Արթուր Վանեցյան

«Եթե մի քիչ էլ շատ միֆեր գրեն իմ մասին, կարող է` ավելի շուտ խոսեմ». Արթուր Վանեցյան

1109
(Թարմացված է 23:00 19.09.2019)
ԱԱԾ նախկին տնօրեն Արթուր Վանեցյանը բացառում է քաղաքական որևէ ուժին անդամակցելու հնարավորությունը։ Նա խոսել է իր անունը ԲՀԿ–ի հետ կապելու և իր հայտարարությունը Facebook–ից հեռացնելու մասին։

ԵՐԵՎԱՆ, 19 սեպտեմբերի – Sputnik. ՀՀ ազգային անվտանգության ծառայության նախկին տնօրեն Արթուր Վանեցյանը հերքել է իր և ԲՀԿ առաջնորդ Գագիկ Ծառուկյանի հետ հանդիպման լուրը։ Նա այս մասին ասել է armtimes.com–ին։

Մամուլում այսօր տեղեկություն տարածվեց, որ Արթուր Վանեցյանն ու Գագիկ Ծառուկյանը հանդիպել են, հանդիպումը տեղի է ունեցել Ծառուկյանի առանձնատանը և տևել մի քանի ժամ: Այնուհետև մամուլը, հղում անելով իր աղբյուրներին, գրեց, որ Վանեցյանը առաջիկայում կանդամագրվի ԲՀԿ-ին:

«Ես իմ համար հանգիստ ընտանիքիս հետ նստած եմ, ինչ ասես գրում են, ամոթ է»,- պարբերականի հետ զրույցում ասել է Վանեցյանը:

Նա նշել է, որ «Բարգավաճ Հայաստան» կուսակցությանն անդամագրվելու վերաբերյալ խոսակցություն չի էլ եղել։

«Բացառում եմ երբևիցե կյանքիս մեջ որևէ փուլում «Բարգավաճ Հայաստան» կուսակցությանը անդամագրվելու հնարավորություն և առհասարակ ցանկացած քաղաքական ուժի անդամակցություն»,– ասել է նա:

Վանեցյանը հայտնել է նաև, որ տեղյակ չէ, թե ինչու է իր հայտարարությունը հեռացվել ԱԱԾ–ի Facebook–յան էջից։ «Իմ իմացությամբ չի հանվել, հանվել է նոր ղեկավարության կողմից, չգիտեմ՝ ինչ հանգամանքներից ելնելով»,– ասել է նա:

Լրագրողի հարցին, թե հրաժարականի հստակ պատճառների մասին ե՞րբ կխոսեք, Վանեցյանը պատասխանել է. «Պատճառների մասին կխոսեմ ըստ անհրաժեշտության, եթե մի քիչ էլ շատ միֆեր գրեն իմ մասին, կարող է` ավելի շուտ խոսեմ, իսկ եթե հանգիստ թողեն ինձ, ուրեմն հանգիստ կշարունակեմ իմ կյանքը»:

ԱԱԾ նախկին տնօրենն ասել է նաև, որ չի հրաժարվելու Ֆուտբոլի ֆեդերացիայի նախագահի պաշտոնից։

Վանեցյանի ու Օսիպյանի պաշտոնանկություններով կառավարությունն ուժեղացել է. Հակոբ Արշակյան

«Ցանկացած պարագայում շարունակելու եմ պաշտոնավարել որպես Ֆուտբոլի ֆեդերացիայի նախագահ և զարգացնելու եմ հայկական ֆուտբոլը, որի վերջին մեկ տարվա հաջողությունները բոլորը տեսել են, և ես խնդրում, հորդորում եմ բոլորին, որպեսզի ֆուտբոլը չմտցնեն նման «քաղաքական» քննարկումների մեջ և թողեն, որ ես զբաղվեմ ֆուտբոլով»,– նշել է նա։

Հիշեցնենք` սեպտեմբերի 16-ին ՀՀ վարչապետ Նիկոլ Փաշինյանը հայտնեց, որ ստորագրել է ԱԱԾ տնօրեն Արթուր Վանեցյանի հրաժարականի միջնորդությունը։ Դրան հաջորդեց Վանեցյանի հայտարարությունը, իսկ ավելի ուշ ՀՀ նախագահ Արմեն Սարգսյանը ստորագրեց հրամանագիրը։

1109
թեգերը:
Գագիկ Ծառուկյան, Բարգավաճ Հայաստան կուսակցություն (ԲՀԿ), Արթուր Վանեցյան, Հայաստան
Ըստ թեմայի
Կան մի քանի թեկնածուներ. Փաշինյանը` Վանեցյանին փոխարինողի մասին
Դանիելյան. «Արթուր Վանեցյանի հայտարարությունն ահազանգ է»
«Բարի գալուստ բանական աշխարհ». Միքայել Մինասյանը պատասխանել է Արթուր Վանեցյանին
Վանեցյանն ընտանիքի հետ ազատել է կառավարական ամառանոցը
Արարատ Միրզոյան. արխիվային լուսանկար

Կորոնավիրուսի դեմ պայքարը քննելու` ԲՀԿ-ի և ԼՀԿ-ի առաջարկն «Իմ քայլը» կքննարկի սեպտեմբերին

43
(Թարմացված է 23:26 02.07.2020)
Ընդդիմությունն առաջարկում էր կորոնավիրուսի քննիչ հանձնաժողով ստեղծել, որը կունենա 12 անդամ և կգործի կես տարի:

ԵՐԵՎԱն, 2 հուլիսի - Sputnik. Կորոնավիրուսի դեմ պայքարը քննելու` ԱԺ ընդդիմադիր «Բարգավաճ Հայաստան» և «Լուսավոր Հայաստան» խմբակցությունների առաջարկը իշխանական «Իմ քայլը» կքննարկի սեպտեմբերին։ Այս մասին տեղեկացնում է ԱԺ մամուլի ծառայությունը՝ հղում տալով նախագահ Արարատ Միրզոյանին։

«Կորոնավիրուսի քննիչ հանձնաժողովի անդամների թիվը սահմանող նախագիծը կքննարկվի Ազգային ժողովի 2020թ.–ի սեպտեմբեր ամսվա առաջին հերթական նիստում», - ասվում է ԱԺ նախագահ Արարատ Միրզոյանի հայտարարության մեջ:

Նշենք, որ համաձայն կանոնակարգի՝ ԱԺ-ում նոր հանձնաժողով կարող է ստեղծվել պատգամավորների ընդհանուր թվի առնվազն մեկ քառորդի պահանջով․ այդ թվաքանակն ընդդիմադիր խմբակցություններն ապահովել են։

Հանձնաժողովը քննելու է նոր կորոնավիրուսի (COVID 19) տարածումը կանխելու, այդ վիրուսի դեմ պայքարի, համավարակի հետևանքների մեղմման կամ վերացման ուղղությամբ Հայաստանի Հանրապետության կառավարության և պարետատան իրականացրած միջոցառումների արդյունավետությունը, ինչպես նաև արտակարգ դրության ժամանակահատվածում Մարդու իրավունքների և հիմնարար ազատությունների սահմանափակումների արդյունավետությունն ու իրավաչափությունը։

Կորոնավիրուսի դեմ պատվաստանյութ լինելու է, բայց Հայաստանին կարող է չհասնել. Թորոսյան

43
թեգերը:
ընդդիմություն, ՀՀ Ազգային ժողով, ԱԺ, «Իմ քայլը» դաշինք, «Լուսավոր Հայաստան» կուսակցություն, Բարգավաճ Հայաստան կուսակցություն (ԲՀԿ), Հայաստան, կորոնավիրուս
թեմա:
Կորոնավիրուսը Հայաստանում և Արցախում
Ըստ թեմայի
Ընդդիմությունը խաբկանքի մե՞ջ է. ինչ հարց է լուծում արտակարգ դրության երկարաձգումը
Ընդդիմության մեկ առաջնորդ ունենալու հարցում կարող է լինել տրիվիալ շահերի բախում. Մադոյան
Ընդդիմությունը բոյկոտել է ԱԺ արտահերթ նիստը. «Իմ քայլն» ամբողջ կազմով ներկա է
XVI съезд РПА. Выступление президента РА Сержа Саргсяна

ՀՀԿ-ն Սերժ Սարգսյանի նախագահությամբ նիստ է գումարել

150
(Թարմացված է 22:15 01.07.2020)
Կուսակցության ԳՄ նիստում քննարկվել է արտակարգ դրության ռեժիմի վերացման դեպքում գործունեության հիմնական ուղղություններն ու գերակայությունները, այլ հասարակական ու քաղաքական ուժերի հետ հնարավոր փոխգործակցության հարցերը։

ԵՐԵՎԱՆ, 1 հուլիսի — Sputnik. ՀՀԿ կենտրոնական գրասենյակում այսօր տեղի է ունեցել կուսակցության Գործադիր մարմնի հերթական նիստը: Կուսակցության տարածած հաղորդագրության մեջ նշվում է, որ նիստը վարել է ՀՀ երրորդ նախագահ, ՀՀԿ նախագահ Սերժ Սարգսյանը։

Հաղորդագրության համաձայն` նիստի ընթացքում քննարկվել են Հայաստանում ստեղծված համաճարակաբանական իրավիճակը, խորացող սոցիալ-տնտեսական ճգնաժամը, ներքաղաքական մի շարք զարգացումներ։

Քննարկվել են նաև սահմանադրական վերջին փոփոխությունները, երկրի ներքին ու արտաքին սպառնալիքները։

Գործադիր մարմինն անդրադարձել է կուսակցության ապագա ծրագրերին, այդ թվում՝ միջազգային համագործակցության ասպարեզում։

Նախանշվել են արտակարգ դրության ռեժիմի վերացման դեպքում կուսակցության գործունեության հիմնական ուղղություններն ու  գերակայությունները, այլ հասարակական ու քաղաքական ուժերի հետ հնարավոր փոխգործակցության հարցերը։

«Ռումբ է դրված պետության հիմքում». ՀՀԿ-ն մեղադրում է Փաշինյանին իշխանության յուրացման մեջ

150
թեգերը:
Հայաստան, Սերժ Սարգսյան, Հայաստանի Հանրապետական կուսակցություն (ՀՀԿ)
Ըստ թեմայի
Նիկոլ Փաշինյանի «անուժ կառավարությունը» պետք է հրաժարական տա. ՀՀԿ–ն հայտարարություն է արել
Փաշինյանը չի պատրաստվում կրկնել ՀՀԿ–ի սխալները
Փաշինյանը խնդիր կդնի` խորանալ այնքան, որ ՀՀԿ-ի կոռուպցիոն գործերն էլ բացահայտվեն
Արսեն Թորոսյան. արխիվային լուսանկար

Հայաստանում կորոնավիրուսային իրավիճակը պայթյունավտանգ չէ. Արսեն Թորոսյան

0
(Թարմացված է 16:55 03.07.2020)
Բոլոր կանխատեսումներով` կորոնավիրուսի հաստատված դեպքերն այսօր կարող էին 30 000-ից ավելին լինել, բայց 27 320 են:

ԵՐԵՎԱՆ, 3 հուլիսի - Sputnik. ՀՀ-ում կորոնավիրուսային իրավիճակը պայթյունավտանգ չէ: Այսօր լրագրողների հետ ճեպազրույցում նման հայտարարություն արեց ՀՀ առողջապահության նախարար Արսեն Թորոսյանը:

«Բոլոր կանխատեսումներով, մենք այսօր կարող էինք ունենալ 30 000-ից ավելի հաստատված դեպք, բայց չունենք: Այսինքն, այնուամենայնիվ, կարողանում ենք զսպել տարածումը: Կարծես թե ուղիղ գծի վրա ենք հունիսի կեսերից սկսած»,- ասաց նա՝ հավելելով, որ Հայաստանում բոլոր հիվանդները պատշաճ բուժօգնություն են ստանում, ինչը շատ զարգացած երկրներում տեղի չի ունեցել:

«Հիվանդներին պետք է օգնության հասնի առողջապահության համակարգը: Եվ մենք միշտ պետք է հիշենք, որ գտնվում ենք համաճարակի մեջ, որը կրկնակի, եռակի բեռ է առողջապահության համակարգի համար»,- ասաց նա:

Իրավիճակն, ըստ Թորոսյանի, ամեն օր փոխվում է. եթե այսօր առավոտյան տանը հոսպիտալացման սպասող ընդամենը երկու հիվանդ է եղել, ապա մեկ օր առաջ նրանց թիվը 20 էր:

Վրաստանը պատրաստվում է բացել սահմանները, բայց ոչ բոլորի համար. Հայաստանից մարդ կընդունե՞ն

Այն հիվանդները, որոնց կորոնավիրուսային թեստերի պատասխանները դեռ չեն ստացվել, բայց նրանց մոտ առկա է շնչահեղձություն, Արսեն Փորոսյանի հավաստմամբ, մինչ հիվանդության հաստատումը համապատասխան բուժօգնություն է տրամադրվում այլ բուժհիմնարկներում:

Հիշեցնենք՝ հուլիսի 3-ի տվյալներով` Հայաստանում կորոնավիրուսով վարակվածների թիվը 27 320 է։ Վերջին մեկ օրում 662 նոր դեպք է հաստատվել։ 

0
թեգերը:
ՀՀ Առողջապահության նախարարություն, կորոնավիրուս, «Նորք» ինֆեկցիոն հիվանդանոց, հիվանդանոց, հիվանդ, Արսեն Թորոսյան
թեմա:
Կորոնավիրուսը Հայաստանում և Արցախում
Ըստ թեմայի
«Այս իրավիճակից դուրս գալու այլ ելք չկա. պարզապես չկա». Թորոսյանը գրառում է արել
Թորոսյանն այցելել է Վեդու և Արտաշատի ԲԿ-ներում բուժվող կորոնավիրուսով վարակվածներին
Դուք «մահացած» ԲՀԿ-ով զբաղվեք․ Արսեն Թորոսյանը պատասխանել է Նաիրա Զոհրաբյանին