Вице-спикер парламента Армении Лена Назарян и руководитель фракции Мой Шаг Лилит Макинц на заседании парламента Армении (15 января 2019). Еревaн

«Իմ քայլի»`հանքը չշահագործելու կողմնակիցները շատ են, նրանք կարող են առանձնանալ. «Հրապարակ»

234
(Թարմացված է 10:04 22.08.2019)
Թերթի տվյալներով` եթե իշխանությունը հանքի շահագործումը չկասեցնելու քաղաքական որոշում կայացնի, չի բացառվում, որ հակադիր թևն առանձնանա խմբակցությունից։

ԵՐԵՎԱՆ, 22 օգոստոսի — Sputnik. «Հրապարակ» թերթը գրում է. «Ամուլսարի շահագործումը կասեցնելու հարցը ԱԺ «Իմ քայլը» խմբակցությանը տրոհել է երկու մասի՝ հանքը չշահագործելու կողմնակիցներն ավելի քան 3 տասնյակ են կազմում, որոնք նախօրեին խմբակցության նիստի ժամանակ ներկայացրել են իրենց հիմնավորումները»։

Թերթի տվյալներով` եթե իշխանությունը հանքի շահագործումը չկասեցնելու քաղաքական որոշում կայացնի, չի բացառվում, որ հակադիր թևն առանձնանա խմբակցությունից՝ ստեղծելով «ինքնավար հանրապետություն»։ Հնարավո՞ր է նման բան․ թերթի լրագրողը հետաքրքրվել է «Իմ քայլի» պատգամավոր, հանքի շահագործումը շարունակելու դիրքորոշման կողմնակից Հովիկ Աղազարյանից։

«Եթե այս հարցն իմ ընկերների համար իսկապես սկզբունքային հարց է, իրենք կարող են ընտրել իրենց ճանապարհը, բայց նոր իրողություններում իշխանության նկատմամբ վստահության արդյունքում կարելի է մի փոքր տեսակետ փոխել»,–ասել է Աղազարյանը։

Հայաստանի բյուջեն ու ընդերքը. որքան են վճարել հանքարդյունաբերողները պետությանը

Հիշեցնենք, որ «Իմ քայլը» խորհրդարանական խմբակցության պատգամավորները միակարծիք չեն Ամուլսարի հանքի շահագործման հարցում։ Նրանցից, օրինակ, Լենա Նազարյանը, Սոֆյա Հովսեփյանը, Վարազդատ Կարապետյանը, Մերի Գալստյանը և այլք դեմ են հանքի շահագործմանը և ուզում են, որ շահագործող «Լիդիան Արմենիա» ընկերությունը կասեցնի իր գործունեությունը Հայաստանում։

234
թեգերը:
«Իմ քայլը» դաշինք, հանքարդյունաբերություն, հանք, Լիդիան, Ամուլսար
թեմա:
Ամուլսարի հանքի շահագործումը և «Լիդիան Արմենիայի» շուրջ ստեղծված իրավիճակը (78)
Ըստ թեմայի
Ամուլսարի հարցով նոր գնահատո՞ւմ կիրականացվի. Փաշինյանը խորհրդակցություն է անցկացրել
Ամուլսարի հարցով ինչ պարտավորություն է ստանձնել «Լիդիանը».քննչականը մանրամասներ է հայտնում
Փաշինյանը պարզաբանել է, թե ինչու է Ամուլսարի հարցով նոր հանձնարարական տվել