Սերժ Սարգսյան

Սերժ Սարգսյանը հայաստանյան զարգացումները ներկայացրել է ԵԺԿ–ին, Տուսկը մտահոգվել է

904
(Թարմացված է 00:18 18.06.2020)
ՀՀ երրորդ նախագահը Եվրոպական ժողովրդական կուսակցության տեսակոնֆերանսի ժամանակ հանդես է եկել ելույթով։ Դոնալդ Տուսկը կոչով դիմել է Հայաստանի իշխանությանը։

ԵՐԵՎԱՆ, 18 հունիսի – Sputnik. ՀՀ երրորդ նախագահ, ՀՀԿ նախագահ Սերժ Սարգսյանն այսօր երեկոյան մասնակցել է Բրյուսելից անցկացվող Եվրոպական ժողովրդական կուսակցության (ԵԺԿ) Արևելյան գործընկերության առաջնորդների տեսակոնֆերանսին` ԵԺԿ նախագահ Դոնալդ Տուսկի նախագահությամբ:Տեղեկությունը հայտնում է ՀՀ 3-րդ նախագահի գրասենյակը։

«Նախագահ Սարգսյանը գագաթնաժողովում հանդես է եկել ելույթով, որտեղ անդրադարձել է Հայաստանի ներքին և արտաքին քաղաքականության ու անվտանգության կարևորագույն մի շարք հարցերի: Սերժ Սարգսյանը խոսել է ինչպես կորոնավիրուսի համավարակի պայմաններում երկրում առողջապահական, սոցիալ-տնտեսական խիստ մտահոգիչ իրավիճակի, այնպես էլ չափազանց վտանգավոր մեկ այլ՝ պոպուլիզմի քաղաքական վիրուսով ախտահարված Հայաստանի իշխանությունների ապաշնորհ կառավարման արդյունքում երկրում ստեղծված ներքաղաքական վիճակի մասին»,– նշված է հաղորդագրության մեջ:

Սարգսյանը գործընկերներին հանգամանորեն ներկայացրել է Հայաստանի ներքաղաքական վերջին զարգացումները, որոնց երեկ հրապարակած հայտարարության մեջ խստորեն դատապարտել է իր գլխավորած Հայաստանի Հանրապետական կուսակցության Գործադիր մամինը:

Նա անդրադարձել է նաև Հայաստան-Եվրամիություն համագործակցության օրակարգին և այդ համատեքստում` Եվրամիության և Հայաստանի միջև դեռևս 2017 թվականին ստորագրված Համապարփակ և ընդլայնված գործընկերության համաձայնագրի իրագործման ընթացքին` ցավով նշելով, որ այս ուղղությամբ ևս Հայաստանի նոր կառավարության ջանքերը բավարար արդյունավետ չեն:

Փաշինյանը խնդիր կդնի` խորանալ այնքան, որ ՀՀԿ-ի կոռուպցիոն գործերն էլ բացահայտվեն

Սարգսյանը հանդիպման մասնակիցների հետ խոսել է Հարավային Կովկասի տարածաշրջանի կայունության և անվտանգության ապահովման խնդիրների, առկա մարտահրավերների մասին, իր մտահոգությունը հայտնել Ադրբեջանի կողմից համավարակի ընթացքում հրադադարի ռեժիմի բազմաթիվ խախտումների կապակցությամբ: Նախագահ Սարգսյանը հորդորել է գործընկերներին` անվերապահ պաշտպանել Լեռնային Ղարաբաղի հակամարտության խաղաղ կարգավորման մոտեցումը՝ ԵԱՀԿ Մինսկի խմբի համանախագահների կողմից մի քանի անգամ ազդարարված հիմնարար սկզբունքների հիման վրա:

Նշենք, որ Դոնալդ Տուսկը գրառում է արել Tvitter-ում։

«ԵԺԿ-ն մտահոգված է Հայաստանում ժողովրդավարական հետընթացի բազմաթիվ օրինակներով և Հայաստանի իշխանություններին կոչ է անում զերծ մնալ ընդդիմության նկատմամբ ճնշումներից»,– գրել է նա։

​Հեռավար ձևաչափով հանդիպմանը մասնակցել են Եվրոպական հանձնաժողովի նախագահ Ուրսուլա ֆոն դեր Լեյենը, Արևելյան գործընկերության երկրներից ԵԺԿ-ին անդամակցող կուսակցությունները ներկայացնող մի շարք երկրների և կառավարությունների ղեկավարներ, ԵԺԿ անդամ երկրների ընդդիմության առաջնորդները, ինչպես նաև ԵԺԿ ղեկավար կազմի, Արևելյան գործընկերության երկրների, Եվրանեսթի և Եվրախորհրդարանի ներկայացուցիչներ:

Փաշինյանը չի պատրաստվում կրկնել ՀՀԿ–ի սխալները

Հիշեցնենք, որ վերջին օրերին իրադարձությունների կենտրոնում է հայտնվել ընդդիմադիր «Բարգավաճ Հայաստան» կուսակցության առաջնորդ, պատգամավոր, գործարար Գագիկ Ծառուկյանը։ Երեկ ԱԺ–ն որոշեց Ծառուկյանին զրկել անձեռնմխելիությունից և թույլ տալ, որ նրա նկատմամբ քրեական հետապնդում սկսվի։

ԱԱԾ-ն հունիսի 14-ին խուզարկություն էր իրականացրել Գագիկ Ծառուկյանի առանձնատանը: Նրա դեմ 3 քրեական գործ է հարուցվել։ Առաջին քրեական գործը վերաբերում է «Շանգրի Լա» և «Օնիրա Քլաբ» խաղատներին, որի համաձայն` դրանց ապօրինի ձեռնարկատիրական գործունեության հետևանքով պետությանը հասցվել է շուրջ 30 մլրդ դրամի վնաս: Երկրորդ քրգործը վերաբերում է 2017թ-ի խորհրդարանական ընտրություններին: Ըստ գործի նյութերի` ԲՀԿ-ն հարյուր հազարների ընտրակաշառք է բաժանել:

Իսկ երրորդ քրեական գործը վերաբերում է Կոտայքի Առինջ համայնքում Ծառուկյանին պատկանող «Նյու» ընկերությանն օտարված հողատարածքին: Առինջի գյուղապետի ու ավագանու անդամների անօրինական որոշումների արդյունքում, ըստ գործի, համայնքին պատճառվել է շուրջ 400 մլն դրամի վնաս: Երեք քրեական գործերով նախաքննությունը շարունակվում է:

Երեկ ԱԱԾ-ն հանդես եկավ նաև չորրորդ քրեական գործի մասին հայտարարությամբ, որը վերաբերում է արդեն 2017թ-ի Երևանի ավագանու ընտրություններում ԲՀԿ-ի կատարած ընտրախախտումներին:

904
թեգերը:
Դոնալդ Տուսկ, Սերժ Սարգսյան, Հայաստան
Ըստ թեմայի
Տարբեր երկրների դեսպաններ մտահոգված են Ծառուկյանի հարցով. Վահե Էնֆիաջյան
ԱԺ նախկին պատգամավորն ազատ է արձակվել. դատարանը որոշում է կայացրել
Կարեն Կարապետյանն ասաց, թե ինչու է դուրս եկել ՀՀԿ–ից և շփվում է արդյոք Սերժ Սարգսյանի հետ
Նիկոլ Փաշինյանի «անուժ կառավարությունը» պետք է հրաժարական տա. ՀՀԿ–ն հայտարարություն է արել
Անտոնիո Գուտերեշ

Փաշինյանն ու ՄԱԿ–ի գլխավոր քարտուղարը հեռախոսազրույց են ունեցել

55
(Թարմացված է 01:50 29.09.2020)
ՀՀ վարչապետի ու Գուտերեշի հեռախոսազրույցը կայացել է վերջինիս նախաձեռնությամբ։ ՄԱԿ–ի գլխավոր քարտուղարը մտահոգված է ղարաբաղա-ադրբեջանական սահմանագոտում տիրող իրավիճակով։

ԵՐԵՎԱՆ, 29 սեպտեմբերի – Sputnik.  ՀՀ վարչապետ Նիկոլ Փաշինյանը հեռախոսազրույց է ունեցել ՄԱԿ-ի գլխավոր քարտուղար Անտոնիո Գուտերեշի հետ։ Տեղեկությունը հայտնում է ՀՀ վարչապետի մամուլի ծառայությունը` նշելով, որ զրույցը կայացել է Գուտերեշի նախաձեռնությամբ:

Վարչապետն անդրադարձել է ղարաբաղա-ադրբեջանական սահմանագոտում տիրող իրավիճակին և ընդգծել Ադրբեջանի կողմից սանձազերծված պատերազմի փաստը: Նիկոլ Փաշինյանը նշել է, որ ի տարբերություն նախորդ տարիների էսկալացիաներին՝ այս մեկին բնորոշ է Թուրքիայի խիստ ակտիվ և կողմնակալ դիրքորոշումն ու ապակայունացնող ուղղակի ներկայությունն ադրբեջանական գործողություններում:

ՄԱԿ-ի գլխավոր քարտուղարը խոր մտահոգություն է հայտնել ստեղծված իրավիճակով և զարգացումներով՝ ընդգծելով ԵԱՀԿ Մինսկի խմբի շրջանակում խաղաղ գործընթացի վերսկսման անհրաժեշտությունը:

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Սա մեր վերջին ու ամենապատասխանատու ճակատամարտն է լինելու. ԱՀ նախագահը` կամավորականներին

Ըստ վերջին տեղեկությունների` հակառակորդի կրակոցների հետևանքով զոհվել են 84 զինծառայողներ և 2 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, հայկական կողմը հայտնում է, որ հակառակորդի կորուստներն անհամեմատ մեծ են։

Արցախում և Հայաստանում ռազմական դրություն և համատարած զորահավաք է հայտարարվել։

Սա մեր վերջին ու ամենապատասխանատու ճակատամարտն է լինելու. ԱՀ նախագահը` կամավորականներին

55
թեգերը:
Անտոնիո Գուտերեշ, Միավորված ազգերի կազմակերպություն (ՄԱԿ), Հայաստան
թեմա:
Ադրբեջանական ագրեսիա Արցախում. 2020
Ըստ թեմայի
«Երեկ որ տվել էին, թե Մռավը գրավել են, այսօր արդեն հարձակվել են». Արցախի նախագահ
Պետք է շատ ավելի ծանր և երկար մարտական գործողությունների պատրաստ լինենք. Արցախի նախագահ
Այստեղ պետք չէ բացատրել՝ ով է Էրդողանը և ինչ է ուզում անել Արցախում. սիրիացի պատգամավոր
Ժիրայր Ռեիսյան

Այստեղ պետք չէ բացատրել՝ ով է Էրդողանը և ինչ է ուզում անել Արցախում. սիրիացի պատգամավոր

126
Սիրիայում շատ լավ գիտեն՝ ինչպես է Թուրքիան քողարկված կերպով միջամտել այլ երկրների գործերին․ այնտեղ գրեթե տասը տարի է` ահաբեկչական պատերազմ է, որը մատակարարվում է թուրքական տարածքից։

ԵՐԵՎԱՆ, 29 սեպտեմբերի – Sputnik. Սիրիական հասարակությունը լավ գիտի Ղարաբաղյան հակամարտության ու Թուրքիայի գործողությունների մասին։ Sputnik Արմենիայի հետ զրույցում ասաց Սիրիայի խորհրդարանի պատգամավոր Ժիրայր Ռեիսյանը։

Արցախա–ադրբեջանական շփման գոտում ծավալված ռազմական գործողությունների ֆոնին տեղեկություններ տարածվեցին, որ Թուրքիան գրոհայիններ է տեղափոխել Ադրբեջան։ Ընդ որում` ուղարկել է նրանց, ովքեր կռվում էին Սիրիայի օրինական կառավարության դեմ։

Հարցին՝ արդյո՞ք գրոհայինների մասին տեղեկությունը քննարկվել է Սիրիայի խորհրդարանում կամ կառավարությունում, Ռեիսյանը պատասխանեց` քանի դեռ տեղեկությունը ստուգված չէ ու ենթադրության մակարդակի վրա է, պաշտոնապես չեն մեկնաբանվում։ Ոչ ոք չի զարմանա, եթե հենց այդպես էլ եղել է։ Նա ավելացրեց` որովհետև տարբեր տեսակի վարձկաններն ու ահաբեկիչները ի վերջո պետք է ինչ–որ տեղ տարվեին։

Ռեիսյանն ընդգծեց, որ վերջին երկու օրվա ընթացքում սիրիական բազում պարբերականներ արդեն լուսաբանել են Ղարաբաղյան հակամարտությունը՝ հիշատակելով նաև վարձկանների մասին տեղեկությունը։ Ռեիսյանն ինքը երեկ հարցազրույց է տվել Սիրիայի ազգային ռադիոյին, այսօր՝ Իրաքի հեռուստատեսությանն ու սիրիական մի քանի պարբերականների։

Ռուսաստանը Թուրքիային զսպելու համարժեք գործիքակազմ ունի. թուրքագետ

Հարցին՝ արդյոք սիրիական ԶԼՄ-ներում եղե՞լ են Ադրբեջանի հարձակումը կամ Թուրքիայի միջամտությունը արդարացնող հրապարակումներ, Ռեիսյանն ասաց, որ նման բան լինել չէր կարող, քանի որ Սիրիան շատ լավ գիտի՝ ով է Էրդողանն ու ինչ է ուզում։

Նա հիշեցրեց, որ 2015 թվականին Հալեպը գնդակոծվեց Թուրքիայի աջակցությամբ։ Ահաբեկիչները շատ մոտ էին Թուրքիայի սահմանին՝ 50 կիլոմետրի վրա, սահմանն էլ նրանց համար լրիվ ազատ էր։ Նոր Գյուղի ու Հալեպի հայկական այլ շրջանների վրա նետած արկերի վրա գրած էր. «Էնվեր փաշա»։ Հայերը բացառություն չեն. բազմազգ Սիրիայի այլ ժողովուրդների հանդեպ Անկարայի վերաբերմունքը (այժմ արդեն նաև ակնհայտ) առանձնապես չի տարբերվում։

«Հայաստանն ու Սիրիան բազում նմանություններ ունեն Թուրքիայի հանդեպ վերաբերմունքի հարցում, լինի դա նրա տարածողական քաղաքականությունը, թե իրեն գերտերություն պարտադրելը», - ավելացրեց Ռեիսյանն ու նշեց, որ Թուրքիան ուզում է ուրիշներին օգտագործել նեոօսմանյան նկրտումների համար՝ սեփական ուժերը պահպանելու նպատակով։ Սիրիան դա լավ է հասկանում։

Նշենք, որ Սիրիայի պատերազմից առաջ Էրդողանը լավ հարաբերությունների մեջ էր Բաշար Ասադի հետ, բայց հետո սկսեց բացահայտ հայտարարել, որ նա պետք է հեռանա։ 2020 թվականին փետրվարին Սիրիայի զորքերը Ռուսաստանի աջակցությամբ հարվածներ հասցրին թուրքական ստորաբաժանումներին, որոնք գրավել էին Իդլիբ նահանգն ու այնտեղ ահաբեկիչների էին թաքցնում։

ՀՀ ԱԳՆ տեղեկություններով՝ Արցախում գործում են թուրք վարձկան հրահանգիչներ, ադրբեջանական բանակը զինված է մեծ քանակությամբ թուրքական ԱԹՍ-ներով։ ՀՀ նախագահ Արմեն Սարգսյանն այսօր ՆԱՏՕ-ի համաժողովի ժամանակ ասել է, որ ՆԱՏՕ-ի անդամ Թուրքիան լիակատար կերպով աջակցում է Ադրբեջանին իր էլեկտրոնային դրոնների՝ կիբեռհարձակումների, ինչպես նաև անձնակազմի՝ խորհրդատուների, վարձկանների և անգամ F-16 կործանիչների միջոցով:

126
թեգերը:
Ժիրայր Ռեիսյան, Սիրիա, Արցախ, Ադրբեջան, Թուրքիա
Ըստ թեմայի
Զգուշացրեք Թուրքիային` դադարեցնի զենք և մարտիկներ ուղարկել Բաքու. Քարդաշյանի կոչը ԱՄՆ–ին
Թուրքիան աշխարհում միակ երկիրն է, որը աջակցում է Արցախում հակամարտության սրմանը. Փայլան
Ռուսաստանը Թուրքիային զսպելու համարժեք գործիքակազմ ունի. թուրքագետ
Ադրբեջանական զրահատեխնիկա, արխիվային լուսանկար

Ինչ կորուստներ ունի Ադրբեջանը

443
(Թարմացված է 01:50 29.09.2020)
Ադրբեջանն իր իսկ սանձազերծած ռազմական գործողությունների հետևանքով արդեն 80 զրահատեխնիկայից է զրկվել։

ԵՐԵՎԱՆ, 29 սեպտեմբերի – Sputnik. ՀՀ ՊՆ մամուլի խոսնակ Շուշան Ստեփանյանը Facebook–ի իր էջում ներկայացրել է հայկական զինուժի կողմից խոցված սպառազինությունը սեպտեմբերի 28-ի, ժամը 21:00-ի դրությամբ։ 

Ըստ այդմ` Ադրբեջանը կորցրել է 19 ԱԹՍ, 4 ուղղաթիռ, 80 զրահատեխնիկա, 1 ինքնաթիռ և 82 ավտոտրանսպորտ։

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Ըստ վերջին տեղեկությունների` հակառակորդի կրակոցների հետևանքով զոհվել են 84 զինծառայողներ և 2 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, հայկական կողմը հայտնում է, որ հակառակորդի կորուստներն անհամեմատ մեծ են։

Արցախում և Հայաստանում ռազմական դրություն և համատարած զորահավաք է հայտարարվել։

Սա մեր վերջին ու ամենապատասխանատու ճակատամարտն է լինելու. ԱՀ նախագահը` կամավորականներին

443
թեգերը:
ինքնաթիռ, անօդաչու թռչող սարք, տանկ, Ադրբեջան
թեմա:
Ադրբեջանական ագրեսիա Արցախում. 2020