Տիգրան Ավինյան

Ավինյանը որոշել է մի կողմ դնել աշխատանքային էթիկան ու պատռել Արթուր Գրիգորյանի դիմակը

632
(Թարմացված է 17:05 20.08.2019)
Տիգրան Ավինյանն իր Facebook–յան էջում ծավալուն անդրադարձ է կատարել Բնապահպանության և ընդերքի տեսչական մարմնի նախկին ղեկավար Արթուր Գրիգորյանի հայտարարությանն այն մասին, որ կառավարությունում փորձել են իր «ձեռքերով» բացել Ամուլսարի ճանապարհները։

ԵՐԵՎԱՆ, 20 օգոստոսի — Sputnik. Բնապահպանության և ընդերքի տեսչական մարմնի նախկին ղեկավար Արթուր Գրիգորյանի թույլ տված սխալի և անիմաստ համառության պատճառով «Լիդիանը» հայց է ներկայացրել դատարան, որը դեռևս գտնվում է քննության փուլում: Այս մասին իր Facebook–յան էջում գրել է ՀՀ փոխվարչապետ Տիգրան Ավինյանը՝ նշելով, որ ժամանակին աշխատանքային էթիկան թույլ չի տվել խոսել առկա բազմաթիվ բացթողումների մասին, սակայն փաստն այն է, որ  Գրիգորյանի բուռն գործունեության շնորհիվ պարբերաբար հայտնվել են անհեթեթ իրավիճակներում:

«Այսպես, համաձայն Բնապահպանության և ընդերքի տեսչական մարմնի կողմից 2018թ.-ին Ամուլսարում իրականացված տեսչական ստուգման՝ ի հայտ էին եկել նոր հանգամանքներ՝ ի դեմս Ապոլլո թիթեռի և Ոզնաթուփ մեխակ բուսատեսակի: Այսինքն` բազմակի անգամներ ահազանգվող Սևանի ջրային ավազանի, ինչպես նաև Ջերմուկի ջրերի համար ռիսկերի առկայության պարագայում, տեսչական մարմինը հայտնաբերում է թիթեռ և բույս։ Ըստ Արթուր Գրիգորյանի՝ սա հնարավորություն էր տալու հետագայում կասեցնելու ընկերության գործունեությունը»-գրել է Ավինյանը։

Որտե՞ղ է թաքնվել Սևանի վտանգը. ինչ տեսք ունի լիճը թռչնի թռիչքի բարձրությունից. տեսանյութ
Փոխվարչապետի խոսքով՝ հետագա հետազոտություններից, սակայն,  պարզվել է, որ Ապոլլո թիթեռն այդ բարձրությունների վրա չի բնակվում և նույնիսկ եթե իրեն այնտեղ հայտնաբերել են, նա միայն կարող էր այդտեղ «զբոսաշրջիկ» լինել։ Ոզնաթուփ մեխակն էլ լինում է 100-ից ավել տեսակների, և ընդամենը 2 տեսակն է գրանցված «Կարմիր գրքում»։

Ավինյանն իր գրառման մեջ անդրադարձել է նաև ստուգման ակտը բեկանելու մասին՝ իրենց իրականացրած «լոբբինգին», որը, սակայն, արդյունք չի տվել․ որոշումը չի բեկանվել, իսկ «Լիդիանը» վարչական բողոք է ներկայացրել տեսչական մարմնի դեմ։

Գործը հիմա քննվում է դատարանում:

Ավինյանը գրառման վերջում խոստացել է անդրադառնալ նաև  հարուցված քրեական գործին և դրա շրջանակներում իրականացված փորձաքննությանը, ինչպես նաև արբիտրաժային հնարավոր գործին առնչվող հարցերին։

Հիշեցնենք, որ Բնապահպանության և ընդերքի տեսչական մարմնի նախկին ղեկավար Արթուր Գրիգորյանն իր Facebook–յան էջում գրել էր, որ Ամուլսարի վերաբերյալ ընդունված որոշման մասին ինքն իմացել է դեռ 8 ամիս առաջ, երբ բնապահպանական տեսչության ղեկավարն էր: Այս ողջ ընթացքում ամենամոտ մարդկանց ներկայացրել է փաստեր ու բացատրել, որ ներկայիս իշխանության անտրամաբանական գործողությունների միակ մեկնաբանությունն այն է, որ նրանք պահում են կոռումպացված համակարգը՝ իր բոլոր ստվերային մեխանիզմներով:
632
թեգերը:
Լիդիան, Արթուր Գրիգորյան, Տիգրան Ավինյան
Ըստ թեմայի
Ամուլսարի հարցով կոռուպցիայի մասին ահազանգող հրապարակումներն ԱԱԾ են ուղարկվել
Տիգրան Ավինյանը դժգոհ է պատգամավորներից. բովանդակային քննարկում այդպես էլ չեղավ
Տիգրան Ավինյանը ԱՄՆ ֆորումում խոսել է Սևանա լճին սպառնացող վտանգի մասին
 Լիլիթ Մակունց

«Ինձ չի անհանգստացնում դա». Մակունցը` 3 քաղաքական ուժերի հայտարարած հանրահավաքի մասին

27
(Թարմացված է 15:44 22.09.2020)
Լիլիթ Մակունցը լրագրողների հետ զրույցում մեկնաբանել է ԲՀԿ–ի, ՀՅԴ–ի ու «Հայրենիքի» համատեղ հանրահավաք անցկացնելու հայտարարությունը։

ԵՐԵՎԱՆ, 22 սեպտեմբերի – Sputnik. «Իմ քայլը» խմբակցության ղեկավար Լիլիթ Մակունցին ամենևին չի անհանգստացնում, որ 3 քաղաքական ուժերը պատրաստվում են հանրահավաք անել։ Մակունցը նման կարծիք հայտնեց ԱԺ–ում լրագրողների հետ ճեպազրույցի ժամանակ` անդրադառնալով ԲՀԿ–ի, ՀՅԴ–ի ու «Հայրենիքի» համատեղ հանրահավաք անցկացնելու հայտարարությանը։

«Ինձ համար այդ հանրահավաքը կազմակերպելու պատճառն անհիմն է։ Իհարկե, դա ընդդիմադիր ուժերի իրավունքն է»,–ասաց Մակունցը։

Հարցին, թե արդյոք այդ երեք ուժերին կհաջողվի՞ հանրության լայն մոբիլիզացիա կազմակերպել, Մակունցը նշեց, թե չի ուզում կանխատեսումներ անել։ Նրա խոսքով` շուտով ամեն ինչ պարզ կլինի։

Ինչ է կատարվում. «Իմ քայլը» խմբակցության ներկայացուցիչը հերքում է տարածված լուրերը

Հիշեցնենք, որ «Բարգավաճ Հայաստան» խմբակցության անդամ Իվետա Տոնոյանը հայտնել էր` քանի որ օրակարգը միասնական է, որոշել են քաղաքական ուժերով միասին հանդես գալ հանրահավաքով։ Թե ովքեր և ինչ թեմայով ելույթներ են ունենալու նախատեսվող հանրահավաքում, Տոնոյանի խոսքով, դեռ վերջնականապես որոշված չէ։ ԲՀԿ խոսնակը խոստացավ տեղեկացնել, երբ հստակեցված կլինի։

«Բռնապետական կարգեր չեն». Մակունցը խոսել է իմքայլականների շուրջ պտտվող լուրերի մասին

27
թեգերը:
հանրահավաք, Լիլիթ Մակունց, Հայաստան
Ըստ թեմայի
Ջուլֆալակյանին չեն պարտադրել. Լիլիթ Մակունց
Որոշ պատգամավորներ պաշտոններ կստանան գործադիրում, մեկն էլ` մարզպետ կդառնա. ԶԼՄ–ներ
«Ցածր մակարդակի դիսկուրսի մեջ ներքաշելու ցանկություն չունեմ». Ծառուկյանը նշում է խնդիրները
Լիլիթ Մակունց. արխիվային լուսանկար

«Բռնապետական կարգեր չեն». Մակունցը խոսել է իմքայլականների շուրջ պտտվող լուրերի մասին

65
(Թարմացված է 15:03 22.09.2020)
Լիլիթ Մակունցն անդրադարձել է շրջանառվող լուրերին, թե առաջիկայում 6-7 իմքայլականներ պատրաստվում են վայր դնել պատգամավորի մանդատը։

ԵՐԵՎԱՆ, 22 սեպտեմբերի - Sputnik. «Իմ քայլը» խմբակցության ղեկավար Լիլիթ Մակունցը ԱԺ–ում լրագրողների հետ ճեպազրույցում ասաց, որ խմբակցության պատգամավորների հետ աշխատանքային հանդիպում է եղել, սակայն խոսք չի գնացել մանդատներ վայր դնելու հարցին։ 

Նշենք` լուրեր են շրջանառվում, որ «Իմ քայլը» խմբակցությունից Գայանե Աբրահամյանը, Լուսինե Բադալյանը, Գոռ Գևորգյանը, Հովհաննես Հովհաննիսյանը, Համազասպ Դանիելյանը և այլոք առաջիկայում հրաժեշտ կտան պաշտոնին։

«Որոշ պատգամավորներն իրենք արդեն իսկ հերքել են այդ լուրերը։ Խմբակցությունում լուրջ խնդիրներ չկան, պետք է համակերպվենք այն իրավիճակի հետ, որ մենք պարբերաբար քննարկումներ ենք անում այս կամ այն թեմայի առնչությամբ»,–ասաց Մակունցը։

Հարցին, թե բացառո՞ւմ է, որ առաջիկայում մանդատը վայր դնողներ կլինեն` Մակունցը պատասխանեց, որ Հայաստանում բռնապետական կարգեր չեն, և յուրաքանչյուր պատգամավոր ինքն է որոշում իր հետագա անելիքները։

Ալեն Սիմոնյանը պարզաբանել է` ինչու է «Իմ Քայլը» ԲՀԿ–ի հետ հուշագիր ստորագրել

Իսկ ինչ վերաբերում է լուրերին, որ ԿԳՄՍ նախարար Արայիկ Հարությունյանի հետ հանդիպում է եղել և նրա հրաժարականի հարցն է քննարկվել` Մակունցը պատասխանեց, որ նոր հանդիպում չի եղել։

Հիշեցնենք, որ ըստ լուրերի` «Իմ քայլը» խմբակցության ներսում դեռևս խմորումներ են ընթանում Սահմանադրական դատարանի անդամների ընտրության հետ կապված: Մասնավորապես, նախագահի կողմից առաջադրված թեկնածու Արթուր Վաղարշյանի ընտրության հետ կապված են անհամաձայնություններ եղել։

Սահմանադրությունը փոփոխվեց «Իմ քայլը» +1 բանաձևով

65
թեգերը:
Պատգամավոր, մանդատ, «Իմ քայլը» խմբակցություն, Լիլիթ Մակունց
Ըստ թեմայի
Ինչո՞ւ էր «Իմ քայլը» լռում. Մակունցը խոսել է ԲՀԿ–ի` ԱԺ նիստը բոյկոտելու մասին
Լիլիթ Մակունցը հայտնեց` ինչու պետք է Վահրամ Ավետիսյանը մտածեր 80 ձայն չհավաքելու մասին
Ջուլֆալակյանին չեն պարտադրել. Լիլիթ Մակունց
Խորհրդարան, արխիվային լուսանկար

Սոցիալական ծառայությունների բարելավումը հետաձգվում է. կառավարությունը դեռ պատրաստ չէ

0
(Թարմացված է 17:23 22.09.2020)
Կառավարությունում նոր են նկատել, որ ՀՀ մի շարք օրենքներ հակասում են «Սոցիալական աջակցության մասին» ՀՀ օրենքում արդեն ընդունված փոփոխություններին, և շտապել են շտկել իրավիճակը` ԱԺ արտահերթ նիստ հրավիրելով։

ԵՐԵՎԱՆ, 22 սեպտեմբերի - Sputnik. ՀՀ ԱԺ–ն այսօր ընթացող արտահերթ նիստում երկրորդ ընթերցմամբ և ամբողջությամբ ընդունեց ՀՀ կառավարարության ներկայացրած ՀՀ մի քանի օրենքներում փոփոխությունների ու լրացումների փաթեթը։

Այսպիսով՝ Համալիր սոցիալական ծառայությունները Հայաստանում կսկսեն գործել ոչ թե վաղվանից, այլ 2021 թ–ի հունվարի 1-ից։

Խնդիրն այն է, որ կառավարությունում նոր են նկատել, որ ՀՀ մի շարք օրենքներ հակասում են «Սոցիալական աջակցության մասին» ՀՀ օրենքում ապրիլին ընդունված փոփոխություններին, և շտապել են շտկել իրավիճակը` մինչ օրենքի ուժի մեջ մտնելը։

«Սոցիալական աջակցության մասին» ՀՀ փոփոխված օրենքով նախատեսվում էր սոցիալական բոլոր` նպաստների, թոշակների սահմանման, հաշմանդամության կարգի բժշկասոցիալական փորձաքննության ու մի շարք այլ ծառայություններ տրամադրել մեկ պատուհանի սկզբունքով` միավորված մեկ միասնական կենտրոնում։

«Ինձ չի անհանգստացնում դա». Մակունցը` 3 քաղաքական ուժերի հայտարարած հանրահավաքի մասին

ՀՀ ամբողջ տարածքում պետք է գործի նմանատիպ 49 գրասենյակ։ Մինչդեռ ՀՀ Աշխատանքի և սոցիալական հարցերի նախարարի տեղակալ Աննա Ժամակոչյանն այսօր ԱԺ–ում հայտնեց, որ առայժմ պատրաստ են 24-ը։

Ինչ է կատարվում. «Իմ քայլը» խմբակցության ներկայացուցիչը հերքում է տարածված լուրերը

0
թեգերը:
կառավարություն, Օրենք, նախագիծ, ԱԺ, Հայաստան
Ըստ թեմայի
«Կարո՞ղ է` Ծառուկյանը միանա, հոգեբանական թեստ հանձնելու նախագիծս կյանքի կոչենք». Պողոսյան
Ո՞ւմ «հագով է կարվել» էկոնոմիկայի նախարարության նախագիծը. մեկնաբանում է փոխնախարարը
Համեղ և օգտակար ճագարի միս` սահմանամերձ Այգեպարից. նոր նախագիծը կփոխի գյուղի կյանքը
Ցեղասպանության հրահրումը կքրեականացվի. ԱԺ-ն ընդունեց օրենքի նախագիծը