Տիգրան Թորոսյան

Գործընթացները մտահոգիչ են. ԱԺ նախկին խոսնակը` Արցախի հարցում իշխանության սխալների մասին

218
(Թարմացված է 21:02 27.06.2019)
Տիգրան Թորոսյանի կարծիքով` ժամանակակից հայկական դիվանագիտությունը որակյալ փորձագիտական աջակցության կարիք ունի։

ԵՐԵՎԱՆ, 27 հունիսի — Sputnik. Ղարաբաղյան հակամարտության կարգավորման շուրջ իրադարձությունների զարգացումները մտահոգիչ են։ Այս մասին այսօր ասաց ԱԺ նախկին խոսնակ Տիգրան Թորոսյանը «Լույս» հիմնադրամի կազմակերպած կլոր սեղանի ժամանակ։

Թորոսյանը համամիտ չէ վարչապետ Նիկոլ Փաշինյանի այն դիրքորոշման հետ, որ Արցախի խնդրի լուծումը պետք է բխի Հայաստանի, Արցախի ու Ադրբեջանի ժողովուրդների շահերից։

Թորոսյանի խոսքով` դա շատ վիճելի հայտարարություն է. ԱԺ նախկին խոսնակը չի հիշում ոչ մի հակամարտություն, որի դեպքում այս կամ այն տարածքային անջատումը մետրոպոլիայից գոհացներ վերջինիս։ Այդ առումով քաղաքական գործիչը կարծում է, որ Հայաստանի ու Արցախի ցանկությունների համաձայն հակամարտության կարգավորումը, չի կարող դուր գալ Ադրբեջանին, հետևաբար, Հայաստանի իշխանության այդ ուղերձը Ադրբեջանը դժվար թե ընկալի։

Թորոսյանի կարծիքով` իշխանության ևս մեկ անհասկանալի ուղերձ է այն պնդումը, թե ԵԱՀԿ Մինսկի խմբի համանախագահները պետք է պարզաբանեն Մադրիդյան սկզբունքների դրույթները։ Իշխանությունն այդ պահանջը պարզաբանում է այն բանով, որ ղարաբաղյան հակամարտության կողմերից յուրաքանչյուրը յուրովի է մեկնաբանում դրանք։ Տարընթերցումներից խուսափելու համար միջնորդներն իրենք պետք է պարզաբանումներ անեն։

Մենք չենք հավատում, որ հնարավոր է մի ձեռքով բանակցել, մյուսով` կրակել. Զոհրաբ Մնացականյան

Թորոսյանի խոսքով` Մադրիդյան սկզբունքներում ամեն ինչ պարզ է շարադրված, իսկ մեկնաբանություն անելը միջնորդների խնդիրը չէ։

ԱԺ նախկին խոսնակի խոսքով` ժամանակակից իրողություններում հայկական դիվանագիտությունը փորձագիտական աջակցության պակաս ունի։ Ցանկացած արդյունավետ բանակցություն անհնար է առանց բարձրակարգ մասնագետների, որոնք կարող են իշխանությանը խորհուրդներ տալ

Արցախը բե՞ռ է, թե՞ հաղթաթուղթ. Լևոն Տեր-Պետրոսյանի իշխանության շրջանից մինչև մեր օրեր

218
թեգերը:
Ղարաբաղյան հակամարտություն, «Թավշյա հեղափոխություն», Նիկոլ Փաշինյան, Հայաստան, Արցախ
թեմա:
Ղարաբաղյան հակամարտություն (355)
Ըստ թեմայի
Արցախի ու Ադրբեջանի շփման գծում շուրջ 2000 կրակոց է հնչել. ՊՆ
Իսագուլյանը հրաժարական է ներկայացրել. նա Արցախի մասին արդեն անկաշկանդ կխոսի
Նոր նշանակում Արցախում. Արշավիր Ղարամյանը Արցախի Անվտանգության խորհրդի քարտուղարն է
Արարատ Միրզոյան. արխիվային լուսանկար

Կորոնավիրուսի դեմ պայքարը քննելու` ԲՀԿ-ի և ԼՀԿ-ի առաջարկն «Իմ քայլը» կքննարկի սեպտեմբերին

15
(Թարմացված է 22:21 02.07.2020)
Ընդդիմությունն առաջարկում էր կորոնավիրուսի քննիչ հանձնաժողով ստեղծել, որը կունենա 12 անդամ և կգործի կես տարի:

ԵՐԵՎԱն, 2 հուլիսի - Sputnik. Կորոնավիրուսի դեմ պայքարը քննելու ԱԺ ընդդիմադիր «Բարգավաճ Հայաստան» և «Լուսավոր Հայաստան» խմբակցությունների առաջարկը իշխանական «Իմ քայլը» կքննարկի սեպտեմբերին։ Այս մասին տեղեկացնում է ԱԺ մամուլի ծառայությունը՝ հղում տալով նախագահ Արարատ Միրզոյանին։

«Կորոնավիրուսի քննիչ հանձնաժողովի անդամների թիվը սահմանող նախագիծը կքննարկվի Ազգային ժողովի 2020թ.–ի սեպտեմբեր ամսվա առաջին հերթական նիստում», - ասվում է ԱԺ նախագահ Արարատ Միրզոյանի հայտարարության մեջ:

Նշենք, որ համաձայն կանոնակարգի՝ ԱԺ-ում նոր հանձնաժողով կարող է ստեղծել պատգամավորների ընդհանուր թվի առնվազն մեկ քառորդի պահանջով․ այդ թվաքանակն ընդդիմադիր խմբակցություններն ապահովել են։

Հանձնաժողովը քննելու է նոր կորոնավիրուսի (COVID 19) տարածումը կանխելու, այդ վիրուսի դեմ պայքարի, համավարակի հետևանքների մեղմման կամ վերացման ուղղությամբ Հայաստանի Հանրապետության կառավարության և պարետատան իրականացրած միջոցառումների արդյունավետությունը, ինչպես նաև արտակարգ դրության ժամանակահատվածում Մարդու իրավունքների և հիմնարար ազատությունների սահմանափակումների արդյունավետությունն ու իրավաչափությունը։

Կորոնավիրուսի դեմ պատվաստանյութ լինելու է, բայց Հայաստանին կարող է չհասնել. Թորոսյան

15
թեմա:
Կորոնավիրուսը Հայաստանում և Արցախում
XVI съезд РПА. Выступление президента РА Сержа Саргсяна

ՀՀԿ-ն Սերժ Սարգսյանի նախագահությամբ նիստ է գումարել

137
(Թարմացված է 22:15 01.07.2020)
Կուսակցության ԳՄ նիստում քննարկվել է արտակարգ դրության ռեժիմի վերացման դեպքում գործունեության հիմնական ուղղություններն ու գերակայությունները, այլ հասարակական ու քաղաքական ուժերի հետ հնարավոր փոխգործակցության հարցերը։

ԵՐԵՎԱՆ, 1 հուլիսի — Sputnik. ՀՀԿ կենտրոնական գրասենյակում այսօր տեղի է ունեցել կուսակցության Գործադիր մարմնի հերթական նիստը: Կուսակցության տարածած հաղորդագրության մեջ նշվում է, որ նիստը վարել է ՀՀ երրորդ նախագահ, ՀՀԿ նախագահ Սերժ Սարգսյանը։

Հաղորդագրության համաձայն` նիստի ընթացքում քննարկվել են Հայաստանում ստեղծված համաճարակաբանական իրավիճակը, խորացող սոցիալ-տնտեսական ճգնաժամը, ներքաղաքական մի շարք զարգացումներ։

Քննարկվել են նաև սահմանադրական վերջին փոփոխությունները, երկրի ներքին ու արտաքին սպառնալիքները։

Գործադիր մարմինն անդրադարձել է կուսակցության ապագա ծրագրերին, այդ թվում՝ միջազգային համագործակցության ասպարեզում։

Նախանշվել են արտակարգ դրության ռեժիմի վերացման դեպքում կուսակցության գործունեության հիմնական ուղղություններն ու  գերակայությունները, այլ հասարակական ու քաղաքական ուժերի հետ հնարավոր փոխգործակցության հարցերը։

«Ռումբ է դրված պետության հիմքում». ՀՀԿ-ն մեղադրում է Փաշինյանին իշխանության յուրացման մեջ

137
թեգերը:
Հայաստան, Սերժ Սարգսյան, Հայաստանի Հանրապետական կուսակցություն (ՀՀԿ)
Ըստ թեմայի
Նիկոլ Փաշինյանի «անուժ կառավարությունը» պետք է հրաժարական տա. ՀՀԿ–ն հայտարարություն է արել
Փաշինյանը չի պատրաստվում կրկնել ՀՀԿ–ի սխալները
Փաշինյանը խնդիր կդնի` խորանալ այնքան, որ ՀՀԿ-ի կոռուպցիոն գործերն էլ բացահայտվեն
Ծիրան

Վնասատուներ, եղանակ, թե գյուղացու սխալ մոտեցում. ինչու է ծիրանի բերքը քիչ ու անորակ

0
Հայաստանում ծիրանի բերքը սովորականից քիչ է։ Sputnik Արմենիան մասնագետի օգնությամբ փորձել է պարզել խնդրի պատճառներն ու ելքեր առաջարկել։

ԵՐԵՎԱՆ, 1 հուլիսի –Sputnik, Արամ Գարեգինյան. Այս տարի կեռասի և ծիրանի բերքատվությունը Հայաստանում ավելի ցածր է, քան անցած տարի։ Փորձագետներն առավելագույնը 55 հազար տոննա են ակնկալում, երբ Հայաստանի համար նորման 65-70 հազարն է։ Արտահանել կլինի առավելագույնը 20 հազար տոնան։

Բերքի քանակի վրա ազդել են տարեսկզբի ցրտահարությունները, իսկ որակի վրա` բարձր խոնավությունը` առատ անձրևներից սնկային հիվանդություններ են առաջացել։ Սակայն կա ևս մեկ պատճառ, որն ամեն տարի խանգարում է բերքին և գյուղացու եկամտին, այդ մասին էլ մենք կխոսենք ստորև։

«Ցրտերն ու սնկային հիվանդությունները կրճատել են բերքի քանակը և ազդել են որակի վրա։ Արտահանման ենթակա ծիրան շատ դժվար է գտնել, և մեր ներկայացուցիչները փորձում են նույնիսկ ոչ այնքան որակով բերք գնել, միայն թե այն չմնա գյուղացու վրա», –Sputnik Արմենիայի հետ զրույցում ասաց «Սպայկա» ընկերության նախագծերի կառավարման բաժնի պետ Կարեն Բաղդասարյանը։

Որքան բերքը քիչ է, այնքան ռուսական սուպերմարկետների ցանցերի հետ բանակցային դիրքերը թույլ են, և խանութների փեղկերում տեղեր գրավելու մրցակցությունը` մեծ։ Առավել ևս, որ Ուզբեկստանում և Տաջիկստանում բերքի հետ կապված խնդիրներ չեն եղել, ինչպես նաև Թուրքիայում և Իրանում. այս երկրները ևս Ռուսաստան ծիրան ու այլ մրգեր են մատակարարում։

«Այս տարի մտադիր էինք արտահանել 7-8 հազար տոննա, սակայն միանշանակ այդ ծավալը չենք կարողանա ստանալ, լավագույն դեպքում կունենանք կեսը», – նշեց Բաղդասարյանը։

Խնդիրը նաև այն է, որ ոչ բոլոր գյուղացիներն են վնասատուների դեմ անհրաժեշտ միջոցառումներն իրականացրել, այդ պատճառով նույնիսկ այն բերքը, որը ստացել են, հիմա դժվար է վաճառել։

Գյուղատնտեսության նախկին փոխնախարար, ճանաչված փորձագետ Գառնիկ Պետրոսյանն ասում է, որ այգեգործները միշտ չէ որ ճիշտ ու ժամանակին են մշակում ծառերը։ Սնկային հիվանդությունները նորություն չեն, թե ինչպես պայքարել դրանց դեմ` վաղուց է հայտնի։ Բայց, նրա խոսքով, ցավոք, շատերը մոռանում են կամ հնարավորություն չեն ունենում ժամանակին իրականացնել ծառերի մշակումը։

Խաղողի առատ բերքը լուրջ խնդիր կառաջացնի. Հարությունյանը գնդակն ուղղում է գործադիրի դաշտ

«Եթե տարին չոր է լինում, մեկ–երկու սրսկումը բավական է, որ սունկը չզարգանա։ Սակայն եթե տարին խոնավ է, ապա պետք է սրսկել մի քանի անգամ ավելի», – ընդգծեց Պետրոսյանը։

Մասնագետն ընդգծում է, որ ծառերի մշակումը պետք է սկսել նախապես։ Նախորդ աշնանը, երբ ծիրրանի տերևները թափվում են, պետք է պղնձի մեծ պարունակությամբ պաշտպանիչ դեղամիջոցներ կիրառել, իսկ գարնանն արդեն մի քանի սրսկում իրականացնել. սկզբում մինչև բողբոջելը, այնուհետև` ծաղկելուց հետո։ Սակայն եթե տարին խոնավ է եղել, ապա դա էլ բավարար չէ. 10-12 օրը մեկ պետք է սրսկել։

Заместитель министра сельского хозяйства Армении Гарник Петросян
© Sputnik / Asatur Yesayants
Գառնիկ Պետրոսյան

Պետրոսյանը հիշեցնում է, որ ինքը նորություն չի ասում, սրանք վաղուց հայտնի բաներ են։ Այդ պատճառով ավելորդ չէ ևս մեկ անգամ գյուղատնտեսության գրքերը վերընթերցել, որտեղ մանրամասն նկարագրված են բոլոր վնասատուներն ու հիվանդությունները և նրանց դեմ պայքարի եղանակները։ Եթե անձամբ ընթերցելու հնարավորություն չկա, կարելի է գոնե հարցնել մասնագետին։

«Չի կարելի հիմք ընդունել այստեղից այնտեղից, հարևանից ու ծանոթից լսածը։ Թունաքիմիկատների խանութներում էլ բարեխիղճ մասնագետներ կան, սակայն կան նաև այնպիսիք որոնց գիտելիքները կիսատ են և որևէ բան խորհուրդ են տալիս հենց այնպես, միայն թե վաճառեն իրենց ապրանքը», – նշեց Պետրոսյանը։

Այստեղ ի հայտ է գալիս հայ հասարակության թույլ կողմը. ցավոք, բոլորին թվում է, որ իրենք ամեն ինչ բոլորից լավ գիտեն, և որևէ մեկից սովորելու կարիք չունեն։ Պետրոսյանը հիշեցնում է, որ նման մարդիկ այս տարի խնդրի առաջ կկանգնեն, իսկ նրանք, ովքեր պաշտպանությունն իրականացրել են գյուղատնտեսության կանոններով, լավ բերք են կստանան ։

Գյուղատնտեսական գիտելիքների դերը գյուղատնտեսության մեջ թերագնահատում են նույնիսկ գյուղապետարանները։ Տխուր է, բայց փաստ. Արարատյան դաշտավայրում, որը Հայաստանն ապահովում է (և ոչ միայն Հայաստանը) միրգ ու բանջարեղենով, ոչ բոլոր գյուղապետարաններում գյուղատնտեսի հաստիք կա։ Պետրոսյանը հավելում է, որ ցավոք, վերջին երկու տարվա ընթացքում ևս ընդհանուր համակարգային փոփոխությունների բարելավում չի նկատվում։

«Իհարկե կան լավ մասնագետներ, բայց նրանք դեռ մեծ թիվ չեն կազմում։ Այդ պատճառով գյուղացին կամ պարզապես պետք է գտնի նրանց, կամ անձամբ գյուղատնտեսական գրքեր կարդա։ Դա այդքան էլ բարդ չէ», – ընդգծեց Պետրոսյանը։

Կորիզավոր պտուղների բերքը միջինից շատ ցածր կլինի. Պետրոսյանը` տեղումների հետևանքների մասին

Նշենք, որ գյուղատնտեսի մասնագիտությունը  գյուղերի երիտասարդության շրջանում շարունակում է չպահանջված մնալ։ Ընդամենը մի քանի խոշոր ընկերություններում և գյուղացիական տնտեսություններում  կարելի է բարձր աշխատավարձի հույս ունենալ, այդ պատճառով գյուղատնտեսի աշխատանքը շարունակում է ամենաանշնորհակալ գործը մնալ։

0
թեգերը:
եղանակ, Անձրև, գյուղմթերք, գյուղացի, Գյուղ, բերքահավաք, բերք, ծիրան, Հայաստան
Ըստ թեմայի
Ծիրանը կշատանա, գյուղացին լավ կապրի. Հայաստանում նոր տեխնոլոգիա են փորձարկում
Ալկոգել ծիրանով, կամ ինչ փոփոխություններ է կրել երկրում ախտահանող միջոցների արտադրությունը
Պետրոսյան. «Եթե մինչև ապրիլի 10 ցրտահարություններ չլինեն, ծիրանի բերքը կփրկվի»