Երևանը Թբիլիսիից վատը չէ. ո՞րն է ՀՀ–ի ու Իսրայելի հարաբերությունների աշխուժացման բանաձևը
(Թարմացված է 20:24 27.06.2019)
«Հայաստան–Իսրայել» միջազգային հասարակական ֆորումի համանախագահ Ալեքսանդր Ցինկերը համոզված է, որ Հայաստանի և Իսրայելի հարաբերությունները բոլոր մակարդակներում աշխուժացնելու համար խոշոր նախագծեր են պետք։ ԵՐԵՎԱՆ, 27 հունիսի — Sputnik, Լաուրա Սարգսյան. Իսրայելի քաղաքացիների շրջանում Հայաստանի նկատմամբ հետաքրքրության նշանակալի աճ է գրանցվել, ինչի վկայությունն է զբոսաշրջային հոսքի ավելացումը և Երևանի ու Թել Ավիվի ուղղությամբ չվերթերի հաճախականությունը։ Սակայն միայն ժողովրդական դիվանագիտության վրա քաղաքականություն չի կառուցվում, և բարձր մակարդակով շփումների աշխուժացման համար տնտեսական խոշոր նախագծեր են պետք։ Sputnik Արմենիայի թղթակցի հետ զրույցում այս մասին ասաց «Հայաստան–Իսրայել» միջազգային հասարակական ֆորումի համանախագահ, դոկտոր Ալեքսանդր Ցինկերը։
Նրա խոսքով` երկկողմ հարաբերությունների ձեռքբերումները բարեկամության միջխորհրդարանական խմբի և «Հայաստան–Իսրայել» ֆորումի ղեկավարների բազմամյա արդյունավետ աշխատանքի արդյունքն են։
«Որոշակի առաջընթաց կա, ինքնաթիռներ են թռչում, չվերթերը` շատանում, զբոսաշրջային հոսքն աճում է։ Եթե այս տարին համեմատենք անցած տարվա հետ, ապա 3-4 անգամ մեծացել է Հայաստան եկող զբոսաշրջիկների թիվը», – ասաց Ցինկերը։
Օրինակ` եթե անցած տարիներին Իսրայելից Հայաստան շուրջ 2 հազար մարդ է ժամանել, ապա այսօր միայն կես տարվա ընթացքում այդ ցուցանիշը հասնում է մոտ 3 հազարի։ Նա ընդգծեց, որ իսրայելցիների մոտ ձևավորվում է այն գիտակցումը, որ Հայաստանը գեղեցիկ է, այստեղ համով է ու էժան, ընդ որում` ավելի վատ չէ, քան Վրաստանում։
Սակայն փորձագետը համոզված է, որ այդ ցուցանիշը կարող է ավելի շատ լինել։
Քաղաքական կապեր
Ցինկերը համոզված է` Հայաստանի և Իսրայելի քաղաքական հարաբերությունների անդորրությունը պայմանավորված է տարբեր գործոններով` և՛ արտաքին, և՛ ներքաղաքական։ Փոխգործակցության վրա մեծ ազդեցություն է ունեցել ոչ միայն այն հանգամանքը, որ Հայաստանն Իրանի բարեկամն է, այլև Իսրայելի կողմից Ադրբեջանին զենք մատակարարելը, ինչպես նաև երկու երկրների ներքաղաքական փոփոխությունները։
©
Sputnik / Karen Yepremyan
Թեև Հայաստանում տեղի ունեցած իշխանափոխությունից հետո բարեկամության միջխորհրդարանական նոր խումբ է ձևավորվել, բայց այն առայժմ միայն աշխատանքներ է տանում Իսրայելի հետ հարաբերությունների պլանավորման ուղղությամբ։ Դեռ իսրայելցի գործընկերների հետ շփում չկա, քանի որ Իսրայելում ևս ներքաղաքական կյանքը բավական անկայուն է։
Միջխորհրդարանական խմբի կազմ պետք է ձևավորի նաև Իսրայելը։ Հարցը կլուծվի ընտրությունից հետո, որը տեղի կունենա Իսրայելում սեպտեմբերի 21-ին։
Հայաստանում 2019 թվականին աճել է ռուսաստանցի զբոսաշրջիկների թիվը
Միայն դրանից հետո կողմերը կկարողանան կամուրջ կառուցել և շփում հաստատել։ Ըստ Ցինկերի` հարաբերություններում ընդհանուր առմամբ նախաձեռնողականության պակաս կա։
«Բարձր մակարդակով կապերի աշխուժացմանը կարող են օգնել տնտեսական խոշոր նախագծերը», – ասաց նա։
Իսկ ո՞րն է ֆորումի դերը
«Հայաստան–Իսրայել» միջազգային հասարակական ֆորումի ներկայացուցիչները սպասում են երկու երկրի բարեկամության քաղաքական խմբերի աշխատանքի վերջնական արդյունքներին։ Առաջիկայում ֆորումի աջակցությամբ նախատեսվում է Գյումրի և Պետախ Տիկվա քույր քաղաքների մասին պայմանագրի ստորագրումը։ Պետախ Տիկվայում հայկական մեծ համայնք է կա։
Ցինկերի խոսքով` մինչև այս տարեվերջ Հայոց ցեղասպանության և Հոլոքոստի զոհերին նվիրված հուշարձան կտեղադրվի քաղաքում։
Հիշեցնենք, որ հայ–իսրայելական հարաբերություններն ակտիվ զարգանում էին 2017-2018 թվականներին «Հայաստան-Իսրայել» միջազգային հասարակական ֆորումի, ինչպես նաև բարեկամության միջխորհրդարանական խմբի գործունեության շնորհիվ։ Կարճ ժամանակահատվածում հաջողվել էր ուղիղ չվերթեր բացել երկու երկրների միջև, կապեր հաստատել իշխանական կառույցների ներկայացուցիչների միջև։
2017 թվականի հուլիսին Երևան էր ժամանել Իսրայելի տարածաշրջանային վարչության նախարար Ցախի Անեգբին, նույն թվականի սեպտեմբերին Հայաստանում եռօրյա աշխատանքային այցով եղավ Քնեսեթի փոխխոսնակը` բարեկամության միջխորհրդարանական խմբի պատվիրակության անդամների և «Հայաստան-Իսրայել» միջազգային հասարակական ֆորումի ներկայացուցիչների հետ։
Պատասխան քայլ եղավ ՀՀ նախկին արտգործնախարար Էդվարդ Նալբանդյանի այցը Իսրայել (2017 թվականի նոյեմբերի 6-7-ը) և Գագիկ Մինասյանի գլխավորած հայկական պատվիրակության այցը 2018 թվականի փետրվարին։
Հայաստանում կա, Վրաստանում և Ադրբեջանում` ոչ. չինացի զբոսաշրջիկները հիացած են հայերով
Գերեվարված անձանց հայրենիք վերադարձի խնդիրն առաջնային կարևորություն ունի. ԱԺ նախագահ
(Թարմացված է 20:43 02.03.2021)
ՀՀ Ազգային ժողովի նախագահ Արարատ Միրզոյանը հանդիպել է Հայաստանում ԱՄՆ դեսպան Լին Մ. Թրեյսիի և Հայաստանում ԱՄՆ զարգացման ծրագրի գործակալության ղեկավար Դևիդ Հոֆմանի հետ։ԵՐԵՎԱՆ, 2 մարտի - Sputnik. ՀՀ Ազգային ժողովի նախագահ Արարատ Միրզոյանը հանդիպել է Հայաստանում ԱՄՆ դեսպան Լին Մ. Թրեյսիի և Հայաստանում ԱՄՆ զարգացման ծրագրի գործակալության ղեկավար Դեւիդ Հոֆմանի հետ, տեղեկացնում են ԱԺ լրատվական ծառայությունից։
©
Photo : official site of the NA of RA
ՀՀ Ազգային ժողովի նախագահ Արարատ Միրզոյանը հանդիպել է Հայաստանում ԱՄՆ դեսպան Լին Մ. Թրեյսիի և Հայաստանում ԱՄՆ զարգացման ծրագրի գործակալության ղեկավար Դևիդ Հոֆմանի հետ։
Արարատ Միրզոյանը ներկայացրել է կրակի դադարեցման մասին եռակողմ հայտարարության ընդունումից հետո ստեղծված իրավիճակը եւ ընդգծել՝ ռազմագերիների և գերեվարված անձանց հայրենիք վերադարձի խնդիրն առաջնային կարեւորություն ունի հայկական կողմի համար: Խորհրդարանի խոսնակը հույս է հայտնել, որ Միացյալ Նահանգներն առավել ակտիվորեն կներգրավվեն այս խնդրի շուտափույթ կարգավորման գործում: Միրզոյանը նաև ընդգծել է, որ արցախյան հիմնախնդիրը չի կարելի կարգավորված համարել, քանի դեռ չի լուծվել Լեռնային Ղարաբաղի կարգավիճակի հարցը՝ հիմնված ազգերի ինքնորոշման սկզբունքի վրա:
«Դըմփ–դըմփ–հու»–երով «փարթին» անարգանք է Արցախի, զոհերի ու գերիների նկատմամբ. Զոհրաբյան
Դեսպան Թրեյսին իր հերթին նշել է, որ ամերիկյան կողմը ջանքեր է գործադրում նպաստելու հայ ռազմագերիների վերադարձին:
Կողմերը զրույցի ընթացքում քննարկել են հայ-ամերիկյան ընդհանուր օրակարգին վերաբերող հարցեր, ինչպես նաև երկուստեք ընդգծել են Հայաստանում ներքաղաքական իրավիճակի լիցքաթափման կարևորությունը:
Չնայած պատերազմի հարվածներին՝ պետք է ոտքի կանգնենք․ Փաշինյանը շնորհավորել է դիվանագետներին
(Թարմացված է 20:24 02.03.2021)
Հայաստանի կառավարությունը 2012-ին որոշել է մարտի 2-ը հռչակել Դիվանագետի օր։ 20 տարի առաջ այդ օրը Հայաստանը անդամակցել է ՄԱԿ-ին։ԵՐԵՎԱՆ, 2 մարտի - Sputnik. Հայաստանի վարչապետ Նիկոլ Փաշինյանը շնորհավորել է Դիվանագետի օրվա առթիվ։ Այս մասին տեղեկանում ենք ՀՀ վարչապետի աշխատակազմի տեղեկատվության և հասարակայնության հետ կապերի վարչությունից։
«Այսօրվա բարդ համաշխարհային միջավայրում ձեր դերն ու առաքելությունը մեր պետության կյանքում առավել մեծ նշանակություն է ստանում։ Մեծ է ձեր պատասխանատվության աստիճանը, մեծ են նաեւ ձեզնից սպասումները», - գրված է Փաշինյանի ուղերձում։
Նշված է, որ չնայած պատերազմի հասցրած հարվածներին՝ մենք պետք է կարողանանք ոտքի կանգնել, հասկանալ նախկինում ունեցած անհաջողությունների պատճառները եւ առաջ շարժվել նպատակներին հասնելու համար:
«Ձեր աշխատանքի արդյունավետությամբ են մասնավորապես պայմանավորված մեր ապագա նվաճումները միջազգային ասպարեզում: Վստահ եմ` պատվով կիրականացնեք ձեր առաքելությունն ու ծառայությունը մեր պետության առջև», - գրված է ուղերձում։
Հայաստանի կառավարությունը 2012-ին որոշել է մարտի 2-ը հռչակել Դիվանագետի օր։ 20 տարի առաջ այդ օրը Հայաստանը անդամակցել է ՄԱԿ-ին։
ՀՀ–ի ռուս դիվանագետները պատվաստվել են «Սպուտնիկ V»-ով. Զախարովան մանրամասներ է հայտնել
Ջերմուկում ձյուն է գալիս, Սյունիքի ճանապարհները տեղ–տեղ պատվել են մերկասառույցով
(Թարմացված է 09:34 03.03.2021)
Ի՞նչ է կատարվում Հայաստանի ճանապարհներին, ո՞ր հատվածներն են փակ։ ՀՀ արտակարգ իրավիճակների նախարարությունը թարմ տեղեկություն է հայտնում և վարորդներին հիշեցնում, որ պետք է երթևեկել ձմեռային անվադողերով։ԵՐԵՎԱՆ, 3 մարտի – Sputnik. ՀՀ արտակարգ իրավիճակների նախարարությունը տեղեկացնում է, որ ՀՀ տարածքում կան փակ ավտոճանապարհներ։
Փակ են Արագածոտնի մարզում «Ամբերդ» բարձր լեռնային օդերևութաբանական կայանից դեպի Ամբերդ ամրոց և դեպի Քարի լիճ տանող ավտոճանապարհները:
Վարդենյաց լեռնանցքը փակ է կցորդիչով բեռնատարների համար:
Վանաձոր-Դիլիջան ավտոճանապարհին և Սյունիքի մարզի ավտոճանապարհներին տեղ-տեղ առկա է մերկասառույց։
Վայոց Ձորի մարզի Ջերմուկ քաղաքում ձյուն է գալիս։
Ստեփանակերտի օդանավակայանն ու Ալիևի ավիացիոն պլանները. իրավիճա՞կ է փոխվել
Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսեթիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար․ ռուսական կողմում կա մոտ 500 կուտակված բեռնատար ավտոմեքենա:
Վարորդներին խորհուրդ է տրվում երթևեկել բացառապես ձմեռային անվադողերով։
Արմավիրի մարզում ճակատ–ճակատի բախվել են Opel Astra–ներ. վիրավորների մեջ երեխաներ կան