Տիգրան Մուկուչյան

Մուկուչյանն այցելել է ԱԺ. ինչ են քննարկել ԿԸՀ նախագահն ու Արարատ Միրզոյանը

75
(Թարմացված է 14:46 07.02.2020)
ՀՀ նախագահը Սահմանադրական փոփոխությունների հանրաքվեի անցկացման մասին օրինագիծը դեռ չի ստորագրել։ Բայց ԱԺ նախագահն ու ԿԸՀ ղեկավարն արդեն քննարկում են ապագա հանրաքվեի հարցը։

ԵՐԵՎԱՆ, 7 փետրվարի — Sputnik. Սահմանադրական փոփոխությունների հանրաքվեի նախապատրաստական աշխատանքների մեկնարկը դեռ տրված չէ։ Այսօր լրագրողներին ասել է ՀՀ Կենտրոնական ընտրական հանձնաժողովի նախագահ Տիգրան Մուկուչյանը` ԱԺ նախագահ Արարատ Միրզոյանի հետ ունեցած հանդիպումից հետո։

Նրա մեկնաբանմամբ` նախապատրաստությունները կսկսվեն միայն այն բանից հետո, երբ նախագահը կստորագրի երեկ ԱԺ-ի ընդունած նախագիծն ու այն արդեն կստանա իրավական ուժ։

«Հանրաքվեի նշանակվելուց հետո, երբ կսկսվեն ԿԸՀ գործառույթները, մենք` որպես Կենտրոնական ընտրական հանձնաժողով, դրանք լիարժեք ծավալով կիրացնենք»,– ասաց նա։

Այս պահին, Մուկուչյանի խոսքով հայտնի չէ նաև, թե ինչ է գրված լինելու քվեաթերթիկի վրա, և որ հարցին պետք է ՀՀ քաղաքացիները տան իրենց «այո»–ն կամ«ոչ»–ը։

«Նշանակվում է հանրաքվե, նշանակումից հետո սկսվում են առանձին կազմակերպչական գործընթացներ, զուգահեռաբար իրականացվում է քարոզչության գործընթաց։ Այդ ընթացքում հստակ է լինում, թե ինչ հարցի շուրջ է կազմակերպվում հանրաքվեն, հետո արդեն սահմանված կարգով հաստատվում է քվեաթերթիկի նմուշ և տպագրվում է քվեաթերթիկ»,– ընթացակարգի քայլերն այս կերպ ներկայացրեց Մուկուչյանը։

Սահմանադրական դատարանը մեկուսացնելու և զավթելու փորձ. ՀՀԿ-ն հայտարարություն է տարածել

Հարցին, թե կհասցնի արդյո՞ք ԿԸՀ–ն սահմանված կարճ ժամկետում ամեն ինչ պատշաճ մակարդակով կազմակերպել, ընտրական մարմնի ղեկավարը պատասխանեց, որ ԿԸՀ–ն շատ ավելի կարճ ժամկետներում է առիթ ունեցել աշխատելու ու հասցրել է։ Խոսքը 2018թ–ին անցկացված ԱԺ արտահերթ ընտրությունների մասին է, քանի որ արտահերթ ընտրությունների համար «Ընտրական օրենսգիրքն» ավելի կարճ ժամկետներ է սահմանում, քան «Հանրաքվեի մասին» օրենքը` հանրաքվեի համար։

Նշենք, որ Կենտրոնական ընտրական հանձնաժողովի նախագահ Տիգրան Մուկուչյանն այսօր ԱԺ–ում էր՝ ԱԺ նախագահ Արարատ Միրզոյանի հետ հանդիպելու նպատակով։

Հանրաքվեի դրվելու համար սահմանադրական փոփոխությունների նախագիծը պետք է տապալվի. ինչպե՞ս

Հանդիպման մասին պաշտոնական հաղորդագրություն դեռ չի հրապարակվել։ Իսկ Մուկուչյանը լրագրողներին հայտնեց միայն, որ քննարկել են «օրենսդրությանը վերաբերող հարցեր»` կապված սպասվող համապետական հանրաքվեի հետ։

Հիշեցնենք` Սահմանադրական փոփոխությունների հանրաքվեի մասին որոշումը ԱԺ–ն ընդունեց փետրվարի 7-ի արտահերթ նիստում։ Օրենքը ՀՀ նախագահ Արմեն Սարգսյանի կողմից վավերացվելուց հետո Հայաստանում կանցկացվի Սահմանադրական փոփոխությունների հանրաքվե։

Այս պահին նախագահն օրենքը դեռ չի ստորագրել։

75
թեգերը:
Սահմանադրական դատարան, ԱԺ, հանրաքվե, Տիգրան Մուկուչյան, Արարատ Միրզոյան, Կենտրոնական ընտրական հանձնաժողով (ԿԸՀ), Հայաստան
թեմա:
ՍԴ նախագահ Հրայր Թովմասյանին պաշտոնանկ անելու գործընթացը (87)
Ըստ թեմայի
«ԵԽԽՎ-ն կարող է Հայաստանի դեմ բանաձև ընդունել». Դանիելյանը` ՍԴ–իշխանություն վեճի մասին
ԱԺ–ն քննարկում է ՍԴ–ի հարցը. հանրաքվե կլինի՞, թե՞ ոչ։ Sputnik–ի ռադիոեթերը` ուղիղ
Ովքե՞ր կփոխարինեն Հրայր Թովմասյանին ու մյուսներին. փնտրվում են նոր դատավորներ. «Հրապարակ»