Հարված մեր միասնությանը. ինչով է վտանգավոր ВВС–ի կողմից փաստաթղթերի հրապարակումը
(Թարմացված է 23:20 08.08.2019)
Քաղաքագետ Թևան Պողոսյանը չի բացառում, որ տեղեկատվության փոխանցելու մեջ կարող էին խառնված լինել ներհայաստանյան կոնկրետ խմբեր կամ ուժեր։ԵՐԵՎԱՆ, 8 օգոստոսի — Sputnik, Աշոտ Սաֆարյան. BBC–ի ռուսական ծառայության կողմից Մարտի 1-ի գործով քննչական փաստաթղթերի հրապարակումը ՀՀ ազգային անվտանգության խնդիր է։ Իրավապահ մարմինները պետք է պարզեն, թե ինչպես կարող էր նման բան տեղի ունենալ։ Sputnik Արմենիայի հետ զրույցում, անդրադառնալով BBC–ի`աղմուկ հանած հոդվածին, ասաց քաղաքագետ Թևան Պողոսյանը։
Նշենք, որ ավելի վաղ BBC–ի ռուսական ծառայությունը համացանցում հոդված էր հրապարակել, որում ասվում էր, որ հրատարակչության տնօրինության տակ է հայտնվել գեներալ–մայոր Սամվել Կարապետյանի (Օգանովսկի) հարցաքննության արձանագրությունը։ BBC–ի լրագրողը պնդում է, որ, քննության վարկածով, Կարապետյանն իր ենթակայության տակ գտնվող անձանցից 20 հոգանոց խումբ էր ձևավորել և 2008 թվականի մարտի 1-ի դեպքերի ժամանակ տեղավորվել Բաղրամյան պողոտայում գտնվող նախագահական նստավայրի նկուղում։ Քննության վարկածով`հենց այդ խումբն է կրակել մարտի 1-2-ի ցուցարարների վրա։
Պողոսյանի խոսքով` Մարտի 1-ի դեպքերի հետաքննությանն առնչվող ցանկացած փաստաթուղթ կարող էր հայտնվել ԶԼՄ–ի տնօրինության տակ միայն քննչական կառույցների հատուկ թույլտվությամբ։ Եթե թույլտվություն չի եղել, ապա իրավիճակը պետք է քննել ամենամանրազնին կերպով։
«Իսկ, եթե հանկարծ պարզվի, որ մեր գաղտնի փաստաթղթերը գտնվում են օտարերկրյա հատուկ ծառայությունների տնօրինության տա՞կ։ Տվյալ դեպքում բացարձակ կապ չունի, թե ինչ գործի մասին է խոսքը, թող դա թեկուզ կենցաղային մանր վեճ լինի։ Եթե խոսքը քննության գաղտնիության մասին է, իսկ այդ թղթերն այնտեղ են հայտնվել, որտեղ չպետք է լինեին, ապա մենք խնդիր ունենք», – ասում է Պողոսյանը։
©
Sputnik / Aram Nersesyan ,
Փորձագետը նշում է, որ Հայաստանին վաղուց տեղեկատվական պատերազմ է հայտարարվել, որը ոչ մի րոպե չի դադարում։ BBC–ի ռուսական ծառայությանը փաստաթղթերը հանձնելը Թևան Պողոսյանի դիտարկում է տեղեկատվական պատերազմի համատեքստում։ Առավել ևս, որ հոդվածը պարբերականում հրապարակվել էր գրեթե ԼՂՀ–ում Համահայկական խաղերի բացման հետ միաժամանակ։ Իսկ այդ խաղերը կոչված էին ցուցադրելու համազգային միասնությունը, Հայաստանի, Արցախի և Սփյուռքի համախմբումը։ Փորձագետը հրապարակումը գնահատում է որպես ուղիղ հարված այդ միասնությանը` հաշվի առնելով, որ որպես թիրախ ընտրվել է ռազմական վերնախավի ներկայացուցիչներից մեկը։
«Մեզ թշնամի են համարող երկրները Հայաստանը թուլացնելու համար կարող են ցանկացած միջոցի դիմել։ Պետք է հակազդել այդ փորձերին, դրա համար մեզ տեղեկատվական անվտանգության հզոր համակարգ է պետք», – կարծում է նա։
Չեմ բացառում, որ BBC-ի հրապարակումը հատուկ պատվեր լինի. Սամվել Կարապետյան (Օգանովսկի)
Պողոսյանը չի բացառում, որ տեղեկատվությունը փոխանցելու մեջ կարող էին խառնված լինել ներհայաստանյան կոնկրետ խմբեր կամ ուժեր։ Նրա կարծիքով, պարտադիր չէ, որ Հայաստանի դեմ տեղեկատվական դիվերսիոն աշխատանք տանեն բացառապես օտարերկրացիները։
©
Sputnik / Asatur Yesayants.
Հիշեցնենք` 2008թ.–ի մարտի 1-ի լույս 2-ի գիշերը Երևանի կենտրոնում զանգվածային բողոքի գործողություններ, անկարգություններ, ոստիկանության հետ բախումներ տեղի ունեցան, որոնց հետևանքով զոհվեց 10 մարդ (2 ոստիկան, 8 քաղաքացիական անձ), վիրավորվեցին հարյուրավոր մարդիկ։ Հայաստանում հայտարարվեց արտակարգ դրություն 1 ամիս ժամկետով:
Այդ իրադարձություններին նախորդել էին փետրվարի 19-ին տեղի ունեցած նախագահական ընտրությունները, որոնց պաշտոնական արդյունքներից դժգոհ ՀՀ առաջին նախագահ, նախագահի թեկնածու Լևոն Տեր-Պետրոսյանի կողմնակիցները Ազատության հրապարակում շուրջօրյա բողոքի ակցիաներ սկսեցին։
Լևոն Տեր-Պետրոսյանն ու նրա կողմնակիցները չէին ընդունում ընտրությունների արդյունքները և պնդում էին, որ նախագահ է ընտրվել Տեր-Պետրոսյանը:
թեգերը:
