Գագիկ Խաչատրյան

Ուժայինները հասել են սկանդալային նախկին սուպերնախարարին․ բայց ինչո՞ւ հիմա

655
«Թավշյա հեղափոխությունից» հետո, երբ սկսվեցին հայտնի անձանց ձերբակալությունները և կալանավորումները, շատերի մոտ հարց էր ծագում, թե ինչու ձեռք չեն տալիս Գագիկ Խաչատրյանին։

ԵՐԵՎԱՆ, 27 օգոստոսի — Sputnik, Աշոտ Սաֆարյան. Ուժայինների պատժիչ ձեռքը հասել է նաև Հայաստանի ֆինանսների նախկին նախարար Գագիկ Խաչատրյանին, որը օլիգարխիայի ամենավառ ներկայացուցիչներից մեկն է։ «Թավշյա հեղափոխությունից» հետո, երբ սկսվեցին հայտնի անձանց ձերբակալությունները և կալանավորումները, շատերի մոտ հարց էր ծագում, թե ինչու ձեռք չեն տալիս Խաչատրյանին։

Իշխանությունը երկար ժամանակ լռում էր։ Եվ հիմա՝ իշխանափոխությունից ավելի քան մեկ տարի անց, այդ հարցն այլևս արդիական չէ։ Սակայն կան մի շարք գործոններ, որոնց վերլուծությունը թույլ է տալիս ասել, որ Խաչատրյանի տներում և օբյեկտներում խուզարկությունների և այլ քննչական գործողությունների պահը պատահական չի ընտրվել։ Բնականաբար, իրավապահ մարմինները հարցեր ունեն նախկին «սուպերնախարարին»։

Սերժ Սարգսյանի օրոք Գագիկ Խաչատրյանը եղել է իշխանության ամենաազդեցիկ ներկայացուցիչներից մեկը։ 2008-2016թթ-ին նա գլխավորել է հարկային և մաքսային ծառայությունները, իսկ 2014-2016թթ-ին` Ֆինանսների նախարար։ Ղեկավարելով ֆինանսների նախարարությունը՝ նա ներառել է հարկային և մաքսային ծառայությունները գերատեսչության կազմում։ Խաչատրյանի ունեցվածքի և կարողության մասին լեգենդներ են պտտվում։

ԱԱԾ–ն ձերբակալեց Գագիկ Խաչատրյանին

Բայց ֆոնը, որի դեպքում այս ամենը տեղի է ունենում, որոշակի դատողությունների տեղիք է տալիս։ Քաղաքական տեխնոլոգ Արմեն Բադալյանի կարծիքով՝ ավելի քան մեկ տարում երկրի իշխանությունների վարկանիշը լուրջ փոփոխությունների է ենթարկվել, հետհեղափոխական էյֆորիան արդեն անցել է։ Այդ էյֆորիային հաղթել են գնաճը, տնտեսական առաջընթացի բացակայությունը։ Պետք է ինչ-որ կերպ թեժ պահել հասարակական տրամադրությունները։ Խաչատրյանի ձերբակալությունն ընտրվել է որպես այդ «թեժացման» արդյունավետ միջոց։

Sputnik Արմենիային տված հարցազրույցում Բադալյանը նշեց, որ պետք չէ անտեսել նաև Ամուլսարի հարցը։ Հայտնի է, որ նախագծին աջակցելու իշխանությունների պատրաստակամությունն առաջացրել է քաղաքացիների ոչ միանշանակ արձագանքը։ Ուստի նոր հասարակական-քաղաքական սյուժեի հայտնվելը, ինչպիսին անշուշտ Խաչատրյանի հետ կապված իրավիճակն է, թույլ կտա վարչապետ Նիկոլ Փաշինյանին շտկել անկում ապրող վարկանիշը։

«Հնարավոր է, որ այդ ամենն ուղղակի համընկել է, չգիտեմ։ Բայց ես ավելի շատ հակված եմ հավատալու վարկածին, որ այդ ամենն արվում է հեղինակությունը փրկելու համար։ Սակայն կասկածում եմ, որ դա կաշխատի», - ասում է Բադալյանը։

Նա կարծում է, որ անցած տարի իրադրությունն այլ էր։ Այն ժամանակ հետհեղափոխական հասարակությունը մեծ խանդավառությամբ էր ընդունում հերթական լուրն այս կամ այն պաշտոնյայի կալանքի մասին։ Բայց հիմա մարդիկ ավելի «կոփված» են,  նախկին ոգևորությունն այլևս չկա։

Միլիոնավոր դոլարների չարաշահումներ. Վանեցյանը մանրամասներ է ներկայացնում. տեսանյութ

Եվ Գագիկ Խաչատրյանի «քեյսը», քաղտեխնոլոգի կարծիքով, լավագույն դեպքում մամուլին կապահովի լրացուցիչ մի քանի հարյուր կամ հազար «այցելություն»։

655
թեգերը:
Ամուլսար, Նիկոլ Փաշինյան, ՀՀ Ազգային Անվտանգության ծառայություն. ԱԱԾ, Ձերբակալում, Գագիկ Խաչատրյան, Հայաստան
Ըստ թեմայի
Ամուլսարի հարցով կոռուպցիայի մասին ահազանգող հրապարակումներն ԱԱԾ են ուղարկվել
ՊՆ պաշտոնատար անձինք բարձր գնով կնքել են մատակարարման պայմանագիր և գումարը հափշտակել. ԱԱԾ
Գագիկ Խաչատրյանին պատկանող տարածքներում ԱԱԾ–ն հատուկ գործողություններ է իրականացնում