Աննա Նաղդալյան

Ադրբեջանի ոչ կառավարական կազմակերպությունները գործոն չեն խաղաղ գործընթացում. ՀՀ ԱԳՆ

58
ՀՀ ԱԳՆ խոսել է Ադրբեջանի ոչ կառավարական կազմակերպությունների և համանախագահ երկրների դեսպանների հանդիպման մասին։

ԵՐԵՎԱՆ, 7 փետրվարի — Sputnik. Ադրբեջանի կառավարության կողմից կազմակերպված ոչ կառավարական կազմակերպությունների (GONGO) գործունեությունը, ինչպիսի մտացածին անվամբ էլ նրանք ներկայանան, որևէ գործոն չի հանդիսանում խաղաղ գործընթացում, և ՀՀ ԱԳՆ-ն չի մեկնաբանում դրանց շփումները իրենց երկրում հավատարմագրված դիվանագիտական կորպուսի անդամների հետ։

ՀՀ ԱԳՆ այսպես է պատասխանել հարցին, որ առավել մեծանում է ԼՂ ադրբեջանական համայնքի դերը խաղաղ կարգավորման գործընթացում, ինչի մասին են վկայում նաև համանախագահ երկրների դեսպանների հանդիպումը համայնքի ղեկավար Թուրալ Գյանջիալիևի հետ: Արդյոք կա՞ նման զարգացում:

«Հակամարտության կողմերի վերաբերյալ Հայաստանի դիրքորոշումը հստակ է: Սկսած 1992 թվականից Արցախի իշխանությունները ԼՂ ընտրյալ ներկայացուցիչների կարգավիճակով մասնակցել են խաղաղ գործընթացին: ԼՂ իշխանությունները ՀՀ-ի և Ադրբեջանի հետ մեկտեղ ստորագրել են հրադադարի հաստատման կոչ պարունակող Բիշքեկի արձանագրությունը, իսկ նույն 1994թ.-ի ԵԱՀԿ Բուդապեշտի գագաթաժողովի եզրափակիչ փաստաթղթում ամրագրվել է եռակողմ բանակցային ձևաչափը, որը բխում է 1994թ.-ի եռակողմ՝ ԼՂ, Ադրբեջան և Հայաստան հրադադարի համաձայնագրից»,–ասված է հայտարարության մեջ:

«Հերքում ենք նմանօրինակ սին ենթադրությունները». ՀՀ ԱԳՆ-ն պատասխանել է Վիտալի Բալասանյանին

Հիշեցնենք, որ 2019–ի դեկտեմբերի 13–ին, ՀՀ ԱԳՆ–ն, անդրադառնալով Ղարաբաղի համայնքների շփման մասին հարցին, ասել էր, որ Բաքուն օգտագործում է Ղարաբաղի ադրբեջանական համայնքի հարցը, որպեսզի խոչընդոտներ ստեղծի բանակցային գործընթացում Ստեփանակերտն ընդգրկելու համար։

Ավելի վաղ «Իմ քայլը» իշխող դաշինքի պատգամավորը հայտարարել էր, որ Փաշինյանը դեմ չէ, որպեսզի բանակցություններին Ալիևի հետ մասնակցեն մարդիկ, որոնք իրենց համարում են Ղարաբաղի ադրբեջանական համայնք։

Բաքվում տեղի ունեցած ճեպազրույցի ընթացքում Ռուսաստանի ԱԳՆ ղեկավար Սերգեյ Լավրովը ասել էր` Մոսկվան փորձում է ամեն ինչ անել, որպեսզի Ղարաբաղի համայնքների միջև կապերը վերականգնվեն։

58
թեգերը:
ԵԱՀԿ Մինսկի Խումբ, Աննա Նաղդալյան, Ադրբեջան, ՀՀ Արտաքին գործերի նախարարություն. ԱԳՆ, Հայաստան, Ղարաբաղյան հակամարտություն, Լեռնային Ղարաբաղ
թեմա:
Ղարաբաղյան հակամարտություն (323)
Ըստ թեմայի
Մակրոնն ասել է` ինչպես կարող են ֆրանսիացիներն օգնել Ղարաբաղի բնակիչներին
«Իրականում». Ղարաբաղյան բանակցություններում հայերի նկատմամբ խաբուսիկ հնա՞րք են գործածում
Հանրությունը պետք է տեղյակ լինի` ինչի շուրջ են բանակցում Ղարաբաղի հարցում. Վանեցյան