Ռոբերտ Քոչարյան

Այս ամենը կավարտվի արտահերթ ընտրություններով. Ռոբերտ Քոչարյան

323
(Թարմացված է 12:58 11.12.2019)
ՀՀ երկրորդ նախագահը կարծում է, որ Նիկոլ Փաշինյանը մոլեռանդ կողմնակիցներ գործնականում այլևս չունի:

ԵՐԵՎԱՆ, 11 դեկտեմբերի — Sputnik. Բարձր է հավանականությունը, որ հաջորդ տարի տեղի ունենան արտահերթ ընտրություններ։ Hraparak.am–ին այս մասին ասել է ՀՀ երկրորդ նախագահ Ռոբերտ Քոչարյանը։

«Մի կողմից՝ արբեցնող էյֆորիայից հետո վերականգնվում է հասարակության ադեկվատությունը, մյուս կողմից՝ իրեն Հիսուս Քրիստոս երևակայող անձնիշխան վարչապետը կորցնում է ադեկվատությունը: Այս ամենը բազմապատկում է նրա ժողովրդականության անկման արագությունը և թույլ է տալիս վստահ լինել, որ այս ամենը կավարտվի արտահերթ ընտրություններով»,–ասել է նա։

Քոչարյանի խոսքով` շատ բարձր է հավանականությունը, որ դա տեղի կունենա արդեն մյուս տարի. կախված է ընդդիմության՝ ջանքերը միավորելու ունակությունից և վճռականությունից։

ՀՀ երկրորդ նախագահը կարծում է, որ հասարակության ինտելեկտուալ ռեսուրսը կենտրոնացած է հիմնականում խորհրդարանից դուրս, որտեղ և ծավալվում է հիմնական քաղաքական դիսկուրսը: Ըստ նրա` «Վերնատան» քննարկումը ցույց տվեց երկիրը ղեկավարելու իշխանությունների անկարողության վերաբերյալ լայն կոնսենսուսի և գործուն ընդդիմության կազմավորման անհրաժեշտության առկայությունը: «Մեկ տարի առաջ այդպիսի քննարկումն անհնար կլիներ: Այնպես որ, թմրության և տակտիկական սպասման փուլն անցել է, հասարակությունը մտնում է ակտիվ գործողությունների փուլ»,–ասել է նա ու հավելել, որ այնպիսի զգացողություն է, որ իրավիճակի նույնական գնահատական ունի նաև խորհրդարանական ընդդիմությունը, ինչն արտացոլվեց նրա ակտիվացմամբ:

«Կարևոր է, որ 1 անձի հանդեպ հիասթափությունը չբերի հեղափոխությունից հիասթափվելուն». Բոզոյան

Ի դեպ, նոյեմբերի 15–ին նորաստեղծ «Վերնատուն» հասարակական-քաղաքական ակումբն առաջին համաժողովն անցկացրեց։ «Վերնատան» հիմնադիր, Հանրային խորհրդի նախկին նախագահ Վազգեն Մանուկյանը հայտարարեց, որ ակումբն իր շուրջը կհավաքի մեծ թվով փորձագետների ու քաղաքական գործիչների։ Նրա խոսքով` ակումբը նպատակ չունի իրականացնել որևէ քաղաքական ուժի ծրագրեր, քանի որ այն ապաքաղաքական կառույց է:

Նշենք, որ Քոչարյանը լրատվամիջոցի հարցերին պատասխանել է գրավոր, քանի որ նա այժմ կալանավայրում է։

Հիշեցնենք` «Մարտի 1»-ի գործի շրջանակում Հայաստանի երկրորդ նախագահ Ռոբերտ Քոչարյանին մեղադրանք է առաջադրվել 2018–ի հուլիսի 26-ին ՀՀ քրեական օրենսգրքի 300.1-րդ հոդվածի 1-ին մասով առ այն, որ նա այլ անձանց հետ նախնական համաձայնությամբ տապալել է Հայաստանի Հանրապետության սահմանադրական կարգը:

323
թեգերը:
Նիկոլ Փաշինյան, Ընտրություններ, Ռոբերտ Քոչարյան, Հայաստան
Ըստ թեմայի
Քոչարյանի գործով դատախազը վստահեցնում է` ցանկալի դատավոր չունեն. ինչ է պնդում պաշտպանը
Խաչատուր Սուքիասյանն անձնական շահից ելնելով չի քննադատում ներկա իշխանությանը. «168 ժամ»
Գագիկ Ջհանգիրյանը դատական հայց է ներկայացրել Ռոբերտ Քոչարյանի դեմ
Զոհրաբ Մնացականյան

Ի՞նչ է ակնկալում Հայաստանը Ադրբեջանի ղեկավարությունից. Զոհրաբ Մնացականյանի հարցազրույցը

59
(Թարմացված է 21:36 15.07.2020)
ՀՀ արտգործնախարար Զոհրաբ Մնացականյանը հարցազրույց է տվել «Al Jazeera»-ին և խոսել հայ–ադրբեջանական սահմանագոտում ծավալված իրադարձությունների մասին։

ՀՀ արտգործնախարար Զոհրաբ Մնացականյանը «Al Jazeera»-ին տված հարցազրույցում խոսել է հայ–ադրբեջանական լարվածության, Հայաստանի պաշտպանվելու կարողության, ՀԱՊԿ–ին դիմել–չդիմելու և Արցախի մասին։ ԱԳՆ–ն հրապարակել է հարցազրույցը։

– Քաղաքացիական բնակչությունը հայտնվեց այս մարտերի կենտրոնում: Ի՞նչ ջանքեր են գործադրվում այդ ամենին վերջ դնելու համար:

– Հուլիսի 12-ից սկսած՝ վերջին օրերին եղավ շատ վտանգավոր զարգացում, երբ ադրբեջանական ուժերի կողմից մեծ տրամաչափի հրետանու կիրառմամբ փորձ արվեց ներթափանցելու հայկական տարածք Հայաստանի հյուսիսարևելյան հատվածում՝ դրանով իսկ ավելացնելով լարվածության վտանգը, որ մենք այժմ ունենք: Ներկայումս առաջնահերթություն են լարվածության նվազեցման փորձերը: Սա այն է, ինչի ուղղությամբ մենք աշխատում ենք, սա այն է, ինչի շուրջ մենք աշխատում ենք ԵԱՀԿ Մինսկի խմբի համանախագահների հետ, որի կազմում են Ֆրանսիան, Ռուսաստանը և ԱՄՆ-ն: Սա է ներկայիս առաջնահերթությունը:

Մենք ունենք լարվածության նվազեցման կարիք. Հայաստանն ունի պաշտպանվելու կարողություն, Հայաստանը հանդիսանում է Արցախի անվտանգության երաշխավորը, պատերազմը տարբերակ չէ: Խաղաղ կարգավորման գործընթացն այլընտրանք չունի: Մենք շարունակում ենք հանձնառու լինել վերջինիս և կաշխատենք իրադրության լիցքաթափման և այնպիսի միջավայրի ձևավորման ուղղությամբ, որն օգնում է խաղաղությանը և նպաստում է բանակցային գործընթացին:

– Ի՞նչ մանրամասներ կարող եք հաղորդել այն ջանքերի վերաբերյալ, որոնք ուղղված են լարվածության թուլացմանը: Ի՞նչ գործընթաց է իրականացվում, և որքա՞ն արագ դա տեղի կունենա` հաշվի առնելով այն, որ մարտերի շարունակականությունից մարդիկ են զոհվում:

– Պետք է ասեմ, որ բավականին հուսադրող է այն, որ վերջին, կարելի է ասել, 12-14 ժամերի ընթացքում, մենք ունենք հարաբերական անդորր: Մենք մշտական կապի մեջ ենք ԵԱՀԿ Մինսկի խմբի համանախագահների հետ, Ռուսաստանի և մյուս գործընկերներ ԱՄՆ-ի և Ֆրանսիայի հետ: Մենք փորձում ենք գտնել այն ձևերը, որը հնարավորություն կընձեռի պահպանելու այս հարաբերական անդորրը և վերահաստատելու հրադադարի ռեժիմը, որը, ինչպես նշեցիք, հաստատվել է 1994թ.-ին և այդ ժամանակվանից ի վեր լիարժեք ուժի մեջ է. փաստաթուղթ, որը ստորագրվել է Հայաստանի, Արցախի և Ադրբեջանի կողմից: Եվ այժմ հրադադարի ռեժիմի լիարժեք վերականգնումը մեր առաջնահերթությունն է:

– Լուրեր կային, որ Հայաստանը խնդրել է ՀԱՊԿ-ին՝ Հավաքական անվտանգության պայմանագրի կազմակերպությանը, որը ղեկավարում է Ռուսաստանը, հանդիպել այդ հարցի շուրջ և գործողություններ ձեռնարկել, բայց որի արձագանքը կարծես թե ինչ-որ տեղ աղոտ էր: Ո՞րն է Հայաստանի վերաբերմունքն այդ պատասխանին:

– Ես չեմ համաձայնի այդ գնահատականի հետ: Հայաստանը ՀԱՊԿ անդամ է: Դա Հավաքական անվտանգության պայմանագրի կազմակերպություն է, և մեր գործընկերների հետ մենք ակնհայտորեն բարձրացնում ենք հարցեր, որոնք վերաբերում են ՀԱՊԿ տարածքին, որի մաս է կազմում Հայաստանը: Մենք տեղեկացնում ենք մեր գործընկերներին զարգացումների վերաբերյալ և բարձրացնում ենք հարցեր, որոնք, ինչպես այս դեպքում, անհրաժեշտ ենք համարում հավաքական գործողության ներկայացման համար: Ակնհայտորեն, որպես Կազմակերպություն՝ իր կանոնադրությամբ, մենք մեր ձեռքում ունենք ողջ գործիքակազմը, սակայն մենք գնահատում ենք իրավիճակը, գնահատում ենք իրավիճակով պայմանավորված գործողությունները: Մենք կապի մեջ ենք և հետևողական երկխոսության մեջ ենք գտնվում մեր ՀԱՊԿ գործընկերների հետ:

– 2019թ.-ին եղել են բանակցություններ՝ այս հարցին որոշակի լուծում տալու նպատակով: Հայտնի է` Հայաստանի վարչապետն այդ ժամանակ ասել է «Արցախը Հայաստան է», և ցանկանում էր փոխել բանակցությունների ձևաչափը, ինչը ենթադրաբար էականորեն խարխլել է բանակցային գործընթացը: Պատասխանատվության ի՞նչ մասնաբաժին է կրում Հայաստանն այս բանակցությունների շարունակականության ապահովման ձախողման համար:

– Ես կրկին չեմ համաձայնի նման գնահատականի հետ, քանի որ Հայաստանի Հանրապետության վարչապետը շատ հստակ խոսել է այն մասին, որ Հայաստանն Արցախի անվտանգության երաշխավորն է, Հայաստանը պատասխանատվություն է կրում Արցախի մեր հայրենակիցների անվտանգության, ֆիզիկական գոյաբանական անվտանգության համար:

Մենք շարունակում ենք հավատարիմ մնալ խաղաղ գործընթացին, և ակնհայտ է, որ Հայաստանն ունի իր զարգացման օրակարգը, Հայաստանն ունի իր ժողովրդի բարեկեցությունը պաշտպանելու օրակարգ: Արցախը, նրա բնակչությունը գտնվում են անբարենպաստ պայմաններում. ամեն կերպ փորձ է արվում նրանց մեկուսացնել արտաքին աշխարհից, ինչն անընդունելի է, և Հայաստանն ակնհայտորեն ամեն կերպ աջակցում է, որպեսզի Արցախի ժողովուրդը կարողանա ապրել անվտանգության, խաղաղության և զարգացման պայմաններում: Դա հենց այդ համատեքստում է:

Այնուամենայնիվ, ընդգծեմ, որ վարչապետ Նիկոլ Փաշինյանը շատ հետևողական է եղել իր հայտարարություններում առ այն, որ խաղաղությունը հնարավոր կլինի, երբ մենք հասնենք այնպիսի փոխզիջումային լուծման, որն ընդունելի կլինի բոլոր ժողովուրդների` Հայաստանի, Արցախի և Ադրբեջանի ժողովուրդների համար: Եվ մենք Ադրբեջանի ղեկավարությունից դեռ ակնկալում ենք փոխադարձելիություն այնպիսի մոտեցման, որը հիմնված կլինի փոխզիջման վրա, քանի որ ներկայումս մենք ականատեսն ենք լինում առավելապաշտական մոտեցման, որը հաշվի չի առնում Հայաստանի և Արցախի հիմնարար առաջնահերթությունները:

Այսպիսով, մեր դիրքորոշումը լուծում գտնելն է, որն ընդունելի կլինի բոլորի համար, և մենք աշխատում ենք այդ ուղղությամբ։

59
թեգերը:
Զոհրաբ Մնացականյան, Ադրբեջան, Հայաստան
Ըստ թեմայի
Կիպրոսի ԱԳ նախարարը դատապարտել է ՀՀ-ի նկատմամբ ադրբեջանական ագրեսիան
«Հիմա պետք չէ մեղավորներ փնտրել». Մատվինեկոն` հայ–ադրբեջանական սահմանի լարվածության մասին
Ինչպես է Ադրբեջանը հարվածներ հասցրել հայկական գյուղերին. տեսանյութեր
Վարդան Տողանյան

ՀՀ–ն հուսով է, որ ՌԴ–ն ազդեցություն կունենա սահմանի լարվածության նվազման հարցում. Տողանյան

113
(Թարմացված է 16:36 15.07.2020)
Ռուսաստանը տարածաշրջանում ապակայունացում թույլ չտալու համար գործի է դնում բոլոր հնարավոր ջանքերը։

ԵՐԵՎԱՆ, 15 հուլիսի – Sputnik. Հայաստանը հույս ունի, որ Ռուսաստանն իր ազդեցությունը և հնարավորությունները կօգտագործի հայ-ադրբեջանական սահմանին տիրող լարվածությունը նվազեցնելու համար։ ՌԴ-ում ՀՀ դեսպան Վարդան Տողանյանն այս մասին ասել է ՌԻԱ Նովոստիին։

Նրա խոսքով` Երևանը դեռ 1993 թ-ին է համաձայնել, որ Ռուսաստանը միջնորդի դեր ունենա տարածաշրջանի հակամարտության կարգավորման հարցում։

«Ռուսաստանը ԵԱՀԿ Մինսկի խմբի համանախագահն է, գլխավորում է միջնորդական առաքելությունը, Ռուսաստանը կարևորագույն միջնորդական դեր է խաղացել և խաղում»,-նշել է Տողանյանը։

Ըստ դեսպանի՝ Մոսկվայի ջանքերի շնորհիվ է 1994թ-ին կանգ առել արյունահեղ պատերազմը, 2016թ-ին՝ քառօրյա պատերազմը։

«Այդ պատճառով մենք հույս ունենք, որ Ռուսաստանը կօգտագործի իր ազդեցությունը, կօգտվի իր հնարավորություններից» (այսօրվա լարվածության թուլացման համար),-ասել է դեսպանը։

Տողանյանն ընդգծել է, որ Ռուսաստանի աջակցությամբ ակտիվ բանակցություններ են ընթանում, արտգործնախարարները հեռախոսազրույց են ունեցել։

Նրա խոսքով՝ Ռուսաստանը, ի տարբերություն նույն Թուրքիայի, գործադրում է բոլոր հնարավորությունները, որպեսզի տարածաշրջանում մեծ ապակայունացում թույլ չտա։ Ստեղծված իրավիճակը Տողանյանն անվանում է աշխարհաքաղաքական նոր իրողություններ, որոնց դեպքում տարածաշրջանի երկրներից մեկը փաստացի միջամտում է հակամարտությանը և դրդում ապակայունացման։

Հիշեցնենք` հուլիսի 12–ից իրավիճակը սրվել է հայ–ադրբեջանական սահմանի Տավուշի հատվածում։ Հուլիսի 12–ին` ժամը 12:30-ի սահմանում, Ադրբեջանի զինված ուժերի զինծառայողները ՈւԱԶ մակնիշի ավտոմեքենայով Տավուշի ուղղությամբ ՀՀ պետական սահմանը խախտելու փորձեր են կատարել:

Հայկական կողմի նախազգուշացումից հետո Ադրբեջանի զինծառայողները, թողնելով ավտոմեքենան, վերադարձել են իրենց դիրքեր: Դրանից հետո ադրբեջանական ԶՈՒ-ն պարբերաբար կրակ է արձակում ինչպես հայ դիրքապահների, այնպես էլ գյուղերի ուղղությամբ։ Հայկական կողմն ունի 4 զոհ և 10 վիրավոր։ Ադրբեջանը պաշտոնապես հայտարարել է 11 զոհի մասին, նրանց թվում է գեներալ-մայոր Փոլադ Հաշիմովը։

Ոչ մի պարեկություն. ինչու են ռուսական ուղղաթիռները հայտնվել հայ-թուրքական սահմանին

113
թեգերը:
Վարդան Տողանյան, Ռուսաստան, Ադրբեջան, Հայաստան
Ըստ թեմայի
Հայ-ադրբեջանական լարվածություն. Լավրովը Թուրքիայի՞ն է սաստել
Դուք միգուցե պարտություն կկրեք, բայց կհաղթանակեն ձեր դավանած սկզբունքները
«Սահմանային հանգույցն» ավելի վտանգավոր է․ ինչու իրավիճակը սրվեց հայ-ադրբեջանական սահմանին
Արծրուն Հովհաննիսյանի և Արման Թաթոյանի ճեպազրույցը

Ադրբեջանի ՄԻՊ գրասենյակի հայտարարություններում կա ակնհայտ կեղծիք. հայկական կողմի արձագանքը

0
(Թարմացված է 23:14 15.07.2020)
Հայկական կողմից խոշոր տրամաչափի հրետանային միջոց չի կիրառվել: Ադրբեջանի որևէ խաղաղ բնակչի տուն չի թիրախավորվել:

ԵՐԵՎԱՆ, 15 հուլիսի – Sputnik. Ադրբեջանի Մարդու իրավունքների պաշտպան Սաբինա Ալիևան, ապավինելով վառ երևակայությանը, հայտարարում է, թե իբր Թովուզի ուղղությամբ իր այցի ընթացքում հայկական կողմը կրակել է խոշոր տրամաչափի հրետանային միջոցներից: Այսօր Տավուշում ընթացող ճեպազրույցի ժամանակ արձագանքելով Ալիևայի հայտարարություններին` ասաց ՀՀ պաշտպանության նախարարության ներկայացուցիչ Արծրուն Հովհաննիսյանը:

«Խոշոր տրամաչափի հրետանային միջոց չի կիրառվել: Ես ասացի, որ որևէ խաղաղ բնակչի տուն չի թիրախավորվել: Ադրբեջանի ՄԻՊ գրասենյակի կողմից այս մասով կա ակնհայտ կեղծիք»,- ասաց Հովհաննիսյանը:

ՀՀ ՄԻՊ Արման Թաթոյանը ևս, անդրադառնալով իր ադրբեջանցի գործընկերոջ հայտարարություններին, հակադարձեց, որ այսօր ամբողջ օրն անցկացրել է Տավուշի մարզի հրետակոծված բնակավայրերում ու կարող է վստահաբար ասել, որ նման դեպք տեղի չի ունեցել:

«Ես կարծում եմ, որ դա որևէ կերպ չի համապատասխանում իրականությանը, ու այդ մասին նաև ՊՆ-ն է հայտարարել, որ երկկողմանի հրադադարն այսօր պահպանվել է»,- ասաց նա:

Թաթոյանն իր խոսքում անդրադարձավ նաև այս օրերին ադրբեջանական կողմից հնչող հայատյաց հայտարարություններին:

«Այն, որ Ադրբեջանում առկա է պետական աջակցություն վայելող հայատյաց քաղաքականություն, կարծում եմ` ակնհայտ է, և դա հաստատել է նաև ՄԻԵԴ-ը առանձին շեշտադրումներով՝ հաշվի առնելով հայ սպա Գուրգեն Մարգարյանի սպանությունը»,- ասաց Թաթոյանը:

ՀՀ ՄԻՊ-ը հայտարարեց, որ Ադրբեջանի բողոքի ակցիաներում հնչող հայատյաց զեկույցները նույնպես արտացոլվելու են միջազգային կառույցներին ուղղված ՄԻՊ զեկույցներում՝ որպես ազգային ատելության հիմքով իրականացվող գործողություների մասին վկայություններ:

Ադրբեջանական կրակոցների հետքերը Այգեպարում. տեսանյութ

Հիշեցնենք` հուլիսի 12–ից իրավիճակը սրվել է հայ–ադրբեջանական սահմանի Տավուշի հատվածում։ Հուլիսի 12–ին` ժամը 12:30-ի սահմաններում, Ադրբեջանի զինված ուժերի զինծառայողները ՈւԱԶ մակնիշի ավտոմեքենայով Տավուշի ուղղությամբ ՀՀ պետական սահմանը խախտելու փորձեր են արել: Հայկական կողմի նախազգուշացումից հետո Ադրբեջանի զինծառայողները, թողնելով ավտոմեքենան, վերադարձել են իրենց դիրքեր:

Ադրբեջանը Տավուշի ուղղությամբ «Գրադ» համազարկային կրակի ռեակտիվ համակարգեր է կիրառել

Դրանից հետո հակառակորդը պարբերաբար վերսկսում է գնդակոծությունն ինչպես հայ դիրքապահների, այնպես էլ բնակավայրերի ուղղությամբ։

Պաշտոնական տվյալներով՝ Ադրբեջանն ունի 11 զոհ, իսկ հայկական կողմը` 4 զոհ, 10 վիրավոր։

Ի՞նչ է ակնկալում Հայաստանը Ադրբեջանի ղեկավարությունից. Զոհրաբ Մնացականյանի հարցազրույցը

 

0
թեգերը:
Արման Թաթոյան, Արծրուն Հովհաննիսյան, Ադրբեջան, Հայաստան
թեմա:
Հայ–ադրբեջանական սահմանին տիրող իրավիճակը
Ըստ թեմայի
ԱԱԾ-ն կոչ է անում չօգտվել ադրբեջանական տեղեկատվական ռեսուրսներից և չճշտված լուրեր չտարածել
Հայկական զինուժը ադրբեջանցիների 10 անօդաչու թռչող սարք է խոցել. Հովհաննիսյան
«Նարեկը պատճառ չուներ սահմանն անցնելու». ինչպես է 30-ամյա տղամարդը հայտնվել Ադրբեջանում