Լիլիթ Մակունց

Մտածեցի՝ ցանկում իմ անունն էլ կարող է գտնեմ. Մակունցը՝ հնարավոր պաշտոնանկությունների մասին

100
(Թարմացված է 17:15 19.09.2019)
Մակունցը հերքում է «Իմ քայլում» սպասվող հրաժարականների մասին լուրը. խմբակցությունը դեռ շատ անելիքներ ունի հատկապես դատաիրավական համակարգի հետ կապված:

ԵՐԵՎԱՆ, 19 սեպտեմբերի - Sputnik. Հրաժարականների ու պաշտոնանկությունների ցանկն այնքան մեծ էր, որ մտածեցի՝ իմ անունն էլ կարող է գտնեմ:

Այս մասին, այսօր՝ սեպտեմբերի 19-ին, ԱԺ-ում լրագրողների հետ զրույցում նշեց «Իմ քայլը» խմբակցության ղեկավար Լիլիթ Մակունցը՝ անդրադառնալով այսօր մամուլում հրապարակված այն պաշտոնյաների ցանկին, որոնց հրաժարականը սպասվում է առաջիկա օրերին:

Հրայր Թովմասյանի պաշտոնանկության նախագիծն արդեն պատրաստ է. Միրզոյան

«Ես նույնպես ծանոթացել եմ այդ ցանկին, որ հրապարակվել էր մամուլում: Անկեղծ ասած, այնքան մեծ էր այդ ցուցակը, որ նույնիսկ մտածում էի՝ իմ անունն էլ այնտեղ կգտնեմ: Կատակը մի կողմ, իհարկե, որեւէ բան չի քննարկվել վարչության նիստի ժամանակ: Ինքս չունեմ որեւէ տեղեկատվություն, որ ինչ-որ մեկը հրաժարական է ներկայացնելու, մասնավորապես, գործադիրից»,-ասաց Մակունցը:

Անդրադառնալով իշխանական խմբակցությունում սպասվող հրաժարականների մասին մամուլի հրապարակումներին՝ նա հայտարարեց, որ «Իմ քայլը» խմբակցությունում հրաժարականներով զուգորդված զարգացումներ չեն սպասվում: Ասաց՝ «Իմ քայլը» խմբակցությունն ուժեղ է ավելի, քան երբևէ, այն դեռ շատ անելիքներ ունի բարեփոխումների, ռեֆորմների հետ կապված, այդ թվում դատաիրավական:

«Պաշտոնները հավերժ չեն». Մակունցը` պաշտոնանկությունների մասին

Հիշեցնենք՝ այսօր մամուլը գրել էր, որ առաջիկայում զբաղեցրած պաշտոններից հրաժարական կտան փոխվարչապետ Մհեր Գրիգորյանը, արտգործնախարար Զոհրաբ Մնացականյանը, պաշտպանության նախարար Դավիթ Տոնոյանը:

«Ժողովուրդը» գրել էր, որ նախարարական պորտֆելներն ինքնակամ կհանձնեն նաև արտակարգ իրավիճակների նախարար Ֆելիքս Ցոլակյանը, ՀՀ շրջակա միջավայրի նախարար Էրիկ Գրիգորյանը, Ֆինանսների, էկոնոմիկայի նախարարները և ԿԱ ՊԵԿ ղեկավարները, ինչպես նաև ՀՀ սոցիալական հարցերի նախարար Զարուհի Բաթոյանն ու ՀՀ առողջապահության նախարար Արսեն Թորոսյանը:

100
թեգերը:
Վալերի Օսիպյան, Արթուր Վանեցյան, ՀՀ կառավարություն, Վարչապետ, «Իմ քայլը» դաշինք, Հրաժարական, պաշտոնանկություն, Լիլիթ Մակունց
Ըստ թեմայի
Իմ հրաժարականը թող լինի «Կանգ առ»-ի սթափեցնող քայլ. Վանեցյանը խոսել է իր հրաժարականի մասին
ԱԱԾ տնօրենի հրաժարականը լուրջ հարված է այսօրվա իշխանությանը. Շարմազանով
Մի հրաժարականի պատմություն. ինչպես «սև կատու անցավ» Փաշինյանի ու Վանեցյանի արանքով
Պաշտպանության նախարարը մեկնաբանել է իր հնարավոր հրաժարականի մասին լուրերը
«Եթե խանգարում էին, պետք է հեռանային». քաղաքագետը` աղմկահարույց հրաժարականների մասին
Դժգոհ էր և գեներալի ուսադիրներ էր տալի՞ս. փորձագետները` ուժայինների հրաժարականների մասին
Մանե Գևորգյան

Փաշինյանի խոսնակը պատասխանել է Գագիկ Ծառուկյանին

390
(Թարմացված է 00:26 06.06.2020)
Մանե Գևորգյանը կարծում է, որ Ծառուկյանը պարզապես մտահոգված է մի շարք քրեական գործերի ընթացքով։

ԵՐԵՎԱՆ, 6 հունիսի – Sputnik. ՀՀ վարչապետ Նիկոլ Փաշինյանի խոսնակ Մանե Գևորգյանն արձագանքել է «Բարգավաճ Հայաստան» կուսակցության նախագահ Գագիկ Ծառուկյանի այն հայտարարությանը, որ իշխանության անդամների 100 տոկոսը պետք է փոխվի։

Ծառուկյանն այդ հայտարարությունն արել է ԲՀԿ քաղաքական խորհրդի հրատապ նիստի ժամանակ։

«Կարծում եմ պարոն Ծառուկյանը պարզապես մտահոգված է մի շարք քրեական գործերի ընթացքով, որոնք վերաբերվում են փողերի լվացմանը, ընտրակաշառք բաժանելուն, հարկերից խուսափելուն, կոռուպցիային: Եթե պարոն Ծառուկյանը կարծում է, որ իր քաղաքական հայտարարությունները կշեղեն քննության բնականոն ընթացքը, սխալ հաշվարկ է, որովհետև Հայաստանում բոլորը հավասար են օրենքի առաջ, նաև՝ ապօրինի ձեռք բերված գույքը բռնագանձելու մասին օրենքի առաջ, որով մտահոգվելու առիթ նույնպես պարոն Ծառուկյանը կարող է ունենալ»,– Facebook–ի իր էջում գրել է նա։

Հիշեցնենք`հունիսի 2-ին ՀՀ քննչական կոմիտեն հայտնել էր, որ «Երևանի Արարատ կոնյակի-գինու-օղու կոմբինատի» տնօրենին մեղադրանք է առաջադրել երկու հոդվածով` ապացույցները կեղծելու և գույքային վնաս պատճառելու համար։

390
թեգերը:
Մանե Գևորգյան (ՀՀ վարչապետի մամուլի խոսնակ), Գագիկ Ծառուկյան, Հայաստան
Ըստ թեմայի
Գագիկ Ծառուկյանին մի քանի ժամ հարցաքննել են. «Ժամանակ»
Գագիկ Ծառուկյանի ընկերության դեմ սնանկության վարույթ է ներկայացվել. հայտնի են պատճառները
Ինչու է ՊԵԿ-ը ստուգում Գագիկ Ծառուկյանի ձեռնարկությունները
Գագիկ Ծառուկյան

Իշխանության անդամների 100 տոկոսը պետք է փոխվի. Գագիկ Ծառուկյան

245
(Թարմացված է 22:44 05.06.2020)
ԲՀԿ նախագահի կարծիքով` կառավարությանը հնարավորություն էր տրված, որ կարողանար ժողովրդի սպասելիքներն իրականացնել, բայց ոչինչ չստացվեց։

ԵՐԵՎԱՆ, 5 հունիսի – Sputnik. «Բարգավաճ Հայաստան» կուսակցության նախագահ Գագիկ Ծառուկյանը կարծում է, որ իշխանության անդամների 100 տոկոսը պետք է փոխվի, քանի որ բոլոր ոլորտները ձախողված են։ Ծառուկյանը նման հայտարարությամբ է հանդես եկել այսօր` ԲՀԿ քաղաքական խորհրդի հրատապ նիստի ժամանակ։

«Ես դեռ մեկ տարի առաջ ասել եմ, որ նման կազմով հնարավոր չէ ժողովրդին տված խոստումներն իրականացնել։ Այն ժամանակ ասել եմ, որ պետք է 97 տոկոսին փոխել, բայց հիմա ասում եմ` պետք է բոլորին փոխել։ Ժողովուրդը փորձադաշտ չէ»,–ասել է Ծառուկյանը։

Նրա խոսքով` կառավարությանը հնարավորություն էր տրված, որ կարողանար ժողովրդի սպասելիքներն իրականացնել, սակայն ոչինչ չի ստացվել։

Ծառուկյանը նշել է, որ ներդրումների համար այդպես էլ համապատասխան պայմաններ չեն ստեղծվել, գյուղատնտեսությունը չի զարգանում, իսկ ժողովրդին պետությունը 20-25 տոկոսով է վարկեր տվել։

Անդրադառնալով կորոնավիրուսի թեմային` ԲՀԿ ղեկավարը նշել է, որ մարզեր կան, որտեղ թեստեր չկան, ինչն անփորձության հետևանք է։ Նա ասել է նաև, որ ամենաանազնիվ քայլն այն էր, որ ստեղծված իրավիճակի ողջ պատասխանատվությունը փորձեցին գցել ժողովրդի վրա։

Հիշեցնենք, որ ՀՀ վարչապետ Նիկոլ Փաշինյանը ֆլեշմոբ է սկսել. Նա Facebook–ի իր էջում հրապարակում է քաղաքացիներից ստացած լուսանկարները, որոնցում երևում է` ինչպես են մարդիկ խախտում հակահամաճարակային կանոնները։ Լուսանկարների տարածման փաստը քննարկումների և քննադատումների տեղիք է տվել, դրանց առնչությամբ հնչում են տարբեր կարծիքներ։ Ավելին, Փաշինյանն արդեն իսկ որոշ գրառումներ հեռացրել է։

Ինչու են առողջացածների տվյալները նվազել. Փաշինյանը հայտնեց հաշվարկի նոր սխեմայի մասին

245
թեգերը:
Իշխանություն, կորոնավիրուս, Գագիկ Ծառուկյան
Ըստ թեմայի
Համաճարակն ու Հայաստանը․ կորոնավիրուսը արագացնո՞ւմ է քաղաքական գործընթացները
Քաղաքական ձախողումն ակնհայտ է. ո՞ր դեպքում Փաշինյանը կթողնի իշխանությունը
Պատերազմի ժամանակ ներքաղաքական պայքարը խելահեղություն է. Տեր-Պետրոսյանը` COVID-19-ի մասին
Արսեն Թորոսյան. արխիվային լուսանկար

Արևը չի օգնում. Թորոսյանը Ռուսաստանի առողջապահության նախարարի հետ խոսել է կորոնավիրուսից

62
(Թարմացված է 12:27 06.06.2020)
Ռուսաստանի ու Հայաստանի առողջապահության նախարարները քննարկել են կորոնավիրուսի տարածման հետ կապված իրավիճակը։

ԵՐԵՎԱՆ, 6 հունիսի – Sputnik. Ռուսաստանի առողջապահության նախարար Միխայիլ Մուրաշկոն ՀՀ առողջապահության նախարար Արսեն Թորոսյանի հետ քննարկել է կորոնավիրուսի տարածման հետ կապված իրավիճակը։ Տեղեկությունը հայտնում է ՌԻԱ Նովոստին՝ հղում անելով ՌԴ առողջապահության նախարարությանը։

«Ռուսաստանի առողջապահության նախարար Միխայիլ Մուրաշկոն բանակցություններ է անցկացրել Հայաստանի առողջապահության նախարար Արսեն Թորոսյանի հետ։ Քննարկվել են կորոնավիրուսային վարակի տարածման հետ կապված իրավիճակը, բժշկական օգնության կազմակերպման ու դեղորայքի ապահովման հարցերը», - նշված է հաղորդագրության մեջ։

Մամուլի ծառայությունից նշել են, որ Մուրաշկոն հայ գործընկերոջը հայտնել է կորոնավիրուսի բուժման վերաբերյալ նոր մեթոդական խորհուրդների նոր վարկածի թողարկման ու COVID-19-ի բուժման համար նախատեսված` ռուսական արտադրության նոր դեղորայքի գրանցման մասին։

Թորոսյանը նշել է, որ ամառն ու Հայաստանում օդի ավելի քան 30 աստիճան ջերմաստիճանը դրական ազդեցություն չեն ունեցել կորոնավիրուսի տարածման դինամիկայի ու վարակվածների թվի վրա։

Հիշեցնենք` ՀՀ վարչապետ Նիկոլ Փաշինյանն ասել էր, որ համաճարակային վիճակը երկրում վատանում է, բուժհաստատությունները չեն կարողանում ժամանակին հիվանդանոց տեղափոխել կորոնավիրուսով հիվանդ մարդկանց, որոնք դրա կարիքն ունեն։

Հայաստանում կորոնավիրուսով վարակվածների թիվը վերջին մեկ օրում ավելացել է 547–ով և դարձել 12 364։

Այս պահին փաստացի բուժում է ստանում 8385 մարդ, կատարվել է 66 674 թեստավորում, առողջացել են վարակվածներից 3720–ը։

Ընդհանուր առմամբ գրանցվել է 190 մահվան դեպք։

Հայաստանում կորոնավիրուսով վարակման 25-ից 30 հազար ասիմպտոմ դեպք կա․ Փաշինյան

62
թեգերը:
ՀՀ Առողջապահության նախարարություն, Ռուսաստան, Նախարար, Հայաստան, կորոնավիրուս, Արսեն Թորոսյան
թեմա:
Կորոնավիրուսը Հայաստանում և Արցախում
Ըստ թեմայի
Արևմուտքն արգելել է օգնության խնդրանքով դիմել Ռուսաստանին. Լավրով
Ռուսաստանում COVID-19–ի դեմ սկսել են «յոգուրտանման» պատվաստանյութ մշակել
Վրաստանն իր օգնությունն է առաջարկել Հայաստանին կորոնավիրուսի դեմ պայքարում