ՀՀ ԱԺ

ՍԴ դատավորների վաղ կենսաթոշակի օրենքն ընդունվեց 1-ին ընթերցմամբ և փոխադարձ մեղադրանքներով

105
(Թարմացված է 10:11 11.12.2019)
Կառավարությունը ՍԴ դատավորների կենսաթոշակի մասին օրենքի փոփոխության համար հատուկ ընթացակարգ էր սահմանել, որը ենթադրում է, որ երկրորդ ընթերցմամբ այն պետք է քննարկվի առաջին ընթերցման ընդունվելուց հետո 24 ժամվա ընթացքում։

ԵՐԵՎԱՆ, 10 դեկտեմբերի — Sputnik. ԱԺ–ն առաջին ընթերցմամբ ընդունեց ՍԴ–ի դատավորների վաղ կենսաթոշակի մասին օրինագիծը։ Նախագծին կողմ քվեարկեց 74 պատգամավոր, դեմ` 27-ը, ձեռնպահ` 3-ը։ Երկրորդ ընթերցմամբ նախագիծը կքննարկվի վաղը` դեկտեմբերի 11-ին, ժամը 10։00–ին։

Բանն այն է, որ օրենքի փոփոխությունները նախաձեռնած կառավարությունը նախագծի քննարկման համար հատուկ ընթացակարգ էր սահմանել, որը ենթադրում է, որ երկրորդ ընթերցմամբ այն պետք է քննարկվի առաջին ընթերցման ընդունվելուց հետո 24 ժամվա ընթացքում։

Մինչ այդ նախագծի քննարկման ընթացքում քաղաքական ուժերը բուռն քննադատության ենթարկեցին միմյանց։

Ընդդիմադիր «Բարգավաճ Հայաստանն» ու «Լուսավոր Հայաստանը» իշխանական ուժին մեղադրեցին նախագծով ոչ թե իրավական, այլ քաղաքական խնդիր լուծելու համար։ Իսկ «Իմ քայլը» ընդդիմությանը պատասխանեց երկու քաղաքական ուժերի անցած ճանապարհի մասին ակնարկներով։

ԱԺ փոխնախագահ Ալեն Սիմոնյանն արձագանքեց «Բարգավաճ Հայաստան» խմբակցության պատգամավոր Նաիրա Զոհրաբյանի ելույթին, որտեղ վերջինը հայտարարեց, թե պետությունը պատրաստ է իր քաղաքական հարցերը լուծելու համար Հրայր Թովմասյանին ու ՍԴ մնացած 6 դատավորներին տարեկան ավելի քան 600 մլն դրամի թոշակ տալ, բայց դպրոցների նորոգման համար գումար չունի։

Նոր Սահմանադրություն ընդունելու պահանջը հասարակակա՞ն է, թե՞ լոկ քաղաքական. Ղազարյան

«Այո, դպրոցներն այդ վիճակում են, բայց ինչո՞ւ են այդ վիճակում։ Այն պատճառով, որ դուք այստեղ նստած «Հանրապետականի» հետ «կնոպկա» էիք սեղմում»,– ասաց Սիմոնյանը։

ԱԺ նախագահ Արարատ Միրզոյանն էլ հայտարարեց, որ Հայաստանում վհուկների դեմ պայքար է սկսվել և այն հասցվելու է ցանկալի ավարտին։

«30 տարի հասարակությունը սրտատրոփ սպասում է` երբ է Հայաստանում հայտնվելու ուժեղ ձեռք, արդար ուժ, որը կսրփի, կտանի այն վհուկներին, որոնք խոչընդոտում են Հայաստանի զարգացմանը, կեղեքում, թալանում եմ ՀՀ բնակչությանը»,– ասաց նա։

«Իմ քայլի» պատգամավոր Համազասպ Դանիելյանն իր ելույթը հասցեագրեց անձամբ Նաիրա Զոհրաբյանին ու անդրադարձավ նրա հիշատակած Գեղարքունիքի մարզի Շատվան գյուղի կիսավեր դպրոցին։

«Այդ մարդիկ գիտե՞ք ինչու են թշվառ ապրում։ Որովհետև նրանց մի մասը բատրակ են աշխատել, որովհետև այնտեղ եղել է մարդ, ով առել է իրենց իսկ հողը և այդ հողի վրա կարտոֆիլ աճեցնելու համար մարդկանց օրավարձ է տվել» ,– ասաց պատգամավորը։

ՍԴ անդամներին Ավինյանը խորհուրդ է տալիս ևս մեկ անգամ կարդալ վաղաժամ կենսաթոշակի նախագիծը

Արդարադատության նախարար Ռուստամ Բադասյանը, ամփոփելով փոխադարձ մեղադրանքներով հագեցած քննարկումները և դիմելով ընդդիմադիր պատգամավորներին, նշեց, որ վաղ կենսաթոշակի դրույթ այսօր էլ նախատեսում է ՍԴ մասին օրենքը, մինչդեռ նախորդ գումարման ԱԺ պատգամավորներ Նաիրա Զոհրաբյանն ու Գևորգ Գորգիսյանն այդ օրենքի քննարկման ժամանակ դրան դեմ չէին արտահայտվել։

Հիշեցնենք` նախագիծը նախատեսում է ՍԴ դատավորների կամավոր թոշակի անցման դրույթ, որի դեպքում նրանց վճարվելու է ներկայիս ամսական աշխատավարձի չափով կենսաթոշակ` ավելի քան 1 մլն դրամ։

105
թեգերը:
«Իմ քայլը» դաշինք, Նաիրա Զոհրաբյան, Բարգավաճ Հայաստան կուսակցություն (ԲՀԿ), Թոշակ, Դատավոր, Մեղադրանք, ԱԺ, Սահմանադրական դատարան
Ըստ թեմայի
«Քաղաքական հետապնդման ենթարկվելու համար պարտադիր չէ քաղաքական գործիչ լինել». Արսեն Բաբայան
Խաչիկյան. «Հակակոռուպցիոն համակարգի ձևավորման գործընթացը կարելի է համարել ձախողված»
Չհեռացող դատավորների գույքը կստուգե՞ն. նախարարը խոսել է սահմանադրական ճգնաժամի մասին
Հանրապետության հրապարակ

Անկախ բոլոր տարաձայնություններից` Հայաստանում քաղաքական ուժերը միավորում են ջանքերը

21
(Թարմացված է 14:24 27.09.2020)
Ընդդիմադիր ուժերը վաղ առավոտից աջակցություն ու համերաշխություն են հայտնում` իրենց հնարավորություններն ու ջանքերը ներդնելու հանուն Հայոց բանակի և ժողովրդի։

ԵՐԵՎԱՆ, 27 սեպտեմբերի– Sputnik. Հայաստանյան ընդդիմադիր քաղաքական ուժերը մի կողմ են դնում քաղաքական տարաձայնություններն ու միավորում ջանքերն ընդդեմ հակառակորդի։ Այսօր առավոտից աջակցության և համերաշխության հայտարարություններով են հանդես եկել ՀՀԿ առաջնորդ, ՀՀ երրորդ նախագահ Սերժ Սարգսյանը, «Բարգավաճ Հայաստան» կուսակցության առաջնորդ Գագիկ Ծառուկյանը, ԱԺ «Լուսավոր Հայաստան» խմբակցության ղեկավար Էդմոն Մարուքյանը, Հայ Հեղափոխական Դաշնակցությունը։

«Այս վճռական պահին Հայաստանի Հանրապետական կուսակցության գործադիր մարմինը համերաշխության և միասնության կոչ է անում մեր բոլոր հայրենակիցներին` վերահաստատելով իր պատրաստակամությունը՝ կանգնելու հայրենիքի, պետության և հայ զինվորի կողքին: Նենգ թշնամու կողմից պարտադրված պայքարում այլևս յուրաքանչյուրս մեր հայրենիքի պաշտպանն ենք: Մենք պարտավոր ենք սթափ գնահատել ստեղծված իրավիճակը և լինել մեր բանակի կողքին, նրա շարքերում, նաև ամուր թիկունք լինել` անկախ քաղաքական տարաձայնություններից»,– նշված է Սերժ Սարգսյանի գրասենյակի տարածած հաղորդագրության մեջ։

Նշվում է` հայրենիքն ամենաթանկն է և նրա պաշտպանությունը վեր է ամեն ինչից: ՀՀԿ-ն հայտնել է այն մասին, որ ներդնում է իր ողջ ներուժը, այդ թվում՝ փորձառությունն ու դիվանագիտկան կապերը՝ սատար կանգնելու Արցախի ժողովրդին։

«Արցախը չի՛ լինելու Ադրբեջանի կազմում երբեք: Աստված պահապան մեր ժողովրդին և արդար պայքարին»,– եզրափակվում է հայտարարությունը։

Համախմբման մասին Facebook-ի պաշտոնական էջում գրառում է կատարել նաև Գագիկ Ծառուկյանը։

«Այսօր բոլորս պետք է համախմբվենք հայ զինվորի կողքին: Մեր ուժը մեր միասնությունն է: Հայ զինվորն ու հայկական բանակն անպարտելի են:
Աստված պահապա՛ն Հայաստանի և Արցախի հանրապետություններին, մեր զինվորներին, սպաներին և հայ ժողովրդին»,– նշված է հաղորդագրության մեջ։

ԱԺ ընդդիմադիր խմբակցության`«Լուսավոր Հայաստանի» ղեկավար Էդմոն Մարուքյանն էլ Facebook–ի իր էջում հայտնել է, որ առավոտից սկսած մի կողմ են թողնվել բոլոր ներքին տարաձայնությունները՝ մեկտեղելով ջանքերը՝ հանուն մեր պետականության ու ռազմական նոր հաջողությունների։

«Նպատակը մեկն է՝ ջարդել թշնամու ողնաշարը բոլոր ուղղություններով՝ ռազմականից մինչև դիվանագիտական։ Կեցցե՜ Հայ Ազգը, կեցցե՜ Արցախի Հանրապետությունը, կեցցե՜ Հայաստանի Հանրապետությունը, կեցցե՜ Հայոց Բանակը»,– գրել է Մարուքյանը։

Հայ Յեղափոխական Դաշնակցության Գերագույն մարմինն էլ հաղորդագրություն է տարածել, որում նշված է, թե կուսակցությունն իր ողջ համահայկական կարողականությամբ և վճռականությամբ կագնած է Հայոց բանակի կողքին:

ՀՅԴ–ական կամավորականներն էլ վաղ առավոտից անդամագրվում են ճակատ մեկնելու համար։ «Կամավորական շարժում» ՀԿ նախագահ Հրանտ Մարգարյանը հայտարարել էր, որ գնում են ճակատ առանց հավակնությունների` պատրաստ կատարելու Հայոց բանակի հրամանատարության կարգադրությունները;

21
թեգերը:
Հայաստան, Բարգավաճ Հայաստան կուսակցություն (ԲՀԿ), «Լուսավոր Հայաստան» կուսակցություն, Հայաստանի Հանրապետական կուսակցություն (ՀՀԿ), Հայ Յեղափոխական Դաշնակցություն (ՀՅԴ)
թեմա:
Ադրբեջանական ագրեսիա Արցախում. 2020
Աննա Նաղդալյան

ԱԳ նախարարը մշտական կապի մեջ է ԵԱՀԿ ՄԽ համանախագահների հետ

8
(Թարմացված է 13:42 27.09.2020)
Այս պահին իրենց նպատակը լարվածության թուլացումն է, համապարփակ ճիշտ տեղեկատվության տրամադրումը։

ԵՐԵՎԱՆ, 27 սեպտեմբերի– Sputnik. Ամբողջ դիվանագիտական ծառայությունն այս պահին աշխատում է արտակարգ ռեժիմով։ Տեղեկությունն այսօր կայացած ճեպազրույցի ժամանակ հայտարարեց ԱԳՆ մամուլի խոսնակ Աննա Նաղդալյանը։

«Ադրբեջանի ագրեսիայի հետևանքով ստեղծված իրավիճակի մասին համապատասխան տեղեկատվություն է փոխանցվել տարբեր երկրների գերատեսչություններին, միջազգային կազմակերպություններին»,– նշեց Նաղդալյանը` հավելելով, որ վաղ առավոտից նախարար Զոհրաբ Մնացականյանը մշտական կապի մեջ է ԵԱՀԿ Մինսկի խմբի համանախագահների հետ։ 

Նախարարը նաև մշտական կապ մեջ է ՌԴ և մի շարք այլ երկրների պաշտոնակից գործընկերների հետ։

Կան որոշակի ավերածություններ, կորուստներ, դրանք հիմնականում չնչին են. Հովհաննիսյան

«Այն արձագանքը, որ ստանում ենք, սա է`«անհապաղ դադարեցնել բոլոր գործողությունները տեղում»,– նշեց Նաղդալյանը` շեշտելով, որ այս պահին իրենց նպատակը լարվածության թուլացումն է, համապարփակ ճիշտ տեղեկատվության տրամադրումը։

Նրա գնահատմամբ`այս պահի դրութմաբ լիակատար փոխըմբռնում կա միջազգային գործընկերների հետ։

8
թեգերը:
հայ-ադրբեջանական, Աննա Նաղդալյան, Արտաքին գործերի նախարարություն (ԱԳՆ), ԵԱՀԿ Մինսկի Խումբ
Ըստ թեմայի
«ՊԲ-ն կասեցնում է թշնամու առաջխաղացումը՝ պատճառելով ծանր կորուստներ». Տոնոյանի կոչը
Օդային տագնապ Շուշիում. տեսանյութ
Հանրապետության հրապարակում զորահավաք է, ազատամարտիկները հավաքվում են. տեսանյութ
Գեղարքունիքի մարզպետ Գնել Սանոսյան

Գեղարքունիքի սահմանային դիրքերում իրավիճակը վերահսկելի է. մարզպետ

0
(Թարմացված է 14:24 27.09.2020)
Սանոսյանը խնդրել և միաժամանակ հորդորել է չմատնվել խուճապի և հետևել միայն պաշտոնական լրատվությանը:

ԵՐԵՎԱՆ, 27 սեպտեմբերի — Sputnik. Գեղարքունիքի մարզի սահմանային դիրքերում իրավիճակը վերահսկելի է: Տեղեկությունը Facebook–ի իր էջում հայտնում է Գեղարքունիքի մարզպետ Գնել Սանոսյանը։

Նա հիշեցրել է, որ հակառակորդն Արցախի ուղղությամբ հարձակում է սկսել, և որ պաշտպանության բանակը հետ է մղում հակառակորդի հարձակումները:

«Ես վստահ եմ, որ ձեզանից յուրաքանչյուրը ամուր կանգնած է Պաշտպանության բանակի, ՀՀ պաշտպանության նախարարության և Հայաստանի զինված ուժերի կողքին և մեր հզոր տղաների գործողությունների սատարողն է»,-գրել է նա:

Մարզպետը խնդրել և միաժամանակ հորդորել է չմատնվել խուճապի և հետևել միայն պաշտոնական լրատվությանը:

Վերջուն նա կիրառել է #Մենք հաղթելու ենք հեշթեգը։

Նշենք, որ այսօր ՊՆ ներկայացուցիչ Արծրուն Հովհաննիսյանը ասուլիսի ընթացքում ասել էր, որ լարվածությունը հայ–ադրբեջանական սահմանի ողջ ամբողջ երկյանքով է։ Հարվածներ են եղել նաև Վարդենիսի ուղղությամբ, սակայն հիմնական հարձակումն Արցախի հանրապետության ուղղությամբ է։

Բանակը վերստին ապացուցում է, որ հայ ժողովրդի անվտանգության հուսալի երաշխավորն է. Սարգսյան

Հիշեցնենք, որ այսօր վաղ առավոտից Ադրբեջանը լայնածավալ օդային ու հրթիռահրետանային հարձակում է սկսել շփման գծի ողջ երկայնքով՝ թիրախավորելով նաև քաղաքացիական բնակավայրերն ու ենթակառուցվածքները, այդ թվում՝ մայրաքաղաք Ստեփանակերտը:

Հակառակորդի կրակոցների հետևանքով Մարտունիում մեկ կին և մեկ երեխա են մահացել։ Կան նաև վիրավորներ։

Անկախ բոլոր տարաձայնություններից` Հայաստանում քաղաքական ուժերը միավորում են ջանքերը

ՊԲ առաջապահ ստորաբաժանումները հաջողությամբ հետ են մղում հակառակորդի բոլոր գրոհները: Ճշտված տեղեկություններով` ադրբեջանական զինուժը կորցրել է 2 ուղղաթիռ, 14 անօդաչու թռչող սարք, ինչպես նաև ունի զրահատեխնիկայի կորուստներ:

Մարտերը շարունակվում են:

0
թեգերը:
հայ-ադրբեջանական, Ադրբեջան, Արցախ, Գնել Սանոսյան (Գեղարքունիքի մարզպետ), Գեղարքունիքի մարզ
թեմա:
Ադրբեջանական ագրեսիա Արցախում. 2020
Ըստ թեմայի
ԱՀ ԱԳՆ-ն ուղիղ կապի մեջ է ԵԱՀԿ գործող նախագահի անձնական ներկայացուցչի հետ
Օրվա կադր. հոգևոր առաջնորդը խաչին զուգահեռ զենք է վերցրել ձեռքը
Հակառակորդի հրետակոծությունից վնասված բնակելի տները Ստեփանակերտում. նոր տեսանյութ