Վարդան Տողանյան, ՌԴ-ում ՀՀ դեսպան

Ռուսաստանի մեդիադաշտում Հայաստանն առաջ է անցնում Ադրբեջանից․ դեսպան

277
Ռուսաստանում Հայաստանի դեսպանատունը հետևում է բոլոր գործընթացներին, որոնք ուղղված են մեր երկրի դեմ, և դրա համար օգտագործվում է մեծ գործիքակազմ։

ԵՐԵՎԱՆ, 7 սեպտեմբերի — Sputnik. Ռուսական տեղեկատվական դաշտում աշխատող հակահայկական ուժերը լուրջ հակահարված են ստանում, թեև դա միշտ չէ, որ նկատելի է։ Այդ մասին Sputnik Արմենիայի հետ հարցազրույցում հայտնեց Ռուսաստանում Հայաստանի դեսպան Վարդան Տողանյանը։

«Մենք ապրում ենք տեղեկատվական պատերազմների պայմաններում։ Կարծում եմ`այդ պատերազմները վերածվել են տեղեկատվական «մախնովշչինայի»։ Հատկապես սոցիալական ցանցերում տիրող քաոսը վաղուց արդեն տեղեկատվական հարթակ չէ։ Եթե խոսենք դրանում Հայաստանի կարգավիճակի մասին, ապա պետք է հասկանանք, որ մեդիա և փորձագիտական ուժերը, որոնք ժամանակ առ ժամանակ քաղաքականություն են վարում Երևանի և Ստեփանակերտի դեմ, լուրջ տեղեկատվական հակահարված են ստանում»,- ասաց Տողանյանը՝ մեկնաբանելով Բաքվի քարոզչությունը։

Պարտադիր չէ, որ պատասխանը լինի դեսպանատան կամ ԱԳՆ հայտարարությունների տեսքով։ Դեսպանի խոսքով՝ դրա համար գոյություն ունի մեծ գործիքակազմ,  ներառյալ «մեղմ ուժը»։

Դավոսյան հանդիպման հակառակ երեսը. տեղի՞ն է արդյոք հայ հասարակության խուճապը

Նա հավելեց, որ աշխատանք է տարվում այն ապակառուցողական ուժերի դեմ, որոնք ինչ-որ ուղիներով պատվերների հիման վրա փորձում են վարկաբեկել Հայաստանի արտաքին քաղաքականությունը, երկրի ղեկավարներին, կամ երկրում տեղի ունեցող գործընթացները։

Դեսպանատունը մշտապես հետևում է իրավիճակին, և, ինչպես դեսպանն է հավաստիացնում, այդ հարցում պարտություն չի կարող լինել։

«Կարող եմ ասել, որ մենք մի քանի անգամ առաջ ենք», - նշեց նա։

Տողանյանը կարծում է, որ այժմ ռուսալեզու մեդիադաշտում տելեգրամ ալիքները սկսել են լուրջ դեր խաղալ, երբեմն անհասկանալի է` ինչպիսի մարդիկ կամ ուժեր են կանգնած դրանց հետևում։

«Կարծում եմ, որ այդ հոսքերի, աղբի դեմ պայքարելն անիմաստ է։ Որովհետև, որպես կանոն, դրանք լավ մտածված, բեմադրված ներկայացումներ են», - ասաց դեսպանը։

Անդրադառնալով «Մաշուկ» համաժողովում ելույթին և Ադրբեջանի արձագանքին՝ դիվանագետը նշեց, որ դրանում արտառոց ոչինչ չկա։

Տողանյանի խոսքով՝ բոլոր ելույթները կապված էին սոցիալական ցանցերի, երիտասարդական, մշակութային կապերի հետ։ Սակայն ադրբեջանցի լրագրողը բարձրացրեց Ղարաբաղի թեման և ստացավ այնպիսի պատասխան, որը կտար իր երկրի յուրաքանչյուր ներկայացուցիչ։

Դեսպանատունը շարունակում է ակտիվորեն աշխատել, կազմակերպել տարբեր միջոցառումներ։ Օրինակ` դեսպանատանը առաջիկայում սպասվում է Ստեփանակերտից հրավիրված խմբի ելույթը։

«Բայց պետք է հաշվի առնել, որ ԵԱՀԿ Մինսկի խմբի նախագահությամբ ընթացող բանակցային գործընթացը միշտ մնացել է ԱԳՆ ղեկավարների մակարդակում։ Դեսպանատունը չի մասնակցել և չի մասնակցում այդ գործընթացներին», - ասաց Տողանյանը։

Պողոսյան. «Եթե սահմանին հանգիստ է, չի նշանակում, որ տեղեկատվական պատերազմ չկա»

Հիշեցնենք, որ Ադրբեջանը պաշտոնական բողոքի նոտա է հղել Ռուսաստանին՝ Պյատիգորսկ քաղաքում կազմակերպված «Մաշուկ» երիտասարդական ֆորումի ժամանակ Հայաստանի դեսպանի «անթույլատրելի» արտահայտությունների համար: Նշվում  է, որ միջոցառման ժամանակ Ռուսաստանում Հայաստանի դեսպան Վարդան Տողանյանը, բեմից խոսել է Արցախի՝ որպես զուտ հայկական հողի մասին, ինչը դուր չի եկել ադրբեջանցիներին։ Ռուսաստանում Ադրբեջանի դեսպան Փոլադ Բյուլբյուլօղլին, չնայած նախօրոք ձեռք բերած պայմանավորվածությանը, հրաժարվել է մեկնել Պյատիգորսկ և մասնակցել համաժողովի աշխատանքին։

277
թեգերը:
տեղեկատվական պատերազմ, ելույթ, Դեսպան, Վարդան Տողանյան, Ադրբեջան, Ռուսաստան, Հայաստան
Ըստ թեմայի
Հայկական ցանցային լրատվական դաշտում տոտալ «բարդակ» է. Տիգրան Քոչարյան
Կիսատ մնացած պատմությունները. ինչպես գտնել Հայրենականում անհետ կորած հարազատներին
Գրիգորյան․ «Պատերազմող երկրի տեղեկատվությունը պետք է տարածեն միայն ՊՆ պատասխանատուները»
Այ քեզ բան. չկողմնորոշված Huawei-ը, նորությունամոլ Facebook-ն ու Samsung-ի տարօրինակ քայլը
Արթուր Վանեցյան

Ինչու է Արթուր Վանեցյանը որոշել մտնել քաղաքականություն. նա ներկայացրել է իր դիրքորոշումը

334
(Թարմացված է 20:53 30.05.2020)
Արթուր Վանեցյանը խոստովանել է` երբեք չի մտածել, որ մի օր կդառնա որևէ կուսակցության անդամ, առավել ևս՝ կգլխավորի որևէ կուսակցություն։ Նա խոսել է իր պատկերացրած իշխանության, Արցախյան հիմնախնդրի, տնտեսության գահավիժման, այլ երկրների հետ հարաբերությունների մասին։

ԵՐԵՎԱՆ, 30 մայիսի – Sputnik. Ազգային անվտանգության ծառայության նախկին ղեկավար Արթուր Վանեցյանն այսօր «Հայրենիք» կուսակցության համագումարում խոսել է Հայաստանի քաղաքականության, տնտեսության, իշխանության սխալների ու իր պատկերացրած հայրենիքի մասին։

Ո՞վ ենք մենք և ո՞ւր ենք գնում

Վանեցյանն ասել է, որ տեսնում է պետության համար լուրջ ռիսկեր, բարդ խնդիրներ, վտանգավոր սխալներ, որոնք ամեն օր են արվում։

«Ցավոք, իրականանում են իմ վատագույն կանխատեսումները։ Հիմա էլ պնդում եմ, որ անհրաժեշտ է իրականացնել մեծ աշխատանք՝ ավելի վատ զարգացումներից խուսափելու համար։ Հենց դա՛ ինձ ստիպեց զբաղվել քաղաքականությամբ։ Իրական քաղաքականությամբ»,–ասել է Վանեցյանը։

Նա բացատրել է, որ իր պատկերացրած իրական քաղաքականությունը պատասխանատվությունն է՝ ընդդեմ ինֆանտիլիզմի, ազնվությունն է ընդդեմ ստի և մանիպուլյացիայի,կարգապահությունն է ընդդեմ ամենաթողության, միասնականությունն ընդդեմ պառակտման, համակարգն ընդդեմ քաոսի, կայունությունն ընդդեմ անորոշության պրոֆեսիոնալիզմն ընդդեմ դիլետանտիզմի, պրագմատիզմն ընդդեմ պոպուլիզմի։

«Մեզ պետք են իշխանություններ, որոնք զերծ կմնան կեղծ և ֆեյքային օրակարգերից, գործելաոճից և գործիքակազմից։ Մեզ պետք է իշխանություն, որը «ինտերնետային լայվի» ռեժիմից կտեղափոխվի իրական կյանքի մարտահրավերների հաղթահարման ռեժիմ:

Մեր ժողովրդին անհրաժեշտ է այնպիսի իշխանություն, որը ոչ թե կբաժանի, այլ կհամախմբի հասարակությանը՝ երկրի զարգացման ծրագրերը կյանքի կոչելու համար։ Իշխանություն, որը լուծում կտա ճգնաժամերին, այլ ոչ թե հենց ինքը կստեղծի խառնաշփոթ ու ճգնաժամեր։ Մեր Հայրենիքին անհրաժեշտ են ոչ թե կեղծ փրկիչներ, այլ՝ իրական առաջնորդներ»,–ասել է Վանեցյանը:

Արցախի մասին

Վանեցյանի խոսքով`անվտանգության ապահովման խնդիրը մեր երկրի համար մշտական առաջնահերթություն է լինելու, որովհետև խաղաղությունը աշխատանք է, պատերազմին պատրաստ լինելն ու պատերազմին դիմակայելը` աշխատանք։ Հայրենիքի անվտանգության մակարդակի բարձրացումը պահանջում է ամենօրյա, ամենժամյա գրագետ աշխատանք՝ բազմաթիվ ուղղություններով։

«Արցախի ժողովրդի ինքնորոշման իրավունքը անքակտելի է և չի կարող կախվածության մեջ դրվել որևէ երրորդ կողմի համաձայնությունից կամ բարի կամքից: Դա իրավունք է և պետք է իրացվի ողջ ծավալով:Հայաստան-Արցախ փոխհարաբերությունները պետք է հիմնված լինեն ազգային տեսլականի, փոխադարձ վստահության և համագործակցության վրա: Հայաստանի կողմից միանշանակ պետք է հարգվի Արցախի սուբյեկտայնությունը: Հայաստանը պետք է ներդնի իր ջանքերը՝ Արցախի անկախության միջազգային ճանաչման համար: Հայաստանը եղել է և լինելու է Արցախի անվտանգության երաշխավորը»,–ասել է Վանեցյանը։

Արցախի հարցի լուծման միակ ճանապարհն, ըստ նրա, խաղաղ բանակցություններն են, բացառապես ԵԱՀԿ Մինսկի խմբի շրջանակներում։

Վանեցյանը վստահ է, որ ո՛չ Արցախը, ո՛չ Հայաստանը Ադրբեջանի ճնշման առաջ չեն ընկրկելու, և այդ սպառնալիքը որևէ կերպ չի նպաստելու հարցի համապարփակ և ամբողջական լուծմանը: Հայաստանի և Արցախի հետ սպառնալիքի լեզվով խոսել հնարավոր չէ:

«Արցախի ժողովուրդը վաղուց ինքնորոշվել է։ Պատերազմով չկա լուծում։ Պատերազմով հնարավոր չէ հասնել խաղաղության և տարածաշրջանային կայունության։ Մենք մեր բանակի մարտունակությամբ, տնտեսության հզորացմամբ և ներքին համերաշխությամբ՝ այս գաղափարը պետք է հասանելի դարձնենք միջազգային հանրությանը և Ադրբեջանին։ Արցախյան հիմնահարցի կարգավորումը պետք է հիմնված լինի ոչ թե փուլային, այլ՝ փաթեթային տարբերակի վրա»,–շեշտել է նա:

Հարևանների մասին

ԱԱԾ նախկին պետն ավելի քան վստահ է, որ Իրանի և Վրաստանի հետ Հայաստանի Հանրապետության հարաբերությունները պետք է լինեն փայլուն։

«Մենք ունակ ենք տնտեսական և քաղաքական հարաբերություններում կամուրջ հանդիսանալ մեր հարևանների և մեր գործընկեր երրորդ երկրների միջև։ Մինչդեռ վերջին զարգացումները վկայում են, որ մեր ավանդական դաշնակից պետությունների հետ հարաբերությունները սկսել են վատթարանալ, ինչն անթույլատրելի է»,–ասել է Վանեցյանը։

Նրա խոսքով`մենք այնքան ենք կենտրոնացել մեր ներսում կատարվող իրադարձությունների վրա, որ կարծես թե մոռացել ենք, որ հետևողական աշխատանք է պահանջվում միջազգային գործընկերների հետ։ Աշխատանք՝ բոլոր մակարդակներում։ Անհրաժեշտ է իրականացնել ամենօրյա աշխատանք մեր միջազգային գործընկերների հետ բազմակողմ ձևաչափերով՝ ՀԱՊԿ-ում, ԵԱՏՄ-ում, ԵԽԽՎ-ում, ԵՄ-ում և այլ կառույցներում։

Ինչպես պետք է Հայաստանը զարգացնի հարաբերությունները

Վանեցյանը կարծում է, որ մենք պետք է լիարժեք օգտագործենք հնարավորությունները, որ մեզ տալիս են ԵԱՏՄ-ն ու ՀԱՊԿ-ը։

«Մենք պետք է զարգացնենք Ռուսաստանի Դաշնության հետ ռազմավարական գործընկերությունը՝ առավել խորքային և փոխշահավետ արդյունք ստանալու նպատակով։ Մենք ունենք զգալի հնարավորություններ Իրանի հետ մեր հարաբերությունները խորացնելու համար։ Անկախ միջազգային հարաբերությունների կոնյուկտուրայից՝ Իրանը մեր վաղեմի բարեկամ պետությունն է, մեր անմիջական հարևանը և Հայաստանի համար շատ կարևոր գործընկեր»,– նշել է նա։

Միաժամանակ, մեր մյուս կարևորագույն գործընկերների՝ Ամերիկայի Միացյալ Նահանգների, եվրոպական և այլ երկրների, հատկապես՝ Չինաստանի, Հնդկաստանի հետ մեր հարաբերությունները պետք է ունենան ծրագրային և համակարգված բնույթ և հրատապ բարձրացվեն նոր մակարդակի։

Տնտեսությունը գահավիժում է

Վանեցյանը նշել է, որ վերջին ամիսներին մեր տնտեսության վիճակը, տնտեսության կառավարիչների անկարողությունը մտան յուրաքանչյուրիս տուն։

«Փաստորեն՝ բոլորի համար ակնառու լուրջ մարտահրավերի դեպքում հերթական անգամ վերահաստատվեց այն, ինչ ասել էի ժամանակին` որոշումների տարերայնություն, գործողությունների հախուռնություն, առաջնայինը երկրորդայինից չտարբերելը։ Ցավոք, այսօր տնտեսությունը գահավիժում է։ Բնակչության սոցիալական վիճակը շարունակաբար վատանում է։ Մարդու համար օրվա ապրուստի միջոց գտնելը դարձել է ամենաբարդ խնդիրը։ Այսօր Հայաստանում մարդիկ լավ չեն ապրում, իսկ ինձ համար հստակ է՝ Հայաստանում մարդը պետք է լավ ապրի։ Սա համարեք իմ գլխավոր նպատակը, որը սահմանել եմ ինձ համար, եթե կուզեք՝ իմ երազանքը։ Վստահեցնում եմ, ջանք չեմ խնայելու և հասնելու ենք այդ երազանքին»,– ասել է նա։

Վանեցյանը խոստացել է առաջիկայում ձևակերպված մոտեցումներ հանրության ներկայացնել Հայաստանի զարգացման բոլոր ուղղությունների վերաբերյալ։

«Իհարկե, կարող ենք շատ երկար խոսել նոր կորոնավիրուսի պայմաններում առաջացած մարտահրավերներից և դրանց հետևանքներից, բայց բոլորս էլ հասկանում ենք, որ այդ խնդիրները հաղթահարելու համար պետք է լինել իշխանություն՝ կոմպետենտ և ժողովրդի հանդեպ ազնիվ իշխանություն։ Իսկ իրավիճակը իսկապես մտահոգիչ է և պահանջում է գրագետ ու օպերատիվ կառավարում։Ամփոփելով ելույթս՝ նշեմ. որևէ քաղաքական ուժ իրավունք չունի հավակնել նրան, թե ինքն է միակ ճշմարիտը, իսկ դրա առաջնորդը՝ ազգի փրկիչ կամ մարգարե։ Այսօր Հայաստանի Հանրապետությունում կառավարող քաղաքական միավորը չունի և չի էլ ուզում ունենալ բավարար կադրային և մասնագիտական ներուժ պետության առջև ծառացած մարտահրավերները արդյունավետ հաղթահարելու համար»,– ասել է նա։

Վանեցյանի խոսքով` իրենք հետամուտ են լինելու համազգային համախմբմանը և հակաճգնաժամային համաձայնության կառավարության ձևավորմանը։

Նա իր ելույթն ավարտել է հետևյալ խոսքերով` Հայաստանը պետք է զարգանա և հզորանա, մենք կարող ենք, ու հենց մենք էլ դա անելու ենք։

334
թեգերը:
Արթուր Վանեցյան, Արցախ, Հայաստան
Ըստ թեմայի
Կադրային փոփոխություններ ԱԱԾ-ում․ ինչ է ուզում Փաշինյանը, և ինչ կապ ունի դրա հետ Վանեցյանը
«Անհրաժեշտ է նոր՝ հակաճգնաժամային կառավարություն». Արթուր Վանեցյանի առաջարկը
Ինչու Փաշինյանն ու Հարությունյանը չքննարկեցին Արցախի խնդիրը, կամ նոր հարաբերություններ
Արթուր Վանեցյան

Արթուր Վանեցյանն ընտրվեց կուսակցության նախագահ

367
(Թարմացված է 19:04 30.05.2020)
Վանեցյանը ԱԱԾ պետի պաշտոնից ազատվեց 2019թ. սեպտեմբերին և դարձավ իշխանության քննադատներից մեկը։ Այս տարվա փետրվարին նա հայտարարեց կուսակցություն ստեղծելու մասին։

ԵՐԵՎԱՆ, 30 մայիսի – Sputnik. «Հայրենիք» կուսակցության համագումարում կուսակցության նախագահ է ընտրվել ԱԱԾ նախկին ղեկավար Արթուր Վանեցյանը։

Համագումարին սահմանափակ թվով մարդիկ են մասնակցել:

Ինչու է Արթուր Վանեցյանը որոշել մտնել քաղաքականություն. նա ներկայացրել է իր դիրքորոշումը

Հիշեցնենք` 2020 թվականի փետրվարին Վանեցյանը հայտարարեց, որ մտադիր է կուսակցություն ստեղծել։  Սկզբում նա հիմնադրեց «Հայրենիք» հիմնադրամը, որը պետք է զբաղվեր կրթության հարցերով, քաղաքացիների իրավաբանական խորհրդատվություններով, բայց աստիճանաբար պարզ դարձավ, որ հիմնադրամը վերածվելու է կուսակցության։ Ի դեպ, նա արդեն հայտարարել է ընդդմիադիր գործունեություն ծավալելու մտադրության մասին, ինչը տրամաբանական է` հաշվի առնելով իշխանությունների ու վարչապետ Նիկոլ Փաշինյանի հասցեին ուղղված քննադատությունը:

«Անլուրջ մունետիկներն» ու ներքաղաքական ճգնաժամը. ինչի՞ մասին է պարտավոր լռել Վանեցյանը

Ավելի վաղ Վանեցյանը հայտարարել էր երկրում նոր, հակաճգնաժամային կառավարության ձևավորման անհրաժեշտության մասին:

Հիշեցնենք, որ Վանեցյանը ԱԱԾ պետի պաշտոնից ազատվել էր 2019-ի սեպտեմբերին։

Վանեցյանը խոսել է իր և Միքայել Մինասյանի հանդիպման մասին

367
թեգերը:
կուսակցություն, Արթուր Վանեցյան, Հայաստան
Ըստ թեմայի
«Կա սուտ, կա մեծ սուտ, և կա փաշինյանական սուտ»․ Արթուր Վանեցյան
Քեռյան. «Իշխանությունները լուրջ են ընդունում Վանեցյանից եկող վտանգը»
Արթուր Վանեցյանը քաղաքական խոշոր իրադարձություններ է կանխատեսում
Տիգրան Ավինյան, արխիվային լուսանկար

Որոշ լաբորատորիաներում կարգելվեն ՊՇՌ մեթոդով հետազոտությունները. ՀՀ պարետի նոր որոշումը

0
(Թարմացված է 00:43 03.06.2020)
Պոլիմերազային շղթայական ռեակցիայի մեթոդով լաբորատոր հետազոտությունների իրականացումը չի թույլատրվում բոլոր այն լաբորատորիաներում, որոնք չունեն տեխնիկական բավարար հագեցվածություն, բավարար թվով և որակավորմամբ մասնագետներ, ինչպես նաև կենսաանվտանգության պատշաճ համակարգ

ԵՐԵՎԱՆ, 3 հունիսի - Sputnik. ՀՀ պարետ Տիգրան Ավինյանը նոր որոշում է հրապարակել, որով ՀՀ-ում արգելվում են պոլիմերազային շղթայական ռեակցիայի (ՊՇՌ) մեթոդով լաբորատոր հետազոտությունները այն լաբորատորիաներում, որոնք չունեն տեխնիկական բավարար հագեցվածություն։ Տեղեկությունը հայտնում է ՀՀ կառավարության կայքը:

«ՀՀ ողջ տարածքում արգելվում է կորոնավիրուսային հիվանդության (COVID-19) ախտորոշման նպատակով պոլիմերազային շղթայական ռեակցիայի (այսուհետ՝ ՊՇՌ) մեթոդով լաբորատոր հետազոտությունների իրականացումն այն լաբորատորիաներում, որոնք չունեն տեխնիկական բավարար հագեցվածություն, բավարար թվով և որակավորմամբ մասնագետներ, ինչպես նաև կենսաանվտանգության/կենսապահովության (այսուհետ՝ կենսանվտանգություն) պատշաճ համակարգ»,- նշված է հաղորդագրության մեջ:

Նոր որոշմամբ սահմանվում է, որ կորոնավիրուսային հիվանդության (COVID-19) ախտորոշման նպատակով ՊՇՌ մեթոդով լաբորատոր հետազոտություններ իրականացնելու համար լաբորատորիաների տեխնիկական հագեցվածության, մասնագետների թվի և որակավորման, ինչպես նաև կենսաանվտանգության չափորոշիչներն ու պահանջները սահմանվում են Առողջապահության նախարարի հրամանով և ՊՇՌ մեթոդով լաբորատոր հետազոտություններ իրականացնելու համար բժշկական կազմակերպությունները և լաբորատորիաները պետք է դիմեն Առողջապահության նախարարություն՝ ներկայացնելով Առողջապահության նախարարի հրամանով սահմանված պահանջների ու չափորոշիչների վերաբերյալ տեղեկանք-հիմնավորում և անհրաժեշտ փաստաթղթեր:

Պարետ Տիգրան Ավինյանը կորոնավիրուսի թեստ չի հանձնի և չի փոխարինի Փաշինյանին. խոսնակ

Ինչ վերաբերում է տեխնիկական հագեցվածության, մասնագետների թվի ու որակավորման, ինչպես նաև կենսաանվտանգության/կենսապահովության պահանջներին լաբորատորիաների համապատասխանությանը, ապա դա իրականացվում է Առողջապահության նախարարի հրամանով ձևավորված մասնագիտական խմբի կողմից տեղում կատարված դիտարկմամբ, որի արդյունքում կազմվում է մասնագիտական եզրակացություն:

ՊՇՌ մեթոդով լաբորատոր հետազոտություն իրականացնելու համար նմուշառում կատարող բժշկական կազմակերպությունները և լաբորատորիաները, ինչպես նաև՝ հետազոտությունն իրականացնող լաբորատորիաները պարտավոր են նմուշառման օրն ապահովել իրենց կողմից իրականացված բոլոր հետազոտությունների վերաբերյալ ամբողջական տեղեկության մուտքագրումը էլեկտրոնային առողջապահության «ԱՐՄԵԴ» համակարգ, իսկ արդյունքները՝ դրանք հայտնի դառնալուց հետո՝ 12 ժամվա ընթացքում։ Պարտադիր է հետազոտվող անձի հասանելի հեռախոսահամարի ճշգրիտ մուտքագրումը, որը հանդիսանում է միակ կոնտակտային հեռախոսահամարն արդյունքների մասին տեղեկացնելու և քաղաքացու հետ հետագա կապի ապահովման համար։

Դրական արդյունքների դեպքում լաբորատորիաները 12 ժամվա ընթացքում լրացնում և Առողջապահության նախարարության «Հիվանդությունների վերահսկման և կանխարգելման ազգային կենտրոն» ՊՈԱԿ են ներկայացնում շտապ հաղորդման քարտ։

Երևանի կենտրոնում փակվել են հանրային սննդի մի շարք հայտնի կետեր. տեսանյութ

ՊՇՌ հետազոտություններ իրականացնող լաբորատորիաներում հետազոտությունների որակի արտաքին հսկողությունն իրականացնում է Առողջապահության նախարարության «Հիվանդությունների վերահսկման և կանխարգելման ազգային կենտրոն» ՊՈԱԿ-ը. ընթացակարգային կանոնները սահմանվում են Առողջապահության նախարարի ցուցումով։

Իր վերջին որոշման մեջ ՀՀ պարետը Առողջապահության նախարար Արսեն Թորոսյանին հանձնարարել է 2-օրյա ժամկետում՝

  • Սահմանել կորոնավիրուսային հիվանդության (COVID-19) ախտորոշման նպատակով ՊՇՌ մեթոդով լաբորատոր հետազոտություններ իրականացնելու համար լաբորատորիաներին ներկայացվող տեխնիկական հագեցվածության, մասնագետների թվի և որակավորման, կենսաանվտանգության չափորոշիչների ու պահանջների վերաբերյալ հարցաշար և ապահովել դրա հրապարակումը նախարարության պաշտոնական կայքէջում:
  • Ձևավորել մասնագիտական խումբ կորոնավիրուսային հիվանդության (COVID-19) ախտորոշման նպատակով ՊՇՌ մեթոդով լաբորատոր հետազոտություններ իրականացնելու համար լաբորատորիաների տեխնիկական հագեցվածության, մասնագետների թվի և որակավորման, ինչպես նաև կենսաանվտանգության՝ Առողջապահության նախարարի համապատասխան հրամանով սահմանված պահանջներին ու չափորոշիչներին համապատասխանությունը գնահատելու նպատակով:
  • Սահմանել կորոնավիրուսային հիվանդության (COVID-19) ախտորոշման նպատակով ՊՇՌ մեթոդով լաբորատոր հետազոտություններ իրականացնող լաբորատորիաներում որակի արտաքին հսկողության իրականացման գործողությունների ստանդարտ ընթացակարգը (ԳՍԸ)։
  • Հաշվի առնելով մասնագիտական խմբի գնահատման եզրակացությունը՝ Առողջապահության նախարարի ցուցումով սահմանել կորոնավիրուսային հիվանդության (COVID-19) ախտորոշման նպատակով ՊՇՌ մեթոդով լաբորատոր հետազոտություններ իրականացնող լաբորատորիաների ցանկը և ապահովել հանրությանը պատշաճ իրազեկումը՝ ըստ անհրաժեշտության ապահովելով դրա պարբերական թարմացումը։

Որոշումն ուժի մեջ է մտնում հունիս 2-ին՝ ժամը 23:59-ից:

0
թեգերը:
թեստ, որոշում, Տիգրան Ավինյան, պարետ, Հայաստան
թեմա:
Կորոնավիրուսը Հայաստանում և Արցախում
Ըստ թեմայի
Պարետի որոշմամբ Երևանի կենտրոնի խոշոր սուպերմարկետներից մեկը ժամանակավորապես չի գործի
932 տնտեսվարող պարետի սահմանած կանոնները չեն պահպանել. նրանց գործունեությունը կասեցած է
Պարետը չի բացառում կարանտինային ռեժիմ սահմանելու հնարավորությունը
Պարետատունն ինքնամեկուսացման պայմաններում փոփոխություններ է կատարել