Փաշինեան հրամանագիր մը ստորագրեց. ԱՄՆ–էն եկած Սինանեանը պաշտօն ստացաւ Հայաստանի մէջ

Փաշինեան հրամանագիր մը ստորագրեց. ԱՄՆ–էն եկած Սինանեանը պաշտօն ստացաւ Հայաստանի մէջ

62
(Թարմացված է 19:36 14.06.2019)
Կլենտէլի քաղաքային խորհուրդի անդամը հրաժարած էր պաշտօնէն, որպէսզի պաշտօն ստանձնէ Հայաստանի կառավարութեան մէջ:

ԵՐԵՒԱՆ, 14 յունիսի – Sputnik. Նիկոլ Փաշինեան նոր նշանակում ըրած է: Սփիւռքի գործերու գլխաւոր յանձնակատար  նշանակուած է Զարեհ Սինանեան: Այս մասին նշուած է ՀՀ կառավարութեան կայքին մէջ:

«Ղեկավարուելով «Հանրային ծառայութեան մասին» Հայաստանի Հանրապետութեան օրէնքի 8-րդ յօդուածի 3.1-ին մասով եւ 9-րդ յօդուածի 25-րդ մասով` Զարեհ Սինանեան նշանակուած է սփիւռքի գործերու գլխաւոր յանձնակատար»,– նշուած է Փաշինեանի հրամանագիրին մէջ:

Յիշեցնենք` նախօրօք տեղեկութիւն  տարածուած էր, որ Կլենտէլի քաղաքային խորհուրդի անդամ Զարեհ Սինանեան հրաժարած է պաշտօնէն, որպէսզի բարձր պաշտօն ստանձնէ Հայաստանի Հանրապետութեան կառավարութեան մէջ:

Սինանեան առաջին անգամ 2013-ին  ընտրուած է Կլենտէլի քաղաքապետական խորհուրդի անդամ եւ վերընտրուած 2017-ին: Ան երկու անգամ ստանձնած է քաղաքապետի պաշտօնը` 2014-2015-ին եւ 2018-2019-ին:

Սինանեան նաեւ Հոլիւուտ-Պըրպընք օդակայանի տնօրինութեան նախագահն է:

«Կառավարութեան կառուցուածքի եւ գործունէութեան մասին» ՀՀ օրէնքին մէջ կատարուած փոփոխութիւններու հետեւանքով Սփիւռքի նախարարութիւնը միացուած է վարչապետի աշխատակազմին` վերաձեւակերպուելով Սփիւռքի գործերու գլխաւոր յանձնակատարի գրասենեակի:

62
թեգերը:
«Թավշյա հեղափոխություն», Նիկոլ Փաշինյան, Ամերիկայի Միացյալ Նահանգներ, Հայաստան
թեմա:
Sputnik Արմենիան` արևմտահայերենով (229)
Ըստ թեմայի
Նախաճաշ կամ ընթրիք ամպերու ներքոյ. Երեւանի մէջ կը բացուի 1-ին կախովի ճաշարանը.լուսանկարներ
Պատմական չուերթ Երեւանէն Վան. Հայաստանի 1–ին եւ վերջին մայրաքաղաքները 35 վայրկեան կը բաժնէ
Կը խնդրեմ, այնպէս ընես` մայրս չլայ. ապրիլեանի տղաներէն Բագրատ Ալեքսանեանի վերջին տողերը