Բողոքի ակցիա Երևանում. 3 հունիսի 2019

Հայաստանում ե՞րբ կառաջանա այլընտրանքի պահանջարկ. ընդդիմության հաջողության բանաձևը

153
(Թարմացված է 10:02 28.06.2019)
Հայաստանում ընդդիմության «պահանջարկը» կախված չէ միայն ներքին գործոններից, թեև իշխանությունը պետք է հոգա բնակչության բարեկեցության բարձրացման մասին։

ԵՐԵՎԱՆ, 28 հունիսի – Sputnik. Հայաստանում կտրուկ ներքաղաքական փոփոխություններն առաջիկայում կարող են կախված լինել միայն արտաքին գործոնների հետ։ Sputnik Արմենիայի թղթակցի հետ զրույցում նման կարծիք հայտնեց քաղտեխնոլոգ Վիգեն Հակոբյանը։

Հայաստանն այժմ այնպիսի աշխարհաքաղաքական «կաթսայում» է, որը երբեք այսքան պայթյունավտանգ չի եղել միանգամից մի քանի ուղղություններով։

 «Մենք արդեն չենք էլ խոսում մեր երկու «ավանդական» ոչ բարեկամ հարևանների մասին.  մտավախություններ կան Իրանի շուրջ, դրան ավելացել է հայ-վրացական հարաբերությունների սրացումը։ Եթե այդ երկու գորոծոնները 2 ամսվա ընթացքում «պայթյունի» չհանգեցնեն, ապա չեմ կարծում, որ ընդդիմությունը արմատական փոփոխությունների համար ներքին պաշար ունի», – ասաց Հակոբյանը։

Դա չի նշանակում, որ ընդդիմության դաշտն արդեն չի սկսում ձևավորվել։ Կյանքի նշաններ են ցույց տալիս քաղաքական այն ուժերը, որոնք նախկինում իշխանության էին. բացի այդ նոր ուժեր են փորձում կայանալ։

Եթե իշխանությունը կտրուկ փոփոխությունների չհասնի կամ երկրի տնտեսության ու քաղաքացիների բարօրության լավացման ծրագրային քաղաքականություն չվարի, ապա հասարակության լայն շրջանակներում այլընտրանքի «պահանջարկ» կառաջանա։

«Քաղաքականությունում էլ է գործում շուկայի սկզբունքը՝ պահանջարկն առաջարկ է ծնում», – նշեց Հակոբյանը։

Այդ գործընթացն այժմ ընթանում է, թեև բավականին թույլ, դեռ աննկատ։ Դեռ հիասթափությամբ (գերակնկալիքների պատճառով) պայմանավորված հասարակության դժգոհությունը այնքան մեծ չէ, որ մարդիկ երես թեքեն ներկայիս իշխանությունից։

Նոր ընդդիմադիր ուժերի ներկայացուցիչները շատ լավ գիտակում են դա, այդ պատճառով էլ չեն շտապում ակտիվ գործողությունների անցնել: Ժամանակ առ ժամանակ ցույցեր, բողոքի ակցիաներ են անցկացվում, քաղաքական հայտարարություններ են անում։ Թեև նրանց գործողություններն ու դրանց ազդեցությունը դժվար թե լրջորեն անհանգստացի իշխանությանը։

Այդ ուժերը դեռ որոպես քաղաքական ուժ ձևավորվելու ճանապարհին են։

Ինչ վերաբերում է հին իշխանությանը` ապա օրինակ ՀՀԿ–ն, պահպանելով նախկին ղեկավար Սերժ Սարգսյանին, հեռու է «ռեբրենդինգից»։

Նրանց ներկայիս գործողությունները դեռ փորձ է ցույց տալու, որ նրանք կան։ Ամեն ինչ սահմանափակվում է անհատների ակտիվությամբ։

Ակտիվանալու փորձ է անում «Դաշնակցությունը»։ Նրանք սկսել են Արցախից, ինչպես և 90–ականներին։ Բայց նրանք դեռ ուզում են հասկանալ` ում հետ է կարելի համագործակցել։

Այսպիսով` դեռ շատը վաղ է խոսել ընդդիմության դաշտում որևէ առաջատարի մասին, այն դեռ ձևավորման փուլում է։

Խոսելով ՀՀ երկրորդ նախագահ Ռոբերտ Քոչարյանի գործի մասին` Հակոբյանը նշեց, որ այն Նիկոլ Փաշինյանի համար հակասական նշանակություն ունի, երբեմն դրա պատճառով նա կորցնում է գործողությունների ազատությունը։

«Կարծում եմ`շատ դեպքերում այդ գործը շղթայում է Փաշինյանին, այդ թվում` արտաքին քաղաքականության մեջ», – նշեց քաղտեխնոլոգը։

Նա կարծում է` Քոչարյանի գործի շուրջ ոչ մի կտրուկ փոփոխություն չի եղել, որը նրա ձերբակալմանն է հանգեցրել։ Այս հարցում արտահայտվել է միայն Սահմանադրական դատարանի ղեկավարի պաշտոնի շուրջ իրարանցումը, իսկ կալանավորումներն ու ազատ արձակումները հնարավոր է շարունակվեն։

Հիշեցնենք` հունիսի 20-ին Քոչարյանի և մյուսների քրգործով դատավոր Արմեն Դանիելյանը հանկարծ որոշեց, որ դատական ստուգման փուլն ավարտված է, և ինքը պետք է խորհրդակցական սենյակ գնա` որոշում կայացնելու։

153
թեգերը:
Հայաստանի Հանրապետական կուսակցություն (ՀՀԿ), Հայ Յեղափոխական Դաշնակցություն, Ռոբերտ Քոչարյան, Նիկոլ Փաշինյան
Ըստ թեմայի
Սահմանադրական կարգի համեստ հմայքը, կամ բռնությունը պետք է արմատախիլ անել
Շպռեխեն զի դո՞յչ. իշխանությունը ցանկանում է դեսպան նշանակել առանց դիվանագիտական կրթության
Մաթևոսյան․ «Վահե Գրիգորյանին ՍԴ նախագահ կարգելը պայմանավորված է Քոչարյանի գործով»
Հայաստանը ճամփաբաժանին է. ի՞նչ կընտրի իշխանությունը «հեղափոխական կոմիտեի» և արարման միջև
 Լիլիթ Մակունց

«Ինձ չի անհանգստացնում դա». Մակունցը` 3 քաղաքական ուժերի հայտարարած հանրահավաքի մասին

38
(Թարմացված է 15:44 22.09.2020)
Լիլիթ Մակունցը լրագրողների հետ զրույցում մեկնաբանել է ԲՀԿ–ի, ՀՅԴ–ի ու «Հայրենիքի» համատեղ հանրահավաք անցկացնելու հայտարարությունը։

ԵՐԵՎԱՆ, 22 սեպտեմբերի – Sputnik. «Իմ քայլը» խմբակցության ղեկավար Լիլիթ Մակունցին ամենևին չի անհանգստացնում, որ 3 քաղաքական ուժերը պատրաստվում են հանրահավաք անել։ Մակունցը նման կարծիք հայտնեց ԱԺ–ում լրագրողների հետ ճեպազրույցի ժամանակ` անդրադառնալով ԲՀԿ–ի, ՀՅԴ–ի ու «Հայրենիքի» համատեղ հանրահավաք անցկացնելու հայտարարությանը։

«Ինձ համար այդ հանրահավաքը կազմակերպելու պատճառն անհիմն է։ Իհարկե, դա ընդդիմադիր ուժերի իրավունքն է»,–ասաց Մակունցը։

Հարցին, թե արդյոք այդ երեք ուժերին կհաջողվի՞ հանրության լայն մոբիլիզացիա կազմակերպել, Մակունցը նշեց, թե չի ուզում կանխատեսումներ անել։ Նրա խոսքով` շուտով ամեն ինչ պարզ կլինի։

Ինչ է կատարվում. «Իմ քայլը» խմբակցության ներկայացուցիչը հերքում է տարածված լուրերը

Հիշեցնենք, որ «Բարգավաճ Հայաստան» խմբակցության անդամ Իվետա Տոնոյանը հայտնել էր` քանի որ օրակարգը միասնական է, որոշել են քաղաքական ուժերով միասին հանդես գալ հանրահավաքով։ Թե ովքեր և ինչ թեմայով ելույթներ են ունենալու նախատեսվող հանրահավաքում, Տոնոյանի խոսքով, դեռ վերջնականապես որոշված չէ։ ԲՀԿ խոսնակը խոստացավ տեղեկացնել, երբ հստակեցված կլինի։

«Բռնապետական կարգեր չեն». Մակունցը խոսել է իմքայլականների շուրջ պտտվող լուրերի մասին

38
թեգերը:
հանրահավաք, Լիլիթ Մակունց, Հայաստան
Ըստ թեմայի
Ջուլֆալակյանին չեն պարտադրել. Լիլիթ Մակունց
Որոշ պատգամավորներ պաշտոններ կստանան գործադիրում, մեկն էլ` մարզպետ կդառնա. ԶԼՄ–ներ
«Ցածր մակարդակի դիսկուրսի մեջ ներքաշելու ցանկություն չունեմ». Ծառուկյանը նշում է խնդիրները
Լիլիթ Մակունց. արխիվային լուսանկար

«Բռնապետական կարգեր չեն». Մակունցը խոսել է իմքայլականների շուրջ պտտվող լուրերի մասին

70
(Թարմացված է 15:03 22.09.2020)
Լիլիթ Մակունցն անդրադարձել է շրջանառվող լուրերին, թե առաջիկայում 6-7 իմքայլականներ պատրաստվում են վայր դնել պատգամավորի մանդատը։

ԵՐԵՎԱՆ, 22 սեպտեմբերի - Sputnik. «Իմ քայլը» խմբակցության ղեկավար Լիլիթ Մակունցը ԱԺ–ում լրագրողների հետ ճեպազրույցում ասաց, որ խմբակցության պատգամավորների հետ աշխատանքային հանդիպում է եղել, սակայն խոսք չի գնացել մանդատներ վայր դնելու հարցին։ 

Նշենք` լուրեր են շրջանառվում, որ «Իմ քայլը» խմբակցությունից Գայանե Աբրահամյանը, Լուսինե Բադալյանը, Գոռ Գևորգյանը, Հովհաննես Հովհաննիսյանը, Համազասպ Դանիելյանը և այլոք առաջիկայում հրաժեշտ կտան պաշտոնին։

«Որոշ պատգամավորներն իրենք արդեն իսկ հերքել են այդ լուրերը։ Խմբակցությունում լուրջ խնդիրներ չկան, պետք է համակերպվենք այն իրավիճակի հետ, որ մենք պարբերաբար քննարկումներ ենք անում այս կամ այն թեմայի առնչությամբ»,–ասաց Մակունցը։

Հարցին, թե բացառո՞ւմ է, որ առաջիկայում մանդատը վայր դնողներ կլինեն` Մակունցը պատասխանեց, որ Հայաստանում բռնապետական կարգեր չեն, և յուրաքանչյուր պատգամավոր ինքն է որոշում իր հետագա անելիքները։

Ալեն Սիմոնյանը պարզաբանել է` ինչու է «Իմ Քայլը» ԲՀԿ–ի հետ հուշագիր ստորագրել

Իսկ ինչ վերաբերում է լուրերին, որ ԿԳՄՍ նախարար Արայիկ Հարությունյանի հետ հանդիպում է եղել և նրա հրաժարականի հարցն է քննարկվել` Մակունցը պատասխանեց, որ նոր հանդիպում չի եղել։

Հիշեցնենք, որ ըստ լուրերի` «Իմ քայլը» խմբակցության ներսում դեռևս խմորումներ են ընթանում Սահմանադրական դատարանի անդամների ընտրության հետ կապված: Մասնավորապես, նախագահի կողմից առաջադրված թեկնածու Արթուր Վաղարշյանի ընտրության հետ կապված են անհամաձայնություններ եղել։

Սահմանադրությունը փոփոխվեց «Իմ քայլը» +1 բանաձևով

70
թեգերը:
Պատգամավոր, մանդատ, «Իմ քայլը» խմբակցություն, Լիլիթ Մակունց
Ըստ թեմայի
Ինչո՞ւ էր «Իմ քայլը» լռում. Մակունցը խոսել է ԲՀԿ–ի` ԱԺ նիստը բոյկոտելու մասին
Լիլիթ Մակունցը հայտնեց` ինչու պետք է Վահրամ Ավետիսյանը մտածեր 80 ձայն չհավաքելու մասին
Ջուլֆալակյանին չեն պարտադրել. Լիլիթ Մակունց
Սիգ. արխիվային լուսանկար

Հայաստանից Ռուսաստան 7200 տոննա ձուկ է արտահանվել

0
(Թարմացված է 19:21 22.09.2020)
Մինչև տարեվերջ ակնկալվում է Հայաստանից դեպի Ռուսաստան ձկնամթերքի արտահանման կրկնակի աճ:

ԵՐԵՎԱՆ, 22 սեպտեմբերի – Sputnik. Սննդամթերքի անվտանգության տեսչական մարմինը տեղեկացնում է, որ ՀՀ-ից ձկնամթերքի արտահանումը Ռուսաստան 2019թ. 5400 տոննայի համեմատությամբ 2020-ի 7 ամիսներին աճել ու հասել է մինչև 7200 տոննայի։

Հայկական կողմի նախաձեռնությամբ այսօր տեղի է ունեցել տեսահանդիպում ՀՀ սննդամթերքի անվտանգության տեսչական մարմնի ղեկավար Գեորգի Ավետիսյանի և ՌԴ անասնաբուժական և բուսասանիտարական հսկողության դաշնային ծառայության (Россельхознадзор) ղեկավար Սերգեյ Դանկվերտի միջև:

«Կողմերը քննարկել են Հայաստանից ձկնամթերքի և կաթնամթերքի, մասնավորապես՝ պանրի արտահանման հետ կապված իրադրությունը: Նշվել է, որ մինչև տարեվերջ ակնկալվում է ՀՀ-ից ձկնամթերքի արտահանման կրկնակի աճ: Քննարկվել են նաև մինչև 2025թ. ԵՄ շրջանակներում տնտեսական ինտեգրման ռազմավարական ուղղությունները»,–նշված է ՍԱՏՄ–ի հաղորդագրության մեջ։

Հայաստանի և Ռուսաստանի սննդամթերքի անվտանգության պատասխանատուները եկել են ընդհանուր հայտարարի՝ ստեղծել ու պահպանել հնարավոր բարենպաստ պայմաններ սննդի ոլորտում առևտրաշրջանառության ակտիվացմանը նպաստելու, ինչպես նաև անվտանգ սննդամթերքի մատակարարումն ապահովելու համար:

Սիգի օրինական որսը հատուկ ընթացակարգով կընթանա. 17 կետ է նախանշվել

Հիշեցնենք, որ օգոստոսի 20-ին մեկնարկել է Սևանա լճում սիգի արդյունագործական որսի փորձարարական ծրագիրը, որը նախատեսում են հետագա տարիներին դարձնել Սևանա լճում ձկնապաշարի վերականգնման հիմնական համակարգը։

Արդյունագործական ձկնորսության համար գործում են հատուկ կանոններ` որսացող սիգի քաշը նվազագույնը պետք է լինի 0.5 կգ։ Ավելին, որս պետք է կատարել ափերից նվազագույնը 500 մետր խորությամբ դեպի լճի մակերևույթ հատվածներում։

Սիգի ապօրինի որսը կանխելու հարցում նախարարի հույսը քաղաքացիներն են

0
թեգերը:
Հայաստան, Ռուսաստան, արտահանում, ձուկ
Ըստ թեմայի
Ձուկը կթանկանա. կառավարությունն օրինականացնելու է Սևանի ձկան որսը
Ով իրավունք կունենա Սևանում ձուկ որսալու. արգելքը հանվում է, սահմանվում են նոր կանոններ
Սևանի կանաչ ջրիմուռներով սնված ձուկն ու անասունը կարող են վտանգավոր լինել ուտողի համար