ԵՐԵՎԱՆ, 16 հունիսի – Sputnik. «Բարգավաճ Հայաստան» խմբակցության պատգամավոր, Գագիկ Ծառուկյանի մամուլի քարտուղար Իվետա Տոնոյանն այսօր ԱԺ նիստում ՀՀ գլխավոր դատախազ Արթուր Դավթյանին համեմատեց դանիացի աշխարհահռչակ հեքիաթագիր Հանս Քրիստիան Անդերսենի հետ:

«Իհարկե հասկանում եմ, որ Անդերսենը հեքիաթասացության հարցում լուրջ մրցակից ունի այսօր, բայց համոզված եմ, որ ձեզ չի հաջողվելու որևէ մեկին համոզել, որ ձեր ներկայացրած միջնորդության հիմքում կա որևէ փաստ, որն անմիջական կապ ունի Գագիկ Ծառուկյանի հետ»,- ասաց Տոնոյանը:

Անդրադառնալով Ծառուկյանի տանը հունիսի 14-ին կատարված խուզարկություններին՝ ասաց, որ դա Սահմանադրության խախտում է, քանի որ Ծառուկյանի նկատմամբ քրեական հետապնդում հարուցելու համար նախ անհրաժեշտ էր տանալ ԱԺ համաձայնությունը: Իսկ ՄԻԵԴ դիրքորոշմամբ, եթե քրեական գործում նշվում է որևէ անձի անուն, ապա նա համարվում է մեղադրյալի կարգավիճակ ունեցող:

© Sputnik / Asatur Yesayants

Գագիկ Ծառուկյանի աջակիցները բեռնատարներով փակել են փողոցը

Իսկ քրեական գործով անցնող «Մուլտի գրուպ կոնցեռնի» տնօրեն Սեդրակ Առուստամյանի դուստրը՝ ԲՀԿ պատգամավոր Նորա Առուստամյանն էլ հայտարարեց, որ թեև ընտրակաշառքների գործում շոշափվում է նաև իր հոր անունը, բայց նա մինչ այս պահը չի հարցաքննվել:

Ներքաղաքական «դրամա». ինչ հետևանքներ կունենա իշխանություն–Ծառուկյան հակամարտությունը

«Սա հիմք է ինձ համար կարծելու, որ հորս հարցաքննության դեպքում ձեր կողմից բերված միջնորդությունն անհիմն կլիներ,- ասաց նա,- դրա համար չե՞ք հարցաքննել»:

«Ո՛չ»,- պատասխանեց Արթուր Դավթյանը` հավելելով, որ քննիչն է որոշում, թե որ պահին որ գործողությունն իրականացնի:

ԲՀԿ անդամ Նաիրա Զոհրաբյանն էլ պնդեց, որ կատարվածը քաղաքական պատվեր է և հիշեցրեց, որ 2017 թ-ին, երբ գլխավոր դատախազը հետ կանչեց այն ժամանակ ընդդիմադիր պատգամավոր Նիկոլ Փաշինյանին պատգամավորական անձեռնմխելիությունից զրկելու միջնորդությունը, դա մեկնաբանել էր նրանով, որ իրենց այդ հարցով դիմել էր ՀՀ փոխվարչապետը:

Արթուր Դավթյանը չհերքեց, որ 3 տարի առաջ նման հայտարարություն է արել և արել է հրապարակավ:

«Հանցանք կատարած յուրաքանչյուր անձ, անկախ բոլոր չափանիշներից, պետք է ենթարկվի պատասխանատվության»,- ասաց Դավթյանը՝ Նաիրա Զոհրաբյանին զգուշացնելով, որ էմոցիոնալ հայտարարությունները վնասում են նրան:

© Sputnik / Asatur Yesayants

«Նորից գնում եմ ԱԱԾ` նոր գործեր կան, էն հներից բան դուրս չեկավ». Ծառուկյան

«Դուք ձեզ անհարմար վիճակի մեջ ենք դնում, տիկին Զոհրաբյան ջան»,- նշեց նա:

Դավթյանը նաև հայտարարեց, որ քննչական մարմինն ունի կաշառքի միջնորդ հանդես եկած անձանց ինքնախոստովանական ցուցմունքները, ապա թեկնածուների մոտ գտել են ցուցակներ, որոնք հաստատում են այդ ցուցմունքներում նշված փաստերը:

Նախկին ԲՀԿ-ական, այժմ անկախ պատգամավոր Տիգրան Ուրիխանյանն էլ առաջարկեց, որ Արթուր Դավթյանը հրաժարական տա, մեկ այլ դատավոր գա` նույն միջնորդությունը ներկայացնի:

«Որովհետև ես վստահ չեմ, որ հիմա քվեարկեմ, հետո ձեզ մի փոխվարչապետ գրի, դուք ձեր միջնորդությունը հետ չեք վերցնեք»,- ասաց նա:

Պատգամավորները, նրա խոսքով, սովորություն ունեն հետո վարչապետ դառնալու:

Հիշեցնենք` ՀՀ գլխավոր դատախազ Արթուր Դավթյանն այսօր ԱԺ-ում ներկայացրեց ԲՀԿ առաջնորդ Գագիկ Ծառուկյանին անձեռնմխելիությունից զրկելու և նրան քրեական հետապնդման ենթարկելու միջնորդությունները:

ՀՀ ԱԱԾ-ն հունիսի 14-ին խուզարկություն իրականացրեց ԲՀԿ առաջնորդ, պատգամավոր Գագիկ Ծառուկյանի առանձնատանը: Ավելի ուշ Ծառուկյանին հրավիրեցին ԱԱԾ՝ հարցաքննության:

«Ծառուկյանի հարցում իշխանությունը կրկնում է Սերժ Սարգսյանի գործելաոճը». Անտինյան

Ծառուկյանի հարցաքննության ընթացքում ԱԱԾ-ն հանդես եկավ մի քանի պաշտոնական հայտարարություններով` ներկայացնելով Ծառուկյանի նկատմամբ կատարված քննչական գործողությունների իրավական հիմքերն ու հարուցված 3 քրեական գործեր:

© Sputnik / Asatur Yesayants

«Այս ամենով ինձ հերոսացնում եք». Գագիկ Ծառուկյանը ելույթ ունեցավ ԱԺ–ում

Առաջին քրեական գործը «Շանգրի Լա» և «Օնիրա Քլաբ» խաղատներին վերաբերող գործն է, որի համաձայն` դրանց ապօրինի ձեռնարկատիրական գործունեության հետևանքով պետությանը հասցվել է շուրջ 30 մլրդ դրամի վնաս: Երկրորդ քրգործը վերաբերում է 2017թ-ի խորհրդարանական ընտրություններին: Ըստ գործի նյութերի` ԲՀԿ-ն հարյուր հազարների ընտրակաշառք է բաժանել:

Իսկ երրորդ քրեական գործը վերաբերում է Կոտայքի մարզի Առինջ համայնքում Ծառուկյանին պատկանող «Նյու» ընկերությանն օտարված հողատարածքին: Առինջի գյուղապետի ու ավագանու անդամների անօրինական որոշումների հետևանքով, ըստ գործի, համայնքին պատճառվել է շուրջ 400 մլն դրամի վնաս: Երեք քրեական գործերով նախաքննությունը շարունակվում է:

Այսօր ԱԱԾ-ն հանդես եկավ նաև չորրորդ քրեական գործի մասին հայտարարությամբ, որը վերաբերում է արդեն 2017թ-ի Երևանի ավագանու ընտրություններում ԲՀԿ-ի կատարած ընտրախախտումներին:

Ինքը ՝ Ծառուկյանը, իշխանությունների գործողությունները համարում է քաղաքական հետապնդում:

Գագիկ Ծառուկյանը բոլոր հարցերին սպառիչ պատասխան է տվել. փաստաբանը մանրամասներ է հայտնում

Իրավիճակը ցույց է տալիս, որ ՀՀ նախագահ Արմեն Սարգսյանը համաձայն չէ վարչապետ Նիկոլ Փաշինյանի որոշման հետ և այդ պատճառով էլ չի ստորագրում ՀՀ ԶՈւ Գլխավոր շտաբի պետ Օնիկ Գասպարյանի պաշտոնանկության հրամանագրի նախագիծը։ Sputnik Արմենիայի հետ զրույցում իր այս տեսակետը հայտնեց Թևան Պողոսյանը։

Նրա խոսքով` ՀՀ նախագահը Սահմանադրական դատարան է դիմել «Զինվորական ծառայության և զինծառայողի կարգավիճակի մասին» օրենքի վերաբերյալ, քանզի համարում է, որ այնտեղ կան ինստիտուցիոնալ մոտեցման հետ կապված խնդիրներ, որ զինվորականներին նշանակելու և հեռացնելու համար շատ դեպքերում կան հայեցողական դիրքորոշումներ, որոնք անընդունելի են և սխալ մոտեցման արդյունք են։

«Եթե իշխանության և ընդդիմության միջև լինեն համապատասխան բանակցություններ, միգուցե հնարավոր է ամեն ինչ շատ հանգիստ անել ու գտնել բոլորի համար ընդունելի լուծում կամ հակառակը` գործընթացը կարող է հանգեցնել այնպիսի իրավիճակի, որի առթիվ լավ կանխատեսումներ չունեմ»,– նշեց «Մարդկային զարգացման միջազգային կենտրոնի» ղեկավարը։

Պողոսյանի կարծիքով` լարվածության հետագա սրացման դեպքում կարող են լինել ռեպրեսիաներ ու վենդետաների երևույթներ` չնայած, որ իշխանությունները դեռ 2018 թվականին են հայտարարել, որ վենդետաներ չեն լինելու, բայց հետո ականատես ենք եղել բազմաթիվ դեպքերի, երբ մարդկանց առանց իրավական հիմքերի հեռացնում էին աշխատանքից, կամ տեղի էին ունենում ինչ–որ գործընթացներ։

© Photo : official site of the MoD of RA

Օնիկ Գասպարյանը շարունակում է մնալ ԶՈւ բարձրագույն զինվորական հրամանատարը. Գլխավոր շտաբ

ՀՀ նախագահի մամուլի ծառայությունը երեկ հայտնեց, որ Արմեն Սարգսյանը որոշել է չստորագրել ՀՀ վարչապետ Նիկոլ Փաշինյանի` ԶՈւ ԳՇ պետ Օնիկ Գասպարյանին պաշտոնից ազատելու հրամանագրի նախագիծը, միաժամանակ առաջնորդվելով Սահմանադրության 169-րդ հոդվածի 1-ին մասի 4-րդ կետով` ՀՀ նախագահն առանձին դիմումով դիմելու է ՍԴ` «Զինվորական ծառայության և զինծառայողի կարգավիճակի մասին» 2017թ. նոյեմբերի 15-ի ՀՀ օրենքի՝ Սահմանադրությանը համապատասխանելու հարցը որոշելու խնդրանքով։

Ավելի վաղ «Մեկ Հայաստան» կուսակցության նախագահ, Հայրենիքի փրկության շարժման ներկայացուցիչ Արթուր Ղազինյանը գրել էր, որ Արմեն Սարգսյանն ու Նիկոլ Փաշինյանը երեկ եկել են համաձայնության՝ իրավական աճպարարության միջոցով իրագործելու Նիկոլ Փաշինյանի` Օնիկ Գասպարյանին զբաղեցրած պաշտոնից ազատելու ցանկությունը։ Մասնավորապես, ըստ հաստատված ծրագրի, Արմեն Սարգսյանը կդիմի ՍԴ, բայց ոչ թե վարչապետի առաջարկության սահմանադրականությունը ստուգելու, այլ 2018թ-ի հունիսի 11-ին ընդունված «Զինվորական ծառայության և զինծառայողի կարգավիճակի մասին» ՀՀ օրենքում կատարված փոփոխությունների սահմանադրականությունը վիճարկելու պահանջով։

Ղազինյանի խոսքով` նման սխեմա կիրառվել է նաև 2018թ-ին Մովսես Հակոբյանին զբաղեցրած պաշտոնից ազատելու համար։ ՀՀ ԱԺ նշված օրենքում կատարվել է լրացում, համաձայն որի` բարձրագույն հրամանատարական կազմի` զինվորական պաշտոնից ազատումը կարող է իրականացվել` անկախ այն հանգամանքից՝ առկա են սույն հոդվածի 1-ին մասում սահմանված հիմքեր, թե ոչ։

© Photo : press office of the Government of RA

Փաշինյան-Մարուքյան հանդիպումը հետաձգվել է

Նրա խոսքով` սա նշանակում է, որ Օնիկ Գասպարյանին զբաղեցրած պաշտոնից ազատելու ՀՀ վարչապետի որոշումը կմտնի օրինական ուժի մեջ, և Օնիկ Գասպարյանը իրավաբանորեն կդադարի լինել ՀՀ ԶՈւ Գլխավոր շտաբի պետ։

Հիշեցնենք` Հայաստանի ներքաղաքական իրադրությունը սրվեց, երբ ՀՀ ԶՈւ Գլխավոր շտաբը փետրվարի 25-ին պահանջեց ՀՀ վարչապետ Նիկոլ Փաշինյանի հրաժարականը` ասելով, որ քաղաքական ղեկավարությունը պետությունը տանում է դեպի վտանգավոր սահմանագիծ։ 

Ի պատասխան Նիկոլ Փաշինյանը հայտարարեց ռազմական հեղաշրջման փորձի մասին և քաղաքացիներին կոչ արեց հավաքվել Հանրապետության հրապարակում՝ հեղափոխությունը պաշտպանելու համար։

Նա հայտնեց նաև, որ ստորագրել է Գլխավոր շտաբի պետ Օնիկ Գասպարյանին պաշտոնից հեռացնելու փաստաթուղթը, որը, սակայն, ՀՀ նախագահ Արմեն Սարգսյանը չստորագրեց և հետ ուղարկեց փետրվարի 27–ին։ Նույն օրը վարչապետը  առաջարկությունը կրկին ուղարկեց ՀՀ նախագահին։