Գևորգ Պետրոսյան. արխիվային լուսանկար

«Մի հատ էլ քֆուր դնեիք քվեարկելու վրա». ԲՀԿ պատգամավորը կզրկվի՞ ձայնի իրավունքից

237
(Թարմացված է 12:21 13.11.2019)
Միասեռականների ամուսնության ու սեռափոխված անձանց երեխա որդեգրելու հարցերն ԱԺ–ում բուռն կրքեր առաջացրին։ Բանը հասավ «քֆուրին» ու պատգամավորին խոսքի իրավունքից զրկելուն։

ԵՐԵՎԱՆ, 12 նոյեմբերի - Sputnik. ԲՀԿ–ն առաջարկում է նույնասեռականների ամուսնության արգելք սահմանել «Ընտանեկան օրենսգրքում»։ Առաջարկն այսօր ԱԺ–ում ներկայացրեց «Բարգավաճ Հայաստան» խմբակցության պատգամավոր Գևորգ Պետրոսյանը։

«Վաղը–մյուս օրը երկու սեռափոխված անձ, եթե որոշեն իրենց սերը սրբագործել «զագսով», գնալու են գրեն` խնդրում ենք մեր ամուսնությունը գրանցեք, «զագսը» մերժելու է, տանելու են Վարչական դատարանով վիճարկեն»,–ասաց Պետրոսյանը։

Կրքերը չեն հանդարտվում. Ստամբուլյան կոնվենցիան` հաղթաթո՞ւղթ ընդդիմության ձեռքին

Նրա խոսքով` եթե Հայաստանում իսկապես ուզում են արգելել նույնասեռականների ու սեռափոխված անձանց ամուսնությունները, ապա դա պետք է անեն Ընտանեկան օրենսգրքում հստակ իրավական արգելք սահմանելով։

«Ինձ ասում են` ոնց են ստուգելու, որ սեռափոխված է, հիմա ես այստեղից ո՞նց ցույց տամ` ոնց են ստուգելու,– ԱԺ ամբիոնից հայտարարեց Պետրոսյանը,– մեխանիզմներ կան, պահանջեք ծննդականը` նախկինում ինչ է եղել»։

ԱԺ պետաիրավական հարցերի հանձնաժողովն այս նախագիծը մերժել է այն հիմնավորմամբ, որ ՀՀ Սահմանադրության 35 հոդվածն ու Ընտանեկան օրենսգրքի 1-ին հոդվածն արդեն սահմանում են, որ ամուսնությունը կարող է գրանցվել կնոջ ու տղամարդու միջև։ Գևորգ Պետրոսյանը, սակայն, որպես իրավաբան հակադարձեց, որ իրավական ակտերում գրված հասկացությունները կարող են մեկնաբանվել նաև հոգնակի թվով` «կանանց ու տղամարդկանց», ինչը կարող է խեղաթյուրել այդ հոդվածներում այսօր ներկայացված ընկալումները։

Մեկ այլ օրենսդրական նախաձեռնությամբ ԲՀԿ–ն առաջարկում է արգելել միասեռ զույգերին երեխա որդեգրել։

ԱԺ մեծամասնությունը, սակայն, երկու օրինագիծն էլ մերժեց ընդգրկել նիստի օրակարգում։

Այս իրողությունը հունից հանեց Գևորգ Պետրոսյանին։ «Լավ, ամուսնությանը դեմ եղաք, գոնե երեխա որդեգրելուն կողմ եղեք։ Նա, ով դեմ է քվեարկելու, չեմ ուզում վիրավորել, բայց հիմա դեմ քվեարկողը կցանկանա՞ր իր ընտանիքում այսպիսի երևույթ տեսնել»,–ասաց նա։

Պետրոսյանի այս հայտարարությունն էլ հունից հանեց «Իմ քայլի» պատգամավորներին ու նիստը վարող ԱԺ նախագահ Արարատ Միրզոյանին։

«Պարոն Պետրոսյան այդ ի՞նչ անձնավորված բաներ են։ Մի հատ էլ քֆուր դնեիք քվեարկելու վրա,– ասաց Միրզոյանը,– սա ի՞նչ անձնավորված բան է։ Հիմա մեկն էլ ասի` ով կողմ քվեարկի, իր ընտանիքում սենց–նե՞նց»։

Արարատ Միրզոյանը պահանջեց գտնել ԱԺ պատգամավորին ձայնի իրավունքից զրկելու դրույթը` այն Գևորգ Պետրոսյանի նկատմամբ կիրառելու համար։

237
թեգերը:
որդեգրում, երեխա, ՀՀ Ազգային ժողով, ԱԺ, Գևորգ Պետրոսյան, Ստամբուլյան կոնվենցիա
Ըստ թեմայի
Ազգային ժողովում Ստամբուլյան կոնվենցիան շուտ չի քննարկվի. Վենետիկից պատասխանի են սպասում
Քրիստոնյա միասեռականներն ու հայ իրավապաշտպանները
Հայաստանում միասեռականների ամուսնություններ ու որդեգրումներ չեն լինի. նախարար
Ռոբերտ Օ'Բրայան

ԱՄՆ-ը երրորդ երկրներին կոչ է անում ձեռնպահ մնալ ղարաբաղյան հակամարտությանը միջամտելուց

215
(Թարմացված է 00:12 30.10.2020)
Ռոբերտ Օ'Բրայանը տեղեկացրել է, որ հեռախոսազրույց է ունեցել ՀՀ վարչապետ Նիկոլ Փաշինյանի հետ և կոչ արել բոլոր կողմերին պահպանել հրադադարի ռեժիմը:

ԵՐԵՎԱՆ, 30 հոկտեմբերի – Sputnik. Վաշինգտոնը երրորդ երկրներին կոչ է անում ձեռնպահ մնալ ղարաբաղյան հակամարտությանը միջամտելուց և միանալ ԱՄՆ-ին ԵԱՀԿ Մինսկի խմբի համանախագահների աջակցությամբ բանակցություններին վերադառնալու ջանքերին: Այս մասին ասված է ԱՄՆ նախագահի ազգային անվտանգության հարցերով օգնական Ռոբերտ Օ'Բրայանի հայտարարության մեջ, որը տարածել է Սպիտակ տանը կից Ազգային անվտանգության խորհրդի մամուլի ծառայությունը։

Ռոբերտ Օ'Բրայանը տեղեկացրել է, որ հեռախոսազրույց է ունեցել ՀՀ վարչապետ Նիկոլ Փաշինյանի հետ և կոչ արել բոլոր կողմերին պահպանել հրադադարի ռեժիմը:

«Հակամարտությունը ռազմական լուծում չունի։ Ադրբեջանն ու Հայաստանը պետք է կատարեն հրադադարի վերաբերյալ իրենց պարտավորությունները։ Երկու երկրների ժողովուրդները ծանր կորուստներ են կրել։ Ավելին, Հայաստանի ժողովուրդը, որը բախվել է հարձակողական գործողությունների, այժմ իր վրա է կրում կորուստների հիմնական ծանրությունը»,–ասել է Օ'Բրայանը։

Նա կոչ է արել երրորդ երկրներին զերծ մնալ միջամտությունից և միանալ ԱՄՆ-ին` կողմերին ԵԱՀԿ Մինսկի խմբի համանախագահների հովանու ներքո բանակցություններին վերադարձնելու համար։

​Հիշեցնենք` Հայաստանի և Ադրբեջանի արտգործնախարարներ Զոհրաբ Մնացականյանն ու Ջեյհուն Բայրամովը հոկտեմբերի 9–ին Մոսկվա էին մեկնել` խորհրդատվություններ անցկացնելու։ ՌԴ արտգործնախարար Սերգեյ Լավրովի հետ համատեղ հանդիպումը տևեց գրեթե 11 ժամ և ավարտվեց համաձայնագրի ընդունմամբ, որը հակամարտության կարգավորման չորս կետ է պարունակում։

Մասնավորապես, կողմերը պայմանավորվեցին, որ հոկտեմբերի 10-ին, ժամը 12։00-ից սկսած հումանիտար նպատակներով հրադադար կհաստատվի ռազմագերիներին, այլ պահվող անձանց և զոհվածների մարմինները փոխանակելու համար՝ Միջազգային Կարմիր խաչի չափանիշներին համապատասխան։ Հրադադարի վերաբերյալ պայմանավորվածությունից հետո Ադրբեջանը շարունակեց հրետակոծել Արցախը։

Հոկտեմբերի 17-ին ՀՀ արտգործնախարարությունը հայտնեց, որ Հայաստանի Հանրապետությունը և Ադրբեջանի Հանրապետությունը երկրորդ պայմանավորվածությունն են ձեռք բերել. որոշվել է հոկտեմբերի 18-ին, տեղական ժամանակով ժամը 00:00-ից հաստատել մարդասիրական զինադադար։

Արցախի ՊԲ–ն, սակայն, հոկտեմբերի 18-ի առավոտյան տեղեկացրեց, որ 07:20-ի սահմաններում հրետանային ակտիվ կրակից հետո ադրբեջանական զինուժը հարավային ուղղությամբ անցել է հարձակման: Երկուստեք եղել են զոհեր ու վիրավորներ: 

Հոկտեմբերի 26-ին ՀՀ ԱԳՆ–ն հայտարարեց, որ Հայաստանի և Ադրբեջանի արտգործնախարարները հումանիտար հրադադարի հաստատման երրորդ ժամկետի մասին են պայմանավորվել, որը պետք է ուժի մեջ մտներ 2020թ. հոկտեմբերի 26-ին, տեղական ժամանակով 08:00-ին։ Սակայն Ադրբեջանը խախտեց նաև երրորդ պայմանավորվածությունը։

215
թեգերը:
Նիկոլ Փաշինյան, ԱՄՆ, Արցախյան պատերազմ
Ըստ թեմայի
Մնացականյանն ԱՄՆ–ում հայ համայնքի ներկայացուցիչների հետ խոսել է ԼՂ իրավիճակի մասին
«ԱՄՆ-ի նախագահը պետք է անձամբ միջամտի, որպեսզի կանգնեցնի պատերազմը Ղարաբաղում»․ Ջո Բայդեն
Սա Ադրբեջանի լկտի պատասխանն էր Ռուսաստանին, Ֆրանսիային ու ԱՄՆ–ին. Արցախի ԱԳՆ
Աննա Նաղդալյան

Իսրայելում Հայաստանի դեսպանը շարունակում է մնալ Երևանում. Նաղդալյան

95
(Թարմացված է 23:34 29.10.2020)
ԱԳՆ խոսնակը ևս մեկ անգամ անդրադարձել է Իսրայելի կողմից Ադրբեջանին զենք վաճառելու փաստին։

ԵՐԵՎԱՆ, 29 հոկտեմբերի - Sputnik. Իսրայելում ՀՀ դեսպանը, որին հետ էին կանչել, շարունակում է մնալ Երևանում, նա չի մեկնել Իսրայել։ Լրագրողների հետ ճեպազրույցի ժամանակ ասաց ՀՀ արտաքին գործերի նախարարության խոսնակ Աննա Նաղդալյանը։

«Իսրայելի կողմից Ադրբեջանին զենք վաճառելու առնչությամբ ԱԳՆ–ն ունի հստակ դիրքորոշում, ինչի մասին արդեն իսկ հայտնել է։ Պարզ է` չպետք է զինվի մի պետություն, որը չի խորշում այդ զենքն օգտագործել քաղաքացիական բնակչության և ենթակառուցվածքների դեմ»,–ասաց Նաղդալյանը։

Նա հիշեցրեց, որ բոլորս էլ այս մեկ ամսվա ընթացքում ականատես ենք եղել, թե ինչպես է Ադրբեջանը թիրախավորում խաղաղ բնակչությանը և ենթակառուցվածքները։

Ի պատասխան Sputnik Արմենիայի հարցին, թե տեղեկություններ են շրջանառվում, որ Իսրայելը մարդասիրական օգնություն է առաջարկում ՀՀ–ին, և ո՞րն է այստեղ ԱԳՆ–ի դիրքորոշումը, Նաղդալյանը պատասխանեց` կարևոր է, որ Իսրայելը դադարեցնի զենքի վաճառքն Ադրբեջանին։  Նրա խոսքով` ստացվում է այնպես, որ ցեղասպանություն վերապրած պետությունը, ժողովուրդը, աջակցում է ցեղասպան վերաբերմունք դրսևորող այլ պետությանը։

Հիշեցնենք, որ հոկտեմբերի 1-ին Հայաստանը որոշեց կանչել Իսրայելում ՀՀ արտակարգ և լիազոր դեսպանին՝ Ադրբեջանին զենք վաճառելու պատճառով։ 

ՀՀ կառավարությունը դեռ 2019 թվականի սեպտեմբերին էր որոշել դեսպանատուն բացել Իսրայելում։ 2020թ–ի փետրվարի 25-ին ՀՀ նախագահ Արմեն Սարգսյանը հրամանագիր էր ստորագրել, ըստ որի` Իսրայելում Հայաստանի դեսպան Արմեն Սմբատյանի նստավայրը պետք է լիներ Թել Ավիվում (մինչ այդ նստավայրը Երևանում էր)։

Հայաստանի և Իսրայելի միջև դիվանագիտական հարաբերությունները հաստատվել են 1992 թվականի ապրիլին։

95
թեգերը:
Ադրբեջան, Իսրայել, Հայաստան, Արցախյան պատերազմ
թեմա:
Ադրբեջանական ագրեսիան Արցախում - 2020
Ըստ թեմայի
Իսրայելի հայերը բողոքի ակցիա են իրականացրել Երուսաղեմի ԱԳՆ շենքի դիմաց
Դադարեցրեք զենքի վաճառքը Ադրբեջանին. Իսրայելի և Արգենտինայի հայերի բողոքի ակցիան
Իսրայել–Թուրքիա–Վրաստան–Ադրբեջան. Հովհաննիսյանը ներկայացրել է «հումանիտար» բեռի երթուղին
Արման Թաթոյան

Ադրբեջանի իշխանությունների պնդումը չի համապատասխանում իրականությանը. ՄԻՊ

167
Բժիշկ մասնագետների եզրակացությամբ՝ մեր հայրենակցի առկա առողջական վիճակը թույլ չի տվել իրականացել նրա տեղափոխումը։

ԵՐԵՎԱՆ, 30 հոկտեմբերի - Sputnik. Ադրբեջանի իշխանության մարմինները հայտարարել են, թե հայկական կողմը հրաժարվել է այսօր ընդունել քաղաքացիական անձ, 84-ամյա Միշա Մելքումյանին, նշված է Հայաստանի Մարդու իրավունքներին պաշտպան Արման Թաթոյանի Facebook-ի էջում։

Հայաստանի մարդու իրավունքների պաշտպանի քննության արդյունքներով հաստատվել է, որ այս պնդումը չի համապատասխանում իրականությանը:

Ադրբեջանական իշխանությունների նշված հայտարարությունը հրապարակվելուց անմիջապես հետո Հայաստանի իրավասու մարմիններին ներկայացրվել են հրատապ հարցումներ։ Պարզվել է, որ իրականում բժիշկ մասնագետների եզրակացությամբ՝ մեր հայրենակցի առկա առողջական վիճակը թույլ չի տվել իրականացել նրա տեղափոխումը։

Արման Թաթոյանի խոսքով՝ Միշա Մելքումյանի տեղափոխումը կազմակերպելու անթույլատրելիության վերաբերյալ բժշկական եզրակացության մասին տեղյակ են եղել նաև Ադրբեջանի իշխանությունները։ Հայաստանի իրավասու մարմինները Մարդու իրավունքների պաշտպանի հարցումներին ի պատասխան ներկայացրել են միանշանակ պատրաստակամություն առ այն, որ Միշա Մելքումյանի առողջական վիճակը թույլ տալու առաջին իսկ հնարավորության դեպքում կկազմակերպվի նրա վերադարձը:

Նշենք, որ այսօր հայկական կողմին է փոխանցվել 85-ամյա Եվգենիա Բաբայանը:

Հիշեցնենք, որ հոկտեմբերի 29-ին ադրբեջանական կողմը Երևանին է հանձնել նաև զոհված հայ զինվորների և սպաների մոտ 30 դի։ Դիերը փոխանցել են Տավուշի մարզի Այգեպար գյուղի մոտ։ 

Ռազմական գործողությունների ընթացքում զոհված հայ զինծառայողների մարմինները փոխանցվել են ԿԽՄԿ-ի և ԵԱՀԿ գործող նախագահի անձնական ներկայացուցչի դաշտային թիմի մասնակցությամբ։ Փոխանցումն իրականացվել է ՌԴ պաշտպանության նախարարության միջնորդական ջանքերի շնորհիվ։

Ադրբեջանական դաժանությունները` օրինակներով. ՀՀ ՄԻՊ-ը հանդիպել է Ֆրանսիայի պատվիրակներին

167
թեգերը:
Ադրբեջան, գերի, ՀՀ ՄԻՊ, Արցախյան պատերազմ
թեմա:
Ադրբեջանական ագրեսիան Արցախում - 2020
Ըստ թեմայի
Ստեփանակերտում ամենաագրեսիվ հարձակման օրն է պատերազմի սկզբից ի վեր․ կան զոհեր․ ԱՀ ՄԻՊ
Հայ զինվորների դիերի, գերիների հետ վարվում են ԻԼԻՊ-ի մեթոդներով. ՀՀ ՄԻՊ
Ադրբեջանը թիրախավորում է փրկարարներին. նրանցից մեկը զոհվել է. Արցախի ՄԻՊ