Երվանդ Խունդկարյան

ՍԴ դատավորի թեկնածուի հետ հանդիպմանը «Իմ քայլի» պատգամավորների կեսն է մասնակցել

81
(Թարմացված է 17:31 18.08.2020)
Հանդիպման ժամանակ հնչել են հարցեր, որոնք ստացել են իրենց պատասխանը, իսկ մնացածը` քվեարկության ժամանակ կերևա։

ԵՐԵՎԱՆ, 18 օգոստոսի — Sputnik. Դատավորների ընդհանուր ժողովի կողմից ՍԴ դատավորի թեկնածու առաջադրված Երվանդ Խունդկարյանի հետ հանդիպման ժամանակ «Իմ քայլի» պատգամավորներն անդրադարձել են նաև մամուլում շրջանառվող լուրերին։ Խունդկարյանի հետ հանդիպումից հետո լրագրողների հետ զրույցում հայտնեց խմբակցության ղեկավար Լիլիթ Մակունցը։

«Խմբակցությունը բոլոր թեկնածուների հետ նախապես հանդիպում է։ Խունդկարյանի հետ հանդիպմանը «Իմ քայլի» ոչ բոլոր պատգամավորներն են ներկա եղել` նրանց կեսն է մասնակցել հանդիպմանը։ Պատգամավորները ՍԴ դատավորի թեկնածուին ուղղել են իրենց հուզող բոլոր հարցերը»,–ասաց Մակունցը։

Իսկ ինչ վերաբերում է պատգամավորների տրամադրվածությանը Խունդկարյանի հանդեպ` Մակունցը նշեց, որ չի կարող բոլորի անունից կարծիք հայտնել։ Մակունցն ասաց` ինքն անձամբ հարց չի ուղղել Խունդկարյանին, իսկ իր վերաբերմունքը նրա հանդեպ կարտահայտվի ԱԺ–ում նրա ընտրության ժամանակ։

«Իմ քայլը» խմբակցության ղեկավարն ասաց, որ այլ մանրամասներ հայտնել չի կարող, քանի որ հանդիպումը փակ է եղել, և եթե Խունդկարյանն ուզի, ապա նա կարող է կարծիք հայտնել։

Ինչու Վահրամ Ավետիսյանը հրաժարվեց ՍԴ դատավոր դառնալուց. «Ժողովուրդը» մանրամասնում է

«Իմ քայլի» պատգամավոր Անդրանիկ Քոչարյանն էլ, հարցին, թե ինչ է քննարկվել հանդիպմանը, հումորով պատասխանեց. «Կարոտել էինք իրար»։

Քոչարյանը նույնպես մանրամասներ չհայտնեց` միայն ասելով, որ հնչել են հարցեր, որոնք ստացել են իրենց պատասխանը, մնացածը` քվեարկության ժամանակ կերևա։

Հիշեցնենք, որ օգոստոսի 1-ին հայտնի դարձավ, որ դատավորների ընդհանուր ժողովի կողմից ՍԴ դատավորի թեկնածու է առաջադրվել ՀՀ վճռաբեկ դատարանի նախագահ Երվանդ Խունդկարյանը։ Իսկ կառավարության կողմից առաջադրվել էր Վահրամ Ավետիսյանի թեկնածությունը, որը հայտարարել էր իր դիմումը հետ վերցնելու մասին։ ՀՀ նախագահ Արմեն Սարգսյանը ՍԴ դատավորի թեկնածու է առաջադրել Արթուր Վաղարշյանին։

Ավելի վաղ`  հունիսի 30-ին, ՀՀ ԱԺ-ն իր արտահերթ նստաշրջանում ընդունեց ՀՀ Սահմանադրական դատարանի մասին Սահմանադրական օրենքում և մի շարք այլ օրենքներում փոփոխություններ կատարելու մասին օրենքների նախագծերը, որոնցով կասեցվում են Սահմանադրական դատարանի` 12 տարի պաշտոնավարած 3 դատավորների լիազորությունները, իսկ ՍԴ նախագահ Հրայր Թովմասյանը, որի պաշտոնավարման 12 տարին չի լրացել, շարունակում է աշխատել ՍԴ դատավորի կարգավիճակում։

«Իմ քայլը» քննարկել է ՍԴ դատավորների հարցը. մեծամասնությունը դեմ է ՀՀ նախագահի թեկնածուին

Հուլիսի 22-ին ԱԺ նախագահ Արարատ Միրզոյանը ստորագրեց «Սահմանադրական դատարանի մասին» օրենքում փոփոխություններ և լրացումներ կատարելու մասին օրենքը։ Դրանից հետո երկամսյա ժամկետում ՍԴ դատավորների թեկնածուներ պետք է առաջադրեին կառավարությունը, նախագահը և դատավորների ընդհանուր ժողովը։

81
թեգերը:
Երվանդ Խունդկարյան, Անդրանիկ Քոչարյան, Լիլիթ Մակունց, «Իմ քայլը» խմբակցություն, Դատավոր, Նախագահ, Սահմանադրական դատարան
Ըստ թեմայի
Քոչարյանի գործով անկողմնակալ չլինելու որևէ հիմք չեմ տեսնում. ՍԴ դատավորի թեկնածու
Դատական համակարգն առաջադրեց ՍԴ դատավորի իր թեկնածուին. հերթը ՀՀ նախագահինն է
ՀՀ նախագահը նույն թեկնածուին երկրորդ անգամ է առաջադրել ՍԴ դատավորի պաշտոնում
Արմեն Սարգսյան ու Էմանուել Մակրոն

Ահաբեկչությունը սահման չունի. Արմեն Սարգսյանի ցավակցական ուղերձը՝ Էմանուել Մակրոնին

6
Նախագահը համոզվածություն է հայտնել, որ Ֆրանսիան նաև այս մարտահրավերը կհաղթահարի։

ԵՐԵՎԱՆ, 30 հոկտեմբերի - Sputnik. ՀՀ նախագահ Արմեն Սարգսյանը ցավակցական հեռագիր է հղել Ֆրանսիայի Հանրապետության նախագահ Էմանուել Մակրոնին։ Նախագահի մամուլի ծառայության հաղորդմամբ՝ Արմեն Սարգսյանը ցավակցել է պաշտոնակցին Նիցցայում տեղի ունեցած ողբերգական միջադեպի կապակցությամբ:

«Խորապես ցնցված եմ այս բարբարոս արարքից, որը հարվածեց Նիցցայի սրտին՝ Աստվածամոր տաճարին: Հայաստանը խստորեն դատապարտում է ատելության և անհանդուրժողականության այդ արարքը»,- նշված է նախագահի ցավակցական ուղերձում։

Արմեն Սարգսյանը նշել է, որ այս ողբերգական պահին մենք մտքով զոհերի և նրանց ընտանիքների հետ ենք։ Նախագահն ընդգծել է՝ ահաբեկչությունը, արմատականությունն ու մոլեռանդությունը սահմաններ չունեն։ Դրանք լուրջ սպառնալիք են մեր հասարակությունների համար, ուստի անհրաժեշտ է համախմբել մեր ջանքերը՝ այդ աղետի դեմ պայքարելու համար:

«Այս դժվար պահին Հայաստանն ու հայ ժողովուրդը համերաշխ են Ֆրանսիայի և նրա ժողովրդի հետ: Մենք միշտ ձեր կողքին ենք: Լինենք ուժեղ և միասնական՝ պաշտպանելու խաղաղության, հանդուրժողականության և ազատության արժեքները»։

Արմեն Սարգսյանը արիություն է մաղթել ֆրանսիացի բարեկամ ժողովրդին և համոզվածություն հայտնել, որ Ֆրանսիան, ինչպես միշտ, կհաղթահարի նաև այս մարտահրավերը։

Նիկոլ Փաշինյանը ցավակցական հեռագիր է հղել Էմանուել Մակրոնին

Հիշեցնենք, որ հոկտեմբերի 29-ին Նիցցայի Աստվածամոր տաճարի մոտ անհայտ տղամարդը դանակով հարձակվել է հավատացյալների վրա։ Նիցցայի քաղաքապետ Քրիստիան Էստրոզին հայտարարել է, որ Նիցցայի Աստվածամոր տաճարի մոտ դանակով հարձակումը նման է ահաբեկչության։ Հարձակման ընթացքում զոհվել է երկու մարդ, մի քանիսը վիրավորվել են։ 

6
թեգերը:
Ահաբեկչություն, Էմանուել Մակրոն, Արմեն Սարգսյան
Ըստ թեմայի
«Նա ցանցառի մեկն է». ֆրանսիական Charlie Hebdo–ն պատկերել է Էրդողանի ծաղրանկարը. լուսանկար
Ֆրանսիայի Ավինյոն քաղաքում սպանել են ոստիկանների վրա դանակով հարձակված տղամարդուն
Թուրքի կողմից գլխին մուրճի հարված ստացած երիտասարդը վիրահատության կարիք ունի
Հայաստանի և Իրանի ԱԳ ներկայացուցիչները

Քաղաքական խորհրդակցություններ. ի՞նչ են քննարկել Հայաստանի և Իրանի ԱԳ ներկայացուցիչները

107
(Թարմացված է 16:17 30.10.2020)
Կողմերը կարևորել են երկկողմ քաղաքական խորհրդակցությունների շարունակականության ապահովումը։

ԵՐԵՎԱՆ, 30 հոկտեմբերի - Sputnik. Այսօր Երևանում շարունակվել են հերթական քաղաքական խորհրդակցությունները Հայաստանի և Իրանի արտաքին գործերի նախարարությունների միջև: Տեղեկությունը հայտնում է ՀՀ ԱԳՆ մամուլի ծառայությունը։ Հայկական պատվիրակությունը գլխավորել է արտգործնախարարի տեղակալ Շավարշ Քոչարյանը, իսկ իրանականը՝ արտգործնախարարի քաղաքական հարցերով տեղակալ Աբբաս Արաղչին:

«Խորհրդակցությունների ընթացքում կողմերը քննարկեցին հայ-իրանական երկկողմ քաղաքական օրակարգի բազմաթիվ հարցեր: Անդրադարձ կատարվեց նաև երկկողմ տնտեսական օրակարգին և մտքեր փոխանակվեցին փոխադարձ հետաքրքրություն ներկայացնող այլ կարևոր հարցերի շուրջ»,- նշված է հաղորդագրության մեջ։

Իրանի փոխարտգործնախարարը Զոհրաբ Մնացականյանի հետ քննարկել է ԼՂ խնդիրը

Ընդգծվում է, որ կողմերը կարևորել են երկկողմ քաղաքական խորհրդակցությունների շարունակականության ապահովումը:

Հիշեցնենք՝ Իրանի նախագահի հատուկ բանագնաց Արաղչին արդեն այցելել է Բաքու, Մոսկվա և Երևան, որտեղ քննարկել է Ղարաբաղյան հակամարտության կարգավորման հարցը։ Նա նշել էր, որ հակամարտության շուրջ ծագած ճգնաժամին կարելի է դիմակայել՝ օգտագործելով տարածաշրջանում ազդեցություն ունեցող երկրների մասնակցությունը։ Արաղչին ընդգծել էր, որ Ռուսաստանն այդ երկրների շարքում կարևորագույններից մեկն է, ինչպես և Թուրքիան։

Տարածաշրջանային մոտեցում, իրատեսություն․ Արաղչին նկարագրել է Ղարաբաղի հարցով Իրանի ծրագիրը

107
թեգերը:
ՀՀ Արտաքին գործերի նախարարություն. ԱԳՆ, Իրանի Իսլամական Հանրապետություն, Հայաստան
թեմա:
Ադրբեջանական ագրեսիան Արցախում - 2020
Ըստ թեմայի
Իրանն ուժեղացրել է հակաօդային պաշտպանությունը Հայաստանի և Ադրբեջանի սահմանին
Իրանի նախագահի բանագնացը Ղարաբաղի հարցով խորհրդակցություններ է անցկացրել Մոսկվայում
Իրանն ու Ռուսաստանը նմանատիպ մոտեցումներ ունեն Ղարաբաղյան հակամարտության հարցում. Արաղչի
Նիկոլ Փաշինյան. արխիվային լուսանկար

Օպտիմալ լուծումը ռուս խաղաղապահների տեղակայումն է. Նիկոլ Փաշինյան

0
Վարչապետ Նիկոլ Փաշինյանը պատասխանել է եվրոպական մի քանի հեղինակավոր լրատվամիջոցների՝ The Telegraph-ի (Մեծ Բրիտանիա), European Post-ի (Բրյուսել), Foreign Policy-ի (ԱՄՆ), Tageblatt-ի (Ավստրիա) և Il Gеornale-ի (Իտալիա) հարցերին:

ԵՐԵՎԱՆ, 30 հոկտեմբերի – Sputnik. Եվրոպական մի քանի հեղինակավոր լրատվամիջոցների հարցերին պատասխանելով` ՀՀ վարչապետ Նիկոլ Փաշինյանն անդրադարձել է նաև Արցախում խաղաղապահների տեղակայման հարցին։ Վարչապետը հիշեցրել է` միակ երկիրը, որը հանդես է եկել խաղաղապահ ուժեր Լեռնային Ղարաբաղ ուղարկելու առաջարկով, Ռուսաստանն է:

Փաշինյանը շեշտել է, որ կողմ է հակամարտության գոտում ռուս խաղաղապահների տեղակայմանը, բայց խնդիրն այն է, որ խաղաղապահների տեղակայումը պետք է ընդունելի լինի հակամարտության բոլոր կողմերի համար:

«Հայաստանի և Ղարաբաղի համար դա ընդունելի է, և դա կարող է տեղի ունենալ այն պարագայում, ինչպես ռուսաստանցի գործընկերներն են ասել, եթե Ադրբեջանը նույնպես դրան կողմ լինի: Եվ ընդհանրապես ցանկացած խաղաղապահ կարող է տեղակայվել կողմերի համաձայնության պարագայում: Ինչ վերաբերում է Հայաստանի ռազմավարական գործընկեր Մոսկվային, Ռուսաստանի մեր գործընկերներն ասել են, որ Հայաստանի տարածքային ամբողջականության նկատմամբ իրական սպառնալիքի դեպքում իրենք իրենց դաշնակցային պարտավորությունները (այդ թվում՝ ռազմական) կկատարեն»,– ասել է Փաշինյանը։

Ռուսաստանը ճնշում կգործադրի՞ Ադրբեջանի վրա. Սուրենյանցը` դիտորդների ու խաղաղապահների մասին

Նա նաև շեշտել է, որ օպտիմալ լուծումն, իր կարծիքով, ռուս խաղաղապահների տեղակայումն է:

Անդրադառնալով հակամարտության կարգավորման հարցում Իրանի դերին` Փաշինյանն ասել է, որ Իրանը հարևան և բարեկամ երկիր է, որի ղեկավարության հետ ինքը մշտապես կապի մեջ է։

«Մենք, ի վերջո, ընդհանուր սահման ունենք, և մեր սահմանապահներն են համագործակցում»,– ասել է վարչապետը։

Նիկոլ Փաշինյանը միջազգային լրատվամիջոցներին նաև ասել է, որ Լեռնային Ղարաբաղն այսօր, ըստ էության, դարձել է հակաահաբեկչական պատերազմի առաջնագիծ, ուստի Լեռնային Ղարաբաղի խնդրի լուծման բանաձևն, իր համոզմամբ, պետք է դառնա «անջատում հանուն փրկության» միջազգային իրավունքի նորմը:

«Որովհետև Ադրբեջանի կազմում Լեռնային Ղարաբաղ՝ նշանակում է էթնիկ զտումներ և Լեռնային Ղարաբաղի հայության ցեղասպանություն: Ես, ինչքան գիտեմ, դուք եղել եք Ղարաբաղում և տեսել եք հրթիռակոծությունները: Հենց դա է այդ հարցի պատասխանը: Մեկը կարո՞ղ է բացատրել՝ ինչո՞ւ է հրթիռակոծվում Ստեփանակերտը: Մի պարզ պատճառով: Որպեսզի մարդիկ հրաժարվեն այնտեղ ապրելու գաղափարից: Սա էթնիկ զտման, ցեղասպանության մի շատ կարևոր բանաձև է: Եվ մեր հիմնական ուղերձն այն է, որ պետք է տեղի ունենա «անջատում հանուն փրկության»»,– ասել է Փաշինյանը։

Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 30-ի ժամը 14։00-ի դրությամբ` հակառակորդի կրակոցների հետևանքով Արցախում զոհվել են 1166 զինծառայողներ և 39 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6914 զոհ ունի և բազմաթիվ վիրավորներ։ 

Ըստ վերջին տվյալների՝ Ադրբեջանի զինված ուժերը կորցրել են 25 ինքնաթիռ, 16 ուղղաթիռ, 232 անօդաչու սարք, 6 ՏՈՍ-1 «Սոլնցեպեկ» համազարկային կրակի ռեակտիվ համակարգ, 649 տանկ և ՀՄՄ:

Ես չգնամ, էլ ո՞վ գնա. Արցախից եկած մարզիկն ու մարզիչը պատմում են տղաների հերոսության մասին

Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։ 

Անմարդկային են կռվում․ հադրութցի Մարո բաբոն սպասում է հաղթանակին ու «հնդկական» երեկոներին

0
թեգերը:
Պատերազմ, Արցախ, խաղաղապահ, Նիկոլ Փաշինյան
թեմա:
Ադրբեջանական ագրեսիան Արցախում - 2020