Նիկոլ Փաշինյան

Եթե Ադրբեջանը ԼՂ հարցում կատեգորիկ է, մենք էլ կասենք` Արցախը Հայաստանն է ու վերջ. Փաշինյան

211
(Թարմացված է 17:00 16.09.2019)
Խնդիրն այն է, որ Ադրբեջանն անընդհատ հայտարարում է, թե ղարաբաղյան հարցը մեկ սկզբունքով կլուծվի` Ադրբեջանի տարածքային ամբողջականության շրջանակներում։

ԵՐԵՎԱՆ, 16 սեպտեմբերի — Sputnik. Եթե Ադրբեջանն ասում է, որ Ղարաբաղը պետք է լինի Ադրբեջանի կազմում և ադրբեջանական կողմի այս սկզբունքը կատեգորիկ է ու կոմպրոմիս չճանաչող, ուստի Հայաստանն էլ պետք է ասի` Արցախը Հայաստանն է և վերջ։ Այս մասին այսօր, Վանաձորում տեղի ունեցող մամուլի ասուլիսի ժամանակ ասաց ՀՀ վարչապետ Նիկոլ Փաշինյանը։

Հիշեցնենք, որ օգոստոսի 5-ին Ստեփանակերտում հրավիրված հանրահավաքին Փաշինյանն իր ելույթում ասել էր, որ Արցախը Հայաստանն է և վերջ։

«Խնդիրն այն է, որ Ադրբեջանն անընդհատ հայտարարում է, թե ղարաբաղյան հարցը մեկ սկզբունքով կլուծվի` Ադրբեջանի տարածքային ամբողջականության շրջանակներում։ Սակայն ԵԱՀԿ Մինսկի խմբի համանախագահների հետ աշխատանքային քննարկումների ընթացքում ասվել է, որ Ղարաբաղի կարգավիճակը կարող է լինել տարբեր, ընդհուպ` Ադրբեջանի կազմից դուրս»,–ասաց վարչապետը։

Նա հիշեցրեց, որ մեկ տարի առաջ հայտարարել է` Ղարաբաղի հարցի ցանկացած լուծում պետք է ընդունելի լինի Հայաստանի, Արցախի ու Ադրբեջանի ժողովուրդների համար։ Փաշինյանը նշեց, որ ինքը ՀՀ առաջին ղեկավարն է եղել, որը խոսել է Ադրբեջանի ժողովրդի կողմից ինչ-որ ընդունելի լուծման մասին, ինչի համար ՀՀ–ում քննադատվել է։

Բաբայան. «Ադրբեջանը խեղաթյուրում է Նիկոլ Փաշինյանի ելույթը»

Նա հիշեցրեց, որ դեռ մեկ տարի առաջ ասել է, որ ակնկալում է Ադրբեջանի ղեկավարությունից համանման հայտարարություն, սակայն Ադրբեջանի ղեկավարությունն այդպես էլ նման հայտարարություն չի արել։

Լրագրողները հետաքրքրվեցին, թե ինչ կարծիք ունի Փաշինյանը ԵԱՀԿ-ի Մինսկի խմբի ամերիկացի նախկին համանախագահ, Բաքվում ԱՄՆ նախկին դեսպան Մեթյու Բրայզայի հայտարարության մասին, ըստ որի`Բաքուն պատրաստակամ է ԼՂՀ հարցի լուծմանը, և պրոցեսը դանդաղում է միայն հայկական կողմի պատճառով։ Ի պատասխան Փաշինյանը նշեց, որ Բրայզայի ասելով չի։ «Իմիջիայլոց, նա ի՞նչ է աշխատում հիմա, գուցե իր համար ավելի հարմար զբաղմունք գտնենք։ Իր` ԵԱՀԿ Մինսկի խմբի համանախագահ լինելուց հետո շատ ջրեր են հոսել բանակցությունների առումով, ու ես համոզված չեմ, որ նա ամեն ինչին տիրապետում է։ Եթե հեշտ էր Ղարաբաղյան հիմնախնդրի լուծումը, Բրազյան համանախագահ լինելու ժամանակ թող լուծեր այն»,–ասաց վարչապետը։

Հիշեցնենք, որ «Սա Հայաստանն է և վերջ» արտահայտությունից հետո ՀՀ արտգործնախարար Զոհրաբ Մնացականյանը հայտնել էր, որ այն չի ենթադրում Ղարաբաղյան բանակցային գործընթացում փոփոխությունների գնալ։

211
թեգերը:
Ադրբեջան, ԵԱՀԿ Մինսկի Խումբ, Արցախ, Ղարաբաղյան հակամարտություն, Լեռնային Ղարաբաղ, Նիկոլ Փաշինյան
թեմա:
Ղարաբաղյան հակամարտություն (281)
Ըստ թեմայի
Սարգսյանը ստորագրեց Վանեցյանին պաշտոնից ազատելու հրամանագիրը
Կան մի քանի թեկնածուներ. Փաշինյանը` Վանեցյանին փոխարինողի մասին
Քոչարյանի գործով ՍԴ որոշումն ակնհայտորեն ապօրինի էր. Նիկոլ Փաշինյան