Միքայել Մինասյան

Միքայել Մինասյանը բացատրեց` ինչու է «կուխնուց» ելույթ ունենում. տեսանյութ

2451
(Թարմացված է 01:32 28.06.2020)
Սերժ Սարգսյանի փեսան հայտարարեց, որ սա խոհանոցային ֆորմատով իր վերջին տեսանյութն է։ Իհարկե, այլ տեսանյութեր էլ կլինեն, բայց ավելի ուշ։ Նրա խոսքով` ամենակարևոր քայլն արված է` Նիկոլ Փաշինյանը ապամիֆականացված է։

ԵՐԵՎԱՆ, 27 հունիսի – Sputnik. ՀՀ երրորդ նախագահ Սերժ Սարգսյանի փեսան` Վատիկանում Հայաստանի նախկին դեսպան Միքայել Մինասյանը, Facebook-ում հրապարակած հերթական տեսանյութում բացատրեց, թե ինչու է որոշել հանրության հետ զրուցել հենց խոհանոցից։

«Այսօր ես ձեզ վերջապես պատմելու եմ, թե ինչու եմ մեր հանդիպումների համար ընտրել խոհանոցը։ Պատասխանը շատ պարզ է, բաղկացած է երեք մասից։ Առաջին` ես ընտրել եմ խոհանոցը, որպեսզի իրար հետ բացահայտենք էլիտաների իշխանության ներքին խոհանոցը, թե ոնց և ովքեր են եփում այդ ճաշը, ոնց են փող աշխատում, ոնց են կիսել իրար մեջ իշխանությունը։ Մենք իրար հետ անցել ենք այդ ճանապարհը` բացահայտելով իրենց իրական դեմքը։ Երկրորդ պատճառն այն է, որ խոհանոցը մի վայր է, որն ամենամոտիկն է իրականությանը։ Երբ դու մտնում ես խոհանոց, չակերտավոր անջատում ես լայվը, որովհետև բացելով քո սառնարանը` տեսնում ես` արդյոք ավելացել են քո սիրած բաները, թե պակասել, ինչքան ես դու դրանց համար վճարել` ավելի շատ, թե ավելի քիչ, խոհանոցը իրականություն է։ Եվ երրորդ ամենակարևոր պատճառն այն է, որ ես այսօր ձեզ համար եփելու եմ հեղափոխական բորշչ, և մենք իրար հետ կհասկանանք, թե ովքեր եփեցին այդ ճաշը, որը կանգնել է ժողովրդի կոկորդին, թունավորելով ներկան և ապագան»,–ասաց Մինասյանը։

Նրա խոսքով` հեղափոխությունից հիասթափված են բոլորը։

«Խոհանոցային մեր այս հանդիպումը վերջինն է, անշուշտ մենք կշարունակենք մեր հանդիպումները, բայց արդեն ոչ խոհանոցից։ Որոշել եմ մի փոքր դադար վերցնել, որպեսզի ձեզ ժամանակ տամ մարսելու և մտածելու, թե ինչ ենք մենք ուզում։ Մեր հանդիպումներն ամենակարևոր նպատակին հասել են, մենք իրար հետ ապամիֆականացրել ենք Նիկոլ Փաշինյանին»,–ասաց Մինասյանը։

Հիշեցնենք` հունիսի 25-ին Ազգային ժողովի արտահերթ նիստում վարչապետ Նիկոլ Փաշինյանն անդրադարձել էր Սերժ Սարգսյանի ընտանիքին ու Միքայել Մինասյանի ելույթներին։

«Մի հոգի էլ կա էն մեկի ընտանիքից, ասում ա՝ ես եմ տղամարդը,  կուխնու սեղանի տակից դուրս չեմ գալիս։ Մի հատ էլ ուրիշներին խորհուրդ ա տալիս, ասում ա՝ դուրս եկեք Facebook-ից և հաղորդակցվեք իրականության հետ։ Արա, դու հլը կուխնուց դուրս արի, հետո ուրիշներին Facebook-ից դուրս գալու խորհուրդ տուր»,- հայտարարել էր Փաշինյանը։

Նշենք, որ հետախուզման մեջ գտնվող Միքայել Մինասյանն ամեն շաբաթ Facebook-ի իր էջում «Ստի վերջը» խորագրով  տեսանյութերի շարք է հրապարակում: Դրանցից մեկում նա հայտարարել էր, որ Փաշինյանի կինը` Աննա Հակոբյանն ու նրա եղբայր Հրաչյա Հակոբյանը ներգրավված են ծխախոտի մաքսանենգության գործում։

«Ես պատրաստ եմ ժառանգել Սերժ Սարգսյանի մեղքերը»․ Միքայել Մինասյան

Մինասյանի խոսքով` ապրիլի վերջին ԱԻՆ-ի ինքնաթիռը Երևանից Ռուսաստան է մեկնել հայկական ծխախոտի խմբաքանակով, որը կշռում է 40 տոննա կամ 2700 տուփ: Կրասնոդարում ԱԴԾ-ն մաքսային և սահմանապահ ծառայության հետ համատեղ ձերբակալել է ինքնաթիռը: Նախկին դեսպանը նաև նշել էր, որ Փաշինյանը հանձնարարել է «մաքրել» ծխախոտի մաքսանենգության հետքերը և այդ հարցը հարթելու համար իր խորհրդական Արշակ Կարապետյանին գործուղել է ՌԴ: Վարչապետի կինն ու նրա եղբայրն արդեն դատի են տվել Մինասյանին ՝ պահանջելով հրապարակային ներողություն խնդրել ու հերքել այդ հայտարարությունները։

2451
թեգերը:
Միքայել Մինասյան, Հայաստան
Ըստ թեմայի
Վանեցյանը խոսել է իր և Միքայել Մինասյանի հանդիպման մասին
Տատիկը Միշիկից, փիսոն տատիկից, մուկն էլ վերջից. Փաշինյանը պատասխանեց Միքայել Մինասյանին
Միքայել Մինասյանը վստահեցնում է` Փաշինյանը ծխախոտի գործով մարդ է ուղարկել ՌԴ
Միքայել Մինասյանի համակարգչի վերականգնված ֆայլերը կուսումնասիրվեն. մեղադրանքը հիմք է
Գագիկ Ծառուկյան

«Բարգավաճ Հայաստանը» հայտարարություն է տարածել

480
(Թարմացված է 14:06 07.07.2020)
ԲՀԿ–ն կոչով դիմել է իշխանությանը, բոլոր քաղաքական և հանրային շրջանակներին, քաղաքացիական հասարակությանը։

ԵՐԵՎԱՆ, 7 հուլիսի – Sputnik. ԲՀԿ քաղաքական խորհուրդը խստորեն դատապարտում է իշխանության կողմից ԲՀԿ նախագահի և կուսակցական գործիչների հանդեպ իրականացվող քաղաքական հետապնդման ու էժանագին մեթոդներով հաշվեհարդարի փորձերը:

Նշենք, որ սոցցանցում տարածվել է ԲՀԿ-ական պատգամավոր Գևորգ Պետրոսյանի և Ավան վարչական շրջանի ղեկավարի տեղակալ Ներսես Պողոսյանի հեռախոսազրույցը։ Պատգամավորի խոսքով` Պողոսյանը զանգել էր` զգուշացնելու, որ Պետրոսյանն այլևս Նիկոլ Փաշինյանի և Արարատ Միրզոյանի մասին գրառումներ չանի։ Գևորգ Պետրոսյանը Faebook–ում գրել էր, որ հեռախոսազրույցի հրապարակումը իշխանության ձեռքի գործն է։

«Ակնհայտ է, որ ամենը սկսվեց Գագիկ Ծառուկյանի` հունիսի 5-ի հայտնի ելույթից հետո, որտեղ նա մատնանշեց կառավարության ձախողումներն ու տապալումները՝ նշելով կոնկրետ ոլորտներ: Սոցիալ– տնտեսական խայտառակ ցուցանիշներ, բանկային «գերության» մեջ գտնվող հարյուր հազարավոր քաղաքացիների վիճակ, փլուզման եզրին կանգնած տնտեսության ամբողջական ճյուղեր, գործազրկության ահռելի աճ, համավարակի դեմ պայքարի տապալում, ռազմավարական դաշնակիցների հետ հարաբերություններում աններելի լարվածություն: Հենց այս խնդիրների բարձրաձայնումից և կառավարության կազմի 100 տոկոսի հրաժարականի պահանջից հետո իշխանությունների կողմից սանձազերծվեց քաղաքական հետապնդումների շարք «Բարգավաճ Հայաստան կուսակցության ներկայացուցիչների նկատմամբ»,– նշված է ԲՀԿ–ի հայտարարության մեջ:

ԲՀԿ–ականները նշում են, որ չունենալով քաղաքական հակափաստարկներ` իշխանությունն անցավ բարոյական բոլոր կարմիր գծերն ու այսօր բացահայտ ոտնահարում է մարդու իրավունքներն ու պատգամավորի, քաղաքացու անձնական կյանքի անձեռնմխելիության իրավունքը։ ԵԽ անդամ, միջազգային բազմաթիվ կառույցների անդամ Հայաստանում իշխանությունը կոպտորեն խոչընդոտում է իր մասնագիտական գործունեությունը կատարող պատգամավորների և քաղաքական գործիչների աշխատանքը՝ փորձելով լռեցնել՝ քաղաքական հաշվեհարդարներ տեսնելով, անձնական ձայնագրություններ հրապարակելով, ինչը օրենքի և միջազգային բազմաթիվ կոնվենցիաների կոպտագույն խախտում է։

«Մենք արձանագրում ենք, որ անկախ Հայաստանի պատմության մեջ երբեք չի եղել նման «խաղի կանոն» և քաղաքական ամենաբարդ հարաբերությունների դեպքում անգամ անձնական կյանքը, ընտանիքը, երեխաները եղել են անձեռնմխելի թեմաներ։ Երկրի, քաղաքացու առջև այս դժվարին ժամանակներում ծառացած սոցիալական կարևորագույն խնդիրները լուծելու փոխարեն իշխանությունն իր ամբողջ ռեսուրսն ու ֆեյք ինդուստրիան, որի վրա պետական հսկայական միջոցներ են ծախսվում, ուղղել է ԲՀԿ նախագահի և ԲՀԿ պատգամավորների հանդեպ անբարո քաղաքական հաշվեհարդարների կազմակերպմանը, որևէ բարոյական արգելքի, այդ թվում՝ ընտանիք ու անձնական կյանք մտնելու բարոյական արգելքի առաջ չկանգնելով»,– գրված է հայտարարության մեջ։

ԲՀԿ քաղաքական խորհուրդը կոչ է անում իշխանությանը՝ ձեռնպահ մնալ խուլիգանական արարքներից։ Իսկ միջազգային կառույցներին և իրավապաշտպան կազմակերպություններին հորդորում է անարձագանք չթողնել ՀՀ պատգամավորների, քաղաքական գործիչների հանդեպ իշխանության կողմից սանձազերծված այս անբարո արշավը, քանզի իշխանության ընտրած այս ճանապարհը ամենակարճ ճանապարհն է դեպի բռնապետություն։

«Բարգավաճ Հայաստան» կուսակցությունը կոչ է անում բոլոր քաղաքական և հանրային շրջանակներին, քաղաքացիական հասարակությանը, գիտակից հասարակությանը` նշելով, որ սա քաղաքական հայացքների խնդիր չէ, այլ արժանապատվության և մարդու անձնական կյանքի անձեռնմխելիության խնդիր:

«Բարձրաձայնեք ձեր վրդովմունքը, միասին մերժենք անհատի և ընտանիքների վարկաբեկման ճղճիմ փորձերը»,– նշել են ԲՀԿ–ականները։

Հիշեցնենք` ԱԱԾ-ն հունիսի 14-ին խուզարկություն էր իրականացրել Գագիկ Ծառուկյանի առանձնատանը:
Նրա դեմ 3 քրեական գործ է հարուցվել ապօրինի ձեռնարկատիրական գործունեության, ընտրակաշառք բաժանելու և հողատարածքների օտարման փաստերով։

Հունիսի 16-ին ԱԺ–ն որոշեց Գագիկ Ծառուկյանին զրկել անձեռնմխելիությունից և թույլ տալ, որ նրա նկատմամբ քրեական հետապնդում սկսվի։

Հունիսի 21-ին Երևանի ընդհանուր իրավասության դատարանը մերժել էր Ծառուկյանի նկատմամբ կալանքը որպես խափանման միջոց ընտրելու՝ ԱԱԾ-ի միջնորդությունը:

Հունիսի 23-ին հայտնի դարձավ, որ դատախազությունը վերաքննիչ բողոք է ներկայացրել Ծառուկյանի նկատմամբ կալանքը որպես խափանման միջոց կիրառելու միջնորդությունը մերժելու որոշման դեմ։

Հունիսի 26-ին էլ ԲՀԿ առաջնորդի պաշտպանները վերաքննիչ բողոք ներկայացրին Ծառուկյանի նկատմամբ որպես խափանման միջոց կալանավորումը կիրառելու միջնորդությունը քննության առնելու մասին Երևան քաղաքի ընդհանուր իրավասության առաջին ատյանի դատարանի որոշման դեմ։

480
թեգերը:
Բարգավաճ Հայաստան կուսակցություն (ԲՀԿ), Գագիկ Ծառուկյան, Հայաստան
Ըստ թեմայի
ՀՅԴ ներկայացուցիչը հանդիպել է Վանեցյանի ու Ծառուկյանի հետ
Ծառուկյանի՝ բռնաբարության վերաբերյալ գործի նյութերը հրապարակելու փաստով քրգործ է հարուցվել
Ծառուկյանն իր ամառանոցում իրականությունից հեռու է. Ալեն Սիմոնյանը` սով սկսվելու մասին
Գագիկ Ծառուկյանը կաթիլային է ստանում
«Առինջ մոլի» աշխատակիցները գործադուլ կանեն. նրանք նամակ են գրել Ծառուկյանին. լուսանկար
Արարատ Միրզոյան. արխիվային լուսանկար

Կորոնավիրուսի դեմ պայքարը քննելու` ԲՀԿ-ի և ԼՀԿ-ի առաջարկն «Իմ քայլը» կքննարկի սեպտեմբերին

65
(Թարմացված է 23:26 02.07.2020)
Ընդդիմությունն առաջարկում էր կորոնավիրուսի քննիչ հանձնաժողով ստեղծել, որը կունենա 12 անդամ և կգործի կես տարի:

ԵՐԵՎԱն, 2 հուլիսի - Sputnik. Կորոնավիրուսի դեմ պայքարը քննելու` ԱԺ ընդդիմադիր «Բարգավաճ Հայաստան» և «Լուսավոր Հայաստան» խմբակցությունների առաջարկը իշխանական «Իմ քայլը» կքննարկի սեպտեմբերին։ Այս մասին տեղեկացնում է ԱԺ մամուլի ծառայությունը՝ հղում տալով նախագահ Արարատ Միրզոյանին։

«Կորոնավիրուսի քննիչ հանձնաժողովի անդամների թիվը սահմանող նախագիծը կքննարկվի Ազգային ժողովի 2020թ.–ի սեպտեմբեր ամսվա առաջին հերթական նիստում», - ասվում է ԱԺ նախագահ Արարատ Միրզոյանի հայտարարության մեջ:

Նշենք, որ համաձայն կանոնակարգի՝ ԱԺ-ում նոր հանձնաժողով կարող է ստեղծվել պատգամավորների ընդհանուր թվի առնվազն մեկ քառորդի պահանջով․ այդ թվաքանակն ընդդիմադիր խմբակցություններն ապահովել են։

Հանձնաժողովը քննելու է նոր կորոնավիրուսի (COVID 19) տարածումը կանխելու, այդ վիրուսի դեմ պայքարի, համավարակի հետևանքների մեղմման կամ վերացման ուղղությամբ Հայաստանի Հանրապետության կառավարության և պարետատան իրականացրած միջոցառումների արդյունավետությունը, ինչպես նաև արտակարգ դրության ժամանակահատվածում Մարդու իրավունքների և հիմնարար ազատությունների սահմանափակումների արդյունավետությունն ու իրավաչափությունը։

Կորոնավիրուսի դեմ պատվաստանյութ լինելու է, բայց Հայաստանին կարող է չհասնել. Թորոսյան

65
թեգերը:
ընդդիմություն, ՀՀ Ազգային ժողով, ԱԺ, «Իմ քայլը» դաշինք, «Լուսավոր Հայաստան» կուսակցություն, Բարգավաճ Հայաստան կուսակցություն (ԲՀԿ), Հայաստան, կորոնավիրուս
թեմա:
Կորոնավիրուսը Հայաստանում և Արցախում
Ըստ թեմայի
Ընդդիմությունը խաբկանքի մե՞ջ է. ինչ հարց է լուծում արտակարգ դրության երկարաձգումը
Ընդդիմության մեկ առաջնորդ ունենալու հարցում կարող է լինել տրիվիալ շահերի բախում. Մադոյան
Ընդդիմությունը բոյկոտել է ԱԺ արտահերթ նիստը. «Իմ քայլն» ամբողջ կազմով ներկա է
Ֆիլիպ Մոնգույոն կնոջ հետ

Ֆրանսիայում ուղևորները ծեծելով սպանել են ավտոբուսի վարորդին, որը պահանջել է դիմակ դնել

0
(Թարմացված է 13:53 08.07.2020)
Հարձակվողներն արդեն ձերբակալված են, նրանց մեղադրանք է ներկայացվել, տղամարդկանց անունները չեն հրապարակվում։

ԵՐԵՎԱՆ, 8 հուլիսի – Sputnik. Ֆրանսիայում մի խումբ ուղևորներ ծեծել են ավտոբուսի վարորդին, որ պահանջել է դնել դիմակները և պահպանել հակահամաճարակային կանոնները։ Մանրամասները փոխանցում է Le Parisien-ը։

Ըստ պարբերականի՝ արտակարգ դեպքը տեղի է ունեցել հանգստյան օրերին՝ հուլիսի 5-ին, Բայոննում։ Վարորդը՝ 58-ամյա Ֆիլիպ Մոնգույոն, ավտոբուս բարձացող տղաներից պահանջել է դնել դիմակները, ինչպես օրենքով սահմանված է։ Սակայն ուղևորները հրաժարվել են ենթարկվել, վեճ է սկսվել, որի ընթացքում տղամարդիկ ծեծել են վարորդին։ Այնուհետև նրանք փախել են դեպքի վայրից։

Վարորդն անգիտակից վիճակում տեղափոխվել է հիվանդանոց, որտեղ էլ որոշ ժամանակ անց մահացել է։

Հարձակվողներն արդեն ձերբակալված են, նրանց մեղադրանք է ներկայացվել, տղամարդկանց անունները չեն հրապարակվում։

Պարետը նոր որոշում է ստորագրել. ոմանք կարող են դիմակ չդնել

Բայոննի քաղաքապետ Կլոդ Օլիվը նրանց արածը «բարբարոսություն» է որակել և ավելացրել է, որ քաղաքային իշխանությունները խիստ հետևելու են տրանսպորտային միջոցների վարորդների անվտանգությանը։

0
թեգերը:
կորոնավիրուս, դիմակ, Մահ, ծեծ, վարորդ, ավտոբուս, Ֆրանսիա
թեմա:
Կորոնավիրուսը Չինաստանում և աշխարհում
Ըստ թեմայի
Դիմակը խանգարո՞ւմ է շուրթերը մեծացրած կամ քիթը փոքրացրած հայերին
Դիմակ չկրելու համար տուգանքներն առայժմ չեն բարձրանա. նախագիծը հանվեց
«Իմ քայլը» չի բացառում, որ դիմակ չդնելու տուգանքների բարձրացման նախագիծը կարող է հասնել ԱԺ