Ծառուկյանն ու Փաշինյանը

Փաշինյանի ու Ծառուկյանի հանդիպումները հաճախակի՞ են դարձել․ «Ժողովուրդ»

95
Թերթի տեղեկություններով՝ ՀՀ վարչապետ Նիկոլ Փաշինյանն ու ԲՀԿ առաջնորդը կրկին հանդիպել են ու տարբեր հարցեր քննարկել, այդ թվում՝ Հրայր Թովմասյանի լիազորությունների դադարեցմանը վերաբերող հարցը։

ԵՐԵՎԱՆ, 1 հոկտեմբերի - Sputnik. ՀՀ վարչապետ Նիկոլ Փաշինյանն ու ԲՀԿ առաջնորդ Գագիկ Ծառուկյանը հանդիպել են, ավելին՝ նրանց հանդիպումները վերջին շրջանում հաճախակի են դարձել, նույնիսկ շաբաթվա ընթացքում մի քանի անգամ: Այս մասին գրում է «Ժողովուրդ» օրաթերթը։

«Փաշինյան-Ծառուկյան հանդիպման ժամանակ քննարկվել են ամենատարբեր հարցեր` առանցքայինը, սակայն, ՍԴ նախագահ Հրայր Թովմասյանի լիազորությունների դադարեցման վերաբերյալ հարցն է եղել»,- գրում է օրաթերթը՝ նշելով, որ փորձել է մանրամասներ ճշտել Գագիկ Ծառուկյանի մամուլի խոսնակ Իվետա Տոնոյանից:

Նա չի հերքել հանդիպման լուրը, բայց նաև մանրամասներ չի փոխանցել` ասելով, որ տեղեկատվությանը չի տիրապետում:

Թերթը նաև հավելում է, որ «Բարգավաճ Հայաստան» խմբակցությունը չի շտապում ասել, թե ինչպես կքվեարկի ՍԴ նախագահի լիազորությունների դադարեցման վերաբերյալ հարցի քննարկմանը: Բայց ըստ տեղեկությունների` քվեարկությունը խմբակցությունում ազատ է լինելու:

«Ըստ մեր աղբյուրների, սա է հիմնական պատճառը, որ Փաշինյանը Ծառուկյանի հետ հանդիպում է նախաձեռնել»,- գրում է թերթը:

Կողմ քվեարկելու մասին միայն «Լուսավոր Հայաստանն» է հստակ ասել, իսկ եթե 88 հոգանոց «Իմ քայլում» էլ դեմ քվեարկողներ լինեն, ապա հնարավոր է` հարցի քվեարկությունը տապալվի»:

Հարությունյան. «Հրայր Թովմասյանի գործը զուտ քաղաքական է և իրավունքի հետ որևէ աղերս չունի»

Հիշեցնենք, որ «Իմ քայլը» ՍԴ նախագահ Հրայր Թովմասյանի լիազորությունները դադարեցնելու վերաբերյալ նախագիծ է նախաձեռնել:

Որոշման նախագիծն արդեն հրապարակված է ԱԺ պաշտոնական կայքում։ Այն պետք է քննարկվի ԱԺ Պետաիրավական հանձնաժողովի առաջիկա նիստում, ապա ներառվի ԱԺ հերթական նիստի օրակարգում։

ԱԺ–ում հաստատվելուց հետո միայն դիմումը կուղարկվի ՍԴ։ ՍԴ–ում դիմումը բավարարելու համար դրան պետք է «կողմ» քվեարկեն ՍԴ դատավորներից առնվազն 6-ը։

95
թեգերը:
Գագիկ Ծառուկյան, Նիկոլ Փաշինյան, Հայաստան
Ըստ թեմայի
Վարդևանյան. «Հրայր Թովմասյանի դեպքում չենք կարող խոսել էական կարգավարական խախտման մասին»
ԼՀԿ-ն կողմ կքվեարկի Հրայր Թովմասյանի լիազորությունները դադարեցնելու մասին նախագծին
«Մենք մտադիր չենք պաշտոնանկ անել ՍԴ նախագահին». պատգամավոր
«Մարդկանց մոտ տպավորություն կա, որ դատական համակարգն ամենավատն է. նման բան չկա». նախարար