Հայկ Մարությանը նախընտրական քարոզարշավի ժամանակ

Հայկ Մարությանը կրկին խոստանում է մաքրել աղբը. Երևանը աղբահանության նոր մարմին կունենա

148
«Երևանի աղբահանություն և սանիտարական մաքրում» ՀՈԱԿ-ը մշտապես հետևելու է քաղաքի մաքրությանը։

ԵՐԵՎԱՆ, 23 ապրիլի — Sputnik.  Երևանի ավագանին ընդունեց «Երևանի աղբահանություն և սանիտարական մաքրում» համայնքային հիմնարկ ստեղծելու մասին որոշումը:

Այս մասին Facebook–ի իր էջում գրել է քաղաքապետարանի մամուլի քարտուղար Հակոբ Կարապետյանը։

Օրերիս «Սանիթեքը» կրկին 13 միլիոն դրամով տուգանվել է։ Դա արդեն երրորդ տուգանքն է, սակայն իրավիճակը չի լավանում։

«Հիմնարկի գործունեության հիմնական նպատակը Երևանի վարչական տարածքի աղբահանության և սանիտարական մաքրման (ներառյալ՝ ձմեռային ամիսներին)աշխատանքների իրականացման ապահովումն է»,  –հայտնում է նա։

Նախագծի համաձայն` հիմնարկը բյուջեի հաշվին է ստեղծվելու։

Ավելի վաղ Երևանի քաղաքապետ Հայկ Մարությանը լրագրողների հետ զրույցում ասել է, որ շուտով Երևանը մաքրվելու է աղբից։ Նա ընդգծել է, որ աղբահանության հետ կապված իրավիճակը  անբավարար է, նա ընդգծել է, որ հերթական տուգանքից հետո «Սանիթեքը» սկսել է ավելի լավ աշխատել։

Քաղաքապետը նշել է, որ նրանք փորձում են համակարգային լուծում գտնել։ Նրանք փորձել են աշխատել «Սանիրթեքի» հետ ամենօրյա ռեժիմով։ Նրանք ներկայացնում են իրենց խնդիրները, բայց իրավիճակը չէր փոխվու, այդ պատճառով քաղաքապետարանը անհրաժեշտ գործողություների է դիմում։

Նշենք, Երևանում աղբահանության խնդիրը սրվեց անցած տարվա ամռանը։ Աղբահանությամբ զբաղվող «Սանիթեք» ընկերությունն իր պարտավորությունները պատշաճ չէր կատարում` բացատրելով դա անսարք տեխնիկայով ու այլ գործոններով։

Ընկերությանը երկու անգամ տուգանել են ընդհանուր առմամբ 50 հազար դոլարի չափով։ Դրանից հետո Հայաստան նոր տեխնիկա է բերվել։

Ավելի ուշ Երևանի նոր քաղաքապետ  Հայկ Մարությանը խոստացել էր երկրորդ օպերատոր ներգրավվել, սակայն աղբահանության հետ կապված խնդիրն այդպես էլ լուծում չի ստացել։

148
թեգերը:
Հայաստան, Երևանի ավագանու ընտրություններ, Հայկ Մարության
Ըստ թեմայի
Երկար նայելը «տղայական ռազբորկայի» առիթ դարձավ Երևանի ավագանու նիստում
Երևանի քաղաքապետարանի աշխատակիցները կշարունակեն պարգևավճարներ ստանալ. Մարության
Աղբային մղձավանջը Երևանում շարունակվում է. քաղաքապետարանը սպառնում է, Sanitek-ը` անտեսում
Երևանի քաղաքապետարանն էլ է մտահոգ. ե՞րբ ենք ունենալու նորմալ աղբահանություն և մաքուր քաղաք
Հայկ Մարությանը կշարունակի Տարոն Մարգարյանի ծրագիրը. ծնողները կրկին կայցելեն զորամասեր
Գագիկ Ծառուկյան

«Ցածր մակարդակի դիսկուրսի մեջ ներքաշելու ցանկություն չունեմ». Ծառուկյանը նշում է խնդիրները

167
(Թարմացված է 22:22 18.09.2020)
Ծառուկյանը նշում է, որ իր սիրտը ցավում է, որ իշխանությունների դատարկախոսության ու պարապուրդի մատնվելու արդյունքում ժողովրդին պատուհասած խնդիրներն օրեցօր ավելանում են։

ԵՐԵՎԱՆ, 18 սեպտեմբերի - Sputnik. «Բարգավաճ Հայաստան» կուսակցության առաջնորդ Գագիկ Ծառուկյանը հակված է իր ժամանակն ու ռեսուրսներն ավելի արդյունավետ օգտագործել, «ցածր մակարդակի դիսկուրսի մեջ ներքաշելու ցանկություն չունի»։ Այս մասին  նա գրառում է կատարել Facebook-ի իր պաշտոնական էջում՝ թվարկելով իր կարծիքով այն առաջնահերթ խնդիրները, որոնք օր առաջ լուծում են պահանջում։

«Արտակարգ դրության և կարանտինի ժամանակահատվածում վարկային համաներում պետք է իրականացվի: Համատարած պարապուրդի պայմաններում ազգաբնակչությունը կանգնած է հանապազօրյա հացի խնդիրը լուծելու առաջ և անմարդկային է նրանցից վարկերի տոկոսներ գանձելու պարտադրանքը: Անհրաժեշտ է օր առաջ կարգավորել բարձր միավորներով բուհերից դուրս մնացած դիմորդների հարցը: Անթույլատրելի է բարձր առաջադիմություն ունեցող երիտասարդներին զրկել կրթություն ստանալու հնարավորությունից»,- գրել է Ծառուկյանն ու հավելել, որ ստեղծված ճգնաժամի պայմաններում անթույլատրելի է ուսման վարձավճարների թանկացումը:

Գագիկ Ծառուկյանն անդրադարձել է նաև փոքր ու միջին բիզնեսի համար հարկային բեռի ավելացմանը, ՌԴ մեկնել ցանկացող մեր հայրենակիցների խնդիրներին։

Նրա համոզմամբ՝ իշխանությունները պետք է նախապատրաստական աշխատանքներ իրականացնեն կորոնավիրուսի երկրորդ ալիքի համար։ Նրա գնահատմամբ՝ դա անհրաժեշտ է, քանի որ «իշխանությունների ուշացած որոշումների պատճառով մենք ունեցանք մոտ 1000 մահ»:

Գագիկ Ծառուկյանը նաև նշում է, որ առաջնահերթությունների մասին բարձրաձայնում է մեկ պարզ պատճառով՝ «երկիրը ղեկավարող քաղաքական ուժերն ու անձինք միշտ փոխվում են, և կարևորը ժամանակին ժողովրդի խնդիրները լուծելն է ու պետության դեմ ծառացած մարտահրավերներին դիմագրավելը»:

«Իմ սիրտն իսկապես ցավում է, որ իշխանությունների դատարկախոսության ու պարապուրդի մատնվելու արդյունքում մեր ժողովրդին պատուհասած խնդիրները օրեցօր ավելանում են…»,- եզրափակում է Ծառուկյանը։

Հիշեցնենք, որ Արայիկ Հարությունյանի համակարգած ոլորտներում առկա դժգոհությունների պատճառով ԱԺ «Լուսավոր Հայաստան» խմբակցությունը սեպտեմբերի 16–ին Ազգային ժողովում հարցապնդում էր ներկայացրել նախարարի հրաժարականի պահանջով։

Իր ելույթի ժամանակ նախարար Հարությունյանն ասաց, որ կրթական չափորոշիչների շնորհիվ մի խումբ կոտայքցիներ ապագայում կսովորեն հարգել դիմացինին, ղեկավարել սեփական հորմոնները և այլևս եկեղեցու տարածքում չի լինի օտարի նկատմամբ սեռական բռնություն։ Այս հայտարարությանն ընդդիմադիր պատգամավորներն արձագանքեցին սեղաններին թմբկահարելով` սուլելով ու տեղից նախարարին ուղղված ռեպլիկներով։

«Ես կամ կինս լրատվամիջոց չունենք, որ վիրավորանքներ պատվիրենք». Մարուքյանը` Փաշինյանին

Ավելի ուշ ՀՀ վարչապետ Նիկոլ Փաշինյանն էլ գրառում էր կատարել ու իր համաձայնությունը հայտնել ԿԳՄՍ նախարար Արայիկ Հարությունյանի` «այլևս եկեղեցիների տարածքում սեռական բռնություն չի լինի» մտքին։

Դրան պատասխանել էր ԲՀԿ առաջնորդը` նշելով, որ կարծում է` ժամանակն է Սահմանադրությամբ հստակ ամրագրել, որ հոգեկան լուրջ խնդիրներ ունեցող անձինք իրավունք չունենան զբաղեցնել քաղաքական բարձրագույն պաշտոններ՝ վտանգելով երկրի և ՀՀ քաղաքացիների անվտանգությունը։Երեկ լրագրողները խնդրեցին ՀՀ վարչապետին մեկնաբանել ԲՀԿ առաջնորդ Գագիկ Ծառուկյանի գրառումը, որին Փաշինյանը կոշտ և հեգնական պատասխան հնչեցրեց. «Գագիկ Ծառուկյանը գրել գիտի՞»,– ասաց նա։

Նշենք, որ 1979թ-ի մեղադրական դատավճռով ԲՀԿ առաջնորդ Գագիկ Ծառուկյանը մեղադրվել է ՀՍՍՀ քրեական օրենսգրքի 112.1 և 144 հոդվածներով նախատեսված արարքների համար, այն է՝ բռնաբարություն և կողոպուտ:

167
թեգերը:
ընդդիմություն, Իշխանություն, Հայաստան, Նիկոլ Փաշինյան, Գագիկ Ծառուկյան
Ըստ թեմայի
«Հոգեկան խնդիրներ ունեցողները չպետք է զբաղեցնեն քաղաքական բարձր պաշտոններ». Ծառուկյան
Եթե Փաշինյանին նկատի ունենար, անուն կնշեր. Ալեն Սիմոնյանը` Ծառուկյանի գրառման մասին
«Կարո՞ղ է` Ծառուկյանը միանա, հոգեբանական թեստ հանձնելու նախագիծս կյանքի կոչենք». Պողոսյան
Նիկոլ Փաշինյան, արխիվային լուսանկար

«Իշխանության չենք եկել այստեղ մնալու համար». Փաշինյանի մտորումները ճիշտ ու սխալի մասին

114
(Թարմացված է 12:36 18.09.2020)
Նիկոլ Փաշինյանն ասել է, որ պետք է հրաժարվեն «սիրված լինելու» կոմֆորտ զոնայում գտնվելու ձգտումներից։

ԵՐԵՎԱՆ, 18 սեպտեմբերի - Sputnik. Միայն պարտվելու համարձակությունն է, որ հաղթանակ կբերի։ Միայն սխալվելու համարձակությունն է, որ ճշմարտության ետևից գնալու վճռականություն կտա ու Հայաստանին կբերի նորանոր հաղթանակներ: Նման կարծիք է հայտնել ՀՀ վարչապետ Նիկոլ Փաշինյանը` ներկայացնելով ճիշտ ու սխալ քայլերի մասին իր տեսակետը։

«2018 թվականի հեղափոխությունից հետո հանրային քննարկումների ամենատարածվածն իշխանությունների սխալ քայլերի վերհանումն ու նրան ճիշտ քայլերի մղելու փորձերն են: Հարցն այն է, որ «ճիշտ» քայլերի փնտրտուքը կարող է կաթվածահար անել իշխանությունը և ի վերջո՝ նաև երկիրը, որովհետև որևէ որոշում միշտ ավելի լավը դարձնելու հնարավորություն կա»,–Facebook սոցցանցի իր էջում գրել է Փաշինյանը։

Նրա խոսքով` ՔՊ-ն իշխանափոխություն արեց բացառապես «սխալ քայլերի հետևողականության» շնորհիվ, որովհետև հասկանում էին` ինչն է սխալ և ինչու։ Փաշինյանը նշել է, թե իրենք որոշել էին գործել սխալը-սխալի հետևից, դրանով իրենց ազատագրելով ճիշտ լինելու կապանքներից: Որպեսզի հստակ լինի, թե ինչի մասին է խոսքը, վարչապետը ներկայացրել է ՔՊ–ի սխալների համառոտ պատմությունը:

«Կառուցենք Հայաստանը նորովի». Արամուսում 40 տարվա ընդմիջումից հետո մանկապարտեզ կգործի

Որպես օրինակ Փաշինյանը նշել է 2015–ին կայացած սահմանադրական փոփոխությունների հանրաքվեն։ Այդ ժամանակ ընդդիմադիր դաշտը որոշել էր անել իշխանափոխություն, սահմանադրական փոփոխությունների հանրաքվեն համարելով ամենապատեհ առիթը դրա համար: Վարչապետը հիշեցնում է, որ ՔՊ-ն դա համարել էր կեղծ օրակարգ. չնայած ընդդիմադիր դաշտի ճնշումների, պահանջների, հորդորների, հայհոյանքների՝ ՔՊ–ն գործընթացին չմասնակցեց: Փաշինյանը նշում է, որ գործընթացն ավարտվեց նրանով, որ ընդդիմադիրները վերջում գնացին տուն, և այդ ընթացքում ՔՊ-ն մեղադրվեց ծախված, կառավարելի ընդդիմություն լինելու մեջ:

Եվ մեկ օրինակ է բերել վարչապետը` հիշեցնելով 2016 թվականին ՊՊԾ գնդի գրավման դեպքը։ Այդ ժամանակ էլ ՔՊ-ն գնացել էր իրադարձությունների վայր «Ոչ բռնությանը» դիրքորոշմամբ` ասելով, որ չի ընդունում ուժի կիրառումը որևէ քաղաքական նպատակի համար: Այդ ժամանակ ծնվեց «բաց ձեռքերով պայքարի» սիմվոլը: Բայց ՔՊ-ն, ըստ Փաշինյանի, այստեղ էլ էր սխալ, որովհետև մի միջավայրում և մթնոլորտում, որտեղ խփելը, կրակելը, անգամ սպանելը համարվում էր լեգիտիմ՝ բաց ձեռքերով պայքարի կոչ անողները պիտի համարվեին ծախվածներ, կառավարելի ընդդիմություն: Փաշինյանը նկատում է` պրոցեսը ավարտվեց նրանով, որ այն նախաձեռնողները հրաժարվեցին Սերժ Սարգսյանի անմիջապես հրաժարականի պահանջից, հանձնվեցին և բոլորը գնացին տուն:

Փաշինյանն առաջարկում է տուգանել ամբիոնից առանց դիմակի ելույթ ունեցող պատգամավորներին

ՔՊ–ին ծախված լինելու մեջ մեղադրել են նաև 2017-ի խորհրդարանական ընտրություններից հետո, երբ ՔՊ-ն, որ «Ելք» դաշինքի կազմում էր, հրաժարվեց հետընտրական հերթական իշխանափոխության քաղաքականությունից և արձանագրեց, որ ընտրությունների արդյունքները ձևավորվել են ընտրողների քվեարկության արդյունքում: Այսինքն` ուղիղ ասաց, որ քաղաքացիներն ընտրակաշառք են վերցրել ու քվեարկել, դե թող ուրեմն վայելեն իրենց «ընտրած» իշխանությունը: ՔՊ-ին այդ ժամանակ մեղադրեցին մանդատ մուրալու, ծախված լինելու մեջ:

Եվ, վերջապես, 2018-ին, երբ գրեթե բոլորը, ըստ Փաշինյանի, համակերպվել էին, որ Սերժ Սարգսյանը պիտի վերարտադրվի, ՔՊ-ն հայտարարում էր հեղափոխության մասին։ Սակայն մարդկանց մի մասը ծիծաղում էր, մյուսները` մեղադրում ծախված լինելու մեջ

«ՔՊ-ն պետք է շարունակի «հետևողական սխալների այն ճանապարհը», որն սկսել է 2014 թվականին և նույնիսկ դրանից առաջ: Որովհետև դա է Հայաստանը առաջ տանելու ճանապարհը: Մենք պետք է հրաժարվենք «սիրված լինելու» կոմֆորտ զոնայում գտնվելու մեր ձգտումներից, որովհետև մենք իշխանության չենք եկել այստեղ մնալու համար։ Մենք իշխանության եկել ենք մեր ժողովրդի, մեր պետության համար մտածողության նոր հարթություն ձևավորելու և Հայաստանը այդ նոր հարթություն բարձրացնելու նպատակով»,–գրել է Փաշինյանը։

Նրա խոսքով` տեղում դոփելուց ավելի մեծ սխալ գոյություն չունի, և ՔՊ-ի յուրաքանչյուր ներկայացուցիչ՝ ԱԺ-ում, կառավարությունում, ՏԻՄ-երում՝ սխալվելու վճռականություն պիտի ունենա` պայմանով, որ դրանք գիտակցված սխալներ են, որոնք բխում են «Քաղաքացիական պայմանագիր» կուսակցության ծրագրից, Հայաստանը հզորացնելու երազանքից:

Նախապայման դնում է Ադրբեջանը. Փաշինյանն արձագանքել է համանախագահների առաջարկին

Ի դեպ, Փաշինյանը հայտնել է նաև, որ վերոհիշյալ տեքստը ստեղծվել է երեկ ՔՊ կուսակցության գրասենյակում կայացած հանդիպման ժամանակ իր ելույթի հիման վրա։

Հիշեցնենք, որ երեկ ՔՊ–ում մեծ հավաք էր, որին մասնակցում էին ինչպես մարզպետները, այնպես էլ կառավարության անդամներն ու ՔՊ–ական պատգամավորները։

114
թեգերը:
Հայաստան, քաղաքականություն, «Քաղաքացիական պայմանագիր» կուսակցություն, Վարչապետ, գրառում, Իշխանություն, Նիկոլ Փաշինյան
Ըստ թեմայի
Նիկոլ Փաշինյանը չի ստորագրում Տնտեսագիտականի ռեկտորի հրամանը. «Ժողովուրդ»
Արյունաբանականի տնօրենը կշարունակի պաշտոնավարել. Փաշինյանը արձագանքել է խնդրին
Փաշինյանն ընդունել է «Լիդիանի» ներկայացուցիչներին. ինչ են քննարկել
Չորս «ՍՈւ»-երը միասին դուրս են եկել հերթապահության. Փաշինյանը տեսանյութ է հրապարակել
Բռնություն

Մանկատան սաներին ծեծել են, հոգեկան տառապանք պատճառել․ 2 աշխատակից է ձերբակալվել

0
(Թարմացված է 18:21 19.09.2020)
Նախաքննության ընթացքում կատարվել են մի շարք քննչական գործողություններ, այդ թվում՝ հարցաքննություններ:

ԵՐԵՎԱՆ, 19 սեպտեմբերի — Sputnik. ՀՀ քննչական կոմիտեն տեղեկացնում է, որ «Մանկան տուն» ՊՈԱԿ-ի երկու աշխատակցուհիներ ձերբակալվել են՝ սաների նկատմամբ ֆիզիկական ուժեղ ցավ կամ հոգեկան ուժեղ տառապանք պատճառելու կասկածանքով։

«Բացահայտվել է «Մանկան տուն» ՊՈԱԿ-ի աշխատակիցների կողմից նշված հաստատության սաներին առերևույթ ծեծի ենթարկելու և նրանց նկատմամբ  պարբերաբար դաժան վերաբերմունք դրսևորելու դեպք: Փաստի առթիվ ոստիկանությունում սեպտեմբերի 18-ին հարուցվել է քրգործ՝ ՀՀ քրեական օրենսգրքի 119-րդ հոդվածի (Ֆիզիկական ուժեղ ցավ կամ հոգեկան ուժեղ տառապանք պատճառելը) 2-րդ մասի 3-րդ և 5-րդ կետերով»,-նշված է հաղորդագրության մեջ։

Նախաքննության ընթացքում կատարվել են մի շարք քննչական գործողություններ, այդ թվում՝ հարցաքննություններ:

Քրեական գործով էական նշանակություն ունեցող հանգամանքներ պարզելու նպատակով նշանակվել են դատաբժշկական փորձաքննություններ: Նախաքննությունը շարունակվում է:

Ինչու են մանկատան շրջանավարտներն անհավասար իրավիճակում հայտնվել. Բաթոյանի մեկնաբանությունը

0
թեգերը:
ազատում, ծեծ, երեխա, մանկատուն
Ըստ թեմայի
«25 տարի հույսով սպասել եմ». մանկատների 18 շրջանավարտ բնակարանի գնման վկայագրեր ստացան
Գյումրիում կորոնավիրուսի նոր օջախ է հայտնաբերվել. թիրախում մանկատան սաներն են
«Յուղոտ վերնագիր». կառավարությունը 166 բնակարան կնվիրի մանկատան շրջանավարտներին