2008–ի մարտի 1

Ինչո՞ւ էին վիրավոր ոստիկանները վիրավոր ցուցարարներից շատ. փաստաբանը` Մարտի 1-ի մասին

254
(Թարմացված է 14:13 27.08.2019)
ՀՀ երկրորդ նախագահի փաստաբան Հայկ Ալումյանը որոշ թվեր է հիշեցրել է մարտի 1-ի զոհերի ու վիրավորների մասին։ 187 վիրավոր ոստիկանը, նրա համոզմամբ, վկայում է, որ ցուցարարները եղել են զինված։

ԵՐԵՎԱՆ, 27 օգոստոսի — Sputnik. Եթե 2008թ.–ի մարտի 1-ին ցուցարարները զինված չեն եղել, որտեղից այսպիսի հարաբերակցություն. 32 վիրավոր ցուցարար, 187 վիրավոր ոստիկան։ Այսօր լրագրողների հետ հանդիպմանն ասաց ՀՀ երկրորդ նախագահ Ռոբերտ Քոչարյանի փաստաբան Հայկ Ալումյանը` պատասխանելով մարտի 1-ի գործում հիշատակվող խաղաղ բնույթի ցույցերի ու չզինված ցուցարարների մասին հարցին։

«Եվ սա այն դեպքում, երբ ոստիկաններն ամբողջությամբ հատուկ համազգեստով են եղել` զրահաբաճկոն, վահան, հատուկ հագուստ։ Ընդ որում, ոստիկանները հիմնականում այրվածքներ են ստացել ու բեկորային վնասվածքներ, որոնք կարող էին ստանալ միայն նռնակներից։ Լավ, մեղադրանքում գրված է, բայց դուք տեսել եք, չէ՞այդ ամեն ինչը, տեսել եք չէ՞ ինչ էր կատարվում, գիտեք չէ՞, որ Արմեն Մարտիրոսյանը «Ժառանգություն» կուսակցությունից դանակի հարված է ստացել այդ խաղաղ ցուցարարներից մեկից, տեսել եք, չէ՞, ոստիկաններին ինչ էին անում, ոստիկաններն ուղղակի շարքով կանգնած, նրանց վրա նետվում են մոլոտովի կոկտեյլներ»,– ասաց փաստաբանը։

Մեղադրական եզրակացության մեջ «խաղաղ ցուցարարներ» ձևակերպման համար փաստաբանը մեղադրում է քննչական մարմնին` հավելելով, որ այդ մարմինը «պատրաստ է իրականացնել տվյալ պահի իշխանության ամենահամարձակ ֆանտազիան»։

«Իրենք հիմա դա են գրում, որովհետև հիմա դա է պետք։ Մի տարի առաջ ուրիշ բան կգրեին, դրանից երկու տարի առաջ` ուրիշ բան,– ասաց Ալումյանը,– եկեք վստահենք նրան, ինչ տեսել ենք»։

Ինչ կապ կա Փաշինյանի ելույթի, BBC-ի հոդվածի և ՀՔԾ-ի միջև. իրարանցման «արտաքին հետագիծը»

Ինչ վերաբերում է մարտի 1-ի զոհերին, Հայկ Ալումյանը նշեց, որ մինչ ինչ–որ մեկին դրա համար մեղադրելը նախ պետք է պարզել, թե նրանցից յուրաքանչյուրին ով է սպանել։

«Տեսաք, հերթական ֆեյքը տարածեցին, որ գտել են սպանողներից մեկին և այլն։ Պարզվեց, որ դա հերթական մոնիպուլյացիան էր։ Երբ կհայտնաբերվեն մարդիկ, որոնք այդ սպանությունը կատարել են, երբ կպարզվի, թե որ կողմից են այդ մարդիկ եղել (դա ամենագլխավոր հարցերից մեկն է), դրանից հետո միայն արդեն կկարողանանք մոտենալ այն հարցին, թե ով է այդ հրամանը տվել»,– ասաց Ալումյանը։

Անդրադառնալով մարտի 1-ին ցուցարարների դեմ բերված զինված ուժերի, այդ թվում` ԼՂ–ից բերված զորքին, Քոչարյանի փաստաբանը նշեց, որ զորքը բերվել է Սահմանադրությանն ու ՀՀ օրենքներին համապատասխան` զանգվածային անկարգություններն ու պետությանը սպառնացող վտանգը կանխելու համար։

Իսկ այն, որ նման վտանգ առկա էր, Ալումյանը հիմնավորում է նրանով, որ ցուցարարների շարքերում եղել են զինված անձինք, փորձ է արվել ԵԿՄ–ն ներքաշել քաղաքական հարցերի մեջ։

«Գիտեք, որ ԵԿՄ–ականների մեծ մասը զինված են։ Այն, ինչ հայտնաբերվեց Մանվել Գրիգորյանի տանը, դա շատ փոքր մասն է։ Աշխատանք էր տարվում նաև, որպեսզի զինվորականներն անցնեին ցուցարարների կողմը, և դա ֆիկտիվ վտանգ չէր, դա երևակայական վտանգ չէր։ 2008թ.–ին նման աշխատանքներ էին տարվում ՀՀ ԶՈւ շատ ստորաբաժանումներում։ Եթե երկրի անվտանգությանը դա չի սպառնում, ապա ի՞նչն է սպառնում»,– ասաց Հայկ Ալումյանը։

Քոչարյանի փաստաբանը նաև վստահեցնում է, որ զինվորականների ու ցուցարարների միջև անմիջական շփում չի եղել։ Այս մասին, նրա խոսքով, վկայում է այն հանգամանքը, որ մարմնական վնասվածքներ են ստացել 187 ոստիկան ու ոչ մի զինվորական։

Քոչարյանը քաղբանտարկյալ է. ՀՀ 2–րդ նախագահի աջակիցները նամակներ հանձնեցին դեսպաններին

Ինչ վերաբերում է ԼՂ–ից Երևան զորք տեղափոխելու մեղադրանքներին, Ալումյանը չցանկացավ այս թեմայի շուրջ շատ տեղեկություններ հրապարակել` հիշեցնելով, որ այդ խնդիրը քննարկվել է նաև դատական նիստի դռնփակ հատվածում։

«Այնտեղ կա բան, որ ես իրավունք չունեմ ասելու, քանի որ դա դռնփակ նիստում է եղել։ Բայց ես ասում եմ բան, որի իրավունքը ես ունեմ` բացի ՀՀ ԶՈւ–ից որևէ այլ զինվորական այդ օրը Երևան քաղաքի որևէ հատվածում այդ գործողություններից որևէ մեկին ներգրավված չի եղել։ Դատական դռնփակ նիտում մենք սա ապացուցեցինք։ Դատախազությունը ընդունեց այն, ինչ մենք ասացինք»,– ասաց Ալումյանը։

Քոչարյանի փաստաբանը հայտարարեց, որ այս հարցի շուրջ իրենց դատավարական հակառակորդները փորձում են սպեկուլյացիաներ անել, բայց առ այսօր դա նրանց չի հաջողվել։

Հիշեցնենք` 2008 թվականի փետրվարի 24-ին Հայաստանի ԿԸՀ-ն հայտարարել էր, որ ընտրություններում հաղթել է Սերժ Սարգսյանը։ Բողոքի ակցիայի մասնակիցները պահանջում էին վերահաշվարկել քվեները։

Մարտի 1-ի գիշերը Ազատության հրապարակում ոստիկանական ուժերը օպերատիվ-հետախուզական գործողություններ էին իրականացրել «տեղանքը ստուգելու» համար և հազարավոր ցուցարարների հեռացրել էին հրապարակից։

Մարտի 1-ի երեկոյան ԶՈւ և ոստիկանության ստորաբաժանումները Երևանի կենտրոնական փողոցներում զենքի, պայթուցիկ սարքերի և հատուկ միջոցների օգնությամբ ցուցարարներին ցրելու համար հատուկ գործողություններ էին իրականացրել։ Հարյուրավոր մարդիկ վնասվածքներ էին ստացել, մահացել էին 8 քաղաքացիական անձ և 2 ոստիկան։

254
թեգերը:
Լեռնային Ղարաբաղ, Լևոն Տեր–Պետրոսյան, ակտիվիստ, Բողոքի ակցիա, Հայկ Ալումյան, Ոստիկանություն, Վիրավոր, Ռոբերտ Քոչարյան, «Մարտի 1–ի» գործով դատավարություն
թեմա:
«Մարտի 1»-ի գործը (256)
Ըստ թեմայի
«Մարտի 1-ի» գործով տուժող Արթուր Ավագյանի հոր սպանության մեջ մեղադրվողը հայտնաբերվեց
Մարտի 1-ի զոհերի իրավահաջորդները 30 միլիոն դրամ փոխհատուցում կստանան
Մարտի 1-ի զոհերի հուշարձան կկառուցվի. Փաշինյանն ընդունել է զոհերի հարազատներին
Պուտինն ու Ալիևը

Ինչ են քննարկել Պուտինն ու Ալիևը Հայաստանի առնչությամբ. Բաքուն մանրամասներ է հայտնել

427
(Թարմացված է 14:57 13.08.2020)
Ադրբեջանական կողմի տեղեկություններով` Ալիևը Պուտինի հետ զրույցում բարձրացրել է Ռուսաստանից Հայաստան տեղափոխվող ռազմական բեռների հարցը։

ԵՐԵՎԱՆ, 13 օգոստոսի – Sputnik. Ադրբեջանի նախագահ Իլհամ Ալիևը Ռուսաստանի նախագահ Վլադիմիր Պուտինի հետ հեռախոսազրույցի ժամանակ քննարկել է Ռուսաստանից Հայաստան ռազմական բեռների տեղափոխման հարցը: Տեղեկությունը հայտնում է Ալիևի մամուլի ծառայությունը։

Ըստ աղբյուրի` Ադրբեջանի նախագահը հայտարարել է, որ հայ-ադրբեջանական սահմանին տեղի ունեցած մարտական գործողություններից հետո, հուլիսի 17-ից սկսած Ռուսաստանից Հայաստան ռազմական բեռների տեղափոխման ինտենսիվ բնույթը անհանգստացրել, ինչպես նաև լուրջ հարցեր է առաջացրել ադրբեջանական հասարակության մեջ:

Ալիևի խոսքով` հայ–ադրբեջանական սահմանին մարտական գործողություններից անմիջապես հետո Ղազախստանի, Թուրքմենստանի և Իրանի օդային տարածքով Ռուսաստանից Հայաստան տեղափոխված ռազմական բեռների ծավալը գերազանցել է 400 տոննան: Հենց այս հարցը պարզելն էլ եղել է հեռախոսազրույցի հիմնական նպատակը։

Ավելի վաղ Կրեմլի մամուլի ծառայությունը հայտնել էր, որ Պուտինն ու Ալիևը քննարկել են երկու երկրների միջև հարաբերությունները, ինչպես նաև վերջին շրջանում հայ–ադրբեջանական սահմանագոտու լարվածությունը։ Ռուսական կողմն ընդգծել էր` ցանկացած գործողություն, որը հարաբերությունների լարվածության նոր ալիք կբարձրացնի, պետք է բացառվի։

Հիշեցնենք, որ հուլիսի 12–ից իրավիճակը սրվել էր հայ–ադրբեջանական սահմանի Տավուշի հատվածում։ Հուլիսի 12–ին` ժամը 12:30-ի սահմաններում, Ադրբեջանի զինված ուժերի զինծառայողները ՈւԱԶ մակնիշի ավտոմեքենայով Տավուշի ուղղությամբ ՀՀ պետական սահմանը խախտելու փորձեր էին արել: Հայկական կողմի նախազգուշացումից հետո Ադրբեջանի զինծառայողները, թողնելով ավտոմեքենան, վերադարձել էին իրենց դիրքեր:

Դրանից հետո հակառակորդը պարբերաբար վերսկսում էր գնդակոծությունն ինչպես հայ դիրքապահների, այնպես էլ բնակավայրերի ուղղությամբ։

Պաշտոնական տվյալներով՝ Ադրբեջանն ունի 13 զոհ, վիրավորների մասին որևէ բան չի հաղորդվում, իսկ հայկական կողմը 5 զոհ ունի, 36 վիրավոր (ևս մեկը խաղաղ բնակչությունից)։

Մեր արյամբ գծված սահմանը եթե փոխվի` ընդարձակվելու է. Արցախի նախագահը պատասխանել է Ալիևին

427
թեգերը:
Վլադիմիր Պուտին, Իլհամ Ալիև, Ռուսաստան, Հայաստան
Ըստ թեմայի
Ալիևի խորհրդականը վստահեցրել է, որ Մեծամորի ԱԷԿ-ին հարվածելու հարց օրակարգում չի եղել
Ալիևի խոստումը. Փաշինյանն ասել է` ինչու Ադրբեջանը հարձակվեց հենց Տավուշի ուղղությամբ
Իլհամ Ալիևն ինքն է խոստովանում, որ Լեռնային Ղարաբաղը Հայաստանի մի մասն է. Փաշինյան
Զոհրաբ Մնացականյան

«Պատրաստ եմ աշխատել յուրաքանչյուրի հետ». Մնացականյանը` Ադրբեջանի ԱԳ նոր նախարարի մասին

84
(Թարմացված է 12:04 01.08.2020)
ՀՀ ԱԳ նախարար Զոհրաբ Մնացականյանը խոսել է Ադրբեջանի նորանշանակ գործընկերոջ հետ հնարավոր շփման մասին։

ԵՐԵՎԱՆ, 1 օգոստոսի — Sputnik. ՀՀ ԱԳ նախարար Զոհրաբ Մնացականյանը դեռ առիթ չի ունեցել հանդիպելու Ադրբեջանի նորանշանակ ԱԳ նախարար Ջեյհուն Բայրամովի հետ, սակայն սպասում է այդ հանդիպմանը: Մնացականյանն այս մասին հայտնել է «Շանթ» հեռուստաընկերության «Հեռանկար» հաղորդաշարին տված հարցազրույցի ժամանակ` անդրադառնալով Ադրբեջանի նոր արտգործնախարար Ջեյհուն Բայրամովի հետ հնարավոր շփմանը։

«Պատրաստ եմ աշխատել յուրաքանչյուրի հետ, իհարկե, համաչափ պատասխանատվություն կրող անձի, արտաքին գործերի նախարարի հետ՝ այս գործընթացն առաջ տանելու համար, անկախ նրանից, թե ով է այդ անձը: Բնականաբար, ակնկալում եմ, որ գործ կունենամ կառուցողական և պատասխանատու մեկի հետ, որի հետ ես կսկսեմ աշխատել»,–ասել է Մնացականյանը։

Նա նշել է, որ Հայաստանի համար այժմ շատ էական է, որ լավագույնս ամրագրենք այս դեէսկալացիան և նախապատրաստվենք աշխատանքի հաջորդ փուլին:

Նա հիշեցրել է, որ Ադրբեջանի` արդեն իսկ նախկին ԱԳ նախարար Էլմար Մամեդյարովի հետ հունվարի վերջին տեղի ունեցած հանդիպման ժամանակ բոլոր ուղղություններով ունեցել են բավական երկար, բովանդակալից և խորքային աշխատանք։ Մնացականյանի խոսքով` Ադրբեջանի նախկին ԱԳ նախարարի հունվարին կայացած հանդիպումից հետո պետք է անցնեին հաջորդ փուլերին, որին Հայաստանը բացարձակապես պատրաստ էր։ Ավելին, գարնանը ևս մեկ հանդիպում էր նախատեսված, որը, սակայն, համավարակի պատճառով կյանքի չկոչվեց։

Շրջանառության մեջ դրված հայտագիրը Հայաստանի պատասխանն է զորավարժություններին. ԱԳ նախարար

Նախարարը ընդգծել է, որ Ադրբեջանի կողմից Հայաստանին որպես հարմար թշնամի օգտագործելն անընդունելի և անարդյունավետ է։ Նրա խոսքով` շատ ավելի օգտակար կլինի, եթե Ադրբեջանը կարողանա ավելի արդյունավետ անդրադառնալ իր ներքաղաքական հարցերին, իր ժողովրդավարությանը, մարդու իրավունքներին, կոռուպցիային առնչվող հարցերին ինքնուրույն, առանց Հայաստանին որպես հարմար թշնամի օգտագործելով:

Հիշեցնենք, որ հուլիսի 16-ին հայտնի դարձավ, որ Ադրբեջանի նախագահ Իլհամ Ալիևն աշխատանքից ազատել է Ադրբեջանի ԱԳ նախարար Էլմար Մամեդյարովին։ Ալիևի հրամանագրով կրթության նախարար 47-ամյա Ջեյհուն Բայրամովը նշանակվեց Ադրբեջանի ԱԳ նախարար։

84
թեգերը:
ԵԱՀԿ Մինսկի Խումբ, Ջեյհուն Բայրամով, Նախարար, Զոհրաբ Մնացականյան
Ըստ թեմայի
Իսրայելական «դրոնաթափ». Հրեական պետությունը կվերանայի՞ Ադրբեջանի հետ իր քաղաքականությունը
Քանի՞ անգամ է Ադրբեջանը խախտել կրակի դադարեցման ռեժիմը հուլիսի 30-ի լույս 31-ի գիշերը
55 վնասված տուն, 37 քրգործ. Ադրբեջանի արարքը պետք է գնահատվի միջազգային չափորոշիչներով
Մինսկ

Բելառուսի ՆԳՆ ղեկավարը ներողություն է խնդրել ցույցերի ժամանակ պատահաբար տուժած մարդկանցից

0
(Թարմացված է 23:50 13.08.2020)
Հանրապետության ՆԳՆ-ի տվյալներով ՝ անկարգությունների ընթացքում մեկ մարդ է մահացել, նա փորձել է անհայտ պայթուցիկ սարք նետել իրավապահների ուղղությամբ:

ԵՐԵՎԱՆ, 13 օգոստոսի - Sputnik. Բելառուսի ներքին գործերի նախարար Յուրի Կարաևը խոսել է ցուցարարների հետ բախումների ժամանակ պատահաբար տուժած մարդկանց մասին։

ՌԻԱ Նովոստին հայտնում է, որ Կարաևը «Մարկով. անձնական ոչինչ» հաղորդման ժամանակ ներողություն է խնդրել այդ մարդկանցից։

Հիշեցնենք` կիրակի՝ օգոստոսի 9-ին, Բելառուսում նախագահական ընտրություններ են անցկացվել։ Պաշտոնական տվյալներով՝ ընտրություններում հաղթել է գործող նախագահ Ալեքսանդր Լուկաշենկոն: Նրա օգտին է քվեարկել ընտրողների 80,23 տոկոսը, Լուկաշենկոյի հիմնական մրցակից Սվետլանա Տիխանովսկայի օգտին` 9,90 տոկոսը: Քվեարկության ավարտից հետո զանգվածային բողոքի ակցիաներ են սկսվել: ՆԳՆ-ի տվյալներով ՝ անկարգությունների ընթացքում մեկ մարդ է մահացել, նա փորձել է անհայտ պայթուցիկ սարք նետել իրավապահների ուղղությամբ:

Տիխանովսկայան չի ընդունել ընտրության արդյունքներն ու Բելառուսից փախել է Լիտվա։

Բելառուսի ԲելԱԶ և ՄԱԶ գործարաններում բողոքի ակցիաներ են ընթանում. տեսանյութ

0
թեգերը:
Բողոքի ակցիա, Մինսկ, Բելառուս
Ըստ թեմայի
Բելառուսում տղամարդը շան հետ զբոսնելիս փամփուշտ է «որսացել» ու վիրավորվել. տեսանյութ
«Ձեր «սև» ուժը Ձեր թուլությունն է». Սպիվակովը հրաժարվել է Լուկաշենկոյի հանձնած շքանշանից
Բախումներ հատուկջոկատայինների և ցուցարարների միջև. ինչ է կատարվում Մինսկում. տեսանյութ
Վլադիմիր Պուտինը և Էմանուել Մակրոնը քննարկել են Բելառուսում տիրող իրավիճակը