Նիկոլ Փաշինյան

Դատական համակարգն ինքն է արձանագրել իր ճգնաժամի մեջ լինելը. Փաշինյան

123
(Թարմացված է 11:56 05.06.2019)
Վարչապետի խոսքով`հակակոռուպցիոն դատարանի ամբողջ ֆինանսական բեռը միջազգային դոնորները պետք է վերցնեն իրենց վրա։

ԵՐԵՎԱՆ, 5 հունիսի — Sputnik. Դատական համակարգն ինքն է արձանագրել իր ճգնաժամի մեջ լինելը: Այսօր ԱԺ-ում, լրագրողների հետ ճեպազրույցում ասաց ՀՀ վարչապետ Նիկոլ Փաշինյանը` անդրադառնալով դատական համակարգի բարեփոխումների թեմային:

«Վճռաբեկ դատարանը հայտարարություն է անում Սահմանադրական դատարանի դեմ, Դատարանների խորհուրդը հայտարարություն է անում ԲԴԽ-ի դեմ: Ինձ ասացին, որ ԲԴԽ-ն նույնպես հայտարարություններով է հանդես գալիս: Այսինքն` հենց ինքը` դատական համակարգն ընդունում, որ ճգնաժամ կա: Դատարաններն իրար չեն վստահում: Եթե Վճռաբեկ դատարանն ասում է ՍԴ-ն սխալ որոշում է կայացրել, Դատարանների խորհուրդը ասում է` ԲԴԽ-ն չի ապահովում դատարանների բնականոն գործունեությունը` սա արձանագրում է ճգնաժամի առկայությունը»- ասաց Փաշինյանը:

Այդուհանդերձ, այս ոլորտում բարեփոխումներ անելիս, Փաշինյանն ու նրա քաղաքական թիմը չեն պատրաստվում «գերանդին առնել ու բոլորին հնձել»:

«Մեր խնդիրն է ունենալ ժողովրդի վստահությունը վայելող անկախ դատական համակարգ»,- ասաց Փաշինյանը:

Մինչդեռ, այսօր, վարչապետի խոսքով, ցանկացած մեկի ձերբակալությունը նախևառաջ կապվում է իր հետ: Թե ընդդիմությունը և թե յուրայիններն առաջին հերթին սլաքներն ուղղում են իր կողմը:

«Դատարանների արգելափակման իմաստն էր ի ցույց դնելն, որ դատական համակարգի որոշումների հետ ես կապ չունեմ»,- ասաց նա:

Արձագանքելով մեղադրանքներին, թե բարեփոխումների արդյունքում ինքը ձգտում է նոր իշխանություններին հնազանդ դատական համակարգ ստեղծել`Փաշինյանն ասաց. «Ինձ պետք չէ մարիոնետային դատական համակարգ»:

Վարչապետը նշեց նաև, որ բարեփոխումների թվում ստեղծվելու է նոր` հակակոռուպցիոն դատարան, դատավորների աշխատավարձերն էլ բարձրանալու են:

«Մենք այսօր էլ կարող ենք դատավորների աշխատավարձերը բարձրացնել, բայց հանրությունը մեզ չի հասկանա,- ասաց նա,- եթե միջազգային հանրությունը, մեր գործընկերները մեզ աջակցեն, որ մենք 3 տարվա կտրվածքով հակակոռուպցիոն դատարան ստեղծենք, այնտեղ ինչ-որ ձև գտնենք բարձր աշխատավարձերով լուրջ մասնագետներ ներգրավելու, որոնց վստահելիությունը բարձր կլինի, և 3 տարի հետո հանրությունն էլ, ընդդիմությունն էլ, իշխանությունն էլ կտեսնեն, որ, իրոք, անկախ դատական համակարգ ունենալը օգտակար է պետությանը, տնտեսությանը, հանրությանը: Այդ ժամանակ արդեն կարող ենք մեր ժողովրդին համոզել, որ բյուջեից պետք է դատավորներին բարձր աշխատավարձեր տանք,- ասաց Փաշինյանը:

Վարչապետի խոսքով`հակակոռուպցիոն դատարանի ամբողջ ֆինանսական բեռը միջազգային դոնորները պետք է վերցնեն իրենց վրա։

Հարցն, ըստ նրա, արդեն քննարկվել է միջազգային գործընկերների հետ: Նրանք այն ընդունել են ի գիտություն: Փաշինյանի խոսքով, այս գումարը Հայաստանին պետք է տրամադրվի գրանտի տեսքով:

123
թեգերը:
Վեթինգ, Դատարան, «Թավշյա հեղափոխություն», Նիկոլ Փաշինյան, Հայաստան
թեմա:
ՀՀ վարչապետ Նիկոլ Փաշինյան (1055)
Ըստ թեմայի
Կողմ եմ դատական համակարգի բարելավմանը, բայց կտրականապես դեմ եմ այս մեթոդներին. Ռշտունի
Հայաստանի իշխանությունները չեն կարող լուծարել Բարձրագույն դատական խորհուրդը. Զեյնալյան
Դատական բարեփոխումների անցնցում զարգացումներն են միայն գրանցում հաջողություն. ԲԴԽ–ի կոչը
Ռոբերտ Քոչարյան

Իշխանությունները պատրաստ չեն լսել. Ռոբերտ Քոչարյանը մտահոգություններ ունի. տեսանյութ

170
(Թարմացված է 18:13 10.07.2020)
Երկրորդ նախագահն իր աջակիցների հետ քննարկել է տնտեսական խնդիրներ ու Ղարաբաղյան հակամարտության գործընթացը։ Նա խոսել է իր մտահոգությունների մասին։

ԵՐԵՎԱՆ, 10 հուլիսի - Sputnik. Իշխանությունները պատրաստ չեն լսել որևէ մեկին, հատկապես ընդդիմադիրներին։ Այս մասին ասել է ՀՀ երկրորդ նախագահ Ռոբերտ Քոչարյանն իր համախոհների և աջակիցների հետ հեռավար հանդիպմանը։

Դատարանը մերժեց Ռոբերտ Քոչարյանի գործով դատախազների միջնորդությունը

Նա նշել է, որ այժմ չի կարող ազդեցություն ունենալ տնտեսական քաղաքականության վրա, քանի որ դա կարելի է անել միայն կառավարության շրջանակներում լինելով։ Այս համատեքստում Քոչարյանն ընդգծել է, որ իրավիճակի ու նրա տնտեսական հետևանքների պատասխանատուն գործադիր իշխանությունն է։ Նա ընդգծել է, որ կփորձի ճանապարհ ցույց տալ և ուղղորդել իշխանություններին իր քննադատությամբ։

«Սա շատ փոքր հնարավորություն է հատկապես մի իշխանության օրոք, երբ իրենք պատրաստ չեն լսել որևէ մեկին, հատկապես ընդդիմադիր կեցվածք ունեցող փորձագետներին, մասնագետներին, տնտեսագետներին, քաղաքական գործիչներին»,-ասել է Քոչարյանը։

Նա նաև ընդգծել է, որ մտահոգություններ ունի Ղարաբաղյան հարցի շուրջ։ Ըստ ՀՀ 2–րդ նախագահի այնպիսի տպավորություն է, որ գործընթացը ճիշտ ուղղությամբ չի ընթանում։  Երկրորդ նախագահը խոստացել է շուտով ավելի մանրամասն խոսել այս մասին։

Հիշեցնենք, որ հունիսի 18-ին Վերաքննիչ քրեական դատարանի դատավոր Արսեն Նիկողոսյանը մասնակի բավարարեց Քոչարյանի կալանքը փոխելու միջնորդությունները մերժելու մասին դատարանի որոշման դեմ բողոքը։ Քոչարյանն ազատ արձակվեց 2 միլիարդ դրամ գրավի դիմաց։

Փաշինյան-Քոչարյան հանդիպումը դատարանում հետաձգվում է մինչև սեպտեմբեր

ՀՀ երկրորդ նախագահին մեղադրանք է առաջադրվել 2008 թ.–ի մարտի 1-ի բողոքի ակցիաները ցրելու ժամանակ սահմանադրական կարգը տապալելու համար։ Նա իրեն ուղղված մեղադրանքները քաղաքական հետապնդում է համարում։ 2018թ-ին Քոչարյանին երկու անգամ ձերբակալեցին:

2019 թվականի հունիսի վերջին նա ձերբակալվեց երրորդ անգամ: Երկրորդ նախագահին նաև կաշառք ստանալու մեղադրանք է առաջադրված։

 

170
թեգերը:
ընդդիմություն, Իշխանություն, Հայաստան, Ռոբերտ Քոչարյան
Ըստ թեմայի
ԱԺ ներկայացուցիչը դիմել է ՍԴ` Ռոբերտ Քոչարյանի գործի քննությունը հետաձգելու համար
Առաջինը ո՞ր դիմումը կքննի ՍԴ–ն. Քոչարյանի պաշտպանը մեկնաբանել է ստեղծված իրավիճակը
Ռոբերտ Քոչարյանը ցույց է տվել՝ ինչպես է զբաղվում սպորտով. տեսանյութ
Գագիկ Ծառուկյան

«Բարգավաճ Հայաստանը» հայտարարություն է տարածել

543
(Թարմացված է 14:06 07.07.2020)
ԲՀԿ–ն կոչով դիմել է իշխանությանը, բոլոր քաղաքական և հանրային շրջանակներին, քաղաքացիական հասարակությանը։

ԵՐԵՎԱՆ, 7 հուլիսի – Sputnik. ԲՀԿ քաղաքական խորհուրդը խստորեն դատապարտում է իշխանության կողմից ԲՀԿ նախագահի և կուսակցական գործիչների հանդեպ իրականացվող քաղաքական հետապնդման ու էժանագին մեթոդներով հաշվեհարդարի փորձերը:

Նշենք, որ սոցցանցում տարածվել է ԲՀԿ-ական պատգամավոր Գևորգ Պետրոսյանի և Ավան վարչական շրջանի ղեկավարի տեղակալ Ներսես Պողոսյանի հեռախոսազրույցը։ Պատգամավորի խոսքով` Պողոսյանը զանգել էր` զգուշացնելու, որ Պետրոսյանն այլևս Նիկոլ Փաշինյանի և Արարատ Միրզոյանի մասին գրառումներ չանի։ Գևորգ Պետրոսյանը Faebook–ում գրել էր, որ հեռախոսազրույցի հրապարակումը իշխանության ձեռքի գործն է։

«Ակնհայտ է, որ ամենը սկսվեց Գագիկ Ծառուկյանի` հունիսի 5-ի հայտնի ելույթից հետո, որտեղ նա մատնանշեց կառավարության ձախողումներն ու տապալումները՝ նշելով կոնկրետ ոլորտներ: Սոցիալ– տնտեսական խայտառակ ցուցանիշներ, բանկային «գերության» մեջ գտնվող հարյուր հազարավոր քաղաքացիների վիճակ, փլուզման եզրին կանգնած տնտեսության ամբողջական ճյուղեր, գործազրկության ահռելի աճ, համավարակի դեմ պայքարի տապալում, ռազմավարական դաշնակիցների հետ հարաբերություններում աններելի լարվածություն: Հենց այս խնդիրների բարձրաձայնումից և կառավարության կազմի 100 տոկոսի հրաժարականի պահանջից հետո իշխանությունների կողմից սանձազերծվեց քաղաքական հետապնդումների շարք «Բարգավաճ Հայաստան կուսակցության ներկայացուցիչների նկատմամբ»,– նշված է ԲՀԿ–ի հայտարարության մեջ:

ԲՀԿ–ականները նշում են, որ չունենալով քաղաքական հակափաստարկներ` իշխանությունն անցավ բարոյական բոլոր կարմիր գծերն ու այսօր բացահայտ ոտնահարում է մարդու իրավունքներն ու պատգամավորի, քաղաքացու անձնական կյանքի անձեռնմխելիության իրավունքը։ ԵԽ անդամ, միջազգային բազմաթիվ կառույցների անդամ Հայաստանում իշխանությունը կոպտորեն խոչընդոտում է իր մասնագիտական գործունեությունը կատարող պատգամավորների և քաղաքական գործիչների աշխատանքը՝ փորձելով լռեցնել՝ քաղաքական հաշվեհարդարներ տեսնելով, անձնական ձայնագրություններ հրապարակելով, ինչը օրենքի և միջազգային բազմաթիվ կոնվենցիաների կոպտագույն խախտում է։

«Մենք արձանագրում ենք, որ անկախ Հայաստանի պատմության մեջ երբեք չի եղել նման «խաղի կանոն» և քաղաքական ամենաբարդ հարաբերությունների դեպքում անգամ անձնական կյանքը, ընտանիքը, երեխաները եղել են անձեռնմխելի թեմաներ։ Երկրի, քաղաքացու առջև այս դժվարին ժամանակներում ծառացած սոցիալական կարևորագույն խնդիրները լուծելու փոխարեն իշխանությունն իր ամբողջ ռեսուրսն ու ֆեյք ինդուստրիան, որի վրա պետական հսկայական միջոցներ են ծախսվում, ուղղել է ԲՀԿ նախագահի և ԲՀԿ պատգամավորների հանդեպ անբարո քաղաքական հաշվեհարդարների կազմակերպմանը, որևէ բարոյական արգելքի, այդ թվում՝ ընտանիք ու անձնական կյանք մտնելու բարոյական արգելքի առաջ չկանգնելով»,– գրված է հայտարարության մեջ։

ԲՀԿ քաղաքական խորհուրդը կոչ է անում իշխանությանը՝ ձեռնպահ մնալ խուլիգանական արարքներից։ Իսկ միջազգային կառույցներին և իրավապաշտպան կազմակերպություններին հորդորում է անարձագանք չթողնել ՀՀ պատգամավորների, քաղաքական գործիչների հանդեպ իշխանության կողմից սանձազերծված այս անբարո արշավը, քանզի իշխանության ընտրած այս ճանապարհը ամենակարճ ճանապարհն է դեպի բռնապետություն։

«Բարգավաճ Հայաստան» կուսակցությունը կոչ է անում բոլոր քաղաքական և հանրային շրջանակներին, քաղաքացիական հասարակությանը, գիտակից հասարակությանը` նշելով, որ սա քաղաքական հայացքների խնդիր չէ, այլ արժանապատվության և մարդու անձնական կյանքի անձեռնմխելիության խնդիր:

«Բարձրաձայնեք ձեր վրդովմունքը, միասին մերժենք անհատի և ընտանիքների վարկաբեկման ճղճիմ փորձերը»,– նշել են ԲՀԿ–ականները։

Հիշեցնենք` ԱԱԾ-ն հունիսի 14-ին խուզարկություն էր իրականացրել Գագիկ Ծառուկյանի առանձնատանը:
Նրա դեմ 3 քրեական գործ է հարուցվել ապօրինի ձեռնարկատիրական գործունեության, ընտրակաշառք բաժանելու և հողատարածքների օտարման փաստերով։

Հունիսի 16-ին ԱԺ–ն որոշեց Գագիկ Ծառուկյանին զրկել անձեռնմխելիությունից և թույլ տալ, որ նրա նկատմամբ քրեական հետապնդում սկսվի։

Հունիսի 21-ին Երևանի ընդհանուր իրավասության դատարանը մերժել էր Ծառուկյանի նկատմամբ կալանքը որպես խափանման միջոց ընտրելու՝ ԱԱԾ-ի միջնորդությունը:

Հունիսի 23-ին հայտնի դարձավ, որ դատախազությունը վերաքննիչ բողոք է ներկայացրել Ծառուկյանի նկատմամբ կալանքը որպես խափանման միջոց կիրառելու միջնորդությունը մերժելու որոշման դեմ։

Հունիսի 26-ին էլ ԲՀԿ առաջնորդի պաշտպանները վերաքննիչ բողոք ներկայացրին Ծառուկյանի նկատմամբ որպես խափանման միջոց կալանավորումը կիրառելու միջնորդությունը քննության առնելու մասին Երևան քաղաքի ընդհանուր իրավասության առաջին ատյանի դատարանի որոշման դեմ։

543
թեգերը:
Բարգավաճ Հայաստան կուսակցություն (ԲՀԿ), Գագիկ Ծառուկյան, Հայաստան
Ըստ թեմայի
ՀՅԴ ներկայացուցիչը հանդիպել է Վանեցյանի ու Ծառուկյանի հետ
Ծառուկյանի՝ բռնաբարության վերաբերյալ գործի նյութերը հրապարակելու փաստով քրգործ է հարուցվել
Ծառուկյանն իր ամառանոցում իրականությունից հեռու է. Ալեն Սիմոնյանը` սով սկսվելու մասին
Գագիկ Ծառուկյանը կաթիլային է ստանում
«Առինջ մոլի» աշխատակիցները գործադուլ կանեն. նրանք նամակ են գրել Ծառուկյանին. լուսանկար
Այշվարիա Ռայ, արխիվային լուսանկար

Հոլիվուդյան դերասանուհի Այշվարիա Ռայի, ամուսնու և դստեր մոտ կորոնավիրուս է ախտորոշվել 

0
(Թարմացված է 20:03 12.07.2020)
Ավելի վաղ կորոնավիրուսային հիվանդությամբ հոսպիտալացվել էր դերասանուհու սկեսրայրը՝ Բոլիվուդի ամենաճանաչված դերասաններից մեկը։

ԵՐԵՎԱՆ, 12 հուլիսի - Sputnik. Կորոնավիրուս է ախտորոշվել հոլիվուդյան հայտնի դերասանուհի Այշվարիա Ռայի, նրա ամուսնու՝ հնդիկ դերասան, ռեժիսոր Աբհիշեկ Բաչչանի և նրանց 8-ամյա դստեր՝ Արադհյայի մոտ։  Լուրը Twitter-ի իր էջում հայտնել է դերասանուհու ամուսինը։

«Այշվարիայի և Արադհյայի մոտ ևս կորոնավիրուսի թեստավորումը դրական արդյուն է տվել։ Նրանք կարանտինը կանցկանցնեն տանը։ Մեր ընտանիքի մյուս անդամների, նրանց թվում մորս թեստավորման պատասխանը բացասական է եղել։ Շնորհակալ ենք բոլորիդ բարեմաղթանքների և աղոթքների համար»,- գրել է նա։

Ավելի վաղ կորոնավիրուս էր ախտորոշվել Այշվարիայի սկեսրայրի՝ Բոլիվուդի ամենահայտնի դերասաններից մեկի՝ Ամիտաբհա Բաչչանի մոտ։ Նա հոսպիտալացվել էր։ Դերասանը կոչ էր արել բոլոր նրանց, ովքեր շփվել են իրենց ընտանիքի հետ, անհապաղ թեստավորվել։ 77-ամյա դերասանը 15 անգամ արժանացել է Filmfare Awards։ Սա հնդկական կինոինդուստրիայի ամենահեղինակավոր և ամենահին մրցանակն է։

Ինչ վերաբերում է Այշվարիա Ռային, նա համարվում է աշխարհի ամենագեղեցիկ կանանցի մեկը։ 1994 թվականին հաղթել է «Միս Աշխարհ» գեղեցկության մրցույթում։ Նա նաև հայտնի դերասանուհի է Հոլիվուդում և Բոլիվուդում. նկարահանվել է բազմաթիվ ֆիլմերում։

Ռուսաստանում հաջողությամբ փորձարկել են կորոնավիրուսի դեմ պատվաստանյութը

0
թեգերը:
Հնդկաստան, հնդիկ, դուստր, դերասանուհի, կորոնավիրուս
թեմա:
Կորոնավիրուսը Չինաստանում և աշխարհում
Ըստ թեմայի
Կորոնավիրուսով վարակվածներից ևս 8–ը մահացել են. ամենաերիտասարդը 37–ամյա տղամարդ է
Մեկ օրում կորոնավիրուսով վարակվածների թիվն ավելացել է 577-ով և հասել 31 969-ի
Հայտնի է` ինչն է կրկնապատկում կորոնավիրուսից մահանալու վտանգը
Աշխարհում COVID-19-ով վարակվածների թիվը մոտենում է 13 միլիոնին. նոր տվյալներ