Մևլութ Չավուշօղլու

Հայոց ցեղասպանության բանաձևից հետո Թուրքիայում ԱՄՆ դեսպանը կանչվել է ԱԳՆ

123
(Թարմացված է 12:44 30.10.2019)
Ամերիկացի դիվանագետին հայտնել են, որ Ներկայացուցիչների պալատի որոշումը որևէ վավերականություն չունի:

ԵՐԵՎԱՆ, 30 հոկտեմբերի – Sputnik. Ամերիկայի Միացյալ Նահանգների Ներկայացուցիչների պալատում ընդունված բանաձևից հետո Թուրքիայում ԱՄՆ դեսպան Դևիդ Սեթրֆիլդը կանչվել է արտգործնախարարություն: Այս մասին հայտնում է Anadolu գործակալությունը։

Թուրքիայի արտաքին քաղաքական գերատեսչությունում ամերիկացի դիվանագետին հայտնել են, որ Ներկայացուցիչների պալատի որոշումը որևէ վավերականություն չունի և հակասում է «երկու երկրի միջև ռազմավարական գործընկերությանը»:

ԱՄՆ Կոնգրեսի ներկայացուցիչների պալատում հոկտեմբերի 29-ին կայացած քվեարկության արդյունքում ձայների մեծամասնությամբ ընդունվել է Հայոց ցեղասպանությունը ճանաչող բանաձևը։ Քվեարկությանը մասնակցած կոնգրեսականներից 405-ը կողմ են քվեարկել, 11-ը` դեմ:

Նշենք, որ Թուրքիայի արտգործնախարար Մևլութ Չավուշօղլուն նույնպես անդրադարձել է այս բանաձևին և այդ մասին գրառում արել Twitter–ում։ Նա նշել է, որ այս որոշումը հակասում է ինչպես ամերիկյան, այնպես էլ միջազգային իրավունքին ու կասկածի տակ է դնում Ցեղասպանության հանցագործությունը կանխարգելելու և դրա համար պատժի մասին 1948 թվականի կոնվենցիայի սկզբունքները:

123
թեգերը:
Հայոց ցեղասպանություն, Դեսպան, Թուրքիա, ԱՄՆ
թեմա:
Հայոց ցեղասպանություն (217)
Ըստ թեմայի
«Կարևոր քայլ է». Փաշինյանը` ԱՄՆ ներկայացուցիչների պալատի ընդունած բանաձևի մասին
ԱՄՆ–ի ընդունած բանաձևում արդարությունը և ճշմարտությունը համախմբվել են. Մնացականյան
Վճռական և տպավորիչ քվեարկություն. ՀՀ ԱԳՆ–ն արձագանքել է ԱՄՆ–ում ընդունված բանաձևին