ՀՀ դիրքեր

Սահմանային սրացումներն «ինտեգրվել են» Արցախի բանակցություններին. պարզաբանումներ

221
(Թարմացված է 23:32 29.07.2019)
Հայ-ադրբեջանական սահմանի վերջին սրացումները կարող են մի քանի պատճառ ունենալ, այդ թվում` քաղաքական։ Ռազմական փորձագետը բացահայտել է սրացման և Ղարաբաղյան հակամարտության կարգավորման բանակցությունների կապը։

ԵՐԵՎԱՆ, 29 հուլիսի — Sputnik. Սահմանային սրացումն Ադրբեջանը կիրառում է Ղարաբաղյան հակամարտության բանակցությունների շրջանակում հայկական կողմի վրա ճնշում գործադրելու համար։ Sputnik Արմենիայի հետ զրույցում նման կարծիք հայտնեց ռազմական փորձագետ Դավիթ Հարությունովը` մեկնաբանելով իրավիճակն առաջնագծում։

Հիշեցնենք, որ հուլիսի 27-ին և 28-ին, Հայաստանի պետական սահմանի հյուսիս–արևելյան հատվածում հակառակորդի կրակոցներից սպանվել էր ՀՀ ԶՈւ զինծառայող Արման Բուլգադարյանը, ևս երկու զինվորական վնասվածքներ են ստացել։ ՀՀ պաշտպանության փոխնախարար Գաբրիել Բալայանի խոսքով`սրացումը պայմանավորված է ակտիվ ինժեներական աշխատանքներով։

Հարությունովը կարծում է, որ, ամենայն հավանականությամբ, սրացման մի քանի պատճառ կա։ Պաշտպանության փոխնախարարի նշված ինժեներական աշխատանքները հավանական պատճառներից մեկն է։

«Ակտիվությունը, Հայաստանի և Արցախի սահմանին պարբերաբար առաջացող սրացումները նոր երևույթ չեն։ Դրանք «ինտեգրված են» բանակցությունների գործընթացին», – ասաց Հարությունովը։

Ադրբեջանական կողմը, նրա խոսքով, ժամանակ առ ժամանակ նման քայլերի է դիմում` ճնշում գործադրելու համար։ Ակտիվության նման դեպքեր եղել են նաև նախկինում։

Հարությունովը չի բացառում, որ խոսքը երկու վերոնշյալ գործոնների համատեղության մասին է։

«Դրանք միմյանց չեն խանգարում», – նշում է փորձագետը։

Ըստ նրա` դժվար է ասել, թե որքան կարող է շարունակվել այս իրավիճակը։ Մինչ 2018 թվականի բանակցային գործընթացը ցույց է տվել, որ սրացումը կարող է բավականին խորը գնալ։

Չնայած, վերջին շրջանում այն հիմնականում լոկալ բնույթ է կրում։

«Ադրբեջանական կողմը նաև չի ցանկանում շատ սրել իրավիճակը, որպեսզի այն վերահսկողությունից դուրս չգա։ Այլապես ինքը կընկալվի որպես կողմ, որը խաթարում է բանակցային գործընթացը», – ընդգծեց Հարությունովը։

Երբ երազանքներն իրականանում են. զինհաշմանդամ Տիգրան Սարգսյանի բանաձևը

Չնայած որ վերջին տարվա ընթացքում կրակոցները քիչ են եղել, դժվար է որևէ բան կանխատեսել։

Նշենք, որ Ադրբեջանի սադրիչ գործողությունների քննադատությամբ ավելի վաղ հանդես էր եկել ՀՀ ԱԳՆ–ն։

221
թեգերը:
Զինվոր, Վիրավոր, Զոհ, կրակոց, Ադրբեջան, Ղարաբաղյան հակամարտություն, Սահման, Արցախ, Հայաստան
թեմա:
Ղարաբաղյան հակամարտություն (281)
Ըստ թեմայի
Մնացականյանն ու Լավրովը քննարկել են ղարաբաղյան հիմնախնդրի կարգավորման հարցերը
Արցախյան կադրային փոփոխությունների կեղծ և իրական մոտիվները. ու՞մ պետք չէ շանս տալ
Արցախի սահմանին կրակոցների թիվն ավելացել է