Փաշինյան–Պուտին հանդիպում, արխիվային լուսանկար

ՀՀ–ի և ՌԴ–ի հարաբերություններում որևէ տարաձայնություն չկա. Մնացականյան

86
(Թարմացված է 12:41 06.09.2019)
Արտգործնախարարը վստահեցնում է` Հայաստանի և Ռուսաստանի հարաբերությունները բավական ամուր հիմքեր ունեն։

ԵՐԵՎԱՆ, 6 սեպտեմբերի — Sputnik. Հայաստանի և Ռուսաստանի միջպետական հարաբերություններում որևէ տարաձայնություն չկա։ Այսօր լրագրողների հետ զրույցում այս մասին ասաց արտաքին գործերի նախարար Զոհրաբ Մնացականյանը։

«Հայաստանի և Ռուսաստանի միջև հարաբերությունները բավական ամուր հիմքեր ունեն։ Ճիշտ է` կան որոշ իրավական բնույթի գործընթացներ, սակայն միջպետական մակարդակով ունակ ենք պահպանել այն կարևոր օրակարգը, որը երկու երկրների դաշնակցային հարաբերությունները զարգացնելու միտում ունի»,–ասաց նա։

Նախարարի խոսքով` Ռուսաստանի հետ հարաբերությունները գնում են իրենց հունով։

Հիշեցնենք` դեռ հունիսին Մնացականյանը հայտնել էր, որ Հայաստանը ռազմավարական միություն ունի Ռուսաստանի հետ, ծավալուն օրակարգ, խոր հարաբերություններ։ Նրա խոսքով` Հայաստանը շարունակելու է (և դա նշված է կառավարության ծրագրում) ընդլայնել և զարգացնել ՌԴ–ի հետ մեր ռազմավարական հարաբերությունները։

Ի դեպ, հոկտեմբերի 1–ին Հայաստան կժամանի ՌԴ նախագահ Վլադիմիր Պուտինը` մասնակցելու Հայաստանում կայանալիք ԵԱՏՄ բարձրագույն տնտեսական խորհրդի նիստին։

86
թեգերը:
Զոհրաբ Մնացականյան, Ռուսաստան, Հայաստան
Ըստ թեմայի
ՀՀ վարչապետն ու ՌԴ ԱԽ քարտուղարը մտքեր են փոխանակել ԼՂ հակամարտության կարգավորման մասին
Սիրիայի հարցում ՌԴ–ի հետ հստակ ձևավորված ռազմավարական համագործակցություն կա. ԱԳ նախարար
ՀՀ-ՌԴ հարաբերությունները պետք է զարգանան արժանապատվության ու հարգանքի հիմքի վրա. Փաշինյան