Ստյոպա Սաֆարյան

Սկանդալ, շոգեբաղնիք և դատարան. Ստյոպա Սաֆարյանի աղմկահարույց քննարկումը. տեսանյութ

595
Հայաստանի խորհրդարանում տեղի ունեցած ահաբեկչության 20–ամյա տարելիցի թեմայով քննարկումը` կազմակերպված Միջազգային և անվտանգության հարցերի հայկական ինստիտուտի (ՄԱՀՀԻ) կողմից, մեծ աղմուկ էր բարձրացրել դեռ մինչև սկսվելը, սակայն ավարտը պակաս սկանդալային չէր։

ԵՐԵՎԱՆ, 29 հոկտեմբերի –Sputnik. Արևմտյան հիմնադրամներից ֆինանսավորվող Միջազգային և անվտանգության հարցերի հայկական ինստիտուտի (ՄԱՀՀԻ)  ղեկավար Ստյոպա Սաֆարյանն ազդարարել էր «Հոկտեմբերի 27-ից 20 տարի անց. հայացք անցյալին, դասեր և մտորումներ» խորագրով քննարկում անցկացնելու մասին։ Եվ զգուշացրել. «Մուտքը news.am, hayeli.am, 168.am, yerevan today, 7or.am, livenews.am, 5-րդ ալիք ու «Երկիր մեդիա» հեռուստաընկերությունների և այլ քարոզչամիջոցների առջև փակ է: Սույն լրատվամիջոցներին ներկայացնող լրագրողները, տեսախցիկները դուրս են հանվելու դահլիճից»։

Ի դեպ, ինստիտուտի էջում 168.am կայքը և «Երկիր մեդիա» հեռուստաընկերությունը նախկինում նշված էին որպես գործընկերներ, իսկ այսօր հայտնվել են «սև ցուցակում։

«Փակ» միջոցառման հիմնական խոսնակները պետք է լինեին սկանդալային պատգամավոր Արման Բաբաջանյանը, մեկ տարի առաջ համաներումով ազատ արձակված քաղաքագետ Արկադի Վարդանյանը, պաշտպանության նախկին նախարար Վաղարշակ Հարությունյանը (պաշտոնավորել է 1999-2000թթ.), «Հանրապետություն» կուսակցության նախագահ և սպանված վարչապետ Վազգեն Սարգսյանի եղբայր Արամ Սարգսյանը, նախկին պատգամավոր և սպանված փոխխոսնակ Յուրի Բախշյանի կինը` Անահիտ Բախշյանը։ Վերջին երեքն այդպես էլ չեկան։ Եթե Վաղարշակ Հարությունյանի գալուն դեռ սպասում էին, ապա Սարգսյանը և Բախշյանը հասցրել էին տեղեկացնել, որ չեն գալու։

Обсуждения по теме 27 октября, 20 лет спустя: взгляд на прошлое, уроки и размышления (29 октября 2019). Еревaн
© Sputnik / Petros Lagesyan
Քննարկում Միջազգային և անվտանգության հարցերի հայկական ինստիտուտում (ՄԱՀՀԻ)

Սաֆարյանի հայտարարության լրատվամիջոցներին վերաբերող պահը բացասական արձագանքի էր արժանացել ինչպես ընդդիմադիր, այնպես էլ իշխանամետ դաշտում։

Sputnik Արմենիան որոշեց ստուգել` կհաջողվի արդյո՞ք չհրավիրված ԶԼՄ–ներին ներս մտնել (իսկ մենք դրանց թվում չէինք), և ինչպես կարձագանքեն կազմակերպիչները «արգելված» մեդիայի հայտնվելուն։

Միջոցառման սկզբին` ժամը 12։00–ին, ժամանեցինք ինստիտուտ։ Թակեցինք բնակարանի դուռը (վերափոխված է գրասենյակի), այն բացեց մի կին, հարցրեց, թե որ ԶԼՄ–ից ենք։ Ներկայացանք։ Դրանից հետո նա ուշադիր զննեց «սև ցուցակը»։ Մենք դրա մեջ չկայինք։ Ներս հրավիրեց։

Ելույթ էր ունենում Ստյոպա Սաֆարյանը` խոսելով 1999թ–ին խորհրդարանում տեղի ունեցած սպանությունների մասին։ Նա ներկայացրեց հյուրերին և ինստիտուտի անդամներին։

«Գեներալ–գնդապետ Վաղարշակ Հարությունյանը տեղեկացրեց, որ ավելի ուշ կգա», – ասաց Սաֆարյանը։

Սաֆարյանը շնորհակալություն հայտնեց միջոցառմանը ներկա ԶԼՄ–ների ներկայացուցիչներին (մոտ 10 մարդ), ինչպես նաև Գերմանիայի դեսպանատանը, որի ներկայացուցիչը թարգմանչի հետ նստած էր քննարկումների սենյակում։

Առաջինը ելույթ ունեցավ Արման Բաբաջանյանը, որը վերջերս հանդիպել էր Նաիրի Հունանյանին` խորհրդարանում 7 մարդու սպանած ահաբեկչական խմբի պարագլխին։

Բաբաջանյանը, որը, ամենայն հավանականությամբ, արդեն ծանոթ էր «սև ցուցակում» հայտնված ԶԼՄ–ների վերաբերյալ սոցցանցերի արձագանքին, որոշեց իսկույն ապահովագրել իրեն։ Նա հայտարարեց, որ կուզեր այս քննարկմանը տեսնել բոլոր ԶԼՄ–ներին` «անկախ դրանց քաղաքական դիրքորոշումից և վերաբերմունքից»։

«Ինքներդ տեսաք` տեղ չկա և, անկեղծ ասած` ցանկություն էլ չկա», – արձագանքեց Սաֆարյանը։

Այնուհետև սկսվեց Հայաստանի նորագույն պատմության ամենամութ և ցավալի էջերից մեկի վերաբերյալ քննարկումը։ Հնչեցին ինչպես զուսպ, այնպես էլ ակնհայտ մեղադրանքներ այս ահաբեկչության մեջ «արտաքին ուժի» առկայության մասին։

Քննարկումը տևեց մոտ երկու 2 ժամ, որից հետո Sputnik Արմենիան մյուս լրագրողների հետ դիմեց Սաֆարյանին` խնդրելով մեկնաբանել իր աղմկահարույց հայտարարությունը։

«Մի քանի ամիս առաջ մենք պաշտոնապես հայտարարել ենք, թե ովքեր են մեդիա գործընկերները։ Չորս ընտրած ԶԼՄ–ներ ունենք, որոնք կանոնավոր կերպով հրապարակում են մեր հետազոտությունները` Aravot, Lragir, Hetq և 1in.am (դրանցից մեկի նախկին գլխավոր խմբագիրը պատգամավոր Արման Բաբաջանյան է` խմբ.)։ Առանց որևէ մեկին վիրավորելու ուզում եմ, որ լրագրողները ճիշտ հասկանան` մենք այդ ԶԼՄ–ներին ընտրել ենք որպես բացառիկ գործընկերներ», – նշեց Սաֆարյանը։

Սաֆարյանի խոսքով` նրանց ինստիտուտը, ինչպես նաև ամբողջ աշխարհի հետազոտական կենտրոնները, մամուլի ակումբներ չեն, իրենց ոչ բոլոր միջոցառումներ պետք է հասանելի լինեն մեդիայի համար։ Կան կորպորատիվ, փակ միջոցառումներ, բաց սեմինարներ և այլն։

Եվ հանկարծ անսպասելի շրջադարձ եղավ, երբ զրույցին միացավ գրասենյակ մտած «5–րդ ալիքի» լրագրողը, որը փորձեց հարց տալ Սաֆարյանին։ Ինստիտուտի ղեկավարը հրաժարվեց պատասխանել` հիմնավորելով, որ «նրանց ԶԼՄ չի համարում» և խնդրեց լքել տարածքը։

Այդ պահին խոսակցությանը միացավ նաև Livenews–ի լրագրողը (նույնպես «սև ցուցակից»), որին Սաֆարյանը օպերատորի հետ միասին դուրս հրավիրեց ` նշելով, որ ներխուժել են մասնավոր սեփականություն հանդիսացող տարածք։

Սաֆարյանի և երկու լրագրողների միջև լեզվակռիվը շարունակվեց և թեժացավ։ Այդ ընթացքում նա դուրս եկավ սենյակից և փակեց դուռը իր հետևից գնացող լրագրողների դեմքին։ Հետո վերադարձավ ինստիտուտի աշխատակիցների հետ և պահանջեց լքել գրասենյակը։

Լրագրողներից մեկը հեռանալուց առաջ հայտարարեց, որ Սաֆարյանի հետ կհանդիպի դատարանում։ Որովհետև քաղաքագետը նրան ասել էր, որ տվյալ ԶԼՄ–ները իրեն չեն կարող հրավիրել «ո՛չ սաունա, ո՛չ իրենց տարածք»։

«Ասեք, որ դրա համար էիք եկել... Ոչինչ, գնացեք, կհանդիպենք դատարանում», – ասաց Սաֆարյանը։

Վիճաբանությունից որոշ ժամանակ անց մնացած լրագրողները, գրասենյակի աշխատակիցների մի մասը և Սաֆարյանը դուրս եկան սանդղահարթակ։ «5–րդ ալիքի» լրագրողը փորձեց իմանալ Արման Բաբաջանյանի կարծիքը, սակայն նա պատասխանեց. «Ես ձեր ԶԼՄ–ի հետ ընդհանրապես չեմ խոսում»։

Դրանից հետո միջադեպի մասնակիցները ցրվեցին։

595
թեգերը:
կայք, Հեռուստատեսություն, Սկանդալ, Հոկտեմբերի 27, քննարկում, Ստյոպա Սաֆարյան
Ըստ թեմայի
Վենդետա հայկական ձևով, կամ ինչով են վտանգավոր դավաճանները
«Հոկտեմբերի 27-ի քրգործը պետք է վերաբացվի». Ռուբեն Հակոբյան
Նաիրի Հունանյանի՝ պայմանական վաղաժամկետ ազատվելու հարցը դատարան չի ներկայացվի
«Նաիրի Հունանյանին տեսակցելու ոչ մի ցանկություն չունեմ». նախարար
Նիկոլ Փաշինյան

Ավելի լավ առաջարկ չի լինելու․ Մարուքյանը ելք է առաջարկում Փաշինյանին

279
(Թարմացված է 22:51 28.02.2021)
Մարուքյանի խոսքով՝ ճգնաժամից դուրս գալու առաջին քայլը պետք է անի վարչապետը, հետո «Լուսավոր Հայաստանը» հուշագիր կստորագրի։

ԵՐԵՎԱՆ, 28 փետրվարի – Sputnik․ ՀՀ ԱԺ «Լուսավոր Հայաստան» խմբակցության ղեկավար Էդմոն Մարուքյանը Facebook-ի իր էջի ուղիղ եթերում ներքաղաքական ճգնաժամից դուրս գալու առաջարկ ներկայացրեց ՀՀ վարչապետ Նիկոլ Փաշինյանին` վստահեցնելով, որ սա լավագույն և անցնցում ձևն է։

Նա խոսեց առկա ներքաղաքական լարված իրավիճակի, խորացող ճգնաժամի մասին, անդրադարձավ բանակի շուրջ բարձրացած աղմուկին։

Մարուքյանի խոսքով՝ ճգնաժամից դուրս գալու առաջին քայլը պետք է անի վարչապետը՝ հետ վերցնելով գլխավոր շտաբի պետ Օնիկ Գասպարյանի պաշտոնանկության վերաբերյալ որոշումը։

«Հանրապետության նախագահի աշխատակազմից հետ եք վերցնում գլխավոր շտաբի պետին ազատելու վերաբերյալ հրամանագրի նախագիծը և նաև կարող եք վերանշանակել գլխավոր շտաբի պետի տեղակալին, ձեռք չեք տալիս գլխավոր շտաբի ղեկավարությանը, հինգ բանակային կորպուսների ղեկավարությանը, և ընդհանրապես մի կողմ ենք քաշվում բանակից, թողնում ենք` զինվորականներն իրենց գործով զբաղվեն․ բանակը պետք է ապաքինվի, բանակը պետք է ոտքի կանգնեցնեն էդ մարդիկ, և իրենք էդ գործին էին լծված մինչև էս «ղալմաղալները»»,- նշեց Մարուքյանը։

Ի պատասխան վարչապետի այս քայլի՝ «Լուսավոր Հայաստան» խմբակցությունը ստորագրում է հուշագիր, որ վարչապետի հրաժարականի դեպքում չի առաջադրի այլ թեկնածու, թույլ կտա, որ խորհրդարանն անցնցում ցրվի, և անցկացվեն արտահերթ ընտրություններ։ Մարուքյանի խոսքով՝ արտահերթ ընտրություններով ձևավորված նոր իշխանությունը կորոշի՝ գլխավոր շտաբի ներկա ղեկավարության հետ կաշխատի, թե ոչ։

Մարուքյանը վստահ է, որ սա լավագույն առաջարկն է, որ մինչև հիմա արվել է վարչապետին, նա պնդեց, որ ավելի լավը չի էլ լինելու։

«Ես առաջարկում եմ դադարեցնել այս ղալմաղալը, պատերազմը, թաղային մակարդակի դաղալությունը, բանակի դեմ սանձազերծված անարդարությունը, հրամանագիրը հետ բերել, և մենք ստանձնենք խորհրդարանն անցնցում ցրելու պատասխանատվությունը»,- նշեց Մարուքյանը։

Խմբակցության ղեկավարը շեշտեց՝ «Լուսավոր Հայաստանի» համար տարբերություն չկա, թե ում կազմակերպած ընտրություններին կմասնակցեն։ Մասնակցել են Սերժ Սարգսյանի, ապա նաև Նիկոլ Փաշինյանի կազմակերպած ընտրություններին, պատրաստ են մի անգամ էլ դա անել հանուն երկրի կայունության։

Հիշեցնենք` հայաստանյան ներքաղաքաղական իրավիճակն ավելի սրվեց, երբ ՀՀ ԶՈւ Գլխավոր շտաբը փետրվարի 25-ին պահանջեց ՀՀ վարչապետ Նիկոլ Փաշինյանի հրաժարականը` ասելով, որ քաղաքական ղեկավարությունը պետությունը տանում է դեպի վտանգավոր սահմանագիծ։ Դա տեղի ունեցավ այն բանից հետո, երբ վարչապետը պաշտոնից հեռացրեց Գլխավոր շտաբի պետի առաջին տեղակալ Տիրան Խաչատրյանին։ Ի պատասխան Նիկոլ Փաշինյանը հայտարարեց ռազմական հեղաշրջման փորձի մասին և քաղաքացիներին կոչ արեց հավաքվել Հանրապետության հրապարակում՝ «հեղափոխությունը պաշտպանելու» համար։

Նա հայտնեց նաև, որ ստորագրել է Գլխավոր շտաբի պետ Օնիկ Գասպարյանին պաշտոնից հեռացնելու փաստաթուղթը, որը, սակայն, դեռ չի ստորագրել ՀՀ նախագահ Արմեն Սարգսյանը։ Փետրվարի 27-ի երեկոյան ՀՀ նախագահի աշխատակազմը հայտարարեց, որ Արմեն Սարգսյանը ՀՀ ԳՇ պետ Օնիկ Գասպարյանի պաշտոնանկության հրամանագրի նախագիծն իր առարկություններով վերադարձրել է ՀՀ վարչապետին:

Դրան հետևեց վարչապետ Փաշինյանի հայտարարությունը, որ ՀՀ նախագահի որոշումն ամենևին չի նպաստում ստեղծված իրավիճակի հանգուցալուծմանը։ Վարչապետը տեղեկացրեց, որ ԳՇ պետին պաշտոնանկ անելու միջնորդությունը կրկին ուղարկում է ՀՀ նախագահին՝ ակնկալելով, որ այն սահմանված կարգով կստորագրվի։

Երեկ Փաշինյանը հայտարարեց, որ մարտի 1-ին` ժամը 18:30-ին, հանրահավաք է անցկացնելու Հանրապետության հրապարակում։ Նա բոլորին հորդորել էր մասնակցել հանրահավաքին և երթին։

279
թեգերը:
Նիկոլ Փաշինյան, Էդմոն Մարուքյան, Հայաստան
Ըստ թեմայի
Երևանի ավագանու «Իմ քայլը» խմբակցությունն արձագանքել է Նիկոլ Փաշինյանի կոչին
Հնարավոր բախման թիվ 1 պատասխանատուն իշխանությունն է․ Վանեցյանը՝ առաջիկա հանրահավաքի մասին
«Ախր, դուք այդքան ձայն չունեք»․ Մարուքյանը` ՀՀ նախագահի հնարավոր իմպիչմենտի մասին
Մարտի 1-ին իշխանության ու ընդդիմության հանրահավաքները գրեթե միաժամանակ կմեկնարկեն
Վազգեն Մանուկյան

Մարտի 1-ին իշխանության ու ընդդիմության հանրահավաքները գրեթե միաժամանակ կմեկնարկեն

271
(Թարմացված է 20:12 28.02.2021)
Հայրենիքի փրկության շարժման խորհուրդը հայտարարություն է տարածել` շեշտելով, որ իրենք չեն հանդուրժելու մեկ հոգու կողմից պետական ինստիտուտների կազմաքանդումը։

ԵՐԵՎԱՆ, 28 փետրվարի – Sputnik․ Մարտի 1-ին՝ ժամը 18։00-ին, Բաղրամյան պողոտայում կսկսվի ընդդիմության հանրահավաքը։ Հայրենիքի փրկության շարժման խորհուրդն է նման որոշում կայացրել՝ հաշվի առնելով վերջին զարգացումներն ու ստեղծված իրավիճակը։

«Այս հանրահավաքին կարևոր է յուրաքանչյուրիդ մասնակցությունը։ Մեր մասնակցությամբ պետք է վերահաստատենք, որ չենք հանդուրժելու մեկ հոգու կողմից պետական բոլոր ինստիտուտների կազմաքանդումը, կանգնելու ենք մեր Բանակի, Հանրապետության նախագահի կողքին և մինչև վերջ պաշտպանելու ենք մեր պետականությունը՝ նույնը պահանջելով նաև մյուս կառույցներից»,- նշված է շարժման` Facebook-ի պաշտոնական էջում տարածած հաղորդագրության մեջ։

Նշվում է, որ իշխանության հեռացումն անխուսափելի է: Հայրենիքի փրկության շարժման խորհուրդը կոչ է անում մասնակցել հանրահավաքին, համախմբել ուժերը՝ վարչապետի պաշտոնանկության պահանջով։

Շարժման վարչապետի թեկնածու Վազգեն Մանուկյանը երեկ Բաղրամյան պողոտայում կազմակերպված բողոքի ակցիայի ժամանակ հայտարարել էր, որ մարտի 1-ին հանրահավաք կանցկացնեն 16։00-ին։

Հիշեցնենք` հայաստանյան ներքաղաքաղական իրավիճակն ավելի սրվեց, երբ ՀՀ ԶՈւ Գլխավոր շտաբը փետրվարի 25-ին պահանջեց ՀՀ վարչապետ Նիկոլ Փաշինյանի հրաժարականը` ասելով, որ քաղաքական ղեկավարությունը պետությունը տանում է դեպի վտանգավոր սահմանագիծ։ Դա տեղի ունեցավ այն բանից հետո, երբ վարչապետը պաշտոնից հեռացրեց Գլխավոր շտաբի պետի առաջին տեղակալ Տիրան Խաչատրյանին։ Ի պատասխան Նիկոլ Փաշինյանը հայտարարեց ռազմական հեղաշրջման փորձի մասին և քաղաքացիներին կոչ արեց հավաքվել Հանրապետության հրապարակում՝ «հեղափոխությունը պաշտպանելու» համար։

Նա հայտնեց նաև, որ ստորագրել է Գլխավոր շտաբի պետ Օնիկ Գասպարյանին պաշտոնից հեռացնելու փաստաթուղթը, որը, սակայն, դեռ չի ստորագրել ՀՀ նախագահ Արմեն Սարգսյանը։ Փետրվարի 27-ի երեկոյան ՀՀ նախագահի աշխատակազմը հայտարարեց, որ Արմեն Սարգսյանը ՀՀ ԳՇ պետ Օնիկ Գասպարյանի պաշտոնանկության հրամանագրի նախագիծն իր առարկություններով վերադարձրել է ՀՀ վարչապետին:

Դրան հետևեց վարչապետ Փաշինյանի հայտարարությունը, որ ՀՀ նախագահի որոշումն ամենևին չի նպաստում ստեղծված իրավիճակի հանգուցալուծմանը։ Վարչապետը տեղեկացրեց, որ ԳՇ պետին պաշտոնանկ անելու միջնորդությունը կրկին ուղարկում է ՀՀ նախագահին՝ ակնկալելով, որ այն սահմանված կարգով կստորագրվի։

Երեկ Փաշինյանը հայտարարեց, որ մարտի 1-ին` ժամը 18:30-ին, հանրահավաք է անցկացնելու Հանրապետության հրապարակում։ Նա բոլորին հորդորել էր մասնակցել հանրահավաքին և երթին։

271
թեգերը:
Հայրենիքի փրկության շարժում, հանրահավաք, Հայաստան
Ըստ թեմայի
Հնարավոր բախման թիվ 1 պատասխանատուն իշխանությունն է․ Վանեցյանը՝ առաջիկա հանրահավաքի մասին
Արմեն Սարգսյանի հերթն էլ եկա՞վ․ «Իմ քայլի» պատգամավորն արդեն խոսում է իմպիչմենտի մասին
«Ախր, դուք այդքան ձայն չունեք»․ Մարուքյանը` ՀՀ նախագահի հնարավոր իմպիչմենտի մասին
ԳՇ պետին հեռացնելու պատճառ չկա, կամ ի՞նչ կլինի, եթե Արմեն Սարգսյանը դիմի ՍԴ
ՃՏՊ, արխիվային լուսանկար

Վրաերթ Արարատի մարզում. տղամարդը մի քանի մետր շպրտվել է ու տեղում մահացել

0
(Թարմացված է 00:19 01.03.2021)
Վարորդը փախուստի չի դիմել, փորձել է օգնություն ցուցաբերել վրաերթի ենթարկված տղամարդուն։

ԵՐԵՎԱՆ, 28 փետրվարի – Sputnik. Այսօր՝ փետրվարի 28-ին, մահվան ելքով վրաերթ է տեղի ունեցել Արարատի մարզում: Ժամը 20:30–ի սահմանում Նիզամի գյուղի բնակիչ, 38-ամյա Էդուարդ Աբրահամյանը՝ Նիզամի գյուղի կենտրոնական փողոցում իր վարած «Mercedes» մակնիշի ավտոմեքենայով վրաերթի է ենթարկել համագյուղացուն` 76-ամյա Միրզա Աբրամովին: Տեղեկությունը հայտնում է shamshyan.com–ը։

Ըստ կայքի` վարորդը փախուստի չի դիմել, փորձել է օգնություն ցուցաբերել վրաերթի ենթարկվածին, սակայն վերջինս, որ հարվածից մի քանի մետր շպրտվել է, տեղում մահացել է:

Սպանություն Լոռիում. 35–ամյա տղամարդը մահացել է մինչև հիվանդանոց հասնելը

Փաստի առթիվ հարուցվել է քրեական գործ ՀՀ ՔՕ 242 հոդվածի 2-րդ մասի հատկանիշներով:

Քննիչի հանձնարարականով ավտոմեքենան տեղափոխվել է ոստիկանության Մասիսի բաժնի պահպանվող հատուկ տարածք:

Փարաքար-Մուսալեռ ավտոճանապարհին բախվել են «Mazda»-ն և «Honda Elison»-ը․ կա զոհ

0
թեգերը:
վարորդ, Մահ, Վրաերթ, Արարատի մարզ, Հայաստան
Ըստ թեմայի
Երկու անգամ նույն տունն է մտել գողության համար, Սևանի ոստիկանները բռնել են դեպքի վայրում
Հրդեհ Աբովյան քաղաքում. այրված կրպակում դիակ են հայտնաբերել
Նուբարաշենի գերեզմանները թալանել են. ոստիկանները հայտնաբերել են գողերին