Աղաջանյանն ու Փաշինյանը

Փաշինյանն ամենայն հավանականությամբ պաշտոնանկությունների մասին հայտարարություն կանի

692
(Թարմացված է 15:06 18.09.2019)
Կառավարության աշխատակազմի ղեկավար Էդուարդ Աղաջանյանը Sputnik Արմենիայի հետ զրույցում չբացառեց, որ վարչապետ Նիկոլ Փաշինյանն առաջիկայում հանրությանը կպարզաբանի վերջին աղմկահարույց հրաժարականների պատճառները։

ԵՐԵՎԱՆ, 18 սեպտեմբերի — Sputnik. ՀՀ կառավարության աշխատակազմի ղեկավար Էդուարդ Աղաջանյանը կարծում է, որ վարչապետ Նիկոլ Փաշինյանն առաջիկայում հանրությանը կպարզաբանի վերջին աղմկահարույց հրաժարականների պատճառները։ Այս մասին Sputnik Արմենիային հայտնեց Աղաջանյանը` պատասխանելով հարցին, թե արդյո՞ք կառավարությունը չի պատրաստվում հանրությանը ներկայացնել Վանեցյանի ու Օսիպյանի հրաժարականների իրական պատճառները։

«Ես կարծում եմ` վարչապետը կանդրադառնա այդ որոշումներին։ Վանեցյանի մասով արդեն անդրադարձել է»,– ասաց Աղաջանյանը։

Իսկ թե երբ կլինի հայտարարությունը, պարզ չէ. աշխատակազմի ղեկավարը դժվարացավ հստակ ժամկետ նշել` ասելով, որ այդ հարցի որոշողն ինքը չէ։

Մինչ այդ լրագրողների հետ հանդիպմանը Աղաջանյանը հայտնեց, որ հիշյալ հրաժարականների պատճառներից ինքը տեղյակ չէ։

«Իմ գործառույթների մեջ դա չի մտնում»,– ասաց նա։

Նշենք, որ Օսիպյանը պաշտոնից ազատվել է այսօր` սեպտեմբերի 18-ին։ ՀՀ վարչապետ Նիկոլ Փաշինյանը նախագահ Արմեն Սարգսյանի ստորագրամանն է ներկայացրել նրա ազատման միջնորդագիրը, ՀՀ նախագահ Արմեն Սարգսյանն էլ ստորագրել է ազատման հրամանագիրը։

Հիշեցնենք` սեպտեմբերի 16-ին ՀՀ վարչապետ Նիկոլ Փաշինյանը հայտնեց, որ ստորագրել է Վանեցյանի հրաժարականի միջնորդությունը։ Դրան հաջորդեց Վանեցյանի հայտարարությունը։

692
թեգերը:
Հրաժարական, Արթուր Վանեցյան, Վալերի Օսիպյան, Նիկոլ Փաշինյան, Հայաստան
Ըստ թեմայի
Արթուր Վանեցյանի հոր դեմ քրեական գործ չի հարուցվել․ ՊԵԿ
Արթուր Վանեցյանից հետո պաշտոնից կազատվեն նաև Տոնոյանն ու Օսիպյանը. «Ժողովուրդ»
«Բարի գալուստ բանական աշխարհ». Միքայել Մինասյանը պատասխանել է Արթուր Վանեցյանին
Վանեցյանն ընտանիքի հետ ազատել է կառավարական ամառանոցը