Նիկոլ Փաշինյան, Արթուր Վանեցյան. արխիվային լուսանկար

Դավադրությո՞ւն վարչապետի ընտանիքի դեմ. ինչի համար է ցավում Մարիամ Փաշինյանը

1009
(Թարմացված է 14:37 12.01.2020)
ՀՀ վարչապետի ավագ դուստրը ֆեյսբուքյան իր էջում ափսոսանքով է խոսել իրենց և Վանեցյան ընտանիքի երբեմնի մտերմության մասին։

ԵՐԵՎԱՆ, 12 հունվարի — Sputnik. ՀՀ վարչապետ Նիկոլ Փաշինյանի դուստրը` Մարիամ Փաշինյանը, facebook-յան իր էջում գրել է, որ կարոտով է հիշում Վանեցյանների ընտանիքի հետ ջերմ շփումը, սակայն ցավում է, որ այդ ջերմությունը փոխադարձ չի եղել, և Վանեցյանի կողմից դավադրություններ են կազմակերպվել իրենց ընտանիքի դեմ:

«Վանեցյանների հետ, բավականին կարճ ժամանակում հասցրեցինք ընկերանալ ու նույնիսկ հարևանություն անել: Ես, Շուշանը ու Վանեցյանի որդիներն ամեն օր կառավարական ամառանոցների խիստ մթնոլորտը կոտրում էինք մեր խաղերով, երեկոյան թեյով և ծիրանի բերքահավաքով: Մեր շներին էինք միասին խնամում ու վարժեցնում»,–գրել է նա:

Նա հիշել է, որ Վանեցյանի կնոջ հետ էլ էին շատ մտերմացել, երեկոներին հաճախ էին հանդիպում և սուրճ խմում:

«Մինչև հիմա էլ Վանեցյանի որդիներին ջերմ եմ ընդունում, ու նույնիսկ կարոտում մեր երեկոյան հավաքույթները: Գրեթե համոզված էի, որ մեր ընտանիքին մոտ լինելու իրենց ձգտումը անկեղծ էր»,–գրել է Մարիամ Փաշինյանը:

«Սորոսի» գրասենյակի գործունեությունը Հայաստանի համար վտանգներ է պարունակում. Վանեցյան

Նա իր էջում` գրառմանը կից, տեղադրել է «Հայկական ժամանակ» թերթի «Պատիվ ունե՞մ, թե՞ պատիվ չունեմ. Միշիկը, Արթուրը, Արիկը» վերնագրով հոդվածը, որտեղ մասնավորապես ասվում է, որ Փաշինյանի ընտանիքի, մասնավորապես` Մարիամ Փաշինյանի և Աննա Հակոբյանի դեմ արվող հակաքարոզչությունը նաև վճարվում է Վանեցյանի կողմից: «Միակ հարցը, որ ամբողջական պատասխան դեռ պիտի ստանա հետևյալն է. արդյո՞ք Ա. Վանեցյանն այդ գործունեությունը սկսել է դեռ ԱԱԾ տնօրեն եղած ժամանակներից: Ըստ ամենայնի, այո»,–գրում է թերթը:

2019թ.–ի ամենաաղմկահարույց պաշտոնանկությունները

Թերթը նաև գրում է, որ  այս ամենը լոկալ գործընթաց չէ և կապված է եղել շատ ավելի մեծ պրոցեսի հետ: «Տվյալ քարոզչական սխեմայի գաղափարախոսը Արա Սաղաթելյանն է, ով Սերժ Սարգսյանի իշխանության թիվ 1 պրոպագանդիստն է եղել ու այդ կարգավիճակում հաստատվել է Սարգսյանի փեսա Միքայել Մինասյանի կողմից որպես վստահելի մարդ: Սաղաթելյանը Վանեցյանի մանկության ընկերն է և որպես Միքայել Մինասյանի վստահելի` որոշակի դեր է ունեցել ԱԱԾ-ում Վանեցյանի կարիերայի համար: Վերջինս դեռ 2018 թվականից եղել է Միքայել Մինասյանի և Արթուր Վանեցյանի կապը` ընթացիկ հարցերով»,–գրում է թերթը:

Հիշյալ հոդվածին կից իր գրառումը Փաշինյանը դուստրն ավարտել է ցավով, որ Վանեցյանի ընտանիքի` իրենց հանդեպ ջերմությունը անկեղծ չի եղել, և Վանեցյանի կողմից դավադրություններ են կազմակերպվել իրենց ընտանիքի դեմ:

Հիշեցնենք` սեպտեմբերի 16-ին, ՀՀ վարչապետ Նիկոլ Փաշինյանը հայտնեց, որ ստորագրել է Վանեցյանի հրաժարականի միջնորդությունը։ Դրան հաջորդեց Վանեցյանի հայտարարությունը։

«Այս որոշումը կայացրել եմ նույնքան վստահ, որքան այն մեկը, երբ մեր երկրի համար բախտորոշ փուլում համաձայնվեցի ստանձնել Ազգային անվտանգության ծառայության տնօրենի պաշտոնը։ Մեկուկես տարվա իմ գործունեությունը միշտ բոլորիդ աչքի առջև է եղել, և ամեն քայլ արել եմ մեկ սկզբունքով` Հայրենիքն ու սպայի պատիվը վեր են ամեն ինչից»,–գրել էր Վանեցյանը:

1009
թեգերը:
Աննա Հակոբյան, Մարիամ Փաշինյան, Արթուր Վանեցյան, Նիկոլ Փաշինյան
Ըստ թեմայի
Ճաղարյան. «Արթուր Վանեցյանի դեմ իրականացրած սաբոտաժի հետևում ՀՖՖ գլխավոր քարտուղարն է»
Ի՞նչ գիտեն ՀՀ քաղաքացիները Արթուր Վանեցյանի հրաժարականի մասին. տեսանյութ
«Տարեդարձ է այսօր». որտե՞ղ է իր ծննդյան օրը նշում Մարիամ Փաշինյանը. տեսանյութ
Մարիամ Փաշինյանի համար ավտոմեքենա ձեռք չի բերվել. վարչապետի խոսնակ
Ռոբերտ Քոչարյան

Իշխանությունները պատրաստ չեն լսել. Ռոբերտ Քոչարյանը մտահոգություններ ունի. տեսանյութ

170
(Թարմացված է 18:13 10.07.2020)
Երկրորդ նախագահն իր աջակիցների հետ քննարկել է տնտեսական խնդիրներ ու Ղարաբաղյան հակամարտության գործընթացը։ Նա խոսել է իր մտահոգությունների մասին։

ԵՐԵՎԱՆ, 10 հուլիսի - Sputnik. Իշխանությունները պատրաստ չեն լսել որևէ մեկին, հատկապես ընդդիմադիրներին։ Այս մասին ասել է ՀՀ երկրորդ նախագահ Ռոբերտ Քոչարյանն իր համախոհների և աջակիցների հետ հեռավար հանդիպմանը։

Դատարանը մերժեց Ռոբերտ Քոչարյանի գործով դատախազների միջնորդությունը

Նա նշել է, որ այժմ չի կարող ազդեցություն ունենալ տնտեսական քաղաքականության վրա, քանի որ դա կարելի է անել միայն կառավարության շրջանակներում լինելով։ Այս համատեքստում Քոչարյանն ընդգծել է, որ իրավիճակի ու նրա տնտեսական հետևանքների պատասխանատուն գործադիր իշխանությունն է։ Նա ընդգծել է, որ կփորձի ճանապարհ ցույց տալ և ուղղորդել իշխանություններին իր քննադատությամբ։

«Սա շատ փոքր հնարավորություն է հատկապես մի իշխանության օրոք, երբ իրենք պատրաստ չեն լսել որևէ մեկին, հատկապես ընդդիմադիր կեցվածք ունեցող փորձագետներին, մասնագետներին, տնտեսագետներին, քաղաքական գործիչներին»,-ասել է Քոչարյանը։

Նա նաև ընդգծել է, որ մտահոգություններ ունի Ղարաբաղյան հարցի շուրջ։ Ըստ ՀՀ 2–րդ նախագահի այնպիսի տպավորություն է, որ գործընթացը ճիշտ ուղղությամբ չի ընթանում։  Երկրորդ նախագահը խոստացել է շուտով ավելի մանրամասն խոսել այս մասին։

Հիշեցնենք, որ հունիսի 18-ին Վերաքննիչ քրեական դատարանի դատավոր Արսեն Նիկողոսյանը մասնակի բավարարեց Քոչարյանի կալանքը փոխելու միջնորդությունները մերժելու մասին դատարանի որոշման դեմ բողոքը։ Քոչարյանն ազատ արձակվեց 2 միլիարդ դրամ գրավի դիմաց։

Փաշինյան-Քոչարյան հանդիպումը դատարանում հետաձգվում է մինչև սեպտեմբեր

ՀՀ երկրորդ նախագահին մեղադրանք է առաջադրվել 2008 թ.–ի մարտի 1-ի բողոքի ակցիաները ցրելու ժամանակ սահմանադրական կարգը տապալելու համար։ Նա իրեն ուղղված մեղադրանքները քաղաքական հետապնդում է համարում։ 2018թ-ին Քոչարյանին երկու անգամ ձերբակալեցին:

2019 թվականի հունիսի վերջին նա ձերբակալվեց երրորդ անգամ: Երկրորդ նախագահին նաև կաշառք ստանալու մեղադրանք է առաջադրված։

 

170
թեգերը:
ընդդիմություն, Իշխանություն, Հայաստան, Ռոբերտ Քոչարյան
Ըստ թեմայի
ԱԺ ներկայացուցիչը դիմել է ՍԴ` Ռոբերտ Քոչարյանի գործի քննությունը հետաձգելու համար
Առաջինը ո՞ր դիմումը կքննի ՍԴ–ն. Քոչարյանի պաշտպանը մեկնաբանել է ստեղծված իրավիճակը
Ռոբերտ Քոչարյանը ցույց է տվել՝ ինչպես է զբաղվում սպորտով. տեսանյութ
Գագիկ Ծառուկյան

«Բարգավաճ Հայաստանը» հայտարարություն է տարածել

543
(Թարմացված է 14:06 07.07.2020)
ԲՀԿ–ն կոչով դիմել է իշխանությանը, բոլոր քաղաքական և հանրային շրջանակներին, քաղաքացիական հասարակությանը։

ԵՐԵՎԱՆ, 7 հուլիսի – Sputnik. ԲՀԿ քաղաքական խորհուրդը խստորեն դատապարտում է իշխանության կողմից ԲՀԿ նախագահի և կուսակցական գործիչների հանդեպ իրականացվող քաղաքական հետապնդման ու էժանագին մեթոդներով հաշվեհարդարի փորձերը:

Նշենք, որ սոցցանցում տարածվել է ԲՀԿ-ական պատգամավոր Գևորգ Պետրոսյանի և Ավան վարչական շրջանի ղեկավարի տեղակալ Ներսես Պողոսյանի հեռախոսազրույցը։ Պատգամավորի խոսքով` Պողոսյանը զանգել էր` զգուշացնելու, որ Պետրոսյանն այլևս Նիկոլ Փաշինյանի և Արարատ Միրզոյանի մասին գրառումներ չանի։ Գևորգ Պետրոսյանը Faebook–ում գրել էր, որ հեռախոսազրույցի հրապարակումը իշխանության ձեռքի գործն է։

«Ակնհայտ է, որ ամենը սկսվեց Գագիկ Ծառուկյանի` հունիսի 5-ի հայտնի ելույթից հետո, որտեղ նա մատնանշեց կառավարության ձախողումներն ու տապալումները՝ նշելով կոնկրետ ոլորտներ: Սոցիալ– տնտեսական խայտառակ ցուցանիշներ, բանկային «գերության» մեջ գտնվող հարյուր հազարավոր քաղաքացիների վիճակ, փլուզման եզրին կանգնած տնտեսության ամբողջական ճյուղեր, գործազրկության ահռելի աճ, համավարակի դեմ պայքարի տապալում, ռազմավարական դաշնակիցների հետ հարաբերություններում աններելի լարվածություն: Հենց այս խնդիրների բարձրաձայնումից և կառավարության կազմի 100 տոկոսի հրաժարականի պահանջից հետո իշխանությունների կողմից սանձազերծվեց քաղաքական հետապնդումների շարք «Բարգավաճ Հայաստան կուսակցության ներկայացուցիչների նկատմամբ»,– նշված է ԲՀԿ–ի հայտարարության մեջ:

ԲՀԿ–ականները նշում են, որ չունենալով քաղաքական հակափաստարկներ` իշխանությունն անցավ բարոյական բոլոր կարմիր գծերն ու այսօր բացահայտ ոտնահարում է մարդու իրավունքներն ու պատգամավորի, քաղաքացու անձնական կյանքի անձեռնմխելիության իրավունքը։ ԵԽ անդամ, միջազգային բազմաթիվ կառույցների անդամ Հայաստանում իշխանությունը կոպտորեն խոչընդոտում է իր մասնագիտական գործունեությունը կատարող պատգամավորների և քաղաքական գործիչների աշխատանքը՝ փորձելով լռեցնել՝ քաղաքական հաշվեհարդարներ տեսնելով, անձնական ձայնագրություններ հրապարակելով, ինչը օրենքի և միջազգային բազմաթիվ կոնվենցիաների կոպտագույն խախտում է։

«Մենք արձանագրում ենք, որ անկախ Հայաստանի պատմության մեջ երբեք չի եղել նման «խաղի կանոն» և քաղաքական ամենաբարդ հարաբերությունների դեպքում անգամ անձնական կյանքը, ընտանիքը, երեխաները եղել են անձեռնմխելի թեմաներ։ Երկրի, քաղաքացու առջև այս դժվարին ժամանակներում ծառացած սոցիալական կարևորագույն խնդիրները լուծելու փոխարեն իշխանությունն իր ամբողջ ռեսուրսն ու ֆեյք ինդուստրիան, որի վրա պետական հսկայական միջոցներ են ծախսվում, ուղղել է ԲՀԿ նախագահի և ԲՀԿ պատգամավորների հանդեպ անբարո քաղաքական հաշվեհարդարների կազմակերպմանը, որևէ բարոյական արգելքի, այդ թվում՝ ընտանիք ու անձնական կյանք մտնելու բարոյական արգելքի առաջ չկանգնելով»,– գրված է հայտարարության մեջ։

ԲՀԿ քաղաքական խորհուրդը կոչ է անում իշխանությանը՝ ձեռնպահ մնալ խուլիգանական արարքներից։ Իսկ միջազգային կառույցներին և իրավապաշտպան կազմակերպություններին հորդորում է անարձագանք չթողնել ՀՀ պատգամավորների, քաղաքական գործիչների հանդեպ իշխանության կողմից սանձազերծված այս անբարո արշավը, քանզի իշխանության ընտրած այս ճանապարհը ամենակարճ ճանապարհն է դեպի բռնապետություն։

«Բարգավաճ Հայաստան» կուսակցությունը կոչ է անում բոլոր քաղաքական և հանրային շրջանակներին, քաղաքացիական հասարակությանը, գիտակից հասարակությանը` նշելով, որ սա քաղաքական հայացքների խնդիր չէ, այլ արժանապատվության և մարդու անձնական կյանքի անձեռնմխելիության խնդիր:

«Բարձրաձայնեք ձեր վրդովմունքը, միասին մերժենք անհատի և ընտանիքների վարկաբեկման ճղճիմ փորձերը»,– նշել են ԲՀԿ–ականները։

Հիշեցնենք` ԱԱԾ-ն հունիսի 14-ին խուզարկություն էր իրականացրել Գագիկ Ծառուկյանի առանձնատանը:
Նրա դեմ 3 քրեական գործ է հարուցվել ապօրինի ձեռնարկատիրական գործունեության, ընտրակաշառք բաժանելու և հողատարածքների օտարման փաստերով։

Հունիսի 16-ին ԱԺ–ն որոշեց Գագիկ Ծառուկյանին զրկել անձեռնմխելիությունից և թույլ տալ, որ նրա նկատմամբ քրեական հետապնդում սկսվի։

Հունիսի 21-ին Երևանի ընդհանուր իրավասության դատարանը մերժել էր Ծառուկյանի նկատմամբ կալանքը որպես խափանման միջոց ընտրելու՝ ԱԱԾ-ի միջնորդությունը:

Հունիսի 23-ին հայտնի դարձավ, որ դատախազությունը վերաքննիչ բողոք է ներկայացրել Ծառուկյանի նկատմամբ կալանքը որպես խափանման միջոց կիրառելու միջնորդությունը մերժելու որոշման դեմ։

Հունիսի 26-ին էլ ԲՀԿ առաջնորդի պաշտպանները վերաքննիչ բողոք ներկայացրին Ծառուկյանի նկատմամբ որպես խափանման միջոց կալանավորումը կիրառելու միջնորդությունը քննության առնելու մասին Երևան քաղաքի ընդհանուր իրավասության առաջին ատյանի դատարանի որոշման դեմ։

543
թեգերը:
Բարգավաճ Հայաստան կուսակցություն (ԲՀԿ), Գագիկ Ծառուկյան, Հայաստան
Ըստ թեմայի
ՀՅԴ ներկայացուցիչը հանդիպել է Վանեցյանի ու Ծառուկյանի հետ
Ծառուկյանի՝ բռնաբարության վերաբերյալ գործի նյութերը հրապարակելու փաստով քրգործ է հարուցվել
Ծառուկյանն իր ամառանոցում իրականությունից հեռու է. Ալեն Սիմոնյանը` սով սկսվելու մասին
Գագիկ Ծառուկյանը կաթիլային է ստանում
«Առինջ մոլի» աշխատակիցները գործադուլ կանեն. նրանք նամակ են գրել Ծառուկյանին. լուսանկար
Այշվարիա Ռայ, արխիվային լուսանկար

Հոլիվուդյան դերասանուհի Այշվարիա Ռայի, ամուսնու և դստեր մոտ կորոնավիրուս է ախտորոշվել 

0
(Թարմացված է 20:03 12.07.2020)
Ավելի վաղ կորոնավիրուսային հիվանդությամբ հոսպիտալացվել էր դերասանուհու սկեսրայրը՝ Բոլիվուդի ամենաճանաչված դերասաններից մեկը։

ԵՐԵՎԱՆ, 12 հուլիսի - Sputnik. Կորոնավիրուս է ախտորոշվել հոլիվուդյան հայտնի դերասանուհի Այշվարիա Ռայի, նրա ամուսնու՝ հնդիկ դերասան, ռեժիսոր Աբհիշեկ Բաչչանի և նրանց 8-ամյա դստեր՝ Արադհյայի մոտ։  Լուրը Twitter-ի իր էջում հայտնել է դերասանուհու ամուսինը։

«Այշվարիայի և Արադհյայի մոտ ևս կորոնավիրուսի թեստավորումը դրական արդյուն է տվել։ Նրանք կարանտինը կանցկանցնեն տանը։ Մեր ընտանիքի մյուս անդամների, նրանց թվում մորս թեստավորման պատասխանը բացասական է եղել։ Շնորհակալ ենք բոլորիդ բարեմաղթանքների և աղոթքների համար»,- գրել է նա։

Ավելի վաղ կորոնավիրուս էր ախտորոշվել Այշվարիայի սկեսրայրի՝ Բոլիվուդի ամենահայտնի դերասաններից մեկի՝ Ամիտաբհա Բաչչանի մոտ։ Նա հոսպիտալացվել էր։ Դերասանը կոչ էր արել բոլոր նրանց, ովքեր շփվել են իրենց ընտանիքի հետ, անհապաղ թեստավորվել։ 77-ամյա դերասանը 15 անգամ արժանացել է Filmfare Awards։ Սա հնդկական կինոինդուստրիայի ամենահեղինակավոր և ամենահին մրցանակն է։

Ինչ վերաբերում է Այշվարիա Ռային, նա համարվում է աշխարհի ամենագեղեցիկ կանանցի մեկը։ 1994 թվականին հաղթել է «Միս Աշխարհ» գեղեցկության մրցույթում։ Նա նաև հայտնի դերասանուհի է Հոլիվուդում և Բոլիվուդում. նկարահանվել է բազմաթիվ ֆիլմերում։

Ռուսաստանում հաջողությամբ փորձարկել են կորոնավիրուսի դեմ պատվաստանյութը

0
թեգերը:
Հնդկաստան, հնդիկ, դուստր, դերասանուհի, կորոնավիրուս
թեմա:
Կորոնավիրուսը Չինաստանում և աշխարհում
Ըստ թեմայի
Կորոնավիրուսով վարակվածներից ևս 8–ը մահացել են. ամենաերիտասարդը 37–ամյա տղամարդ է
Մեկ օրում կորոնավիրուսով վարակվածների թիվն ավելացել է 577-ով և հասել 31 969-ի
Հայտնի է` ինչն է կրկնապատկում կորոնավիրուսից մահանալու վտանգը
Աշխարհում COVID-19-ով վարակվածների թիվը մոտենում է 13 միլիոնին. նոր տվյալներ