Արմեն Սարգսյան

«Նա չի կարող ուղղակի ասել` ես չեմ ստորագրում». Արմեն Սարգսյանի վերջնաժամկետը երեքշաբթին է

560
(Թարմացված է 12:36 12.02.2020)
Հայաստանյան իրավաբաններն ու իրավապաշտպանները ՀՀ նախագահ Արմեն Սարգսյանին ցույց են տվել դժվարին իրավիճակից դուրս գալու ու «Իմ քայլին» միայնակ թողնելու ուղին։

ԵՐԵՎԱՆ, 8 փետրվարի – Sputnik, Նելլի Դանիելյան. Հայաստանի 100-ից ավելի իրավաբաններ ՀՀ նախագահին կոչ են անում գործող իշխանության հետ  քաղաքական պատասխանատվությունը չկիսել։

Այս մասին Sputnik Արմենիային հայտնեց ՀՀ մարդու իրավունքների առաջին պաշտպան Լարիսա Ալավերդյանը, որը ևս միացել է ՀՀ նախագահին ուղղված կոչին։

«Նա ոչ միայն պետք է օրը չնշանակի, այլև պետք է դիմի Սահմանադրական դատարան։ Նա չի կարող ուղղակի ասել` ես չեմ ստորագրում։ Կա՛մ անմիջապես ստորագրում է, կա՛մ հղում է անում ՍԴ-ին, որ սկզբից ՍԴ–ն նայի»,– մեկնաբանեց Լարիսա Ալավերդյանը։

Խնդիրն, ըստ Ալավերդյանի, նրանում է, որ այս պահին սահմանադրական փոփոխությունների հանրաքվեի նախաձեռնողն ու կողմնակիցը հիմնականում մեկ քաղաքական ուժ է`«Իմ քայլը», որի նախաձեռնությունը խորհրդարանական ուժերը մեծ հաշվով չեն ողջունել, իսկ արտախորհրդարանական ուժերից միայն մի մասն է կողմ այդ գործընթացին։

«Մենք հասկանում ենք, որ «Իմ քայլը» խնդիր ունի ավելի շատ ինստիտուտներ ընդգրկելու, որ չմնա մենակ, որովհետև դա քաղաքական պատասխանատվության խնդիր է։ Հիմա մենք կոչ ենք անում, ասում ենք` պետք չէ շատ ինստիտուտներ խառնել իրար»,– ասում է Ալավերդյանը։

Իսկ թե ինչ որոշում ի վերջո կկայացնի ՀՀ նախագահը, Լարիսա Ալավերդյանը դժվարացավ կանխատեսել, բայց նշեց, որ նրա վերջին հարցազրույցից տպավորություն է ստացել, որ Արմեն Սարգսյանը կողմ է հանրաքվեի գաղափարին։

«Նա այսպիսի արտահայտություն է անում, որ հանրաքվեն ոչ թե ծայրահեղ միջոց է, այլ ուղիղ ժողովրդավարության ողջունելի ձև։ Այդ ամենն այդպես կլիներ, եթե այդ որոշումը չընդունվեր բազմաթիվ խախտումներով` լինի դա ԱԺ կանոնակարգ օրենքի, լինի դա Սահմանադրության։ Կարծում եմ, որ նախագահը մտածող անձնավորություն է ու սխալ չի գործի»,– ասաց Ալավերդյանը։

Նշենք, որ հանրաքվեի մասին ՀՀ օրենքով` «Ազգային ժողովի կողմից հանրաքվե անցկացնելու վերաբերյալ որոշում ընդունվելուց կամ Սահմանադրական դատարանի կողմից սույն օրենքի 10-րդ հոդվածի 4-րդ մասով սահմանված կարգով օրենքի նախագծի՝ Սահմանադրությանը համապատասխանող ճանաչելու մասին որոշում ընդունվելուց հետո` եռօրյա ժամկետում, հանրապետության նախագահը նշանակում է հանրաքվե:

Արմեն Սարգսյանը կարծիք ունի, բայց չի կարող արտահայտել. նախագահը հիշել է հին կատակը

Հանրաքվեի մասին որոշումն ընդունվել է փետրվարի 6-ին` հինգշաբթի օրը, հետևաբար նախագահի որոշման համար օրենքով հատկացված ժամկետը, Լարիսա Ալավերդյանի մեկնաբանմամբ, լրանում է առաջիկա երեքշաբթի օրը` փետրվարի 11-ին (երեք աշխատանքային օր)։

Սակայն օրենքը նախատեսում է նաև այն տարբերակը, երբ նախագահն իրեն հատկացված ժամկետում, այնուամենայնիվ, հանրաքվեի օր չի նշանակում։

«Հանրաքվե չնշանակվելու դեպքում հանրաքվեն նշանակված է համարվում սույն հոդվածի 1-ին մասով սահմանված ժամկետի վերջին օրվան հաջորդող 65-րդ օրվան նախորդող կիրակի օրը»,– ասված է «Հանրաքվեի մասին օրենքի» 12-րդ հոդվածի 3-րդ կետում։

Լարիսա Ալավերդյանի մեկնաբանմամբ` օրենքի այս դրույթը ոչ թե ավտոմատ կերպով հանրաքվեի նշանակում է ենթադրում, այլ դրա ընդունումը խորհրդարանի որոշմամբ։

«ԱԺ-ն պիտի հավաքվի, օրը նշանակի, հաստատի»,– օրենքի դրույթը մեկնաբանեց Ալավերդյանը։

Նշենք, որ ՀՀ նախագահին ուղղված բաց նամակը ստորագրած իրավաբաններն ու իրավապաշտպանները իրենց հայտարարության մեջ համոզմունք են հայտնում, որ  փետրվարի 6-ին ՀՀ Ազգային ժողովի կայացրած՝ հանրաքվե նշանակելու մասին որոշումը «ակնհայտ ու անթաքույց խախտում է ՀՀ Սահմանադրությունն ու սահմանադրական օրենսդրությունը», ուստի իրենք հանրապետության նախագահին կոչ են անում ձեռնպահ մնալ այդ «հակասահմանադրական գործընթացին մասնակցությունից և հանրաքվեի նշանակումից»։

Հիշեցնենք` ՀՀ ԱԺ-ն փետրվարի 6-ին արտահերթ նիստում ընդունեց Սահմանադրական փոփոխությունների նախագիծը հանրաքվեի դնելու որոշումը։

Նախագծով առաջարկվում է 2015 թվականի դեկտեմբերի 6-ին փոփոխված Սահմանադրության 213-րդ հոդվածը շարադրել նոր խմբագրությամբ և ներկայացնել այսպես. «Մինչև Սահմանադրության 7-րդ գլխի ուժի մեջ մտնելը նշանակված Սահմանադրական դատարանի նախագահի և անդամների պաշտոնավարումը դադարում է»:

ԱԺ-ն ՍԴ նախագահ Հրայր Թովմասյանի ու ՍԴ «հին» դատավորների հարցը փոխանցեց ՀՀ նախագահ Արմեն Սարգսյանին, և հիմա բոլորի հայացքներն ուղղված են դեպի Բաղրամյան 26։

«Իմ քայլը» խախտել է մի շարք օրենքներ. Անի Սամսոնյանը`ՍԴ փոփոխությունների նախագծի մասին

Նշենք, որ ՀՀ օրենսդրության համաձայն` հանրաքվեն կայացած ու Սահմանադրությունը փոխված կհամարվեն, եթե դրան կողմ քվեարկեն հանրաքվեի մասնակիցների կեսից ավելին, բայց ոչ պակաս, քան ընտրությանը մասնակցելու իրավունք ունեցող քաղաքացիների մեկ քառորդը:

2018թ.-ի տվյալներով` ՀՀ–ում ընտրելու իրավունք է ունեցել 2 մլն 593 հազար 140 քաղաքացի, ու նրաց թիվն էապես չի փոխվել, ապա սահմանադրական փոփոխություններն ընդունվելու համար հանրաքվեի ժամանակ «այո» պիտի ասեն առնվազն 648 հազար 285 քաղաքացի։

560
թեգերը:
Լարիսա Ալավերդյան, հանրաքվե, Հրայր Թովմասյան, Նախագահ, Արմեն Սարգսյան, Սահմանադրական դատարան, Հայաստան
թեմա:
ՍԴ նախագահ Հրայր Թովմասյանին պաշտոնանկ անելու գործընթացը (104)
Ըստ թեմայի
Հովակիմյան. «Նախագիծը քննադատատողների խոսքի հիմքում ընտրակեղծարարության հոգեբանությունն է»
«Այս օրերին ԱԺ-ում անկազմակերպ և խուճապային իրավիճակ էր». Սամսոնյան
Հանրաքվե անցկացնելու նախագիծը փոխանցվել է Սարգսյանին
Արխիվային լուսանկար

Ազգային ժողովի նիստը չսկսված ավարտվեց. քվորում չկա

241
(Թարմացված է 10:26 28.10.2020)
Կառավարության անդամների հետ նախատեսված հարցուպատասխանը չի կայանա. նախարարները զբաղված են։

ԵՐԵՎԱՆ, 28 հոկտեմբերի - Sputnik. Ազգային ժողովի այսօր նախատեսված նիստը չկայացավ` քվորում չլինելու պատճառով։

«Լուսավոր Հայաստան» խմբակցության ղեկավար Էդմոն Մարուքյանը հետաքրքրվեց, թե արդյո՞ք «Իմ քայլում» կա որոշում, որ կառավարության անդամները չգան նախատեսված հարցուպատասխանին և քվորում չլինի։

«Կարծում եմ` կարևոր է, որ կառավարությունը գա հարցուպատասխանի, քանի որ բավականին հարցեր կան, որ գաղտնիք չեն պարունակում։ Օրինակ, կառավարությունը հայտարարել է, որ Արցախից 90 000 փախստական ունենք, կորոնավիրուսի վիճակը լարված է, տնտեսությանն առնչվող հարցեր կան»,–ասաց Մարուքյանը։

Ի պատասխան «Ւմ քայլը» խմբակցության ղելավար Լիլիթ Մակունցը հայտնեց, որ, այո, խմբակցությունում նման որոշում է կայացվել` հարցուպատասխանը չի կայանա։

«Կառավարության բոլոր անդամները գերծանրաբեռնված են, և խմբակցությունը որոշել է այս շաբաթ կառավարությանը չծանրաբեռնի լրացուցիչ։ Խոսքը միայն ընթացիկ շաբաթվա մասին է»,–ասաց Մակունցը։

ՀՀ ԱԺ փոխնախագահ Լենա Նազարյանն էլ հայտնեց, որ եթե 4 ժամվա ընթացքում նորից քվորում չլինի՝ կանցնեն արտահերթ նիստին։

Հիշեցնենք, որ երեկ ԱԺ արտահերթ նիստ էր կայացել։ Նիստում առաջին ընթերցմամբ ընդունված նախագծերի թվում էր «Ռազմական դրության իրավական ռեժիմի մասին» ՀՀ օրենքում լրացումների նախագիծը, որով առաջարկվում է սահմանել, որ ռազմական դրության ժամանակ պետության կարիքների դեպքում պետությունը կարող է օգտագործել ֆիզիկական և իրավաբանական անձանց գույքը: Դրա ավարտից հետո պետք է կա՛մ գույքը վերադարձնել սեփականատիրոջը, կա՛մ փոխհատուցել վնասը:

Երկրորդը՝ «Պաշտպանության մասին» ՀՀ օրենքի ու կից նախագծերի փաթեթն էր, որով սահմանվում է Հայաստանում աշխարհազորի գործունեության կարգը, պայմանական ստորաբաժանումների ու դրանց հրամանատարության մեխանիզմները:

Երրորդը՝ Քրեական օրենսգրքի զինվորական հանցանքների՝ դասալքության, ծառայության վայրը ինքնակամ լքելու, հրամանին չենթարկվելու համար նախատեսված պատիժները խստացնող նախագիծն էր:

Իսկ չորրորդը` «Վարձկանների հավաքագրման, օգտագործման, ֆինանսավորման և ուսուցման դեմ միջազգային կոնվենցիան վավերացնելու մասին» նախագիծն էր:

ԱԺ–ն առաջին ընթերցմամաբ ընդունել է այս նախագծերը` այսօր կկայանա դրանց երկրորդ ընթերցումը։

241
թեգերը:
Քվորում, Նիստ, ԱԺ
Ըստ թեմայի
Ինչ նկատի ուներ Փաշինյանը «ցավոտ փոխզիջում» ասելով. պատասխանում է Ալեն Սիմոնյանը
Ռազմական դրության ժամանակ պետությունը կարող է ժամանակավորապես վերցնել քաղաքացիների գույքը
Աշխարհազորը Հայաստանում կգործի ՏԻՄ ղեկավարների տեղակալների հրամանատարությամբ
Անվտանգության խորհրդի նիստ. արխիվային լուսանկար

Հրատապ կարգով հրավիրել Անվտանգության խորհրդի նիստ. ԲՀԿ-ի և ԼՀԿ-ի առաջարկը վարչապետին

402
(Թարմացված է 15:23 27.10.2020)
Անվտանգության խորհրդի նիստն անհրաժեշտ է տեղեկատվություն փոխանակելու և այս պահին ստեղծված իրավիճակը քննարկելում համար։

ԵՐԵՎԱՆ, 27 հոկտեմբերի — Sputnik. ՀՀ ԱԺ «Բարգավաճ Հայաստան» և «Լուսավոր Հայաստան» խմբակցությունները ՀՀ վարչապետ Նիկոլ Փաշինյանին առաջարկում են հրատապ կարգով հրավիրել Անվտանգության խորհրդի նիստ։ Տեղեկությունը հայտնում է ԲՀԿ–ի Facebook–ի էջը։

«Հիմք ընդունելով Հայաստանի Հանրապետության Սահմանադրության 105-րդ հոդվածի 1-ին մասը և «Անվտանգության խորհրդի կազմավորման և գործունեության մասին» Հայաստանի Հանրապետության օրենքի 4-րդ հոդվածի 4-րդ մասը, ինչպես նաև ելնելով իրերի ներկա դրությունից՝ ՀՀ ԱԺ «Բարգավաճ Հայաստան» և «Լուսավոր Հայաստան» խմբակցությունները ՀՀ վարչապետ Նիկոլ Փաշինյանին առաջարկել են այսօր հրատապ կարգով հրավիրել Անվտանգության խորհրդի նիստ»,–ասված է հաղորդագրության մեջ։

Տեղեկացվում է, որ դրան կմասնակցեն յուրաքանչյուր խորհրդարանական խմբակցությունից լիազորված ներկայացուցիչներ և որտեղ կկարողանանք տեղեկատվություն փոխանակել ու քննարկել այս պահին ստեղծված իրավիճակը։

Ադրբեջանի օգտին լրտեսություն կատարած երկու անձինք կալանավորված են. ԱԱԾ

Հիշեցնենք, որ ՀՀ վարչապետ Նիկոլ Փաշինյանի գլխավորությամբ Անվտանգության խորհրդի վերջին ու արտահերթ նիստը տեղի է ունեցել հոկտեմբերի 19–ին, որին ներկա է եղել նաև ՀՀ նախագահ Արմեն Սարգսյանը, սկսվել է կաթողիկոսի աղոթքով: Նիստին մասնակցել են նաև ԱԺ ընդդիմադիր խմբակցությունների անդամները։

402
թեգերը:
Անվտանգության խորհուրդ, Հայաստան, Նիկոլ Փաշինյան, «Լուսավոր Հայաստան» կուսակցություն, Բարգավաճ Հայաստան կուսակցություն (ԲՀԿ)
Ըստ թեմայի
ԱԱԾ ևս մեկ պաշտոնյա է ազատվել պաշտոնից
Եթե թշնամու ոտնձգությունը կրկնվի, գործի կդրվեն զինանոցում առկա բոլոր զինատեսակները․ ՀՀ ԶՈւ
Իրանը հատուկ բանագնաց կուղարկի Երևան, Բաքու, Անկարա և Մոսկվա
Արծրուն Հովհաննիսյան

«Մեր ռազմական պլաններում այս վիճակին համակերպվել չկա». Արծրուն Հովհաննիսյան

0
ՀՀ ՊՆ ներկայացուցիչ Արծրուն Հովհաննիսյանը պատասխանել է հետևյալ հարցին` նման իրավիճակում հայկական կողմը պատրա՞ստ է հրադադարի:

ԵՐԵՎԱՆ, 28 հոկտեմբերի – Sputnik. Արցախի պաշտպանության բանակը Արցախի հարավային ճակատում այս պահին առկա ռազմաճակատային բնագծին չի համակերպվի: Այս մասին ՀՀ ՊՆ ներկայացուցիչ Արծրուն Հովհաննիսյանն ասել է «Արմնյուզ» հեռուստաընկերությանը տված հարցազրույցում՝ պատասխանելով հարցին, թե արդյոք նման իրավիճակում հայկական կողմը պատրաստ է հրադադարի:

«Հրադադարի գնալը քաղաքական հարց է, բայց մեր ռազմական պլաններում այս վիճակին համակերպվել չկա: Մեր պլաններում այլ գործողություններ են, այլ բնույթի և այլ տարածքի»,- ասել է Հովհաննիսյանը:

Ինչ վերաբերում է հակառակորդի առաջխաղացմանը, ՊՆ ներկայացուցիչն ասել է, որ պատերազմից առաջ հնարավոր չէ իդեալական հաշվարկել, թե ինչ կարող է լինել: Նա նաև չի թաքցրել, որ հընթացս որոշ սխալներ, խնդիրներ են ի հայտ եկել, որոնք բանակի հրամանատարությունը փորձել է հնարավորինս արագ լուծել, շտկել:

«Իրավիճակը շատ արագ է զարգանում, երկու կողմերն էլ վերախմբավորումներ են կատարում, մեզ մոտ էլ տեսնում եք՝ պահեստազորն ակտիվ պատրաստվում է, մենք մի փոքր երկարացրել ենք, խորացրել ենք պահեստազորի պատրաստման պրոցեսը, պահեստազորից հավաքել ենք մեծ թվով փորձառու սպաների» ,- ասել է նա:

Հովհաննիսյանը կարևորել է նաև ռազմաճակատում բնագծի պաշտպանությունը՝ նշելով, որ այդ գծում կանգնած զորքի վրա գուցեև չհարձակվեն, բնագծում կանգնած զինվորը չկռվի, բայց նրա բացակայությունից է կախված բնագծի պահպանությունը: «Կարող է երբեք քեզ վրա չգան, հասկանան, որ դու կանգնած ես, կայուն ես, այդ ուղղությամբ ընդհանրապես չգան, բայց եթե հետ ես քաշվում, բնագիծ ես կորցնում»,- նշել է ՊՆ ներկայացուցիչը:

Հիշեցնենք՝ հոկտեմբերի 27-ի ամփոփիչ ասուլիսում Արծրուն Հովհաննիսյանը հայտնել էր, որ հակառակորդը փորձել է Բերձորի ուղղությամբ որոշակի հարձակում իրականացնել, ինչպես նաև մոտենալ հարավային ուղղությամբ ՀՀ սահմանին, սակայն թշնամու ոտնձգությունները հետ են մղվել։ Կիրառելով հրետանի և անօդաչու թռչող սարքեր՝ հակառակորդը հաջողության չի հասել։

Ըստ նրա՝ դաշտավայրերում որոշակի հաջողություններ ունենալուց հետո Ադրբեջանի զինված ուժերը, որոնց միացած են միջազգային ահաբեկչական կազմակերպությունների հրոսակախմբերը, փորձում են զարգացում ապահովել նաև բարդ անտառալեռնային տեղանքում, որտեղ դա այնքան էլ հեշտ չի հաջողվում։ Ընթանում է մարտավարական առումով ավելի բարդ ու դժվար պայքար։

0