Ռոբերտ Քոչարյան. արխիվային լուսանկար

Քոչարյանը զուգահեռներ անցկացրեց «թավշյա հեղափոխության» և Բելառուսի իրադարձությունների միջև

95
(Թարմացված է 17:03 02.09.2020)
ՀՀ երկրորդ նախագահ Ռոբերտ Քոչարյանը նշել է, որ Հայաստանում, ի տարբերություն Բելառուսի, 2018 թվականին լրագրողներին չէին ծեծում, իշխանությունն էլ հանդուրժող էր այլակարծության նկատմամբ։

ԵՐԵՎԱՆ, 2 սեպտեմբերի – Sputnik. ՀՀ երկրորդ նախագահ Ռոբերտ Քոչարյանը կարծում է, որ Բելառուսում տիրող իրավիճակը հիշեցնում է այն իրադարձությունները, որոնք տեղի էին ունենում Հայաստանում 2018 թվականին` «թավշյա հեղափոխության» ժամանակ։ Այս մասին նա ասել է ՌԲԿ–ին տված հարցազրույցում։

Հայաստանի նախկին նախագահը նշել է, թե ինչով էին տարբերվում Բելառուսում տեղի ունեցած իրադարձությունները Հայաստանում տեղի ունեցածից, և որն է դրանց նմանությունը։

«Արևմտյան երկրների վերաբերմունքը Բելառուսի նկատմամբ ուրիշ էր, Հայաստանի նկատմամբ` ուրիշ։ Հայաստանում իշխանությունն ավելի հանդուրժող էր այլակարծության նկատմամբ», – ասել է Քոչարյանը։

Նա նշել է, որ ՀՀԿ–ն և այն ժամանակվա նախագահն ակտիվ համագործակցում էին նաև Արևմուտքի հետ։ Ավելին, Հայաստանում քաղբանտարկյալներ չկային, լրագրողներին չէին ծեծում, ոչ ոք խորհրդավոր կերպով չէր անհետանում։

«Ավելին` ՀՀԿ–ն Եվրոպական ժողովրդական կուսակցության անդամ էր և բավական ակտիվ համագործակցում էր միջկուսակցական փոխգործակցության ոլորտում։ Իրավիճակն այլ էր, սակայն երբ այդ ամենը սկսվեց, այդ նույն երկրների դեսպանատների վերաբերմունքը ճիշտ նույնն էր», – ասել է Քոչարյանը։

Հիշեցնենք, որ Հայաստանում «թավշյա հեղափոխություն» տեղի ունեցավ 2018 թվականի գարնանը։

Օգոստոսի 9-ից Բելառուսում շարունակվում են բողոքի ցույցերը, որոնց մասնակիցները համաձայն չեն երկրում անցկացված նախագահական ընտրությունների արդյունքների հետ։ Վերջնական պաշտոնական տվյալների համաձայն` օգոստոսի 9-ին տեղի ունեցած ընտրություններում հաղթեց գործող նախագահ Ալեքսանդր Լուկաշենկոն, նա օգտին քվեարկեց ընտրողների 80,1%–ը, նրա հիմնական մրցակից` Սվետլանա Տիխանովսկայայի օգտին` 10,12%–ը։ Տիխանովսկայան այժմ Լիտվայում է։

Օրացույց առանց երեքշաբթիների․ Քոչարյանն անհեթեթ է համարում իր հասցեին հնչած մեղադրանքները

Օգոստոսի 16-ին երկրում զանգվածային բողոքի ցույցեր անցկացվեցին։

Պաշտոնական տվյալներով` առաջին օրերին ավելի քան 6.7 հազար մարդ է ձերբակալվել։ Հանրապետության ՆԳՆ հաղորդմամբ` անկարգությունների ընթացքում հարյուրավոր մարդիկ են տուժել, այդ թվում` 120 իրավապահ մարմինների աշխատակիցներ։ Բելառուսի իշխանությունների տվյալներով` բողոքի ակցիայի 3 մասնակից մահացել է։

95
թեգերը:
Ալեքսանդր Լուկաշենկո, Հայաստանի Հանրապետական կուսակցություն (ՀՀԿ), Նիկոլ Փաշինյան, Հայաստան, Բելառուս, «Թավշյա հեղափոխություն», Ռոբերտ Քոչարյան
Ըստ թեմայի
Սերժ Սարգսյան – Նիկոլ Փաշինյան «անդրկուլիսային կապերն» ու Ռոբերտ Քոչարյանի ձգտումները
Ամուլսարի հարցում պետություն գոյություն չունի. Ռոբերտ Քոչարյանը քննադատեց իշխանությանը
Ո՞նց հավատանք, որ Հայաստանում համակարգային կոռուպցիա չկա. Ռոբերտ Քոչարյան
 Լիլիթ Մակունց

«Ինձ չի անհանգստացնում դա». Մակունցը` 3 քաղաքական ուժերի հայտարարած հանրահավաքի մասին

44
(Թարմացված է 15:44 22.09.2020)
Լիլիթ Մակունցը լրագրողների հետ զրույցում մեկնաբանել է ԲՀԿ–ի, ՀՅԴ–ի ու «Հայրենիքի» համատեղ հանրահավաք անցկացնելու հայտարարությունը։

ԵՐԵՎԱՆ, 22 սեպտեմբերի – Sputnik. «Իմ քայլը» խմբակցության ղեկավար Լիլիթ Մակունցին ամենևին չի անհանգստացնում, որ 3 քաղաքական ուժերը պատրաստվում են հանրահավաք անել։ Մակունցը նման կարծիք հայտնեց ԱԺ–ում լրագրողների հետ ճեպազրույցի ժամանակ` անդրադառնալով ԲՀԿ–ի, ՀՅԴ–ի ու «Հայրենիքի» համատեղ հանրահավաք անցկացնելու հայտարարությանը։

«Ինձ համար այդ հանրահավաքը կազմակերպելու պատճառն անհիմն է։ Իհարկե, դա ընդդիմադիր ուժերի իրավունքն է»,–ասաց Մակունցը։

Հարցին, թե արդյոք այդ երեք ուժերին կհաջողվի՞ հանրության լայն մոբիլիզացիա կազմակերպել, Մակունցը նշեց, թե չի ուզում կանխատեսումներ անել։ Նրա խոսքով` շուտով ամեն ինչ պարզ կլինի։

Ինչ է կատարվում. «Իմ քայլը» խմբակցության ներկայացուցիչը հերքում է տարածված լուրերը

Հիշեցնենք, որ «Բարգավաճ Հայաստան» խմբակցության անդամ Իվետա Տոնոյանը հայտնել էր` քանի որ օրակարգը միասնական է, որոշել են քաղաքական ուժերով միասին հանդես գալ հանրահավաքով։ Թե ովքեր և ինչ թեմայով ելույթներ են ունենալու նախատեսվող հանրահավաքում, Տոնոյանի խոսքով, դեռ վերջնականապես որոշված չէ։ ԲՀԿ խոսնակը խոստացավ տեղեկացնել, երբ հստակեցված կլինի։

«Բռնապետական կարգեր չեն». Մակունցը խոսել է իմքայլականների շուրջ պտտվող լուրերի մասին

44
թեգերը:
հանրահավաք, Լիլիթ Մակունց, Հայաստան
Ըստ թեմայի
Ջուլֆալակյանին չեն պարտադրել. Լիլիթ Մակունց
Որոշ պատգամավորներ պաշտոններ կստանան գործադիրում, մեկն էլ` մարզպետ կդառնա. ԶԼՄ–ներ
«Ցածր մակարդակի դիսկուրսի մեջ ներքաշելու ցանկություն չունեմ». Ծառուկյանը նշում է խնդիրները
Լիլիթ Մակունց. արխիվային լուսանկար

«Բռնապետական կարգեր չեն». Մակունցը խոսել է իմքայլականների շուրջ պտտվող լուրերի մասին

82
(Թարմացված է 15:03 22.09.2020)
Լիլիթ Մակունցն անդրադարձել է շրջանառվող լուրերին, թե առաջիկայում 6-7 իմքայլականներ պատրաստվում են վայր դնել պատգամավորի մանդատը։

ԵՐԵՎԱՆ, 22 սեպտեմբերի - Sputnik. «Իմ քայլը» խմբակցության ղեկավար Լիլիթ Մակունցը ԱԺ–ում լրագրողների հետ ճեպազրույցում ասաց, որ խմբակցության պատգամավորների հետ աշխատանքային հանդիպում է եղել, սակայն խոսք չի գնացել մանդատներ վայր դնելու հարցին։ 

Նշենք` լուրեր են շրջանառվում, որ «Իմ քայլը» խմբակցությունից Գայանե Աբրահամյանը, Լուսինե Բադալյանը, Գոռ Գևորգյանը, Հովհաննես Հովհաննիսյանը, Համազասպ Դանիելյանը և այլոք առաջիկայում հրաժեշտ կտան պաշտոնին։

«Որոշ պատգամավորներն իրենք արդեն իսկ հերքել են այդ լուրերը։ Խմբակցությունում լուրջ խնդիրներ չկան, պետք է համակերպվենք այն իրավիճակի հետ, որ մենք պարբերաբար քննարկումներ ենք անում այս կամ այն թեմայի առնչությամբ»,–ասաց Մակունցը։

Հարցին, թե բացառո՞ւմ է, որ առաջիկայում մանդատը վայր դնողներ կլինեն` Մակունցը պատասխանեց, որ Հայաստանում բռնապետական կարգեր չեն, և յուրաքանչյուր պատգամավոր ինքն է որոշում իր հետագա անելիքները։

Ալեն Սիմոնյանը պարզաբանել է` ինչու է «Իմ Քայլը» ԲՀԿ–ի հետ հուշագիր ստորագրել

Իսկ ինչ վերաբերում է լուրերին, որ ԿԳՄՍ նախարար Արայիկ Հարությունյանի հետ հանդիպում է եղել և նրա հրաժարականի հարցն է քննարկվել` Մակունցը պատասխանեց, որ նոր հանդիպում չի եղել։

Հիշեցնենք, որ ըստ լուրերի` «Իմ քայլը» խմբակցության ներսում դեռևս խմորումներ են ընթանում Սահմանադրական դատարանի անդամների ընտրության հետ կապված: Մասնավորապես, նախագահի կողմից առաջադրված թեկնածու Արթուր Վաղարշյանի ընտրության հետ կապված են անհամաձայնություններ եղել։

Սահմանադրությունը փոփոխվեց «Իմ քայլը» +1 բանաձևով

82
թեգերը:
Պատգամավոր, մանդատ, «Իմ քայլը» խմբակցություն, Լիլիթ Մակունց
Ըստ թեմայի
Ինչո՞ւ էր «Իմ քայլը» լռում. Մակունցը խոսել է ԲՀԿ–ի` ԱԺ նիստը բոյկոտելու մասին
Լիլիթ Մակունցը հայտնեց` ինչու պետք է Վահրամ Ավետիսյանը մտածեր 80 ձայն չհավաքելու մասին
Ջուլֆալակյանին չեն պարտադրել. Լիլիթ Մակունց

Հաճախորդի լոյալությունը` բիզնեսի առաջխաղացման կարևորագույն ատրիբուտ

0
(Թարմացված է 23:30 22.09.2020)
Տնտեսագետ Հայկ Մանասյանն ու «Բիզնեսի դիալեկտիկա» հաղորդաշարի վարող Արամ Չախոյանը զրուցել են հաճախորդի լոյալության մասին։

Հաճախորդի լոյալությունն այսօր մրցակցային միջավայրի պայմաններում բիզնեսի առաջխաղացման կարևորագույն ատրիբուտներից մեկն է։ 

«Բիզնեսի դիալեկտիկա» հաղորդաշարի հերթական հաղորդման ընթացքում Հայկ Մանասյանը ներկայացնում է, թե իրականում ինչ է հաճախորդի լոյալությունը, որքան կարևոր է դա բիզնեսի առաջխաղացման համար, ինչ օգուտներ կարելի է ակնկալել հաճախորդների լոյալությունից և ինչ մեթոդներով կարելի է հասնել բարձր լոյալության։

«Բիզնեսի դիալեկտիկա». որո՞նք են «երկար պոչերը» բիզնեսի պրոդուկտային պորտֆելում

0
թեգերը:
հաճախորդ, բիզնես
թեմա:
Բիզնեսի դիալեկտիկա
Ըստ թեմայի
Որոնք են գնորդների վարքագծային հիմնական փոփոխությունները ռեցեսիայի պայմաններում
Որն է այն միակ գործոնը, որի շնորհիվ բիզնեսն արժեք է ստեղծում
Մարքեթինգի ու վաճառքի բաժինների բախումից տուժում է բիզնեսը. ի՞նչ անել, որ դա տեղի չունենա