Արթուր Վանեցյան. արխիվային լուսանկար

ԱԱԾ նախկին տնօրենը կուսակցություն է ստեղծում. «Ժողովուրդ»

408
(Թարմացված է 10:24 06.02.2020)
Արթուր Վանեցյանի նոր ստեղծվելիք կուսակցության ուղղությունը կլինի կենտրոնամետ-աջ, իսկ գաղափարախոսության մասին կխոսեն համագումարի ժամանակ։

ԵՐԵՎԱՆ, 6 փետրվարի — Sputnik. Ազգային անվտանգության ծառայության նախկին տնօրեն Արթուր Վանեցյանը հայտարարել է քաղաքականությամբ զբաղվելու, կուսակցություն ստեղծելու մտադրության մասին: «Ժողովուրդը» գրում է, որ նա այս տեղեկությունը հայտնել է երեկ, տպագիր մամուլի գլխավոր խմբագիրների հետ հանդիպման ժամանակ։

Այլընտրանքը պետք է վերացվի. Փաշինյանը չի հանդուրժի Վանեցյանի ակտիվությունը

«Թե ովքեր են լինելու կուսակցության կազմում, այս պահին ձեռնպահ կմնամ անուններ հնչեցնելուց, քանի որ շատերի հետ եմ բանակցել։ Գաղափարախոսության մասին կխոսենք կուսակցության հիմնադիր համագումարի ժամանակ»,-նշել է Վանեցյանը։

Նրա կուսակցության ուղղությունը կլինի կենտրոնամետ-աջ։ Այլ մանրամասներ Վանեցյանը դեռ չի հայտնել։

«Մարիամ ջան, աղջիկս, մի մտիր մեծերի անհասկանալի խաղերի մեջ». Արթուր Վանեցյան

Հիշեցնենք` 2019–ի սեպտեմբերի 16-ին Փաշինյանը հայտնեց, որ ստորագրել է ԱԱԾ տնօրեն Արթուր Վանեցյանի հրաժարականի միջնորդությունը։ Դրան հաջորդեց Վանեցյանի կոշտ հայտարարությունը, իսկ ավելի ուշ ՀՀ նախագահ Արմեն Սարգսյանը ստորագրեց հրամանագիրը։ Դրանից հետո Փաշինյան–Վանեցյան հարաբերությունները սրվեցին, քանի որ Վանեցյանն իր հայտարարության մեջ «Կանգ առ»-ի սթափեցնող կոչ էր արել վարչապետ Փաշինյանին։

ՔՊ-ում քննարկել են Վանեցյանին կալանավորելու ու «Դվինի» խնջույքի հարցերը. «Ժողովուրդ»

408
թեգերը:
ՀՀ ազգային անվտանգության ծառայություն. ԱԱԾ, Հայաստան, ՀՖՖ, Նիկոլ Փաշինյան, կուսակցություն, Արթուր Վանեցյան
Ըստ թեմայի
«Թույլ չեմ տա, որ կեղծ իրավապաշտպանները վնասեն ՀՀ–ի անվտանգությանը». Վանեցյան
Արթուր Վանեցյանը քաղաքական ենթատեքստով ուղերձ է հղել
Պաշտպանել հեղափոխությո՞ւնը. ինչպես կարող է Վանեցյանը համախմբել ընդդիմությանը
Ինչ է քննարկվել «Իմ քայլի» փակ նիստում. Իգիթյանը խոսել է նաև Վանեցյանի մասին