ԵՐԵՎԱՆ, 24 սեպտեմբերի – Sputnik․ Ռուսաստանի Դաշնության նախագահ Վլադիմիր Պուտինը ծրագրում է հոկտեմբերի 1-ին Երևանում մասնակցել Եվրասիական տնտեսական բարձրագույն խորհրդի նիստին։ Ինչպես հայտնում է ՌԻԱ Նովոստին, այս մասին ասել է ՌԴ փոխարտգործնախարար Անդրեյ Ռուդենկոն։
«Հայաստանն ու Ռուսաստանը վստահաբար ընթանում են բազմոլորտ գործակցության ամրապնդման ուղղությամբ։ Քաղաքական ինտենսիվ երկխոսությունը պահպանվում է բարձրագույն մակարդակում։ Մեկ շաբաթից՝ հոկտեմբերի 1-ին, Պուտինը կայցելի Երևան՝ Եվրասիական տնտեսական բարձրագույն խորհրդի նիստին մասնակցելու համար»,- ասել է Ռուդենկոն Հայաստանի Անկախության օրվան նվիրված ընդունելության ժամանակ։
Հիշեցնենք, որ դեռ մայիսի 8–ին ՀՀ վարչապետ Նիկոլ Փաշինյանը հայտարարել էր, որ ՌԴ նախագահ Վլադիմիր Պուտինը հոկտեմբերի 1-ին ժամանելու է Հայաստան:
