականյանին, դիրքերում այդ ժամանակ ծառայություն իրականացրած շարքային զինծառայողներին լսելուց ու բոլոր փաստերը համադրելուց հետո հանձնաժողովի անդամները և ես ասել ենք, որ Ապրիլյան պատերազմի սկսման փուլում դիրքերում զինվորները փամփուշտի և ուտելիքի պակաս չեն ունեցել»,– ասաց նա։

Քոչարյանը մեկնաբանեց, որ պատերազմական գործողությունների սկզբում դիրքերը նախատեսված նվազագույնով ապահովված են եղել։ Բայց հետո եկել է մի փուլ, երբ դիրքերում զինվորները «կրակելու հնարավորություն չեն ունեցել»։

«Թե ինչու է այդպես եղել, մենք հանձնաժողովի աշխատանքի արդյունքում տալու ենք բացատրություններ` որ դիրքերում ուշացան, ինչ հետևանք ունեցավ, կարող էին չուշանալ, թե ոչ, բանակի կառավարելիության աստիճանն ինչպիսին էր, այդ կառավարելիության աստիճանի պատճառով մենք ունեցե՞լ ենք կորուստներ` դիրքային, թե մարդկային, դա մեր առաջին արձանագրության մեջ նշված կետերն էին, որոնց հանձնաժողովը պետք է տար պատասխաններ»,– ասաց Քոչարյանը` լրագրողներին հորդորելով մինչև զեկույցի հրապարակումը իրեն այդ հարցերը չուղղել։

Հիշեցնենք, ԱԺ ապրիլյան պատերազմի քննիչ հանձնաժողովի «հյուրերից» են եղել ՀՀ երրորդ նախագահ Սերժ Սարգսյանը, Արցախի ՊԲ նախկին հրամանատար Լևոն Մնացականյանը:

Որտե՞ղ է եղել Սերժ Սարգսյանը Ապրիլյան պատերազմը սկսվելու ժամանակ

Հանձնաժողովի նիստին մասնակցելու հրավեր էր ուղարկվել նաեւ ՀՀ ԶՈՒ ԳՇ նախկին պետ Յուրի Խաչատուրովին, բայց նա չէր ընդունել հրավերը:

213
թեգերը:
փամփուշտ, դիրքեր, Զինվոր, Յուրի Խաչատուրով, Անդրանիկ Քոչարյան, Ապրիլյան ԱԺ քննիչ հանձնաժողով, Ապրիլյան քառօրյա պատերազմ
Ըստ թեմայի
Բակո Սահակյանը մասնակցել է Ապրիլյան քննիչ հանձնաժողովի նիստին. նրան 8 հարց են տվել
Սերժ Սարգսյանը «գաղտնազերծեց» ապրիլյան քննիչ հանձնաժողովում հնչեցրած իր ներածական խոսքը
Տիգրան Ուլիխանյան

«Իմ քայլի» պատգամավորը վայր է դնում մանդատը. նա հրաժարականի դիմում է ներկայացրել

534
(Թարմացված է 21:32 29.09.2020)
Եթե մեկ շաբաթվա ընթացքում պատգամավորը գրավոր դիմումով հետ է վերցնում հրաժարականի մասին դիմումը, ապա Ազգային ժողովի նախագահն այդ մասին հանդես է գալիս հայտարարությամբ։

ԵՐԵՎԱՆ, 29 սեպտեմբերի– Sputnik. ՀՀ ԱԺ «Իմ քայլը» խմբակցության պատգամավոր Տիգրան Ուլիխանյանը պատգամավորական մանդատը վայր է դնում։ Տեղեկությունը հայտնում է Ազգային ժողովի մամուլի ծառայությունը։

«Ազգային ժողովի կանոնակարգ» սահմանադրական օրենքի 155-րդ հոդվածի 2-րդ մասի համաձայն` եթե հրաժարականի հրապարակումից հետո՝ մեկ շաբաթվա ընթացքում, պատգամավորը գրավոր դիմումով հետ է վերցնում հրաժարականի մասին իր դիմումը, ապա Ազգային ժողովի նախագահն այդ մասին հանդես է գալիս հայտարարությամբ, եթե հետ չի վերցնում հրաժարականի մասին իր դիմումը, ապա նրա լիազորությունների դադարման մասին կազմվում է արձանագրություն, որն ստորագրում և հրապարակում է Ազգային ժողովի նախագահը: Արձանագրության հրապարակման պահից հրաժարականը համարվում է ընդունված»,-ասված է ՀՀ ԱԺ նախագահ Արարատ Միրզոյանի հայտարարության մեջ:

Նշենք, որ Տիգրան Ուլիխանյանը հրաժարականի դիմում է ներկայացրել այսօր:

Ավելի վաղ հայտնել էինք, որ Ուլիխանյանը հաստատել էր Պետական վերահսկողական ծառայության պետի ժամանակավոր պաշտոնակատար նշանակվելու լուրը։

«Արայի՛կ, արժե արձակուրդ վերցնել». Սմբատ Գոգյանը պաշտոնից ազատվելուց հետո գրառում է արել

Հիշեցնենք, որ նա մասնագիտությամբ տնտեսագետ-կառավարիչ է։ 2015 թվականից «Քաղաքացիական պայմանագիր» կուսակցության հիմնադիր անդամ է:

2018 թվականի մայիսից մինչև 2019 թվականի հունվար եղել է ՀՀ պետական վերահսկողական ծառայության պետի տեղակալը: 2018 թվականի դեկտեմբերի 9-ին ընտրվել է Ազգային ժողովի պատգամավոր «Իմ քայլը» կուսակցությունների դաշինքի համապետական ընտրական ցուցակով:

Հետախուզման մեջ գտնվող ՀՀ նախկին բարձրաստիճան պաշտոնյաները ցանկանում են մեկնել Արցախ

534
թեգերը:
Տիգրան Ուլիխանյան, Պատգամավոր, Հայաստան
Ըստ թեմայի
«Լո՞ւրջ եք ասում». ԿԳՄՍ նախարարը պատասխանում է իր հրաժարականը պահանջողների հարցերին
Գրիշա Թամրազյանի դեմ քրգործ է պատրաստվո՞ւմ. փոխնախարարի հրաժարականի հետքերով
Ջոզեֆ Բայդեն

Թուրքիան ու այլ երկրներ չպետք է միջամտեն Հայաստանի և Ադրբեջանի հակամարտությանը. Բայդեն

148
(Թարմացված է 20:59 29.09.2020)
ԱՄՆ պետդեպատամենտն ավելի վաղ կոչ էր արել հակամարտության կողմերին անհապաղ դադարեցնել կրակն ու վերադառնալ բանակցությունների սեղանին։

ԵՐԵՎԱՆ, 29 սեպտեմբերի - Sputnik. ԱՄՆ-ը պետք է պահանջի, որ Թուրքիան ու այլ երկրներ չմիջամտեն Հայաստանի և Ադրբեջանի հակամարտությանը, հայտարարել է ԱՄՆ նախագահի թեկնածու Ջոզեֆ Բայդենը։

«Լեռնային Ղարաբաղի ու նրա շրջակայքում տուժածների թվի արագ աճի պայմաններում Թրամփի վարչակազմը պետք է կոչ անի Հայաստանի ու Ադրբեջանի ղեկավարներին՝ անմիջապես ապառազմականացնել իրավիճակը։ Պետք է նաեւ պահանջի, որ այլ երկրներ, ինչպիսին Թուրքիան է, դուրս մնան այդ առճակատումից»,- գրել է Բայդենն իր Twitter-ի միկրոբլոգում։

​Հիշեցնենք, որ ԱՄՆ պետդեպատամենտն ավելի վաղ կոչ էր արել հակամարտության կողմերին անհապաղ դադարեցնել կրակն ու վերադառնալ բանակցությունների սեղանին՝ կարծիք հայտնելով, որ «արտաքին կողմերի» մասնակցությունը միայն կավելացնի լարվածությունը։​

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Վերջին տեղեկություններով` հակառակորդի կրակոցների հետևանքով զոհվել են 80 զինծառայողներ և 3 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդի կորուստներն անհամեմատ մեծ են։

ԱԳՆ-ն հերքում է. Հայաստանն Ադրբեջանի Դաշքեսանի շրջանը չի հրթիռակոծել

Ըստ այս պահին հայտնի տեղեկությունների` Ադրբեջանը զրկվել է նաև 52 ԱԹՍ–ից, 6 ուղղաթիռից, 92 զրահատեխնիկայից, 1 ինքնաթիռից և 82 ավտոտրանսպորտից։ Արցախում և Հայաստանում ռազմական դրություն և համատարած զորահավաք է հայտարարվել։

Ադրբեջանի ԶՈւ–ի թիրախ դարձած Մարտունին «Գրադից» հետո. լուսանկարներ, տեսանյութ

Սեպտեմբերի 29–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել է Վարդենիսի տարածաշրջանը։ Վարդենիսում թշնամու ԱԹՍ հարվածից քաղաքացիական ավտոբուս է այրվել և մեկ խաղաղ բնակիչ զոհվել։

148
թեգերը:
Թուրքիա, Ղարաբաղյան հակամարտություն, հայ-ադրբեջանական, Ջո Բայդեն, ԱՄՆ
թեմա:
Ադրբեջանական ագրեսիա Արցախում. 2020
Ըստ թեմայի
Սիրիայում ապացույցներ ունեն, որ Թուրքիան գրոհայիններ է ուղարկել Ադրբեջան
Թուրքիան բացառապես ուժի լեզուն է հասկանում. ինչ սպասել ՄԱԿ-ի ԱԽ քննարկումներից
Զգուշացրեք Թուրքիային` դադարեցնի զենք և մարտիկներ ուղարկել Բաքու. Քարդաշյանի կոչը ԱՄՆ–ին
Վրաց-թուրքական սահման

Սամցխե Ջավախքի հայերը փակել են Թուրքիայի հետ սահմանը. ո՞րն է նրանց պահանջը

113
(Թարմացված է 03:01 30.09.2020)
Այս պահին ցուցարարները հեռացել են: Նրանք մտադիր են հայ-վրացական սահմանի բացման հարցը լուծել այլ ճանապարհով։

ԵՐԵՎԱՆ, 30 սեպտեմբերի Sputnik. Սամցխե Ջավախքի տարածաշրջանից հարյուրավոր հայեր ի նշան բողոքի մի քանի ժամով փակել են վրաց-թուրքական սահմանը։ Այս մասին Sputnik Արմենիայի թղթակցի հետ զրույցում ասել է Վրաստանի խորհրդարանի նախկին պատգամավոր Սամվել Պետրոսյանը։

Ցուցարարները Վրաստանի իշխանություններից պահանջել են բացել հայ-վրացական սահմանը ՝ հումանիտար բեռը Ղարաբաղ հասցնելու համար և թույլատրել կամավորների մեկնումը Արցախ։ Բացի այդ, ցուցարարները կասկածներ են հայտնել, որ Թուրքիան Վրաստանի տարածքով ռազմական բեռ է հասցնում Ադրբեջան։

Նշենք, որ նոր տիպի SARS-CoV-2 կորոնավիրուսային համաճարակի բռնկման պահից երկու երկրների միջև սահմանը փակ է։ Բացառություն են կազմում բեռնափոխադրումները։

«Սա մեզ համար առանձնակի ցավոտ է». Վրաստանի պատրիարք Իլյա II–ը դիմել է Երևանին և Բաքվին

Պետրոսյանը նշել է, որ ցուցարարները հասկացել են՝ արմատական (ռադիկալ) միջոցներով հարցը չի կարող լուծվել, և որոշել են չվնասել հայ-վրացական հարաբերությունները:

Ավելի վաղ Վրաստանի պաշտպանության և ազգային անվտանգության խորհրդարանական հանձնաժողովի նախագահ Իրակլի Սեսիաշվիլին հայտարարել էր, որ Վրաստանի տարածքը չի կարող օգտագործվել որևէ երկրի ռազմական շահերից ելնելով, և, որ դրանով է պայմանավորված Վրաստանի տարածքով ռազմական բեռների տարանցման արգելքը:

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Վերջին տեղեկություններով` հակառակորդի կրակոցների հետևանքով զոհվել են 80 զինծառայողներ և 3 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդի կորուստներն անհամեմատ մեծ են։

Սեպտեմբերի 29–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել է Վարդենիսի տարածաշրջանը։ Վարդենիսում թշնամու ԱԹՍ հարվածից քաղաքացիական ավտոբուս է այրվել և մեկ խաղաղ բնակիչ զոհվել։

Պաստառներ ձկնկիթի փոխարեն․ հայերի հանրահավաքն ու Փարիզում Ադրբեջանի դեսպանատան արձագանքը

 

113
թեգերը:
Բողոքի ակցիա, Սահման, Վրաստանի Հանրապետություն, Ադրբեջան, Պատերազմ, Արցախ
Ըստ թեմայի
Հայ զինծառայողները մի քանի վայրկյանում երկու ԱԹՍ են խոցում. տեսանյութ
Ադրբեջանը 790 զոհ ունի, որից 180-ը` Քարվաճառի ուղղությամբ. Արծրուն Հովհաննիսյան
Հայկական զինուժը խոցել է հակառակորդի զինամթերքով բեռնված մեքենաների շարասյունը. տեսանյութ
Որտե՞ղ են տեղավորվել Արցախից տարհանված մարդիկ. ԱՀ պետնախարարը մանրամասներ է հայտնում