Արայիկ Հարությունյան

Փաշինյանի «նշանառության տակ». ՀՀ վարչապետին գործընկեր է պետք Արցախի նախագահի պաշտոնում

83
(Թարմացված է 09:57 10.06.2019)
Թեև Հայաստանի իշխանությունն Արցախի նախընտրական քարոզարշավի ընթացքում կարծես թե խաղադրույք է արել թեկնածուներից մեկի վրա, այդուհանդերձ նրան դժվար է գաղափարական գործընկեր համարել։

ԵՐԵՎԱՆ, 10 հունիսի – Sputnik. Երևանի ու Ստեփանակերտի հարաբերություններում նկատվող լարվածությունը կապված է Արցախում կայանալիք ընտրության հետ։ Sputnik Արմենիայի հետ զրույցում այս կարծիքը հայտնեց քաղաքագետ Երվանդ Բոզոյանը։

«Բնականաբար, իշխանության գալուց հետո Փաշինյանը փորձեց այդ իշխանությունը տարածել նաև այլ ճյուղերի վրա։ Ընտրություններից հետո նա Ազգային ժողովում մեծամասնություն ստացավ, հիմա էլ փորձում է հսկողության տակ առնել նաև դատական համակարգը», – նշեց Բոզոյանը։

Նրա խոսքով` Արցախն անքակտելիորեն կապված է Հայաստանի հետ, ու Փաշինյանի համար անընդունելի է, որ ղեկավարը լինի մեկը, ով իր «գործընկերը» չէ։

Բոզոյանի կարծիքով` դժվար է ասել` ինչի կհանգեցնի Երևանի ու Ստեփանակերտի միջև զգացվող լարվածությունը։ Բանն այն է, որ Արցախի քաղաքական ուժերը, որոնք պայքարում են միմյանց միջև, ոչ մի «օրգանական կապ» չունեն Փաշինյանի հետ։

Շատերն ասում են, որ Արայիկ Հարությունյանը (Արցախի նախկին վարչապետ) «Փաշինյանի մարդն» է, բայց նրա բացասական վարկանիշն Արցախում բավականին բարձր է` հաշվի առնելով նրա բիզնես կապերն ու գործունեությունը։

«Փաշինյանը, ուղիղ կողմնակից չունենալով, փորձում է դաշտ բացել նրա համար` նշանառության տակ առնելով Հարությունյանի հնարավոր մրցակիցներին», – նշեց Բոզոյանը։

Նրա խոսքով` դժվար է այլ տրամաբանություն գտնել։ Պետական շահերը պետք է վեր լինեն անձնական կամ «դասային» շահերից։

«Սա հետհեղափոխական սինդրոմ է, երբ մարդն իր անձնական շահերը պետականից վեր է դասում», – ասաց Բոզոյանը` նշելով, որ դա նաև լուրջ վտանգ ունի, քանի որ եթե գործընթացը խորանա, ապա հետևանքները կարող են շատ ցավալի լինեն։

Հունիսի 5–ին ՀՀ վարչապետ Նիկոլ Փաշինյանը հայտարարել էր, որ մինչ իր իշխանության գալը Արցախի ղեկավարությունն անտեղյակ էր` ինչ է քննարկվում բանակցությունների սեղանի շուրջ ու ծանոթ չէր հակամարտության կարգավորման փաստաթղթերին։ Վարչապետը վստահեցրել էր, որ հենց ինքն է փաստաթղթերի փաթեթը փոխանցել արցախյան իշխանությանը։

Արցախի նախագահ Բակո Սահակյանը պատասխանել էր ՀՀ վարչապետ Նիկոլ Փաշինյանի հայտարարությանը: «Արցախպրես» լրատվական գործակալությանը տված հարցազրույցում նա ասել էր, որ նախկինում ևս Ադրբեջանի հետ բանակցություններից առաջ ու դրանցից հետո Հայաստանի իշխանություններն Արցախի ղեկավարությանը տեղյակ են պահել քննարկվող հարցերի ու վերջին զարգացումների մասին:

 

83
թեգերը:
Արցախ
Ըստ թեմայի
«Դժվար է ասել, թե որքան կտևի այդ դադարը». Բոզոյանը՝ արցախյան հակամարտության մասին
Մենք մշտապես աշխատում ենք Արցախի իշխանությունների հետ. Մնացականյան
Հայաստանի և Արցախի միասնականության վրա ոչ ոք չպիտի կասկածի. Մնացականյան
Արցախյան հարցում Փաշինյանը վախենում է պատասխանատվությունից. Աշոտյան