Ապրիլյան պատերազմ

2016 թվականի Ապրիլյան պատերազմի հանգամանքները ՊՆ–ում հրաժարականների առիթ կդառնան

158
(Թարմացված է 11:56 18.09.2019)
ՀՀ պաշտպանության նախարար Դավիթ Տոնոյանը չի բացառում, որ քննիչ հանձնաժողովի աշխատանքի արդյունքներից ելնելով զինված ուժերում համապատասխան որոշումներ կկայացվեն։

ԵՐԵՎԱՆ, 18 սեպտեմբերի — Sputnik. 2016 թվականի Ապրիլյան քառօրյա պատերազմի հանգամանքներն ուսումնասիրող քննիչ հանձնաժողովի աշխատանքի արդյունքում ՊՆ–ում պաշտոնանկություններ կլինեն։ Մամուլում տարածված այս տեղեկությունն այսօր ԱԺ–ում, լրագրողների հետ զրույցում, չհերքեց ՀՀ պաշտպանության նախարար Դավիթ Տոնոյանը։

«Խոսվում է։ Հանձնաժողովն իր աշխատանքները կավարտի, կտեսնենք։ Արդյունքներից ելնելով որոշումներ կկայացնենք»,– ասաց Տոնոյանը։

Նախարարը չհերքեց նաև, որ որոշակիորեն ծանոթ է հանձնաժողովի աշխատանքների արդյունքներին։ Նախարարությունն իր կողմից նաև անհրաժեշտ տեղեկություններ է տրամադրում հանձնաժողովին։

«Հանձնաժողովի աշխատանքն արդյունավետ է այս պահին, որովհետև այն տեղեկությունները, որոնք իրենք ստանում են, կարծում եմ, բավարար են լինելու եզրակացություններ անելու համար»,– ասաց Տոնոյանը։

Պաշտպանության նախարարը հայտնեց նաև, որ ինքը հանձնաժողովի աշխատանքներին չի մասնակցել, հանձնաժողովի կողմից հրավեր չի ստացել։

Հիշեցնենք` 2019թ.–ի մայիսի 20-ին վարչապետ Նիկոլ Փաշինյանն Ազգային ժողովում հայտարարել էր Ապրիլյան պատերազմի հանգամանքներն ուսումնասիրող քննիչ հանձնաժողով ստեղծելու անհրաժեշտության մասին։

Ապրիլյան պատերազմի քննիչ հանձնաժողով կարող է հրավիրվել Սերժ Սարգսյանը

Փաշինյանը հայտարարել էր, որ «հասունացել է 2016 թվականի ապրիլյան պատերազմի հանգամանքներն ուսումնասիրող Ազգային ժողովի քննիչ հանձնաժողով ստեղծելու ժամանակը»:

«Կարծում եմ՝ ինձ էլ կհրավիրեն». Մնացականյանը՝ ապրիլյան դեպքերը քննող հանձնաժողովի մասին

Ավելի ուշ ԱԺ նախագահ Արարատ Միրզոյանը հայտարարեց, որ 2016 թվականի ապրիլին ծավալված ռազմական գործողությունների հանգամանքները ուսումնասիրելու նպատակով ստեղծված քննիչ հանձնաժողովի լիազորությունները կիրականացնի ԱԺ պաշտպանության եւ անվտանգության հարցերի մշտական հանձնաժողովը։

Քննիչ հանձնաժողովը ղեկավարում է ԱԺ Պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանը:

158
թեգերը:
Ապրիլյան քառօրյա պատերազմ, ԱԺ, ՀՀ Պաշտպանության նախարարություն (ՊՆ), Դավիթ Տոնոյան
Ըստ թեմայի
Ապրիլյան պատերազմի հանձնաժողովի ստեղծումը հակապետական մտածելակերպի արդյունք է. Աշոտյան
Ովքե՞ր են ՔՊ–ից մասնակցել ապրիլյան քառօրյային. բացահայտում է Փաշինյանը
Ապրիլյան պատերազմի մասնակիցները կհրավիրվեն հարցաքննության. «Հրապարակ»