Բողոքի ակցի Ստամբուլյան կոնվենցիայի դեմ

Կրքերը չեն հանդարտվում. Ստամբուլյան կոնվենցիան` հաղթաթո՞ւղթ ընդդիմության ձեռքին

181
(Թարմացված է 23:53 03.11.2019)
Իրավապաշտպանը կարծում է, որ կոնվենցիան ոչ մի սպառնալիք չի պարունակում ավանդական արժեքների դեմ, բայց այդ թեման դեռ երկար ժամանակ կշարունակի մնալ ընդդիմության հաղթաթուղթը։

ԵՐԵՎԱՆ, 3 նոյեմբերի — Sputnik. Ստամբուլյան կոնվենցիայի թեման տարբեր խմբերի քաղաքական պայքարի գործիքն է դարձել Հայաստանի իշխանության դեմ։ Տվյալ դեպքում կարևոր չէ՝ սպառնում է կոնվենցիան ավանդական արժեքներին, թե ոչ։ Այս կարծիքն իրավապաշտպան Ավետիք Իշխանյանը հայտնեց Sputnik Արմենիայի հետ զրույցում։

Հայաստանը միացել է Ստամբուլյան կոնվենցիային (կամ «Կանանց նկատմամբ բռնության և ընտանեկան բռնության կանխարգելման ու դրա դեմ պայքարի մասին Եվրոպայի խորհրդի կոնվենցիա») 2018թ.-ի հունվարին։ Այն ժամանակ այս հարցն այդքան մեծ աղմուկ չի բարձրացրել։ Բայց հիմա, երբ դրվել է վավերացման հարցը, կոնվենցիային դեմ են հանդես գալիս տարբեր հասարակական շերտեր և քաղաքացիական ակտիվիստներ։ Նրանք կարծում են, որ կոնվենցիան սպառնալիքի տակ կդնի ավանդական, ընտանեկան արժեքները։

«Իրականում փաստաթուղթը չի պարունակում այն սպառնալիքները, որոնց մասին խոսում են կոնվենցիայի հակառակորդները։ Ես չգիտեմ, թե նրանք ինչից են վախենում, բայց կոնվենցիան, ի տարբերություն շատերի, կարդացել եմ ու ավանդական արժանիքներին սպառնացող ոչինչ չեմ տեսել», - նշեց Իշխանյանը։

Փաշինյանի զիջումները կարող են «գունավորի» վերածել «թավշյա հեղափոխությունը»

Անցած շաբաթ խորհրդարանում տեղի են ունեցել կոնվենցիայի վերաբերյալ քննարկումներ, բանավեճին մասնակցել են Եվրոպայի խորհրդի ներկայացուցիչները։ Դրան զուգահեռ խորհրդարանի շենքի մոտ ընթացել է բողոքի ակցիա` փաստաթղթի վավերացման դեմ։

Միաժամանակ պետք է նշել, որ որպեսզի փաստաթուղթը պաշտոնապես դրվի շրջանառության մեջ, սկզբից կառավարությունը պետք է հաստատի այն, այնուհետև Սահմանադրական դատարանը պետք է դիտարկի մայր օրենքի հետ փաստաթղթի համապատասխանության հարցը, և միայն դրանից հետո այն կարող է վավերացվել խորհրդարանի կողմից։ Ավելի վաղ արդարադատության նախարարությունում նշել են, որ կոնվենցիան կարող է վավերացվել մյուս տարվա գարնանը։

Իշխանյանի կարծիքով՝ վաղ թե ուշ իշխանությունները պետք է վավերացնեն կոնվենցիան, չէ որ Հայաստանը ստորագրել է այն։

«Բայց նույնիսկ եթե կոնվենցիան ինչ-որ վտանգավոր դրույթներ պարունակեր, ապա ամեն դեպքում անհանգստանալու առիթ չկա։ Կոնվենցիան կդառնա հերթական փաստաթուղթը, որը չի գործի մեր երկրում։ Հայաստանում շատ օրենքներ կան թղթի վրա, որոնք ուղղակի չեն կիրառվում։ Ստամբուլյան կոնվենցիան կլինի դրանցից մեկը։ Բայց դա ոչ մեկին հետաքրքիր չէ, մարդիկ ձգտում են հարցը քաղաքական պայքարի գործիք դարձնել իշխանության դեմ», - համոզված է Իշխանյանը։

Նրա կարծիքով՝ Ստամբուլյան կոնվենցիայի թեման չի փակվի, այն դեռ երկար ժամանակ կշարունակի մնալ ընդդիմության հաղթաթուղթը։ Փաստաթղթի վավերացումը կախված է նրանից, թե որքան ամուր կլինեն իշխանության դիրքերը։

Ավետիք Իշխանյանը դժվարացավ ասել, թե ինչ-որ ճնշում գործադրում է արդյո՞ք Հայաստանի ղեկավարությունը փաստաթուղթը վավերացնելու նպատակով։ Նրա կարծիքով, ամենայն հավանականությամբ, որոշակի պայմանավորվածություններ կան։

Ստամբուլի կոնվենցիա (կամ «Կանանց նկատմամբ բռնության և ընտանեկան բռնության կանխարգելման ու դրա դեմ պայքարի մասին Եվրոպայի խորհրդի կոնվենցիան») կնքվել է 2011թ.–ին Թուրքիայի Ստամբուլ քաղաքում։ Եվրոպայի խորհրդի անդամ 47 պետություններից կոնվենցիան վավերացրել են 34-ը, ստորագրել` 11-ը, այդ թվում՝ Հայաստանը։ Ռուսաստանը և Ադրբեջանը չեն ստորագրել այն, իսկ Բուլղարիան կոնվենցիան հակասահմանադրական է ճանաչել։

Հիշեցնենք` Կանանց ու ընտանեկան բռնության կանխարգելման կոնվենցիայի (Ստամբուլյան կոնվենցիա) վավերացման գործընթաց սկսելուց առաջ Հայաստանի կառավարությունը դիմել է Վենետիկի հանձնաժողով` դրա վերաբերյալ հատուկ կարծիք ստանալու համար:

181
թեգերը:
բողոք, ընդդիմություն, ԱԺ, Օրենք, Հայաստան, Ստամբուլյան կոնվենցիա
Ըստ թեմայի
Մխիթար Գոշն էլ է գրել բռնության մասին. որքան էր վճարում ամուսինը կնոջը ծեծելու համար
Իշխանյան. «Հայաստանում շարունակվում ու խրախուսվում է բռնության մշակույթը»
«Բռնությունը կամ բռնության սպառնալիքն անթույլատրելի է». Արման Թաթոյան
Անվտանգության խորհրդի նիստ. արխիվային լուսանկար

Հրատապ կարգով հրավիրել Անվտանգության խորհրդի նիստ. ԲՀԿ-ի և ԼՀԿ-ի առաջարկը վարչապետին

388
(Թարմացված է 15:23 27.10.2020)
Անվտանգության խորհրդի նիստն անհրաժեշտ է տեղեկատվություն փոխանակելու և այս պահին ստեղծված իրավիճակը քննարկելում համար։

ԵՐԵՎԱՆ, 27 հոկտեմբերի — Sputnik. ՀՀ ԱԺ «Բարգավաճ Հայաստան» և «Լուսավոր Հայաստան» խմբակցությունները ՀՀ վարչապետ Նիկոլ Փաշինյանին առաջարկում են հրատապ կարգով հրավիրել Անվտանգության խորհրդի նիստ։ Տեղեկությունը հայտնում է ԲՀԿ–ի Facebook–ի էջը։

«Հիմք ընդունելով Հայաստանի Հանրապետության Սահմանադրության 105-րդ հոդվածի 1-ին մասը և «Անվտանգության խորհրդի կազմավորման և գործունեության մասին» Հայաստանի Հանրապետության օրենքի 4-րդ հոդվածի 4-րդ մասը, ինչպես նաև ելնելով իրերի ներկա դրությունից՝ ՀՀ ԱԺ «Բարգավաճ Հայաստան» և «Լուսավոր Հայաստան» խմբակցությունները ՀՀ վարչապետ Նիկոլ Փաշինյանին առաջարկել են այսօր հրատապ կարգով հրավիրել Անվտանգության խորհրդի նիստ»,–ասված է հաղորդագրության մեջ։

Տեղեկացվում է, որ դրան կմասնակցեն յուրաքանչյուր խորհրդարանական խմբակցությունից լիազորված ներկայացուցիչներ և որտեղ կկարողանանք տեղեկատվություն փոխանակել ու քննարկել այս պահին ստեղծված իրավիճակը։

Ադրբեջանի օգտին լրտեսություն կատարած երկու անձինք կալանավորված են. ԱԱԾ

Հիշեցնենք, որ ՀՀ վարչապետ Նիկոլ Փաշինյանի գլխավորությամբ Անվտանգության խորհրդի վերջին ու արտահերթ նիստը տեղի է ունեցել հոկտեմբերի 19–ին, որին ներկա է եղել նաև ՀՀ նախագահ Արմեն Սարգսյանը, սկսվել է կաթողիկոսի աղոթքով: Նիստին մասնակցել են նաև ԱԺ ընդդիմադիր խմբակցությունների անդամները։

388
թեգերը:
Անվտանգության խորհուրդ, Հայաստան, Նիկոլ Փաշինյան, «Լուսավոր Հայաստան» կուսակցություն, Բարգավաճ Հայաստան կուսակցություն (ԲՀԿ)
Ըստ թեմայի
ԱԱԾ ևս մեկ պաշտոնյա է ազատվել պաշտոնից
Եթե թշնամու ոտնձգությունը կրկնվի, գործի կդրվեն զինանոցում առկա բոլոր զինատեսակները․ ՀՀ ԶՈւ
Իրանը հատուկ բանագնաց կուղարկի Երևան, Բաքու, Անկարա և Մոսկվա
Արխիվային լուսանկար

Հայ-վրացական հարաբերություններ. ինչպիսի՞ն կլինեն դրանք ընտրություններից հետո

464
(Թարմացված է 00:05 27.10.2020)
Հայաստանն ու Վրաստանը կապված են եղբայրական դարավոր հարաբերություններով։ Կարծես թե ծեծված արտահայտություն է, բայց այն արդիական է ինչպես երբեք՝ Ղարաբաղում ընթացող պատերազմի ու Վրաստանում առաջիկա խորհրդարանական ընտրությունների ֆոնին։

Լաուրա Սարգսյան, Sputnik Արմենիա

Հայ-վրացական հարաբերություններն անկախության առաջին իսկ տարիներից զարգացման յուրահատուկ դինամիկա ունեն։ Երևանի ու Թբիլիսիի փոխգործակծությունը յուրահատուկ է դարձնում նաև այն հանգամանքը, որ երկու երկրներում էլ, անկախ թե ով է իշխանության ղեկին, հասկանում են՝ երկկողմանի հարաբերությունները պետք է խորացնել։ Հետևաբար, հոկտեմբերի 31-ին կայանալից խորհրդարանական ընտրությունները քիչ կազդեն Թբիլիսիի ու Երևանի փոխհարաբերությունների վրա։ Սրանում վստահ են փորձագետներն ինչպես Վրաստանում, այնպես էլ Հայաստանում։

Լեռնային Ղարաբաղում սեպտեմբերի 27-ին սկսված մարտական գործողությունները Վրաստանում նախընտրական ներքին անհաշտությունների ֆոնին իսկական փորձություն դարձան պաշտոնական Թբիլիսիի համար։ Վրաստանը Հայաստանի ու Ադրբեջանի համար պարզապես հարևան երկիր չէ։ Թբիլիսին Երևանի ու Բաքվի հետ բազմակողմանի փոխներգործության քաղաքականություն է վարում, այն ստիպված է խուսանավել՝ չվնասելու ու հարևաններից ոչ մեկի հետ հարաբերությունները չփչացնելու համար։ Սակայն Ղարաբաղի իրադարձությունների վերաբերյալ պաշտոնական Թբիլիսիի ընտրած չեզոք դիրքորոշումը միշտ չէ, որ Վրաստանի օգտին է գործում։

Այնուամենայնիվ, Վրաստանի նախագահի աշխատակազմի նախկին ղեկավար Պետրե Մամրաձեն կարծում է, որ երկիրը կարողացել է ստեղծված բարդ իրավիճակում իրեն արժանապատվորեն դրսևորել։

«Ընթացող իրադարձությունների ֆոնին մեր կառավարության կողմից Հայաստանի հանդեպ ոչ մի փոփոխություն չեմ կանխատեսում», - Sputnik Արմենիայի թղթակցի հետ զրույցում ասաց Մամրաձեն։

Շտապօգնության մեքենաներով բարձված բեռնատարը հատել է անցակետը ու շարժվում է դեպի Հայաստան

Նա նշեց, որ Ղարաբաղում ընթացող հակամարտության ֆոնին Վրաստանն իսկապես բարդ իրավիճակում հայտնվեց։ Սակայն իշխանությունը պետք է այնպես գործի, որ հարևաններից ոչ մեկը չզգա, թե Թբիլիսին որևէ մեկի կողմից է։ Նա ողջունում է Վրաստանի իշխանության հայտարարությունն այն մասին, որ հակամարտությունը պետք է խաղաղ ճանապարհով լուծվի, նաև՝ Թբիլիսիում հակամարտող կողմերի ներկայացուցիչներին սեղանի շուրջ նստեցնելու գաղափարը։

«Կարող են դժվարություններ լիներ, հարևան երկու երկրները կարող են հայտարարել, որ Վրաստանն ավելի շատ հակված է այս կամ այն կողմին։ Դիվանագիտության համար սա բարդ պահ է», - ասաց Մամրաձեն։ Նա կարծում է, որ Վրաստանը պետք է շարունակի համոզել բոլորին, որ չեզոք քաղաքականություն է վարում։

Ինչ վերաբերում է առաջիկա ընտրություններին, ապա Մամրաձեն իշխող կուսակցության հաղթանակն է կանխատեսում։ Փորձագետը վստահ է, որ, ըստ ամենայնի, «Վրացական երազանք» իշխող դաշինքը կպահպանի իր դիրքերն ու կկարողանա խորհրդարանում բավարար քվե հավաքել կառավարություն կազմելու համար։

Իսկ բեռնե՞րը

Հայ-վրացական հարաբերությունների համար սեպ դարձան, ճիշտ է՝ ոչ թե պաշտոնական մակարդակով, այլ մեդիաոլորտում, flightradar24 կայքի տվյալները։ Հատկապես Ղարաբաղում հակամարտության սկզբում օգտատերերը կադրեր էին տարածում, որ Իսրայելից ու Թուրքիայից չվերթեր են իրականացվում Ադրբեջան։ Հրապարակումների հեղինակները մեղադրում էին Վրաստանին, որ այն թույլ է տալիս Ադրբեջանին իր տարածքով ռազմական բեռներ անցկացնել։

Դրանից հետո Վրաստանի մի շարք բարձրաստիճան անձիք, այդ թվում՝ երկրի վարչապետ Գերոգի Գախարիան, հայտարարել են, որ երկրի օդային տարածքն ու ցամաքային ճանապարհները փակ են ռազմական նշանակության բեռների համար ինչպես Բաքվի, այնպես էլ Երևանի համար։

Մամրաձեն համամիտ է դրա հետ։ Փորձագետը նշեց, որ եթե դա այդպես չլիներ, միջազգային հանրության կողմից դժգոհություններ կլինեին Վրաստանի նկատմամբ։

«Սեպտեմբերի 27-ից տրանսպորտային ոչ մի ինքնաթիռ Վրաստանով Թուրքիայից Ադրբեջան չի մեկնել, բացառապես ուղևորատար չվերթեր են իրականացվել», - պարզաբանեց Մամրաձեն։

Նրա խոսքով՝ Վրաստանը ուղևորատար ինքնաթիռը ստուգելու իրավունք ունի, սակայն դրա համար խիստ պատճառներ ու ապացույցներ են պետք, որ ինքնաթիռը ստանդարտներին չհամապատասխանող բան է փոխադրում։ Դրանից հետո Վրաստանը պետք է դա փաստացի ներկայացնի կողմերին ու ICAO միջազգային կազմակերպությանը։

Վրաստանի հարցերով փորձագետ Ջոնի Մելիքյանն իր հերթին Sputnik Արմենիայի հետ զրույցում այդ հարցին պատասխանելով նշեց, որ տեղեկատվական պատերազմը ոչ ոք չի չեղարկել։

Փորձագետի խոսքով՝ նման գրառումները, ապատեղեկատվական բնույթ ունեցող տարատեսակ տեսանյութերը ուղղված են բնակչության որոշակի շերտի, որը զուրկ է քննադատական մտածողությունից։

Մելիքյանը նշեց, որ այդ հարցում մեծ դերակատարություն ունեն նաև ներքաղաքական հակասությունները, որոնք ուժեղացել են Վրաստանում կայանալիք խորհրդարանական ընտրությունների ֆոնին, քանի որ երկրում խոշոր հայկական ու ադրբեջանական համայնքներ կան։

«Կան որոշակի ուժեր, որոնք տեղեկատվական կանխամտածված արտանետումներ են կազմակերպում ու հակակրանքի ալիք բարձրացնելու նպատակով ապատեղեկատվություն են տարածում։ Այդ տրամադրությունները տեսնում ենք ինչպես Հայաստանում, այնպես էլ Վրաստանում։ Դրա դեմ պետք է պայքարել, պետք է ստուգել տեղեկությունը, օգտվել միայն պաշտոնական աղբյուրներից», - ասաց Մելիքյանը։

Արդյո՞ք ընտրությունները կազդեն Վրաստանի ու Հայաստանի հարաբերությունների վրա

Մելիքյանի խոսքով՝ թեև հայ-վրացական հարաբերությունները վերջին երեսուն տարիների ընթացքում կայուն զարգանում են, այս կամ այն քաղաքական ուժերն ազդում են փոխներգործության տեմպերի վրա։ Մելիքյանը հիշեցրեց, որ երբ 2012 թվականին Վրաստանում իշխանության եկավ ներկայում իշխող «Վրացական երազանք» կուսակցությունը, ստեղծվեց նաև այն հատուկ ընկալումը, որ Երևանը կարևոր է Թբիլիսիի համար։

Այդ համատեքստում Վրաստանում կայանալիք ընտրությունները կաևոր են ոչ միայն այդ երկրի, այլև Հայաստանի համար։

Վրաստանում COVID-19-ի ցուցանիշների ռեկորդային աճ է գրանցվել

«Երևանի համար նույնպես կարևոր է, որ հետընտրական իրավիճակը Թբիլիսիում կայուն լինի, քանի որ ցանկացած ապակայունացում Վրաստանում ու Իրանում կարող է որաշակի հետևանքներ ունենալ Հայաստանի համար», - նշեց Մելիքյանը։

Խորհրդարանական ընտրությունները Վրաստանում կկայանան հոկտեմբերի 31-ին։ Դրանց կմասնակցի 48 կուսակցություն ու երկու դաշինք։ Ընտրողները պետք է 150 պատգամավոր ընտրեն․ 120 համամասնական ու 30 մեծամասնական համակարգով։

464
թեգերը:
Վրաստանի Հանրապետություն, Հայաստան
Ըստ թեմայի
Հայաստան եկող բեռնատարում ռազմական բեռ չի հայտնաբերվել. Վրաստանը հերքել է Ադրբեջանի սուտը
Իսրայել–Թուրքիա–Վրաստան–Ադրբեջան. Հովհաննիսյանը ներկայացրել է «հումանիտար» բեռի երթուղին
Նա փորձում է հակահայկական ալիք բարձրացնել Վրաստանում. Մելիքյանը` Թուրքիայի դեսպանի մասին
Ռեջեփ Թայիփ Էրդողան

«Նա ցանցառի մեկն է». ֆրանսիական Charlie Hebdo–ն պատկերել է Էրդողանի ծաղրանկարը. լուսանկար

83
(Թարմացված է 00:10 28.10.2020)
Ավելի վաղ Թուրքիայի նախագահը Ֆրանսիայի ղեկավարին խորհուրդ էր տվել զբաղվել իր հոգեկան առողջության խնդիրներով։

ԵՐԵՎԱՆ, 28 հոկտեմբերի - Sputnik. Ֆրանսիական Charlie Hebdo ամսագիրը պատկերել է Թուրքիայի նախագահ Ռեջեբ Թայիփ Էրդողանի ծաղրանկարը։ Այն հայտնվել է ամսագրի Twitter-ի էջում։

Ծաղրանկարում Էրդողանը կիսամերկ նստած է բազկաթոռին։ Նրա մի ձեռքում խմիչք է, իսկ մյուսով բարձրացնում է կնոջ զգեստը։ Ծաղրանկարի տակ գրված է. «Անձնական կյանքում Էրդողանը լավ էլ ցանցառի մեկն է»` նկատի ունենալով, որ թուրքական ղեկավարի իսլամի և հավատքի մասին խոսքերը զուտ խոսքեր են։

Փարիզի ահաբեկչություններից հետո Charlie Hebdo-ն հայտարարություն է տարածել

Ավելի վաղ Թուրքիայի նախագահը Ֆրանսիայի ղեկավարին խորհուրդ էր տվել զբաղվել իր հոգեկան առողջությամբ։ Դրանից հետո երկու երկրների հարաբերությունները սրվել էին, և Ֆրանսիան Թուրքիայից հետ էր կանչել իր դեսպանին։

83
թեգերը:
ծաղրանկար, ամսագիր, Ֆրանսիա, Ռեջեփ Թայիփ Էրդողան
Ըստ թեմայի
Խաղաղությունը պարտադրում են, կամ ինչպես կարող է Մոսկվան ճնշել Բաքվին և Անկարային
Պուտինը Էրդողանին իր մտահոգությունն է հայտնել Արցախում կռվող ահաբեկիչների վերաբերյալ