Աբաս Ջումա

Ի՞նչ կա դրա մեջ, ցեղասպանությունը ճանաչելը նաև քաղաքական քայլ էր. Աբաս Ջումա

86
Աբաս Ջուման Sputnik Արմենիա ռադիոկայանի եթերում մեկնաբանել է Սիրիայի խորհրդարանի ընդունած բանաձևը։

ԵՐԵՎԱՆ, 13 փետրվարի – Sputnik. Ռուսաստանցի հայտնի լրագրող, Մերձավոր Արևելքի փորձագետ Աբաս Ջուման վստահեցնում է` Սիրիայում միշտ էլ ճանաչել են Հայոց ցեղասպանությունը։

«Սիրիացիների գերակշռող մասը կիսում է հայերի ցավը, էլ չենք խոսում սիրիահայերի մասին։ Հայերին միշտ էլ յուրային են համարել, ինչպես ասորիներին կամ օսմաններից տուժած այլ սիրիացիներին։ Այստեղ հակասություն չկա», – Sputnik Արմենիայի հետ զրույցում ասաց նա։

Ջումայի խոսքով` շատերն ասում են, որ դա քաղաքական քայլ էր, քանի որ արվել է Իդլիբում տեղի ունեցած սրացումների ֆոնին։

«Այո, դա նաև քաղաքական քայլ էր։ Ի՞նչ կա դրա մեջ։ Դա չի նվազեցնում սիրիացի պատգամավորների անկեղծությունը ու չի չեղարկում այն փաստը, որ Սիրիայում միշտ ճանաչել են Հայոց ցեղասպանությունը։ Սիրիայի պատգամավորները նախկինում էլ են բազմաթիվ անգամ հարգանքի տուրք մատուցել Ցեղասպանության զոհերի հիշատակին։ Չարիքը նորից արթնացել է։ Օսմանյան սպառնալիքը կրկին արդիական է, ու նրանց արյան ծարավը պետք նման միջոցներով կանգնեցնել»,– ավելացրեց Ջուման։

Նրա խոսքով` տարիներ տևած պատերազմից հետո արնաքամ եղած ու խոցելի Դամասկոսը պատմական փաստը ճանաչելու համարձակություն գտավ։

Արմեն Սարգսյանը Իսրայելի Քնեսեթում բարձրացրել է Հայոց ցեղասպանության ճանաչման հարցը

«Այդ փաստը հերքելը պարզապես անպարկեշտություն է, այդ առումով Դամասկոսը հասունություն, քաղաքական ու դիվանագիտական ակտիվություն ու ոգու ուժ ցուցաբերեց», – նշեց Ջուման։

Նշենք` Սիրիայի խորհրդարանն այսօր` փետրվարի 13-ին, Հայոց ցեղասպանությունը ճանաչող և դատապարտող բանաձև ընդունեց:

Սիրիայի խորհրդարանի քարտուղար Ռամի Սալեհը նշել էր, որ թեև Սիրիայի խորհրդարանում հարգանքի տուրք են մատուցել Հայոց ցեղասպանության զոհերի հիշատակին, սակայն անհրաժեշտ էր ունենալ նման բանաձև:

Սենատորն արտասվել է Ցեղասպանության բանաձևի համար շնորհակալություն հայտնելիս. տեսանյութ

86
թեգերը:
բանաձև, Հայոց ցեղասպանություն, Սիրիա
Ըստ թեմայի
«5 րոպե Դուլյանի հետ». Ցեղասպանության բանաձև. ուրախանա՞նք, թե՞ տրտնջանք
Հայաստանը երախտապարտ է Հռոմի պապի՝ Հայոց ցեղասպանության ճանաչման ուղերձի համար
ԱՄՆ Կոլումբիայի խորհուրդը Հայոց ցեղասպանությունը հաստատող բանաձև է ընդունել