Քաղտեխնոլոգ Կարեն Քոչարյան

Քոչարյան. «Քաղաքական ընդդիմության կոնսոլիդացիան չեմ բացառում»

138
(Թարմացված է 23:25 02.08.2019)
Քոչարյանի խոսքով` ընդդիմադիր ուժերի համախմբման համար կարևոր գործոն կարող է հանդիսանալ Ստամբուլյան կոնվենցիան։

Հետհեղափոխական շրջանում ստեղծված վակուումը չեզոքացնելու նպատակով քաղաքական ընդդիմության կոնսոլիդացիան հնարավոր և նորմալ գործընթաց է։ Այդ մասին Sputnik Արմենիայի հետ զրույցում ասաց քաղտեխնոլոգ Կարեն Քոչարյանը։

«Ընդդիմության կոնսոլիդացիան չեմ բացառում և դա նորմալ պրոցես է. հատկապես հետհեղափոխական շրջանում օբյեկտիվորեն ստեղծվում է վակուում ընդդիմադիր դաշտում, որը պետք է լրացվի»,–նշեց նա։ 

Քոչարյանի խոսքով` ընդդիմադիր ուժերի համախմբման համար կարևոր գործոն կարող է հանդիսանալ Ստամբուլյան կոնվենցիան. նրանք կարող են համախմբվել Ռոբերտ Քոչարյանի կամ Սերժ Սարգսյանի շուրջ։ Հայաստանի երկրորդ նախագահն, ըստ Քոչարյանի, փորձառու քաղաքական գործիչ է, ունի բավականին լուրջ ռեսուրսներ`ֆինանսական, ուժային, աշխարհաքաղաքական: 

«Ինձ մոտ տպավորություն է, որ իշխանություններին ձեռ է տալիս, որ իրենց ընդդիմությունը լինի Ռոբերտ Քոչարյանը և Սերժ Սարգսյանը, քանի որ այդ դեպքում ընդդիմությունը ոչ մի շանս չի ունենա. դա ի՛մ ընկալմամբ»,–ասաց քաղտեխնոլոգը։ 

Հիշեցնենք`օրերս «Գոլոս Արմենիին» տված հարցազրույցում Հայաստանի երկրորդ նախագահ Ռոբերտ Քոչարյանը համոզմունք էր հայտնել, որ գործող իշխանության հարցը լուծվելու է փողոցում՝ արտահերթ խորհրդարանական ընտրություններով։ Երկրորդ նախագահը համոզմունք էր հայտնել, որ ընդդիմադիր դաշտում, առավել քան երբևէ, պարարտ հող է նախապատրաստվել ընդդիմադիր ուժերի  համախմբման համար, սակայն նշել էր, որ համախմբման միասնական կենտրոնն անմիջապես կձևավորվի։ Նա կարծիք էր հայտնել, որ այդ կենտրոնները կլինեն մի քանիսը, սակայն նրանց միջև ակտիվ փոխգործակցություն կհաստատվի։

138
թեգերը:
ընդդիմություն, քաղաքականություն, քաղտեխնոլոգ, Ստամբուլյան կոնվենցիա, հայեր, Հայաստան
Ըստ թեմայի
«Թարմ դեմքեր» և լայն զանգվածներին ոտքի հանող հարցեր. ի՞նչը կմիավորի այսօրվա ընդդիմությանը
Հնարավոր է` աշնանը Հայաստանում ընդդիմադիրների նոր կոնսոլիդացիա լինի. «Փաստ»
Սուրենյանց. «Հանրային քաղաքական քննարկումների դիսկուրսը ծանրաբեռնված է կեղծ օրակարգով»
Բադալյան. «Ստամբուլյան կոնվենցիան PR զենք է իշխանության և ընդդիմության համար»
Հայաստանում ե՞րբ կառաջանա այլընտրանքի պահանջարկ. ընդդիմության հաջողության բանաձևը
Նստվածք է մնացել. արդյո՞ք Հայաստանին պետք է թուրքական նախադեպը

sys_stories