Ալեն Սիմոնյան

«Պարոն Տուսկը պետք է ավելի զուսպ լինի և չխառնվի Հայաստանի գործերին». Ալեն Սիմոնյան

125
(Թարմացված է 14:33 18.06.2020)
Ազգային ժողովի փոխնախագահը կարծում է, որ ԵԺԿ ղեկավարը Հայաստանը տեսնում է Սերժ Սարգսյանի աչքերով։

ԵՐԵՎԱՆ, 18 հունիսի – Sputnik. Ազգային ժողովի փոխնախագահ Ալեն Սիմոնյանն այսօր լրագրողների հետ զրույցում անդրադարձավ Եվրոպական ժողովրդական կուսակցության (ԵԺԿ) ղեկավար Դոնալդ Տուսկի վերջին հայտարարությանը։

Երեկ հայտնել էինք, որ ՀՀ երրորդ նախագահ, ՀՀԿ նախագահ Սերժ Սարգսյանը մասնակցել է ԵԺԿ Արևելյան գործընկերության առաջնորդների տեսակոնֆերանսին, անդրադարձել Հայաստանի ներքին և արտաքին քաղաքականության ու անվտանգության կարևորագույն մի շարք հարցերի: Դրանից հետո Տուսկը գրառում էր արել Tvitter-ում` նշելով, որ ԵԺԿ-ն մտահոգված է Հայաստանում ժողովրդավարական հետընթացի բազմաթիվ օրինակներով, նա Հայաստանի իշխանություններին կոչ էր արել զերծ մնալ ընդդիմության նկատմամբ ճնշումներից։

«Եթե չեմ սխալվում, հայտարարությունը եղել է մի քանի երկրների համատեքստում, նաև Վրաստանի և Ուկրաինայի հետ կապված։ Ես դա կապում եմ այն չգրված կանոնի հետ, որ Եվրոպական ժողովրդական կուսակցության ղեկավարը մշտապես պաշտպանում է իր խմբին անդամակցող կուսակցությունների ներկայացուցիչներին, այդ թվում` նաև Սերժ Սարգսյանին: Կարծում եմ՝ պարոն Տուսկը պետք է ավելի զուսպ լինի և չխառնվի Հայաստանի ժողովրդի և գործերին։ Սերժ Սարգսյանի պաշտպանությամբ զբաղվելու համար կան ավելի պատշաճ ու ավելի մասնագիտացված անձինք: Ես կարծում եմ, որ պարոն Տուսկը Հայաստանը տեսնում է Սերժ Սարգսյանի աչքերով, որն իրականությունից կտրված է»,- լրագրողների հետ զրույցում ասաց Սիմոնյանը:

ԱԺ փոխնախագահի կարծիքով` պարոն Տուսկը Հայաստանը տեսնում է Սերժ Սարգսյանի աչքերով, որոնք իրականությունից կտրված աչքեր են, արդարադատությանը սպասող աչքեր, որոնք, ըստ Սիմոնյանի, ՀՀ քաղաքացիների ու իրականության հետ դեռ շա՜տ շուտվանից ոչ մի կապ չունեն և չեն կարող ունենալ։

Լրագրողները հետաքրքրվեցին` իշխանություններին չի՞ անհանգստացնում ընդդիմադիրների՝ միջազգային կառույցների հետ համագործակցությունը։

«Ես չեմ կարծում: Միջազգային կառույցներին հղում անելիս` մենք կարողենք  շատ ավելի լուրջ, հեղինակավոր և համապարփակ տեսարան ներկայացնող զեկույցների ու արձագանքների հղում անել, որոնք կտրուկ աճ են արձանագրում: Օրինակ` երեկ եղել է նաև Վենետիկի հանձնաժողովի ղեկավարի հայտարարությունը, որը շատ խոսուն է, որի մասին անցյալին սպասարկող լրատվամիջոցները շատ քիչ են խոսում: Մենք ավելի շատ պետք է հղում անենք նման հայտարարությունների»,– ասաց Սիմոնյանը:

Վենետիկի հանձնաժողովի նախագահ Ջիանի Բուքիքիոն երեկ Եվրոպայի խորհրդի անդամ և դիտորդ երկրների դեսպաններին ներկայացրել է Հանձնաժողովի 2019 թվականի կատարած աշխատանքների մասին ամենամյա զեկույցը` նշելով, որ աջակցում են Հայաստանին և Մոլդովային ժողովրդավարական համակարգերի վերաձևավորմանն ուղղված ջանքերում:

125
թեգերը:
Դոնալդ Տուսկ, Ալեն Սիմոնյան, Հայաստան
Ըստ թեմայի
Նիկոլ Փաշինյանի «անուժ կառավարությունը» պետք է հրաժարական տա. ՀՀԿ–ն հայտարարություն է արել
Տարբեր երկրների դեսպաններ մտահոգված են Ծառուկյանի հարցով. Վահե Էնֆիաջյան
Փաշինյանը չի պատրաստվում կրկնել ՀՀԿ–ի սխալները
Անտոնիո Գուտերեշ

Փաշինյանն ու ՄԱԿ–ի գլխավոր քարտուղարը հեռախոսազրույց են ունեցել

50
(Թարմացված է 01:50 29.09.2020)
ՀՀ վարչապետի ու Գուտերեշի հեռախոսազրույցը կայացել է վերջինիս նախաձեռնությամբ։ ՄԱԿ–ի գլխավոր քարտուղարը մտահոգված է ղարաբաղա-ադրբեջանական սահմանագոտում տիրող իրավիճակով։

ԵՐԵՎԱՆ, 29 սեպտեմբերի – Sputnik.  ՀՀ վարչապետ Նիկոլ Փաշինյանը հեռախոսազրույց է ունեցել ՄԱԿ-ի գլխավոր քարտուղար Անտոնիո Գուտերեշի հետ։ Տեղեկությունը հայտնում է ՀՀ վարչապետի մամուլի ծառայությունը` նշելով, որ զրույցը կայացել է Գուտերեշի նախաձեռնությամբ:

Վարչապետն անդրադարձել է ղարաբաղա-ադրբեջանական սահմանագոտում տիրող իրավիճակին և ընդգծել Ադրբեջանի կողմից սանձազերծված պատերազմի փաստը: Նիկոլ Փաշինյանը նշել է, որ ի տարբերություն նախորդ տարիների էսկալացիաներին՝ այս մեկին բնորոշ է Թուրքիայի խիստ ակտիվ և կողմնակալ դիրքորոշումն ու ապակայունացնող ուղղակի ներկայությունն ադրբեջանական գործողություններում:

ՄԱԿ-ի գլխավոր քարտուղարը խոր մտահոգություն է հայտնել ստեղծված իրավիճակով և զարգացումներով՝ ընդգծելով ԵԱՀԿ Մինսկի խմբի շրջանակում խաղաղ գործընթացի վերսկսման անհրաժեշտությունը:

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Սա մեր վերջին ու ամենապատասխանատու ճակատամարտն է լինելու. ԱՀ նախագահը` կամավորականներին

Ըստ վերջին տեղեկությունների` հակառակորդի կրակոցների հետևանքով զոհվել են 84 զինծառայողներ և 2 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, հայկական կողմը հայտնում է, որ հակառակորդի կորուստներն անհամեմատ մեծ են։

Արցախում և Հայաստանում ռազմական դրություն և համատարած զորահավաք է հայտարարվել։

Սա մեր վերջին ու ամենապատասխանատու ճակատամարտն է լինելու. ԱՀ նախագահը` կամավորականներին

50
թեգերը:
Անտոնիո Գուտերեշ, Միավորված ազգերի կազմակերպություն (ՄԱԿ), Հայաստան
թեմա:
Ադրբեջանական ագրեսիա Արցախում. 2020
Ըստ թեմայի
«Երեկ որ տվել էին, թե Մռավը գրավել են, այսօր արդեն հարձակվել են». Արցախի նախագահ
Պետք է շատ ավելի ծանր և երկար մարտական գործողությունների պատրաստ լինենք. Արցախի նախագահ
Այստեղ պետք չէ բացատրել՝ ով է Էրդողանը և ինչ է ուզում անել Արցախում. սիրիացի պատգամավոր
Ժիրայր Ռեիսյան

Այստեղ պետք չէ բացատրել՝ ով է Էրդողանը և ինչ է ուզում անել Արցախում. սիրիացի պատգամավոր

110
Սիրիայում շատ լավ գիտեն՝ ինչպես է Թուրքիան քողարկված կերպով միջամտել այլ երկրների գործերին․ այնտեղ գրեթե տասը տարի է` ահաբեկչական պատերազմ է, որը մատակարարվում է թուրքական տարածքից։

ԵՐԵՎԱՆ, 29 սեպտեմբերի – Sputnik. Սիրիական հասարակությունը լավ գիտի Ղարաբաղյան հակամարտության ու Թուրքիայի գործողությունների մասին։ Sputnik Արմենիայի հետ զրույցում ասաց Սիրիայի խորհրդարանի պատգամավոր Ժիրայր Ռեիսյանը։

Արցախա–ադրբեջանական շփման գոտում ծավալված ռազմական գործողությունների ֆոնին տեղեկություններ տարածվեցին, որ Թուրքիան գրոհայիններ է տեղափոխել Ադրբեջան։ Ընդ որում` ուղարկել է նրանց, ովքեր կռվում էին Սիրիայի օրինական կառավարության դեմ։

Հարցին՝ արդյո՞ք գրոհայինների մասին տեղեկությունը քննարկվել է Սիրիայի խորհրդարանում կամ կառավարությունում, Ռեիսյանը պատասխանեց` քանի դեռ տեղեկությունը ստուգված չէ ու ենթադրության մակարդակի վրա է, պաշտոնապես չեն մեկնաբանվում։ Ոչ ոք չի զարմանա, եթե հենց այդպես էլ եղել է։ Նա ավելացրեց` որովհետև տարբեր տեսակի վարձկաններն ու ահաբեկիչները ի վերջո պետք է ինչ–որ տեղ տարվեին։

Ռեիսյանն ընդգծեց, որ վերջին երկու օրվա ընթացքում սիրիական բազում պարբերականներ արդեն լուսաբանել են Ղարաբաղյան հակամարտությունը՝ հիշատակելով նաև վարձկանների մասին տեղեկությունը։ Ռեիսյանն ինքը երեկ հարցազրույց է տվել Սիրիայի ազգային ռադիոյին, այսօր՝ Իրաքի հեռուստատեսությանն ու սիրիական մի քանի պարբերականների։

Ռուսաստանը Թուրքիային զսպելու համարժեք գործիքակազմ ունի. թուրքագետ

Հարցին՝ արդյոք սիրիական ԶԼՄ-ներում եղե՞լ են Ադրբեջանի հարձակումը կամ Թուրքիայի միջամտությունը արդարացնող հրապարակումներ, Ռեիսյանն ասաց, որ նման բան լինել չէր կարող, քանի որ Սիրիան շատ լավ գիտի՝ ով է Էրդողանն ու ինչ է ուզում։

Նա հիշեցրեց, որ 2015 թվականին Հալեպը գնդակոծվեց Թուրքիայի աջակցությամբ։ Ահաբեկիչները շատ մոտ էին Թուրքիայի սահմանին՝ 50 կիլոմետրի վրա, սահմանն էլ նրանց համար լրիվ ազատ էր։ Նոր Գյուղի ու Հալեպի հայկական այլ շրջանների վրա նետած արկերի վրա գրած էր. «Էնվեր փաշա»։ Հայերը բացառություն չեն. բազմազգ Սիրիայի այլ ժողովուրդների հանդեպ Անկարայի վերաբերմունքը (այժմ արդեն նաև ակնհայտ) առանձնապես չի տարբերվում։

«Հայաստանն ու Սիրիան բազում նմանություններ ունեն Թուրքիայի հանդեպ վերաբերմունքի հարցում, լինի դա նրա տարածողական քաղաքականությունը, թե իրեն գերտերություն պարտադրելը», - ավելացրեց Ռեիսյանն ու նշեց, որ Թուրքիան ուզում է ուրիշներին օգտագործել նեոօսմանյան նկրտումների համար՝ սեփական ուժերը պահպանելու նպատակով։ Սիրիան դա լավ է հասկանում։

Նշենք, որ Սիրիայի պատերազմից առաջ Էրդողանը լավ հարաբերությունների մեջ էր Բաշար Ասադի հետ, բայց հետո սկսեց բացահայտ հայտարարել, որ նա պետք է հեռանա։ 2020 թվականին փետրվարին Սիրիայի զորքերը Ռուսաստանի աջակցությամբ հարվածներ հասցրին թուրքական ստորաբաժանումներին, որոնք գրավել էին Իդլիբ նահանգն ու այնտեղ ահաբեկիչների էին թաքցնում։

ՀՀ ԱԳՆ տեղեկություններով՝ Արցախում գործում են թուրք վարձկան հրահանգիչներ, ադրբեջանական բանակը զինված է մեծ քանակությամբ թուրքական ԱԹՍ-ներով։ ՀՀ նախագահ Արմեն Սարգսյանն այսօր ՆԱՏՕ-ի համաժողովի ժամանակ ասել է, որ ՆԱՏՕ-ի անդամ Թուրքիան լիակատար կերպով աջակցում է Ադրբեջանին իր էլեկտրոնային դրոնների՝ կիբեռհարձակումների, ինչպես նաև անձնակազմի՝ խորհրդատուների, վարձկանների և անգամ F-16 կործանիչների միջոցով:

110
թեգերը:
Ժիրայր Ռեիսյան, Սիրիա, Արցախ, Ադրբեջան, Թուրքիա
Ըստ թեմայի
Զգուշացրեք Թուրքիային` դադարեցնի զենք և մարտիկներ ուղարկել Բաքու. Քարդաշյանի կոչը ԱՄՆ–ին
Թուրքիան աշխարհում միակ երկիրն է, որը աջակցում է Արցախում հակամարտության սրմանը. Փայլան
Ռուսաստանը Թուրքիային զսպելու համարժեք գործիքակազմ ունի. թուրքագետ
Ադրբեջանական զրահատեխնիկա, արխիվային լուսանկար

Ինչ կորուստներ ունի Ադրբեջանը

376
(Թարմացված է 01:50 29.09.2020)
Ադրբեջանն իր իսկ սանձազերծած ռազմական գործողությունների հետևանքով արդեն 80 զրահատեխնիկայից է զրկվել։

ԵՐԵՎԱՆ, 29 սեպտեմբերի – Sputnik. ՀՀ ՊՆ մամուլի խոսնակ Շուշան Ստեփանյանը Facebook–ի իր էջում ներկայացրել է հայկական զինուժի կողմից խոցված սպառազինությունը սեպտեմբերի 28-ի, ժամը 21:00-ի դրությամբ։ 

Ըստ այդմ` Ադրբեջանը կորցրել է 19 ԱԹՍ, 4 ուղղաթիռ, 80 զրահատեխնիկա, 1 ինքնաթիռ և 82 ավտոտրանսպորտ։

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Ըստ վերջին տեղեկությունների` հակառակորդի կրակոցների հետևանքով զոհվել են 84 զինծառայողներ և 2 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, հայկական կողմը հայտնում է, որ հակառակորդի կորուստներն անհամեմատ մեծ են։

Արցախում և Հայաստանում ռազմական դրություն և համատարած զորահավաք է հայտարարվել։

Սա մեր վերջին ու ամենապատասխանատու ճակատամարտն է լինելու. ԱՀ նախագահը` կամավորականներին

376
թեգերը:
ինքնաթիռ, անօդաչու թռչող սարք, տանկ, Ադրբեջան
թեմա:
Ադրբեջանական ագրեսիա Արցախում. 2020