Զոհրաբ Մնացականյան, Սերգեյ Լավրով. արխիվային լուսանկար

«Պարտադիր չէ, որ հարաբերությունները սկսվեն ու ավարտվեն կենացներով». Մնացականյան

71
(Թարմացված է 17:52 06.05.2020)
ՀՀ ԱԳ նախարար Զոհրաբ Մնացականյանն ԱԺ-ում անդրադարձել է ՀՀ-ՌԴ հարաբերություններին ու ՌԴ ԱԳ նախարար Սերգեյ Լավրովի՝ Ղարաբաղյան բանակցությունների մասին հայտարարությանը:

ԵՐԵՎԱՆ, 6 մայիսի — Sputnik. Հայ-ռուսական հարաբերություններն ունեն հագեցած օրակարգ, պատմություն ու հիմնված են դաշնակցային հարաբերությունների բոլոր սկզբունքների վրա: Այսօր ԱԺ-ում ասաց ՀՀ ԱԳ նախարար Զոհրաբ Մնացականյանը՝ պատասխանելով «Լուսավոր  Հայաստան» խմբակցության պատգամավոր Արկադի Խաչատրյանի՝ հայ-ռուսական հարաբերությունների ու դրանց համատեքստում ՌԴ ԱԳ նախարար Սերգեյ Լավրովի վերջին հայտարարության մասին հարցին:

«Բնականաբար, մենք ունենք տարբեր հարցեր՝ ՀՀ-ի կողմից, ՌԴ-ի կողմից, այնպես ինչպես մենք ունենք հարցեր մնացած բոլոր գործընկերների հետ: Բայց դրանից ամեն անգամ դարձնել դրամա, ճիշտ չէ: Մենք համագործակցության տարբեր հարթակներ ունենք՝ սկսած աշխատանքայինից մինչև բարձրագույն մակարդակներ, ու այդ բոլոր հարթակներում մենք աշխատում ենք օրակարգի բոլոր հարցերի շուրջ: Դրանք հարաբերություններ են, որ պարտադիր չէ, որ սկսվեն ու ավարտվեն կենացներով»,- ասաց Մնացականյանը:

Եվ, այդուհանդերձ, հայ-ռուսական հարաբերությունները, ԱԳ նախարարի դիտարկմամբ, եղել և մնում են հավասարազոր երկու դաշնակիցների ու երկու բարեկամ ժողովուրդների հարաբերություններ:

Ինչ վերաբերում է Լավրովի հայտարարությանն ու պատգամավորի հարցապնդմանը, թե ում էր այն իրականում ուղղված, ԱԳ նախարարը պատասխանեց. «Հարցը գալիս էր ադրբեջանական աղբյուրից և ուղղված էր բնականաբար ադրբեջանական աղբյուրին»:

Կարիք չկա ավելի փորփրել. Մնացականյանը` ղարաբաղյան հիմնահարցի բանակցությունների մասին

Հիշեցնենք, որ ապրիլի 21–ին Ռուսաստանի արտգործնախարար Սերգեյ Լավրովը հայտարարել էր, որ ղարաբաղյան կարգավորման վերաբերյալ ՄԱԿ-ի Անվտանգության խորհրդի բանաձևի իրագործման ամենակարևոր քայլը 2019 թվականի ապրիլին Մոսկվայում ընդունված փաստաթղթի ստորագրումն է: Խոսքն այն փաստաթղթի մասին է, որը 2019 թվականի ապրիլին ԵԱՀԿ ՄԽ համանախագահների մասնակցությամբ Ռուսաստանի, Հայաստանի և Ադրբեջանի արտգործնախարարների հանդիպման ժամանակ ընդունվեց Մոսկվայում։

Դրան ի պատասխան ՀՀ արտգործնախարար Զոհրաբ Մնացականյանը հայտարարել էր, որ խաղաղ կարգավորումը հնարավոր է փոխզիջումների միջոցով։ Իսկ զիջումներ չեն եղել ու չեն լինելու։

71
թեգերը:
Արցախ, Ղարաբաղյան հակամարտություն, Լեռնային Ղարաբաղ, Հայաստան, Ռուսաստան, Սերգեյ Լավրով, Զոհրաբ Մնացականյան
թեմա:
Հայաստան-Ռուսաստան համագործակցություն (159)
Ըստ թեմայի
«Արցախի անվտանգությունը և անկախությունը սակարկության ենթակա չեն»․ Բակո Սահակյան
Դավիթ Տոնոյանն Արցախ է մեկնել. նախարարը եղել է մի շարք զորամասերում
Ադրբեջանի պաշտպանության նախարարն այցելում է առաջնագծի տարբեր հատվածներ. Արցախը հետևում է
ՀՀ ԱԳՆ

ՄԻԵԴ-ի որոշումն Ադրբեջանի հայատյաց քաղաքականության դեմ կայացրած դատավճիռ է. ՀՀ ԱԳՆ

28
(Թարմացված է 12:18 27.05.2020)
ՀՀ ԱԳՆ–ն վճռական է՝ կանխարգելելու ատելության հողի վրա կատարվող հանցանքները և պաշտպանելու տարածաշրջանում հայ ժողովրդի անվտանգությունը։

ԵՐԵՎԱՆ, 27 մայիսի — Sputnik. ՀՀ արտաքին գործերի նախարարությունն արձագանքել է մայիսի 26–ին ՄԻԵԴ ընդունած «Մակուչյանն ու Մինասյանն ընդդեմ Ադրբեջանի և Հունգարիայի» գործով վճռին, որն առնչվում է Ադրբեջանի կողմից հայ սպա Գուրգեն Մարգարյանին դաժան սպանության ենթարկած Ռամիլ Սաֆարովի ազատ արձակմանը և հերոսացմանը:

Ինչպես տեղեկացնում են ՀՀ ԱԳՆ մամուլի ծառայությունից, հաղորդագրության մեջ նշվում է, որ դատարանն արձանագրեց, որ Ադրբեջանը խախտել է Մարդու իրավունքների եվրոպական կոնվենցիայի 2-րդ (կյանքի իրավունք) և 14-րդ (խտրականության բացառում) հոդվածներով նախատեսված պարտավորությունները:

«Դատավճռում, մասնավորապես, արձանագրվել է. «Դատարանն առանձնապես ցնցված է այն փաստով, որ ի լրումն Ադրբեջան վերադառնալուն պես ազատ արձակմանը՝ Ռամիլ Սաֆարովին շնորհվել են մի շարք արտոնություններ, ինչպիսիք են՝ բանտում անցկացրած ժամանակահատվածի համար աշխատավարձի փոխհատուցում, Բաքվում բնակարանի տրամադրում և ռազմական կոչման բարձրացում, որն իրականացվեց հրապարակային արարողությամբ»»,–ասված է հաղորդագրության մեջ:

ՀՀ արտաքին գերատեսչությունում ընդգծում են, որ դատավճիռը մատնանշել է՝ այդ հոդվածների խախտումը կրել է փոխկապակցված բնույթ, ինչն արձանագրում է, որ Ադրբեջանի բարձրագույն ղեկավարության կողմից ատելության հողի վրա իրականացված դաժան հանցագործության համար դատապարտված Ռամիլ Սաֆարովի անպատժելիությունը և հերոսացումը կատարվել է զոհերի ազգային պատկանելության հիմքով: 

«ՄԻԵԴ-ի այս որոշումն Ադրբեջանի հայատյաց քաղաքականության դեմ կայացրած դատավճիռ է: Այն ոչ միայն ճանաչում է, այլև անընդունելի է որակում Ադրբեջանի կողմից պետական մակարդակով հայերի հանդեպ ատելության հողի վրա գործած հանցագործությունների խրախուսումը»,–ասված է հաղորդագրության մեջ:

ԱԳՆ–ում նշում եմ, որ այս դատավճիռը սահմանում է Ադրբեջանի հանդեպ իրավական պարտավորություն՝ իրականացնելու այնպիսի գործողություններ, որոնցով հնարավոր կլիներ դադարեցնել Մարդու իրավունքների եվրոպական կոնվենցիայի այս խախտումները և հասցեագրել դրանց հետևանքները:

«Հայաստանի Հանրապետությունը ՄԻԵԴ այս վճիռը դիտարկում է որպես պահանջ Ադրբեջանի իշխանություններից վերականգնելու արդարությունը Գուրգեն Մարգարյանի ահասարսուռ սպանության գործում և դադարեցնելու հայերի նկատմամբ ռասիստական քաղաքականությունը: Հայաստանի Հանրապետությունն այս ուղղությամբ հետևողական է լինելու համապատասխան միջազգային ատյաններում»,–ասված է հաղորդագրության մեջ:

Նշվում է, որ դատապարտված մարդասպան Ռամիլ Սաֆարովի՝ Ադրբեջանի նախագահի հրամանագրով ազատ արձակումը և հերոսացումը հերյուրանք և վիրավորանք էին քաղաքակրթական չափանիշների և մարդկային արժանապատվության նկատմամբ: «Այսօր, երբ այս գործողությունները ստացան իրավական գնահատական, մենք առավել քան վճռական ենք՝ կանխարգելելու ատելության հողի վրա կատարվող հանցանքները և պաշտպանելու տարածաշրջանում հայ ժողովրդի անվտանգությունը»,–ասվում է հայտարարության մեջ:

Սաֆարովի հերոսացումն Արցախի ժողովրդի անվտանգության մտահոգությունն ավելի է ուժեղացնում. ԱԳՆ

Հիշեցնենք, որ 2004թ. Բուդապեշտում ՆԱՏՕ շրջանակներում անցկացված «Գործընկերություն հանուն խաղաղության» ծրագրի շրջանակներում դասընթացներին Ադրբեջանի կողմից մասնակցող սպա Ռամիլ Սաֆարովը քնած վիճակում կացնահարել էր հայ սպա Գուրգեն Մարգարյանին և հարձակում գործել հայ սպա Հայկ Մակուչյանի վրա: Հունգարական դատարանի կողմից ցմահ ազատազրկման դատապարտված Ռամիլ Սաֆարովը, Ադրբեջան փոխանցվելուց հետո, որտեղ հանցագործը պետք է կրեր պատժի հետագա ժամկետը, արժանացել է ներման և հերոսացվել:

Մայիսի 26–ին Մարդու իրավունքների եվրոպական դատարանը Գուրգեն Մարգարյանի սպանության գործով բավական խիստ գնահատական է տվել Ադրբեջանին՝ կոնվենցիայի երկու հոդվածով խախտում արձանագրելով:

28
թեգերը:
Գուրգեն Մարգարյան, Ռամիլ Սաֆարով, ՀՀ Արտաքին գործերի նախարարություն. ԱԳՆ, Մարդու Իրավունքների Եվրոպական դատարան (ՄԻԵԴ)
Ըստ թեմայի
Արցախում ադրբեջանցիները դիվերսիոն ներթափանցման փորձ են արել
Ադրբեջանական կրակոցներից տուժած ընտանիքը նվերներ ստացավ Արմեն Սարգսյանից. տեսանյութ
«Ադրբեջանը շարունակում է հրադադարի խախտման փորձերը». Միրզոյանը զրուցել է Ծերեթելիի հետ
Վրաստանի անկախության տոնին Հայաստանն անակնկալ է մատուցել հարևանին

Վրաստանի անկախության տոնին Հայաստանն անակնկալ է մատուցել հարևանին

186
(Թարմացված է 23:23 26.05.2020)
Երևանի փողոցների գովազդային վահանակները լուսավորվել են Վրաստանի դրոշի գույներով։

ԵՐԵՎԱՆ, 26 մայիսի – Sputnik. Հարևան Վրաստանի ազգային տոնի կապակցությամբ այսօր Հայաստանի մայրաքաղաք Երևանի փողոցների վահանակները լուսավորվել են Վրաստանի դրոշի գույներով։ Տեղեկությունը հայտնում է Վրաստանում Հայաստանի դեսպանությունը։

Այս տոնական նախաձեռնության հեղինակը Վրաստանում ՀՀ դեսպանությունն ու դեսպան Ռուբեն Սադոյանն են։

«Շնորհավո՜ր տոնդ, եղբայրական Վրաստան»,- ասված է հրապարակման մեջ։

Նշենք, որ Վրաստանն անկախության օրը նշում է այսօր՝ մայիսի 26-ին։

Ռուսաստանից Վրաստան ներկրվող գազի գինը կիջնի. «Գազպրոմի» հետ նոր պայմանավորվածություն կա

186
թեգերը:
դրոշ, Վրաստանի Հանրապետություն, Հայաստան
Ըստ թեմայի
Վրաստանում արտակարգ դրությունն ու պարետային ժամը չեն երկարաձգի
Վրաստանում թվերը փոքր են, բայց մեր հակահամաճարակային համակարգն ավելի լավն է. Թորոսյան
Մտադիր ենք պարզել` ինչն է Թորոսյանին նման հայտարարության առիթ տվել. Վրաստանի ԱՆ
Ռուսաստանի քաղաքացի հայերը փակված են մնացել Վրաստանի սահմանին․ ինչ է ասում դեսպանատունը
«Պոսեյդոն»

Միայն Ռուսաստանը նման զենք ունի, բայց առանց լուրջ պատճառի երբեք չի գործարկի

0
Ռուսական անօդաչու ստորջրյա համալիրը պատասխան հարված է երաշխավորում հակառակորդի հարձակման դեպքում։ Տեխնոլոգիապես առավել զարգացած երկրների շարքում միայն Ռուսաստանը նման զենք ունի։

Ալեքսանդր Խրոլենկո, ռազմական վերլուծաբան

Ռուսական պաշտպանաարդյունաբերական համալիրում ՌԻԱ Նովոստիի աղբյուրը մայիսի 26 –ին հայտնել է, որ «Պոսեյդոն» ստորջրյա անօդաչու սարքի գործարկումը նախատեսված է 2020 թվականի աշնանը, իսկ հիմա փորձարկում են նորագույն համակարգի առանձին հանգույցներն ու ագրեգատները։ Գործարկումը կիրականացվի «Բելգորոդ» բազմաթիրախային ատոմային սուզանավից, որը նորագույն անօդաչուների առաջին փորձառու կրողն է։ Փորձարարական նավը վերամշակվել է հատուկ «Պոսեյդոնի» (նախագիծ 09852) համար ու ջուր է իջեցվել 2019 թվականի ապրիլին Սևերոդվինսկում։ Փորձարկումները կտևեն մինչև 2021 թվականը, և բարեհաջող ավարտի դեպքում «Բելգորոդն» ու «Պոսեյդոնները» կներառվեն Ռուսաստանի ռազմածովային նավատորմում։

Միջմայրցամաքային անօդաչուների առաջին հաստիքային կրողը հետագայում կդառնա «Խաբարովսկ» ատոմային սուզանավը (նախագիծ 098531), որը նախատեսվում է ջուր իջեցնել ամառվա սկզբին, փորձարկումները մոտ երկու տարի կտևեն։ Աշխարհի ոչ մի երկիր նման համակարգ կամ «Պոսեյդոնից» պաշտպանվելու միջոցներ չունի։ ՌԴ նախագահ Վլադիմիր Պուտինը «Պոսեյդոնի» մշակման մասին հայտարարել էր 2018 թվականին։ Սա Ռուսաստանի անհամաչափ պատասխանն է Արևելյան Եվրոպայում Պենտագոնի ու ՆԱՏՕ-ի հարվածային ներուժի վտանգավոր կուտակմանը, ԱՄՆ-ի հակահրթիռային պաշտպանությանը, որը կարող է կիրառվել ՌԴ-ի պաշտպանական ներուժի վերացման համար։

Անհավանական անօդաչու

«Պոսեյդոնը» ռազմավարական միջցամաքային խորջրյա սարք է` միջուկային էներգետիկ սարքավորումով, որը կարող է 1000 մետր խորության տակ մինչև 10 հազար կիլոմետր անցնել 100 հանգույց արագությամբ (185 կմ/ժամ)։

24 մետր երկարություն ու մոտ 1,6 մետր տրամագիծ ունեցող սարքը նախատեսված է ավիակիր խմբավորումները վերացնելու համար։ Երբ մեծ արագությամբ չի շարժվում, գրեթե ձայն չի հանում, այդ պատճառով այն դժվար է գտնել օվկիանոսում։ Անօդաչու ռեժիմում «Պոսեյդոնը» կարող է տեղաշարժվել այնպիսի խորության վրա ու այնպիսի արագությամբ, որն անհասանելի է հնարավոր հակառակորդի գոյություն ունեցող ու հեռանկարային սուզանավերի ու հրթիռների համար։ Կառավարման ատոմային համակարգը թույլ է տալիս հայտնաբերել և հաղթահարել հականավային սահմաններն ու պաշտպանության այլ համակարգերը։ Դա անխոցելիություն ու հարվածային անհավանական էֆեկտ է երաշխավորում։

Ռուսական մշակումը դեռ փորձարկումների փուլում է անհանգստացրել ԱՄՆ ռազմավարական հրամանատարությանը (STRATCOM)։ Նախորդ տարվա փետրվարին STRATCOM-ի ղեկավար Ջոն Հայթենը նշել էր, որ «Պոսեյդոնը» սկզբունքորեն նոր զենք է, իսկ ԱՄՆ-ում ռուսական նորույթի նմանակներ չեն մշակվում։

Ռուսաստանի պլանային վարժանքներն ու «մկների վազվզոցը». ի՞նչ է կատարվում բալթյան տարածքում

Ավելի վաղ ԱՄՆ-ում կանխատեսում-հրապարակումներ էին հայտնվել, որ իբր գլոբալ հակամարտության դեպքում ստորգետնյա սուզանավը կարող է 100-մեգատոննանոց ջերմամիջուկային մարտալիցք հասցնել ԱՄՆ-ի ափերին, ինչը կարող է ցունամի առաջացնել ու օվկիանոս տանել ամբողջ ափամերձ ենթակառուցվածքը ավիակիրների, պաշտպանական գործարանների ու քաղաքների հետ։ Այդպիսով, անօդաչու «Պոսեյդոնը» դեռ մինչ ԶՈւ անցնելը ազդեց միջազգային միջավայրի, մասամբ՝ Ռուսաստանի համար ոչ բարեկամ երկրների ռազմական ղեկավարության որոշումների վրա։ Սակայն առանց լուրջ պատճառի (օրինակ՝ ագրեսիայի ակտ ՌԴ-ի նկատմամբ) «Պոսեյդոնը» երբեք չի գործարկվի։

Առեղծվածային «Խաբարովսկ»

«Խաբարովսկ» նորագույն սուզանավն այսօր Ռուսաստանի ամենամեծ ռազմական գաղտնիքներից է։ Բաց աղբյուրների տվյալներով` նավը սկզբունքորեն նոր միջուկային էներգետիկ սարք ունի ու կարող է մինչև վեց անօդաչու «Պոսեյդոն» կրել, որը արևմտյան մամուլում «Ահեղ դատաստանի օրվա տորպեդներ» են անվանում։ «Խաբարովսկի» հիմնական բնութագրերը գաղտնի են։

Սա ստորջրյա ռազմավարական զենքի համակարգերի նոր սերունդն է։ Ատոմային կրող սուզանավերի ու «Ահեղ դատաստանի օրվա տորպեդների» «կրկնակի գաղտնիությունը արդյունավետ պատասխան-հանդիպակաց միջուկային հարված է երաշխավորում, նույնիսկ եթե հեռավոր ապագայում ԱՄՆ-ին ու ՆԱՏՕ-ին հաջողվի ցամաքում, ծովում ու տիեզերքում ՀՀՊ-ի «անխոցելի» համակարգ ստեղծել։

«Պեսեյդոնը» Ռուսաստանի տեխնոլոգիական գերակայության միակ վկայությունը չէ, բայց բավականին տպավորիչ ու սթափեցնող է հնարավոր հակառակորդի համար։ Սակայն Ռուսաստանի Դաշնությունը սպառնալիքներ ստեղծելու մոլագար ձգտում չունի։ Ավելին՝ աշխարհում ռազմավարական կայունությունն ամրապնդելու համար Մոսկվան պատրաստ է արևմտյան գործընկերների հետ քննարկել պայմանագրային արդարացի պարտավորությունները` աշխարհում կայունության հասնելու համար՝ հաշվի առնելով ռուսական սպառազինության նորագույն ռազմավարական համակարգերի հնարավորությունները։

Ինչպես խորտակվեց ու գտնվեց «Արմենիա» ջերմանավը․ ծովում տեղի ունեցած ողբերգություն

0
թեգերը:
Զենք, Ռուսաստան
Ըստ թեմայի
Կայունության գործիք. ՌԴ–ն վերսկսել է Տու-160Մ ռազմավարական հրթիռակիրների արտադրությունը
Ինչո՞ւ է Ռուսաստանն ուժեղացնում Կասպիական նավատորմը
Հայաստանն ընդլայնում է ռազմական ոլորտի սահմանագծերը. ի՞նչ է արվել վերջին 1 տարում
ՀՀ-ն $40 մլն է ծախսել հնդկական ռադարների համար. ինչու են անտեսվել ռուսական անալոգները